ᐅᖃᓚᐅᑎᓯᐅᑏᑦ

You are here

ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖅ 2018

ᐊᒃᑐᐸ 09, 2018

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖅ 2018

ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᐅᓂᐊᓕᖅᐳᖅ ᐅᑐᐱᕆ 7-ᒥᑦ 13-ᒧᑦ, 2018. ᑕᒫᓂ ᐊᕐᕌᒍᒥ ᐅᑯᐊ ᐱᔾᔪᑕᐅᓂᐊᖅᑐᑦ: ᑕᑯᒍᕕᑦ. ᓈᓚᒡᓗᑎᑦ. ᖃᐅᔨᒋᐊᕐᓗᑎᑦ. ᐅᔾᔨᖅᓱᕐᓗᑎᑦ. ᐃᑯᐊᓪᓚᒃᑐᖃᕈᓐᓇᕐᒪᑦ ᓇᓂᑐᐃᓐᓇᖅ.

ᐃᑭᑦᑕᐃᓕᒪᑎᑦᑎᔩᓪᓘᓐᓃᑦ ᖃᑦᑎᕆᔨᓂᒃ ᐱᒋᐊᕈᑎᖃᖃᑦᑕᖅᐳᑦ − ᑭᓯᐊᓂ ᐃᒻᒥᓂᑐᐊᖅ ᐱᓕᕆᔪᓐᓇᙱᒻᒪᑕ. ᐃᑭᑦᑕᐃᓕᒪᑎᑦᑎᑦᑎᐊᕈᓐᓇᖅᐳᑦ ᐱᓕᕆᖃᑎᒌᑦᑎᐊᕐᓗᑎᒃ.

ᓄᓇᕗᒻᒥ ᖃᑦᑎᕆᔨᒃᑯᑦ ᐊᖏᔪᖅᑳᒻᒪᕆᖓ ᓄᓇᕗᒻᒥᐅᓂᒃ ᐃᖅᑲᐃᓯᔪᒪᕗᖅ ᐅᑯᓂᖓ ᐊᖏᕐᕋᒥᓂ ᐃᑭᑦᑕᐃᓕᒪᑎᑦᑎᓂᕐᒧᑦ ᐃᑲᔫᑎᒃᓴᓂᒃ:

  • “ᑕᑯᒍᕕᑦ” ᐃᑭᑐᐃᓐᓇᕆᐊᓕᖕᓂᒃ ᐲᕐᓗᒋᑦ.
  • “ᓈᓚᒡᓗᑎᑦ” ᖁᖁᐊᖅᑐᖃᓕᕐᒪᖔᑦ. ᐊᓂᑲᐅᑦᑐᕈᓐᓇᕋᕕᑦ ᐋᓐᓂᖅᑕᐃᓕᒪᓗᑎᑦ ᖁᖁᐊᓕᑐᐊᖅᐸᑦ. ᐊᓂᒍᕕᑦ ᑲᑎᕝᕕᒋᖃᑦᑕᖅᑕᔅᓯᓐᓄᐊᕐᓗᑎᑦ, ᐊᖏᕐᕋᔅᓯ ᐅᖓᓯᒋᔭᖓᓄᑦ ᐊᒻᒪ ᐃᓚᓕᒫᑎᑦ ᑲᑎᕝᕕᐅᔭᕆᐊᖃᕐᓂᖓᓂ ᖃᐅᔨᒪᑎᓪᓗᒋᑦ.
  • “ᖃᐅᔨᒋᐊᕐᓗᑎᑦ” ᒪᕐᕉᖕᓂᒃ ᐊᓂᕝᕕᐅᔪᓐᓇᖅᑑᖕᓂᒃ ᐃᒡᓗᕈᓯᓕᒫᓂᑦ ᐊᒻᒪ ᐹᓕᒫᑦ ᐃᒐᓛᓕᒫᓪᓗ ᐊᓂᕝᕕᐅᔪᓐᓇᖅᑐᑦ ᖃᐅᔨᓴᑦᑎᐊᖅᐸᒡᓗᒋᑦ ᒪᑐᐃᖅᓴᕋᐃᒻᒪᖔᑦ ᐊᒻᒪ ᑭᓱᕈᓘᔭᖃᖅᑎᑦᑕᐃᓕᓗᒋᑦ.
  • ᐃᒡᓗᕕᑦ ᐃᒡᓗᖁᑎᕕᓪᓘᓐᓃᑦ ᓈᓴᐅᑖ ᑕᑯᒃᓴᐅᑎᑦᑎᐊᕐᓗᒍ ᐊᖅᑯᑎᒥᑦ.
  • ᑐᐊᕕᕐᓇᖅᑐᓄᑦ ᐅᖄᓚᕝᕕᐅᔪᓐᓇᖅᑐᖅ ᖃᐅᔨᒪᓗᒍ ᖃᑦᑎᕆᔨᔅᓯᓐᓄᑦ.
  • ᐊᔪᕈᓐᓃᖅᓴᖃᑦᑕᕐᓗᓯ ᐊᖏᕐᕋᔅᓯᓐᓂ ᐊᓂᔭᕆᐅᖅᓴᓗᓯ.

ᐱᕙᒌᔭᖅᓯᒪᕙᒡᓗᓯ ᖃᓄᐃᙱᒃᑲᓐᓂᕈᓐᓇᖅᐳᓯ. ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᕐᒥ, ᐃᓚᑎᑦ ᐊᒻᒪ ᓄᓇᖅᑲᑎᑎᑦ ᐅᖃᖃᑎᒋᓗᒋᑦ ᐃᑭᑦᑕᐃᓕᒪᑎᑦᑎᓂᐅᑉ ᒥᒃᓵᓄᑦ.

###

ᑐᓴᒐᒃᓴᓕᕆᔨᑦ:

ᐊᕋᒪᐃᑦ (ᓘᓚ) ᐅᕗᐊᔾᔨ
ᐊᐅᓚᑦᑎᔨ, ᐊᑐᐊᒐᕐᓄᑦ ᒪᓕᒐᕐᓄᓪᓗ
ᓄᓇᓕᖕᓂᑦ ᒐᕙᒪᒃᑯᓪᓗ ᐱᔨᑦᑎᕋᖅᑎᒃᑯᑦ
867-975-5354
aowoaje2@gov.nu.ca