ᐅᖃᓚᐅᑎᓯᐅᑏᑦ

You are here

ᐃᖏᕐᕋᑦᑎᐊᖃᑦᑕᕆᑦᑎ ᐊᑦᑕᖕᓇᙱᑦᑐᒥᑦ ᓄᓇᐃᓐᓇᒥᑦ!

ᓄᕕᐱᕆ 23, 2018

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᐃᖏᕐᕋᑦᑎᐊᖃᑦᑕᕆᑦᑎ ᐊᑦᑕᖕᓇᙱᑦᑐᒥᑦ ᓄᓇᐃᓐᓇᒥᑦ!

ᐊᐅᓪᓚᙳᓱᒃᐲᑦ ᓄᓇᐃᓐᓇᒧᑦ? ᓄᓇᕗᑦ ᒐᕙᒪᒃᑯᖏᑦ ᐃᖅᑲᐃᓯᕗᑦ ᓄᓇᕗᒻᒥᐅᓕᒫᓂᑦ ᐊᑦᑕᖕᓇᖅᑕᐃᓕᒪᓗᑎᒃ ᐅᔾᔨᖅᓱᑦᑎᐊᖁᔨᓪᓗᑎᒃ ᐃᒫ:

  • ᐊᐅᓪᓚᖃᑦᑕᕐᓗᓯ ᑐᐊᕕᖕᓇᖅᑐᖅᓯᐅᑎᓂ ᑐᓴᐅᒪᔾᔪᑎᖃᕐᓗᑎᒃ ᐅᕙᓃᑉᐳᖔᖅᑐᖅᓯᐅᑎᒥᓪᓗ ᐊᔪᙱᑦᑐᒥᑦ.
  • ᐊᑎᓕᐅᕐᓗᑎᑦ ᐊᑭᖃᙱᑦᑐᒥᑦ ᐅᕙᓃᑉᐳᖔᖅᑐᖅᓯᐅᑎᒥᑦ ᕼᐋᒻᓚᑦᑯᓯ ᑎᑎᕋᕐᕕᐊᓂ, ᐆᒪᔪᖕᓂᐊᖅᑎᒃᑯᑦ ᑎᑎᕋᕐᕕᐊᓂᑦ ᐊᖑᓇᓱᒃᑐᓕᕆᔨᒃᑯᓐᓂᓪᓘᓐᓃᑦ.
  • ᐅᕙᓃᑉᐳᖔᖅᑐᖅᓯᐅᑏᑦ ᐃᓛᓐᓂᒃᑯᑦ ᐊᔪᖃᑦᑕᖅᑐᑦ. ᓇᒃᓴᒃᑲᓐᓂᕐᐸᒡᓗᓯ ᑕᒻᒪᕇᒃᑯᒻᒥᑦ ᓄᓇᙳᐊᓂᒡᓗ, ᖃᐅᔨᒪᓗᑎᓪᓗ ᖃᓄᖅ ᐊᑐᖅᑕᐅᓲᖑᖕᒪᖔᖏᓐᓂᑦ.
  • ᐊᐃᑉᐸᖃᖃᑦᑕᕐᓗᑎᒃ ᐊᐅᓪᓚᓕᕌᖓᕕᑦ ᐃᓄᒋᐊᓂᓪᓘᓐᓃᑦ.
  • ᐅᖃᐅᑎᕙᒡᓗᒋᑦ ᐃᓚᑎᑦ ᐱᖃᓐᓇᕆᔭᑎᓪᓗ ᓇᒧᙵᐅᖕᒪᖔᖅᐱᑦ ᖃᖓᓗ ᐅᑎᖕᓂᐊᖕᒪᖔᖅᐱᑦ.
  • ᐸᖕᓇᒃᓯᒪᓗᑎᑦ ᐃᑲᕐᕋᓄ 72−ᓄᑦ ᓄᓇᐃᓐᓇᒥ−ᐅᒃᓱᒡᒋᒃᑲᓐᓂᕐᐸᒡᓗᑎᑦ, ᓂᕿᒃᑲᓐᓂᖕᓂᖕᓂᑦ, ᐊᓐᓄᕌᓂᑦ ᐊᐅᓪᓛᖅᑐᖅᓯᐅᑎᓂᒡᓗ, ᐅᓪᓗᐃᓐᓇᐅᓂᐊᕋᓗᐊᕐᓗᑎᑦ.
  • ᐱᕙᒌᔭᕐᓗᑎᑦ ᖃᖓ ᐱᖏᖕᓇᖅᑐᓕᕆᔨᒃᑯᑦ ᑐᓴᖅᑎᑕᐅᓂᐊᕐᓗᑎᒃ ᐃᓚᒋᔭᑦ ᐅᑎᙱᑯᑖᓕᖅᐸᑦ ᐅᑎᕐᕕᒃᓴᖓᓂ.

ᐅᖄᓚᔨᐅᒍᕕᑦ ᐱᖏᖕᓇᖅᑐᓕᕆᔨᒃᑯᓐᓄᑦ ᑎᑭᙲᓐᓇᖅᑐᖃᓕᖅᐸᑦ, ᐅᖄᓚᒋᑦ ᑐᐊᕕᖕᓇᖅᑐᓕᕆᔨᒃᑯᓐᓄᑦ ᐅᕗᖓ 1−800−693−1666-ᒧᑦ.

ᐊᓯᐅᒍᕕᑦ, ᐊᔪᓕᕈᕕᓪᓘᓐᓃᑦ ᑐᐊᕕᖕᓇᖅᑐᖅᓯᐅᓕᕈᕕᓪᓘᓐᓃᑦ ᐊᐅᓪᓚᖅᓯᒪᓗᑎᑦ, ᐃᖅᑲᐅᒪᓂᐊᖅᐳᑎᑦ:

  • ᐱᖁᑎᖕᓃᖏᓐᓇᕐᓗᑎᑦ ᐊᐅᓪᓚᖃᑎᒋᔭᖕᓂᓪᓗ−ᐃᖏᕐᕋᔪᓐᓃᕐᓗᑎᑦ.
  • ᓇᕿᓪᓗᒍ "Help"-ᓚᓯᒪᔪᖅ ᐃᑲᔪᖅᑕᐅᔪᒪᔾᔪᑎᖕᓂ ᐊᔪᓕᕈᕕᑦ ᐊᓯᐅᒍᕕᓪᓘᓐᓃᑦ.
  • ᓇᕿᓪᓗᒍ "911" ᐃᑲᔪᖅᑕᐅᔪᒪᔾᔪᑎᖕᓂᑦ ᑐᐊᕕᖕᓇᖅᑐᖃᓪᓚᕆᒃᐸᑦ.

ᐊᐅᓪᓚᓕᒪᔫᒐᓗᐊᑦᑕᐅᖅ ᐃᓛᓐᓂᒃᑯᑦ. ᐸᖕᓇᒃᑳᖓᕕᑦ ᒪᓕᒡᓗᒍᓗ ᐊᑐᖕᓂᐊᖕᓂᕋᖅᑕᐃᑦ ᐊᐅᓪᓚᕐᓯᒪᓗᑎᑦ ᓄᓇᐃᓐᓇᒥᑦ, ᖁᕕᐊᓇᓛᖑᓂᐊᖅᑐᖅ ᐊᖏᕐᕋᑦᑎᐊᕈᕕᑦ ᖃᓄᐃᙱᓪᓗᑎᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓈᔅᕋ ᐃᓴᒃ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂᑦ ᒐᕙᒪᒃᑯᓪᓗ ᐱᔨᑦᑎᕋᖅᑎᒃᑯᑦ
ᓄᓇᕗᑦ ᒐᕙᒪᒃᑯᖏᑦ
867-975-5342
nesak@gov.nu.ca