ᐅᖃᓚᐅᑎᓯᐅᑏᑦ

You are here

ᑲᓇᑕᓕᒫᒥᑦ ᐃᓕᓐᓂᐊᖅᑎᑦᑎ/ᔨᑦ ᐊᒻᒪᓗ ᐊᕙᐅᖅᑲᐅᓂᐅᑉ ᒥᔅᓵᓄᑦ ᐅᔾᔨᖅᓴᑦᑎᐊᕐᓂᕐᒧᑦ ᐱᓇᓱᐊᕈᓯᖓ

ᓯᑎᐱᕆ 21, 2021

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᑲᓇᑕᓕᒫᒥᑦ ᐃᓕᓐᓂᐊᖅᑎᑦᑎ/ᔨᑦ ᐊᒻᒪᓗ ᐊᕙᐅᖅᑲᐅᓂᐅᑉ ᒥᔅᓵᓄᑦ ᐅᔾᔨᖅᓴᑦᑎᐊᕐᓂᕐᒧᑦ ᐱᓇᓱᐊᕈᓯᖓ

ᑕᕝᕙᓕ ᐊᕐᕌᒍᒋᑦᑎᓐᓂᑦ, ᑲᓇᑕᓕᒫᒥᑦ ᐃᓕᓐᓂᐊᖅᑏᑦᑎᔨᓄᑦ ᐱᓇᓱᐊᕈᓯᒋᔭᐅᒻᒪᑦ ᓯᑎᐱᕆ 18-26, ᑭᖑᓂᑦᑎᐊᖓᒍᓪᓗ ᐊᕙᐅᖅᑲᓂᐅᑉ ᒥᔅᓵᓄᑦ ᐅᔾᔨᖅᓴᑦᑎᐊᕐᓂᕐᒧᑦ ᐱᓇᓱᐊᕈᓯᒋᓪᓗᓐᓂᐅᒃ, ᓯᑎᐱᕆ 26-ᐊᑦᑑᕝᕙ 2. ᓄᓇᕗᒻᒥᐅᑦ ᐃᓇᑕᐅᕗᑦ ᖁᔭᓕᕕᖃᖁᔭᐅᓪᓗᑎᑦ ᐊᑦᑐᐃᓯᒪᓂᖃᑦᑎᐊᕐᓂᖏᓐᓄᑦ ᑖᒃᑯᐊ ᐃᓕᓐᓂᐊᖅᑎᑦᑎᔨᐅᔪᓂᑦ ᐱᙳᐊᖅᑎᓄᑦ ᓄᓇᓕᓐᓂᑦ. ᑖᒃᑯᐊᓗ ᐃᓕᓐᓂᐊᖅᑎᑦᑎᔨᒋᔭᑦᑕᓗ ᐃᓚᖓ, ᐱᒻᒪᕆᐅᕗᖅ ᐅᔾᔨᕆᔭᐅᑦᑎᐊᕆᐊᖃᕐᓂᖓ ᐅᕙᐅᖅᑲᓯᒪᓂᐅᑉ ᒥᔅᓵᓄᑦ ᐃᓕᓐᓂᐊᖅᑎᑕᐅᓂᒃᑯᑦ ᖃᐅᔨᒪᔭᐅᑦᑕᐅᑎᒋᔪᓐᓇᖁᓪᓗᒋᑦ ᖃᓄᐃᑦᑑᒻᒪᖔᑦᑕ ᖃᐅᔨᔾᔪᑕᐅᔪᓐᓇᖅᑐᑦ, ᐋᓐᓂᐊᕕᒃᑯᑎᒍᑦ ᖃᐅᔨᓴᖅᑕᐅᑦᑎᐊᕈᓐᓇᕈᓐᓇᖁᓪᓗᒋᑦ, ᐊᒻᒪᓗ ᐊᐅᓚᑕᐅᓂᖃᑦᑎᐊᕈᓐᓇᖁᓪᓗᒍᓗ ᐊᕙᐅᖅᑲᓯᒪᔪᑦ.

ᑖᒃᑯᐊ ᐃᓕᓐᓂᐊᖅᑎᑦᑎᔨᐅᔪᑦ ᓄᐃᑕᑦᑎᑦᑎᐊᕐᓚᕗᑦ ᑕᑯᔅᓴᐅᑎᓪᓗᒋᑦ ᐊᒻᒪᓗ ᐱᓕᕆᖃᑎᒌᓪᓗᑕ ᐃᓕᓐᓂᐊᖅᑎᑦᑎᓂᕐᒥᑦ ᐊᑐᓕᒃ ᐊᕙᐅᖅᑲᓂᐅᑉ ᒥᔅᓵᓄᑦ. ᑖᓐᓇ ᐊᑐᕐᓗᒍ #ThanksCoach ᖁᔭᓐᓇᒦᕐᓗᒋᑦ ᐃᓄᓐᓄᑦ ᑐᓴᐅᒪᔪᓕᕆᔾᔪᑎᒍᑦ ᐃᓕᓴᕆᔭᐅᓂᐊᕐᒪᑕ ᓄᓇᕗᓕᒫᒥᑦ ᐅᕝᕙᓘᓐᓃᑦ #NUConcussionAwareness ᓄᓇᕗᒻᒥ ᐊᕙᐅᖅᑲᓂᐅᑉ ᒥᔅᓵᓄᑦ ᐅᔾᔨᖅᓴᑦᑎᐊᕐᓂᖅ ᓴᖅᑭᔮᖅᑎᑕᐅᑦᑎᐊᕈᓐᓇᖁᓪᓗᒍ ᐊᑦᑕᕐᓇᖅᑕᐃᓕᒪᑎᑦᑎᓂᕐᒦᖁᔨᓪᓗᑕ ᐱᙳᐊᖅᑎᒋᔭᑦᑎᓐᓂᑦ.

ᐃᓕᓴᕆᔭᐅᒋᐊᑲᓐᓂᕈᓐᓇᖁᓪᓗᒍ ᑖᓐᓇ ᑲᓇᑕᓕᒫᒥᑦ ᐃᓕᓐᓂᐊᖅᑎᑦᑎᔨᓄᑦ ᐱᓇᓱᐊᕈᓯᒋᔭᐅᔪᖅ ᐅᕝᕙᓘᓐᓃᑦ ᑖᓐᓇ ᐊᕙᐅᖅᑲᓂᐅᑉ ᒥᔅᓵᓄᑦ ᐊᔾᔨᖅᓴᖅᑎᐊᕐᓂᐅᑉ ᐱᓇᓱᐊᕈᓯᖓ, ᓄᓇᕗᑦ ᒐᕙᒪᒃᑯᖏᑕ ᐱᙳᐊᖅᑐᓕᕆᔨᒃᑯᑦ ᐱᓕᕆᕝᕕᖓ ᐊᑭᖃᙱᑦᑐᓂᑦ ᐃᓕᓐᓂᐊᕐᓂᕐᒥᑦ ᐱᕙᓪᓕᐊᖅᑎᑦᑎᓂᕐᒧᑦ ᐱᕕᖃᖅᑎᑦᑎᔪᒪᔪᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖃᓗᒡᓗᑎᑦ 1-888-765-5506−ᒧᑦ ᐅᕝᕙᓘᓐᓃᑦ ᐃᕐᖐᓈᖅᑐᐊᒃᑯᑦ ᑎᑎᕋᕐᓗᑎᑦ ᐅᕗᖓ srinfo@gov.nu.ca.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᒨᕇᔅ ᕚᓐᑕᐃᓐ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂ ᒐᕙᒪᒃᑯᓪᓗ ᐱᔨᑦᑎᕋᖅᑎᒃᑯᑦ
867-975-5406
mfontaine@gov.nu.ca