You are here

ᑲᓇᑕᒥᑦ ᐊᕙᐅᖃᓂᕐᒧᑦ ᐅᔾᔨᖅᓱᑦᑎᐊᕐᓂᕐᒧᑦ ᐱᓇᓱᐊᕈᓯᖅ

ᓯᑎᐱᕆ 26, 2022

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᑲᓇᑕᒥᑦ ᐊᕙᐅᖃᓂᕐᒧᑦ ᐅᔾᔨᖅᓱᑦᑎᐊᕐᓂᕐᒧᑦ ᐱᓇᓱᐊᕈᓯᖅ

ᓯᑎᐱᕆ 25ᒥᑦ ᐅᑐᐱᕆ 1ᒧᑦ ᐊᕙᐅᖃᓂᕐᒧᑦ ᐅᔾᔨᖅᓱᑦᑎᐊᕐᓂᕐᒧᑦ ᐱᓇᓱᐊᕈᓯᖅ. ᐊᑐᓕᖅᑎᑕᐅᓯᒪᔪᖅ ᐱᕙᓪᓕᖅᑎᑦᑎᓂᕐᒧᑦ ᐅᔾᔨᖅᓱᑦᑎᐊᕐᓂᕐᒧᑦ, ᐱᔪᓐᓃᖅᐹᓪᓕᕐᑎᑦᑎᓂᕐᒧᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐊᕙᐅᖃᓂᕐᒧᑦ ᐊᑐᐃᓐᓇᐅᑎᑦᑎᓗᓂ ᑐᓴᐅᔭᑎᑦᑎᔾᔪᑎᓂ ᐊᒻᒪᓗ ᐱᒋᐊᖅᑎᑦᑎᓂᕐᒥᑦ ᐱᔪᒥᓴᐃᓂᕐᒧᑦ ᑲᓇᑕᒥᑦ.

ᐊᕙᐅᖃᔪᓄᑦ ᐅᔾᔨᖅᓱᑦᑎᐊᕐᓂᖅ ᐱᓇᓱᐊᕈᓯᖅ ᑐᓴᐅᒪᑎᑦᑎᓂᐅᕗᖅ ᐊᒻᒪᓗ ᐃᑲᔪᕈᑕᐅᓪᓗᓂ ᐊᑕᐅᓯᕐᒧᖓᔪᓄᑦ ᑲᔪᓯᖁᔭᐅᓪᓗᑎᒃ ᐃᓄᓯᖃᑦᑎᐊᕐᓂᕐᒧᑦ, ᐆᒻᒪᕆᒡᓗᑎᓗ ᐃᓅᓯᕐᒥᑦ. ᐃᓚᐅᖃᑕᐅᔪᓂᙶᖅᑐᑦ, ᐊᖓᔪᖄᕆᔭᐅᔪᑦ, ᐱᓕᒻᒪᒃᓴᐃᔩᑦ, ᑲᑐᔾᔨᖃᑎᒌᑦ, ᐃᓕᓴᐃᔩᑦ ᐊᒻᒪᓗ ᐊᓯᖏᓪᓗ, ᑲᒪᒋᔭᒃᓴᖃᖅᑐᐃᓐᓇᐅᓪᓗᑕ ᐅᔾᔨᖅᓱᑦᑎᐊᕐᓂᕐᒧᑦ ᐊᕙᐅᖃᓂᕐᒧᑦ ᐊᔾᔨᒌᙱᑦᑐᓂᒃ ᐱᙳᐊᖅᑕᐅᕙᒃᑐᓂ ᑲᓇᑕᒥᑦ.

ᐅᔾᔨᕈᓱᒃᓵᓕᓂᖅ, ᐊᑲᐅᔪᒥᑦ ᐋᓐᓂᐊᕐᕕᖕᒥᑦ ᖃᐅᔨᓴᖅᑕᐅᖁᔨᔾᔪᑎ, ᐊᒻᒪᓗ ᓈᒻᒪᑦᑎᐊᕐᓂᕐᒥᑦ ᐊᐅᓚᑕᐅᔪᒥᑦ, ᐊᑲᐅᔪᒥᑦ ᐊᔾᔨᒋᒡᒋᖏᓐᓂᖃᕐᕈᓐᓇᕐᒪᑦ ᐊᕙᐅᖃᓂᑯᐃᑦ ᒪᒥᓴᖅᐸᓪᓕᐊᓂᖓᓄᑦ.

ᐊᔪᕐᓇᖏᑦᑐᓂ ᐊᔾᔨᒌᙱᓐᓂᖏᑦ ᐱᖃᓯᐅᑎᕗᖅ ᐅᑯᓂᖓ:

  • ᖃᐅᔨᒋᐊᕈᓐᓇᖅᐳᑎᑦ ᐱᕗᓐᓃᖅᐹᓪᓕᖅᑎᑦᑎᓂᕐᒧᑦ ᐊᕙᐅᖃᓂᕐᒧᑦ ᐱᙳᐊᕐᕕᒋᕙᒃᑕᓐᓂᑦ ᐅᕝᕙᓘᓐᓃᑦ ᐱᓕᕆᐊᕆᔭᕐᓂᑦ ᐊᒻᒪᓗ ᖃᐅᔨᒪᓗᑎᑦ ᖃᓄᐃᓕᐅᖅᑕᐅᔪᓐᓴᖅᑐᓂ ᐊᕙᐅᖃᔪᖃᓕᖅᐸᑦ.
  • ᖃᐅᔨᒪᓕᕐᓗᒋᑦ ᖃᐅᔨᔾᔪᑏᑦ ᐊᕙᐅᖃᔪᐃᓪᓗ ᖃᓄᐃᓕᖓᓲᖑᖕᒪᖔᑕ.
  • ᖃᐅᔨᒋᐊᕐᐸᒡᓗᑎᑦ ᖃᐅᔨᔭᐅᔪᑕᐅᕙᒃᑐᓂ ᖃᖓᑐᐃᓐᓇᖅ ᐳᓯᒐᖅᑐᖃᕌᖓᒥᑦ ᓂᐊᖁᒃᑯᑦ, ᑮᓇᒃᑯᑦ, ᖁᖓᓯᒃᑯᑦ, ᐅᕝᕙᓘᓐᓃᑦ ᑎᒥᒃᑯᑦ.
  • ᐱᒧᒥᓴᐃᕙᒡᓗᑎᑦ ᑭᒃᑯᑐᐃᓐᓇᕐᓄᑦ ᐅᖃᐅᓯᕆᓗᒋᑦ ᐃᒃᐱᒋᔭᐅᔪᑦ ᐊᒻᒪᓗ ᐅᖃᐅᓯᕆᓗᒍ ᐊᓯᖕᓄᑦ ᐸᓴᒍᓱᒃᑯᕕᑦ ᐊᕙᐅᖃᔪᒥᑦ.
  • ᒪᓕᒍᓐᓇᖅᐳᑎᑦ ᖃᓄᐃᑉᐸᓪᓕᐊᔪᑦ ᐅᑎᕈᓐᓇᖅᑎᑕᐅᓂᕐᒧᑦ ᐃᓕᓐᓂᐊᕐᕕᖕᒧᑦ, ᐃᖃᓇᐃᔭᕐᕕᖕᒧᑦ, ᐊᒻᒪᓗ ᐱᓕᕆᐊᒃᓴᐅᔪᓄᑦ ᐊᕙᐅᖄᓂᒃᑐᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐊᒻᒪᓗ ᐱᔾᔪᑎᒃᓴᓄᑦ ᐃᑲᔫᑎᒋᔭᐅᔪᓐᓇᖅᑐᓂ ᑲᑐᔾᔨᖃᑎᒌᓄᑦ ᐊᕙᐅᖃᓂᕐᒧᑦ ᐅᔾᔨᖅᓱᑦᑎᐊᕐᓂᕐᒧᑦ ᐱᓇᓱᐊᕈᓯᖅ ᐱᓕᕆᐊᒃᓴᖏᓐᓄᑦ, ᐅᕝᕙᓘᓐᓃᑦ ᐱᒧᓐᓃᖅᐹᓪᓕᖅᑎᑦᑎᓂᕐᒧᑦ ᐊᒻᒪᓗ ᐊᕙᐅᖃᓂᕐᒧᑦ ᐊᐅᒪᑦᑎᓂᕐᒧᑦ ᖃᐅᔨᒋᐊᕈᓐᓴᖅᐳᑎᑦ SRinfo@gov.nu.ca.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᓱᓕᑳ ᑐᐊᐃᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
867-975-5406
sdualel@gov.nu.ca