ᐅᖃᓚᐅᑎᓯᐅᑏᑦ

You are here

ᒥᓂᔅᑕ ᑯᓱᒐᖅ ᖁᕕᐊᓲᑎᖃᖅᐳᖅ ᓄᑖᒥᑦ ᓄᓇᕗᒻᒥᑦ ᑲᑐᔾᔨᖃᑎᒌᑦ ᕼᐋᒻᓚᑦᑯᓐᓄᑦ ᐊᖓᔪᖅᑳᖅᑖᖓᓂᑦ ᑲᑎᒪᔨᖏᓐᓂᒡᓗ

ᑎᓯᐱᕆ 03, 2019

ᐅᖃᐅᓯᐅᔪᖅ 

ᒥᓂᔅᑕ ᑯᓱᒐᖅ ᖁᕕᐊᓲᑎᖃᖅᐳᖅ ᓄᑖᒥᑦ ᓄᓇᕗᒻᒥᑦ ᑲᑐᔾᔨᖃᑎᒌᑦ ᕼᐋᒻᓚᑦᑯᓐᓄᑦ ᐊᖓᔪᖅᑳᖅᑖᖓᓂᑦ ᑲᑎᒪᔨᖏᓐᓂᒡᓗ 
 
"ᖁᕕᐊᓱᖃᑎᒋᔪᒪᕙᕋ ᒪᐃᔭ ᑲᓂ ᐱᐅᓪ ᓂᕈᐊᖅᑕᐅᓚᐅᖕᓂᖓᓂ ᐊᖓᔪᖅᑳᒧᑦ ᓄᓇᕗᒻᒥᑦ ᑲᑐᔾᔨᖃᑎᒌᑦ ᕼᐋᒻᓚᑦᑯᓐᓄᑦ ᓄᑖᓪᓗ ᓂᕈᐊᖅᑕᐅᓵᖅᑐᑦ ᐃᓚᒋᔭᑦ ᓄᓇᕗᒻᒥᑦ ᑲᑐᔾᔨᖃᑎᒌᑦ ᕼᐋᒻᓚᑦᑯᓐᓄᑦ ᑲᑎᒪᔨᖏᓐᓄᑦ. ᖁᔭᓕᔪᒪᕙᕋᑦᑕᐅᖅ ᐃᓄᒻᒪᕆᒃᑐᖅ ᐊᖓᔪᖅᑳᖅ ᒪᑕᓚᓐ ᕆᑦᕗᓐ ᐃᑲᔪᓚᐅᖕᓂᖓᓄᑦ ᖁᕝᕙᕆᐊᕆᓂᖓᓄᑦ ᕼᐋᒻᓚᑦᑯᑦ ᓯᕗᓪᓕᐅᔾᔭᒃᓴᖏᓐᓂᑦ ᐊᖓᔪᖅᑲᐅᑎᓪᓗᒍ. 
 
ᐊᐃᑦᑖᖑᒐᓗᐊᖅ ᓯᓚᒧᑦ ᒥᑦᑐᓐᓇᓚᐅᙱᓐᓇᑦᑕ ᑲᖏᖅᖠᓂᖕᒧᑦ ᐃᓚᐅᓂᐊᕐᓗᑕ ᓄᓇᕗᒻᒥᑦ ᑲᑐᔾᔨᖃᑎᒌᒃᑯᖏᑦ ᕼᐋᒻᓚᑦᑯᓐᓄᑦ ᐊᕐᕌᒍᑕᒫᖅᓯᐅᑎᖏᓐᓂᑦ ᑲᑎᒪᑎᓪᓗᒋ ᓄᕕᐱᕆ 19-21. ᑭᓯᐊᓂᓕ ᐊᓕᐊᓇᐃᒍᓱᒃᑐᖓ ᑖᒃᑯᐊ ᐊᖓᔪᖅᑕᐅᑎᖃᕐᕕᖕᒥᑦ ᐃᖅᑲᓇᐃᔭᖅᑎᑦ ᐊᐅᓚᑦᑎᔨᓪᓗ ᐊᕕᒃᑐᕐᓯᒪᔪᓂᑦ ᑎᑎᕋᕐᕕᖏᓐᓂᑦ ᑎᑭᑦᑐᓐᓇᓚᐅᖕᒪᑕ ᐃᓚᐅᓗᑎᒃᓗ ᑲᑎᒪᔪᓂᑦ. 
 
ᓄᓇᕗᒻᒥᑦ ᑲᑐᔾᔨᖃᑎᒌᑦ ᕼᐋᒻᓚᑦᑯᓐᓄᑦ ᓂᐱᓪᓗᐊᑕᐅᕗᑦ ᕼᐋᒻᓚᑦᑯᓐᓄᑦ ᓄᓇᕗᒻᒥᑦ ᐱᒻᒪᕆᐅᓪᓗᑎᒡᓗ ᐱᓕᕆᖃᑎᒋᔭᐅᓪᓗᑎᒃ ᓄᓇᓕᖕᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ. ᓂᕆᐅᒃᐳᖓ ᐱᓕᕆᖃᑎᒌᓐᓇᕆᐊᒃᓴᖅ ᓄᑖᖅ ᐊᖓᔪᖅᑳᖓᓂᑦ ᑲᑎᒪᔨᖏᓐᓂᒡᓗ ᐱᕚᓪᓕᕐᑎᓐᓇᓱᒡᓗᒋᑦ ᐊᑲᐅᙱᓕᐅᕈᑕᐅᓪᓗᐊᑕᖅᑐᑦ ᓄᓇᕗᑦ ᕼᐋᒻᓚᑦᑯᖏᓐᓂᑦ." 
 
### 

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:  

ᒪᔅᑖᕙ ᐃᐅᕆᒃ 
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ 
ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ
867-975-5406
meric@gov.nu.ca