ᐅᖃᓚᐅᑎᓯᐅᑏᑦ

You are here

ᓄᓇᕗᒥᐅᑦ ᐃᓚᐅᓂᐊᖅᐳᑦ ᑲᓇᑕᒥ ᑐᐊᕕᕐᓇᖅᑐᖃᓕᕐᓂᖅᐸᑦ ᐅᐸᓗᖓᐃᔭᐅᑎᒃᓴᓂᒃ ᖃᐅᔨᓴᕈᑎᓂᒃ

ᓄᕕᐱᕆ 17, 2021

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᓄᓇᕗᒥᐅᑦ ᐃᓚᐅᓂᐊᖅᐳᑦ ᑲᓇᑕᒥ ᑐᐊᕕᕐᓇᖅᑐᖃᓕᕐᓂᖅᐸᑦ ᐅᐸᓗᖓᐃᔭᐅᑎᒃᓴᓂᒃ ᖃᐅᔨᓴᕈᑎᓂᒃ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᑐᐊᕕᕐᓇᖅᑐᓕᕆᔨᒃᑯᑦ, ᑐᓴᖅᑎᑦᑎᕗᑦ ᓄᓇᕗᒥᐅᓂᒃ ᖃᐅᔨᓴᕈᑕᐅᓗᓂ ᑲᓇᑕᒥ ᑐᐊᕕᕐᓇᖅᑐᖃᓕᕐᓂᖅᐸᑦ ᐅᐸᓗᖓᐃᔭᐅᑎᒃᓴᑦ ᐱᓕᕆᐊᖑᓛᕐᓂᖓᓂᒃ ᐊᑕᐅᑦᑎᒃᑯᐊᓗᒃ ᓄᓇᕘᓕᒫᒥ ᖃᐅᔨᓴᐅᑎ ᓱᖁᑎᒋᔭᐅᙱᓪᓗᓂ ᓄᕕᐱᕆ 17, 2021-ᒥ.

ᖃᐅᔨᓴᓯᒋᐊᕐᓂᐊᖅᑐᑦ 2:00-ᒧᐊᖅᐸᑦ ᑲᓇᖕᓇᒥ, ᐊᒻᒪ 7:00-ᒧᐊᖅᐸᑦ UTC, ᐅᖄᓚᐅᑎᕋᓛᒃᑯᑦ, ᑕᓚᕖᓴᒃᑯᑦ ᐊᒻᒪ ᓈᓚᐅᑎᒃᑯᑦ.

ᖃᐅᔨᓴᕈᑎ ᐅᖃᐅᓯᕆᔭᐅᓂᐊᖅᑐᖅ ᐃᒪᐃᓕᖓᔪᖅ: "ᐅᓇ ᖃᐅᔨᓴᕈᑎ. ᖃᓄᐃᓕᐅᖅᑐᖃᕋᓱᒋᐊᖃᙱᑦᑐᖅ."

ᓰᐲᓰ ᓈᓚᐅᑎᒃᑯᑦ, ᑕᓚᕖᓴᒃᑯᑦ, ᐊᒻᒪᓗᑦᑕᐅᖅ ᓄᓇᓕᖕᒥ ᓯᓚᓕᕆᔪᑦ ᕿᓪᓚᔾᔪᒐᖅᑎᒍᑦ ᓴᖅᑭᔮᖅᑎᑦᑎᓂᐊᖅᑐᑦ ᑐᐊᕕᕐᓇᖅᑐᖃᓕᕐᓂᖅᐸᐅᑎᒥᒃ. ᐅᖃᓘᑎᕋᓛᒃᑯᑦ ᑐᓴᖅᑕᐅᔪᒃᓴᑦ ᓂᓪᓕᖅᑎᑕᐅᓛᖅᑐᑦ ᐅᖃᓘᑎᕋᓛᒃᑯᑦ ᐊᑦᑕᑕᖅᓯᒪᔪᓄᑦ LTE ᑐᓴᐅᒪᔪᓕᕆᔾᔪᑎᓄᑦ ᐋᖅᑭᒃᓱᕆᐊᓖᑦ ᐋᖅᑭᒃᓱᖅᓯᒪᓗᑎᒃ ᑐᓴᒐᒃᓴᑦ ᑐᓴᖅᑕᐅᔪᓐᓇᖁᓪᓗᒋᑦ.

ᐅᖃᓘᑎᕋᓛᑦ, ᐊᑦᑕᑕᖅᑎᓯᒪᔪᑦ LTE ᑐᓴᐅᒪᔪᓕᕆᔾᔪᑎᓄᑦ, ᐅᖃᓘᑎᕋᓛᓄᑦ ᓇᑉᐸᖅᑯᑎᓄᑦ ᑎᑭᐅᑎᓯᒪᔪᑦ ᐊᔪᙱᑦᑐᓪᓗ, ᐅᖃᓘᑎᕋᓛᓄᑦ ᑎᑎᕋᕈᓐᓇᐅᑎᑦ ᐋᖅᑭᒃᓯᒪᓂᖏᓪᓗ ᐊᒃᑑᑎᓛᖅᑐᑦ ᐅᖃᓘᑎᕋᓛᒃᑯᑦ ᐅᖃᓗᒃᑐᓄᑦ ᖃᐅᔨᓴᕈᑎ ᑐᓴᖅᑕᐅᔪᒃᓴᖅ ᓂᓪᓕᐊᓕᖅᐸᑦ. ᑐᓴᖅᑕᐅᑎᑕᐅᓂᖓ ᖃᐅᔨᓴᕈᑎᒥ ᐊᒃᑐᐃᑐᐃᓐᓇᕐᓂᐊᖅᑐᖅ ᕿᓪᓚᔾᔪᒐᕐᓄᑦ (ᑏᕖᒃᑯᑦ, ᓈᓚᐅᑎᒃᑯᑦ, ᓄᒃᑕᐅᑎᒃᑯᑦ), ᐃᒻᒪᖄ 30 ᑎᑦᑕᑯᓗᖕᓄᑦ.

ᑐᐊᕕᕐᓇᖅᑐᖃᓕᕐᓂᖅᐸᑦ ᐅᐸᓗᖓᐃᔭᐅᑎᒃᓴᑦ ᑲᓇᑕᒥ ᐋᖅᑭᒃᑕᐅᓯᒪᕗᑦ ᑐᓴᖅᑕᐅᑎᑦᑐᓐᓇᖅᖢᒋᑦ ᐱᕐᔪᐊᑦ ᐊᒻᒪ ᐃᓅᓯᕆᔭᐅᔪᓂᒃ ᐊᓐᓇᒃᑎᑦᑎᔾᔪᑎᑦ ᐅᐸᓗᖓᐃᔭᐅᑎᑦ ᑲᓇᑕᒥᐅᓄᑦ ᐃᓕᓐᓂᐊᖅᑎᑦᑎᔾᔪᑕᐅᓪᓗᓂᓗ ᐃᓄᖕᓄᑦ ᑐᐊᕕᕐᓇᖅᑐᖃᓕᕐᓂᖅᐸᑦ ᐅᐸᓗᖓᐃᔭᐅᑎᑦ ᖃᓄᐃᑦᑑᖕᒪᖔᑦ ᐃᓅᓯᕐᒧᑦ ᐊᑦᑕᕐᓇᖅᑐᓂᒃ ᓴᖅᑭᑦᑐᖃᑳᓪᓚᖕᓂᖅᐸᑦ. ᖃᐅᔨᓴᕈᑎᑦ ᓇᓗᓇᙱᔾᔪᑕᐅᕗᑦ ᐱᓕᕆᔾᔪᓯᖅ ᐊᔪᙱᓐᓂᖓᓂ ᓇᓗᓇᐃᖅᓯᔾᔪᑕᐅᓪᓗᓂᓗ ᓇᐅᒃᑯᑦ ᐋᖅᑭᒋᐊᖃᕐᒪᖔᑦ.

###

ᑐᓴᒐᒃᓴᓕᕆᔨᓄᑦ ᖃᐅᔨᒋᐊᕐᕕᒃᓴᖅ:

ᐊᕋᒪᐃᑦ (ᓘᓚ) ᐅᕗᐊᔾᔨ
ᐊᐅᓚᑦᑎᔨ, ᐊᑐᐊᒐᕐᓄᑦ ᒪᓕᒐᕐᓄᓪᓗ
ᓄᓇᓕᖕᓂᑦ ᒐᕙᒪᒃᑯᓪᓗ ᐱᔨᑦᑎᕋᖅᑎᒃᑯᑦ
867-975-5354
AOwoaje2@GOV.NU.CA