ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᒪᒃᑯᑦᑐᓄᑦ ᑭᒡᒐᖅᑐᐃᔨ ᐱᓕᕆᐊᒧᑦ

ᐊᒐᓯ 19, 2021

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᓄᓇᕗᒻᒥ ᒪᒃᑯᑦᑐᓄᑦ ᑭᒡᒐᖅᑐᐃᔨ ᐱᓕᕆᐊᒧᑦ

ᓄᓇᓕᓐᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᕿᑎᒃᑐᓕᕆᔨᒃᑯᑦ ᐱᙳᐊᖅᑐᓕᕆᔨᒃᑯᓪᓗ, ᐱᔪᓐᓇᖅᓯᒻᒪᑕ ᐱᓇᓱᐊᕐᓂᕐᒧᑦ ᓄᓇᕗᒻᒥ ᒪᒃᑯᑦᑐᓄᑦ ᑭᒡᒐᖅᑐᐃᔨ ᐱᓕᕆᐊᒧᑦ.

ᓄᓇᕗᒻᒥ ᒪᒃᑯᒃᑐᓕᕆᔨᒃᑯᓐᓄᑦ ᐱᓕᕆᐊᖅ ᐱᕕᒃᓴᑦᑎᐊᕙᐅᕗᖅ ᓄᓇᕗᒥᐅᓄᑦ ᐅᑭᐅᓕᖕᓄᑦ 16-ᒥ 21-ᒧᑦ ᐱᓕᕆᖃᑕᐅᔪᒪᔪᓄᑦ ᐊᓯᖏᑎᑐᑦ ᒪᒃᑯᒃᑐᑐᑦ ᐃᓱᒪᖃᑕᐅᔪᑐᑦ. ᐃᓚᐅᖃᑕᐅᔪᑦ ᓯᕗᓕᖅᑎᕈᖅᐸᓪᓕᐊᓂᕐᒥᒃ ᐊᔪᕈᓐᓃᕐᓗᑎᒃ ᕿᑎᒃᑐᓕᕆᔨᒃᑯᑦ ᐱᙳᐊᖅᑐᓕᕆᔨᒃᑯᓪᓗ ᐃᓕᓐᓂᐊᒐᒃᓴᒃᑯᑦ, ᐱᓕᒻᒪᒃᓴᕐᓂᖅ ᐱᓕᕆᔨᐅᖃᑕᐅᕝᕕᐅᔪᓐᓇᖅᑐᓂᒃᓗ ᓄᓇᓕᖏᓐᓂ, ᓄᓇᕗᒻᒥ, ᓄᓇᓕᕐᔪᐊᖑᓂᖅᓴᓂᒃᓗ. ᐱᓕᕆᐊᖑᕙᒃᑐᖅ ᐊᑐᖅᐸᒃᐳᖅ ᐱᙳᐊᖅᑐᓕᕆᓂᕐᒥᒃ ᑭᐱᙳᐃᔭᖅᑎᑦᑎᕙᖕᓂᕐᒥᒡᓗ ᐋᖅᑭᒃᓱᐃᕙᓪᓕᐊᔪᒪᓪᓗᓂ ᐃᒃᐱᒋᔭᐅᑦᑎᐊᕐᓂᕐᒥᒃ, ᐊᑐᕐᕕᖃᕈᓐᓇᕐᓂᕐᒥᒃ ᑲᔪᓯᑎᑦᑎᓗᓂᓗ ᐃᓕᖅᑯᓯᖃᑎᒌᙱᑦᑐᓂᒃ ᐅᔾᔨᕈᓱᖕᐸᖕᓂᒥᒃ ᐃᓅᖃᑎᒌᖕᓂᐅᕙᒃᑐᓂᒡᓗ.

ᑖᓐᓇ ᐱᓕᕆᐊᒃᓴᖅ ᐱᑎᑦᑎᓗᓂ ᐃᓚᐅᔪᓂᒃ ᐱᕕᒃᓴᓂᒃ ᐃᒪᓐᓇ:

  • ᓯᕗᓕᖅᑎᐅᔪᓐᓇᖅᓯᕙᓪᓕᐊᓂᕐᒥᑦ ᐊᒻᒪ ᐃᓅᓯᕐᒥᑦ ᐊᔪᕈᓃᖅᓴᖅᐸᓪᓕᐊᓂᕐᒥᑦ ᐱᓕᒻᒪᑦᓴᖅᑎᑕᐅᓂᒃᑯᑦ ᐊᒻᒪ ᐊᑭᓕᖅᑐᖅᑕᐅᙱᓪᓗᑎᑦ ᐃᑲᔪᕐᓂᕐᒥᑦ.
  • ᐃᓚᐅᖃᑕᐅᓂᖅᓴᐅᓕᕐᓗᓂ ᓄᓇᓕᖓᓐᓂᑦ ᐊᑭᓕᖅᑐᖅᑕᐅᙱᓪᓗᓂ ᐱᓇᓱᐊᕐᓂᕐᒥᑦ.
  • ᐊᑭᓕᖅᓱᖅᑕᐅᓇᑎᒃ ᐃᑲᔪᕐᓗᓂ ᐊᔾᔨᐅᙱᑦᑐᓂᒃ ᖃᓄᐃᓕᐅᕐᓇᕐᓂᒃ ᐱᖃᓯᐅᔾᔨᔪᓐᓇᖅᑐᖅ ᐱᙳᐊᕕᒃᔪᐊᖅᑎᑦᑎᓂᕐᓂ ᓲᕐᓗ ᑲᓇᑕᒥ ᐊᐅᔭᒃᑯᑦ ᐱᙳᐊᕐᓇᑦ.

ᐃᓱᓕᕝᕕᒃᓴᖓ ᐱᓇᔪᖕᓂᕐᓄᑦ 2021-2022 ᐱᓕᕆᐊᒃᓴᖅ ᓯᑎᐱᕆ 17, 2021.

ᑐᑭᓯᒋᐊᒃᑲᓐᓂᕈᒪᔪᑦ, ᖃᐅᔨᒋᐊᕈᓐᓇᖅᑐᑦ ᐆᒧᖓ SRInfo@gov.nu.ca.

###

ᑐᓴᒐᒃᓴᓕᕆᔨᓄᑦ ᖃᐅᔨᒋᐊᕐᕕᒃᓴᖅ:

ᐊᕋᒪᐃᑦ (ᓘᓚ) ᐅᕗᐊᔾᔨ
ᐊᐅᓚᑦᑎᔨᐅᑲᐃᓐᓇᖅᑐᖅ ᐊᑐᐊᒐᓕᕆᓂᕐᒧᑦ, ᒪᓕᒐᓕᐊᖑᔪᒪᔪᓄᑦ ᐊᒻᒪ ᑐᓴᐅᒪᔪᓕᕆᓂᕐᒧᑦ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
867-975-5354
aowoaje2@gov.nu.ca