ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥᑦ ᐃᓕᒌᑦ ᓴᖅᑭᑦᑎᕗᑦ 2018-ᒥᑦ ᐅᑭᐅᖅᑕᖅᑐᒥᑦ ᐅᑭᐅᒃᑯᑦ ᐱᙳᐊᕕᒡᔪᐊᕐᓂᖕᒧᑦ ᐊᓐᓄᕌᖏᓐᓂᑦ ᑲᑭᖅᑯᐊᓂᒡᓗ

ᒫᑦᓯ 08, 2018

ᐱᕙᓪᓕᐊᔪᑦ ᓴᖅᑭᑕᑦ

ᓄᓇᕗᒻᒥᑦ ᐃᓕᒌᑦ ᓴᖅᑭᑦᑎᕗᑦ 2018-ᒥᑦ ᐅᑭᐅᖅᑕᖅᑐᒥᑦ ᐅᑭᐅᒃᑯᑦ ᐱᙳᐊᕕᒡᔪᐊᕐᓂᖕᒧᑦ ᐊᓐᓄᕌᖏᓐᓂᑦ ᑲᑭᖅᑯᐊᓂᒡᓗ

ᐃᖃᓗᐃ, ᓄᓇᕗᑦ (ᒫᑦᓯ 8, 2018) − ᓄᓇᕗᒻᒥᑦ ᐃᓕᒌᓄᑦ ᐃᓚᐅᓂᐊᖅᑐᑦ ᓴᖅᑭᑦᑎᓚᐅᖅᐳᑦ ᐊᓐᓄᕌᕆᓂᐊᖅᑕᖏᓐᓂᑦ ᑲᑭᖅᑯᐊᓂᒡᓗ 2018-ᒥᑦ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓂᖕᒧᑦ ᓯᕗᓕᖅᑎᒧᑦ ᐹᓪ ᖁᐊᓴᒧ ᒥᓂᔅᑕᒧᓪᓗ ᓄᓇᓕᖕᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᓗᐊᓐ ᑯᓱᒐᖅ ᓄᓇᒻᒥᑦ ᒪᓕᒐᓕᐅᕐᕕᖕᒥᑦ ᐅᓪᓗᒥ.

ᕿᑎᒃᑏᑦ ᐋᓇ ᓛᒻ, ᑏᕕ ᐊᐃᐱᓕ−ᕿᐊᑦᓱᒃ, ᓄᑲᖅᖠᖅ, ᓵᒻᑉᕋᔅ ᐅᑲᓗ ᑐᓂᓯᓚᐅᖅᐳᑦ ᐊᓐᓄᕌᓂᑦ ᑲᑭᖅᑯᐊᓂᒡᓗ ᑕᖅᓯᖅᓱᖅᓯᒪᔪᑦ ᓄᓇᕘᑉ ᐊᐅᓚᖁᑖᑕ ᑕᖅᓴᖏᓐᓂᑦ ᐱᒻᒪᕆᒋᔭᓂᒡᓗ ᓇᓗᓇᐃᒃᑯᑕᖕᓂᑦ ᐃᓄᐃᑦ ᐃᓕᖅᑯᓯᖏᓐᓄᑦ.

"ᑲᔪᓯᑦᑎᐊᖕᓂᐊᕐᓗᓂ ᐊᖏᖅᓯᒪᑦᑎᐊᕆᐊᖃᖅᐳᑦ, ᐱᔪᒥᒍᓱᖕᓂᖕᒥᓪᓗ ᐱᓕᕆᖃᑎᒌᖕᓂᖕᒥᓪᓗ. ᓄᓇᕗᒻᒥᑦ ᐃᓕᒌᓄᑦ ᕿᑎᒃᑏᑦ, ᐃᓕᖅᑯᓯᖕᓄᓪᓗ ᐱᙳᐊᕐᑎᐅᕙᒃᑐᑦ, ᕿᑎᒃᑎᓄᑦ ᑲᒪᔨᑦ, ᐱᓕᕆᐊᓄᑦ ᐃᖅᑲᓇᐃᔭᖅᑎᑦ, ᐊᖓᔪᖅᑳᕆᔭᑦ ᐃᑲᔪᖅᑏᓪᓗ, ᑕᒪᖕᒥᒃ ᐃᓚᓕᐅᔾᔨᓯᒪᕗᑦ ᐃᓄᐃᑦ ᖃᐅᔨᒪᔭᑐᖃᖏᑦᑕ ᑐᙵᕕᐊᓂᑦ ᐱᔭᕆᐅᖅᓴᕐᓂᖅ," ᐅᖃᖅᑐᕕᓂᖅ ᓯᕗᓕᖅᑎ ᖁᐊᓴ. "ᖃᐅᔨᒪᔪᖓ ᐅᖃᓪᓚᒃᑐᖓ ᓄᓇᕗᒻᒥᐅᓕᒫᓄᑦ ᐅᖃᕈᒪ ᐅᑕᖅᑭᔪᓐᓇᐃᓕᒐᑦᑕ ᖁᙱᐊᕐᓂᐊᕐᓗᒋᑦ ᐱᙳᐊᕐᑎᓪᓗᒋᑦ 2018-ᒥᑦ ᐅᑭᐅᖅᑕᖅᑐᒥᑦ ᐅᑭᐅᒃᑯᑦ ᐱᙳᐊᕕᒡᔪᐊᕐᓂᖕᒥᑦ. ᐊᑏ ᐊᒃᓱᒃ ᓄᓇᕗᒻᒥᑦ ᐃᓕᒌᑦ!"

"ᓄᓇᕗᒻᒥᑦ ᐃᓕᒌᓄᑦ ᐃᓚᐅᔪᑦ ᐃᔾᔪᐊᕈᒥᓇᖅᐳᑦ ᓄᓇᑦᑎᓐᓄᑦ," ᐅᖃᓚᐅᖅᑐᖅ ᒥᓂᔅᑕ ᓄᓇᓕᖕᓄᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᓗᐊᓐ ᑯᓱᒐᖅ. "ᐅᕙᑦᑎᑐᑦ ᐊᔪᙱᑦᑎᐊᕈᒪᓪᓗᑎᒃ ᓯᕗᓕᖅᑎᐅᓂᖕᒥᒡᓗ, ᐃᑲᔪᖅᓱᖅᑕᐅᔭᕆᐊᖃᖅᐳᑦ ᐊᔭᐅᖅᑐᖅᑕᐅᓗᑎᒡᓗ ᓇᓕᒧᖏᓐᓂᑦ ᓄᓇᓕᖏᓐᓂᒡᓗ. ᖁᔭᓐᓇᒦᒃ ᓄᓇᕗᒻᒥᑦ ᕿᑎᖕᓂᖕᓄᑦ ᑲᑐᔾᔨᖃᑎᒌᑦ ᐃᑲᔪᓚᐅᖕᓂᖏᓐᓂᑦ ᕿᑎᒃᑎᖁᑎᕗᑦ ᐊᑐᕐᖢᑎᒃ ᐱᔪᒪᔭᒻᒪᕆᖕᒥᓂᒃ ᐅᑭᐅᖅᑕᖅᑐᒥᑦ ᐅᑭᐅᒃᑯᑦ ᐱᙳᐊᕕᒡᔪᐊᖕᓂᖕᓂᑦ."

ᐃᓕᒌᑦ ᓄᓇᕗᒻᒥᐅᑦ ᐃᓚᐅᑎᑦᑎᓛᖅᑐᑦ 246−ᓂᑦ ᐃᓚᖃᐅᕐᓗᑎᒃ ᕿᑎᒃᑎᒻᒪᕆᖕᓂᑦ, ᕿᑎᑦᑎᑦᑎᔨᓂᑦ, ᐊᐅᓚᑦᑎᔨᓂᑦ, ᐱᓕᕆᐊᓄᑦ ᐃᖅᑲᓇᐃᔭᖅᑎᓂᑦ ᐃᓕᖅᑯᓯᕆᔭᑎᒍᓪᓗ ᖁᙱᐊᖅᑎᑦᑎᔨᓂᑦ ᓄᓇᓕᖕᓂᖔᖅᓯᒪᔪᓂᑦ ᓄᓇᕗᒻᒥᑦ, ᐱᙳᐊᖃᑕᐅᓂᐊᕐᓗᑎᒃ 14−ᓂᑦ ᕿᑎᖕᓂᖕᓂᑦ.

ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓂᖃᓛᖅᑐᑦ ᓴᐅᑦ ᔅᓚᐃᕝ, ᓄᓇᑦᑎᐊᑦᑎᐊᒥᑦ ᒫᑦᓯ 18-24, 2018−ᒥᑦ. ᓄᓇᕐᔪᐊᒥᑦ ᐊᒥᓲᓛᓂ ᐊᒥᓱᓂ−ᕿᑎᖕᓂᖃᓲᑦ ᐃᓕᖅᑯᓯᖕᓅᖓᔪᓂᒡᓗ ᖃᓄᐃᓕᐅᖅᐸᒃᖢᑎᒃ, ᐃᓚᐅᔪᖃᐅᖅᐸᒃᖢᓂᓗ ᐅᐊᖕᓇᖓᓂᖕᒥᐅᓂᑦ ᐅᑭᐅᖅᑕᖅᑐᒥᐅᑦ ᓄᓇᓕᖏᓐᓂᒡᓗ ᓄᓇᕐᔪᐊᒥᑦ.

###

ᐱᓕᕆᐊᖑᓯᒪᔪᑦ ᐃᓚᓕᐅᔾᔭᐅᓯᒪᔪᑦ

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᑦ:

ᑯᕆᔅ ᒧᓛᓕ
ᐊᑐᐊᒐᓕᕆᓂᕐᒧᑦ ᓇᓗᓇᐃᔭᐃᔨ / ᑐᓴᒐᒃᓴᓕᕆᔨ
ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ
867-975-5342
kmullaly@gov.nu.ca

 

ᐱᓕᕆᐊᖑᓯᒪᔪᑦ

2018-ᒥᑦ ᐅᑭᐅᖅᑕᖅᑐᒥᑦ ᐅᑭᐅᒃᑯᑦ ᐱᙳᐊᕕᒡᔪᐊᕐᓂᖅ

  • ᐱᔾᔪᑕᐅᓂᐊᖅᑐᖅ 2018-ᒥᑦ ᐅᑭᐅᖅᑕᖅᑐᒥᑦ ᐅᑭᐅᒃᑯᑦ ᐱᙳᐊᕕᒡᔪᐊᕐᓂᖅ ᓴᙱᓃᑦ ᓇᓂᒍᒃ.
  • ᓄᓇᕗᒻᒥᑦ ᐃᓕᒌᑦ 246−ᖑᕗᑦ ᓄᓇᕗᒻᒥᐅᑦ, 19−ᓂᑦ ᓄᓇᓕᖕᓂᙶᖅᑐᑦ, ᐃᓚᐅᓪᓗᑎᒃ ᕿᑎᒃᑏᑦ, ᕿᑎᒃᑎᓂ ᑲᒪᔨᑦ, ᐊᐅᓚᑦᑎᔨᑦ, ᐱᓕᕆᐊᓄᑦ ᐃᖅᑲᓇᐃᔭᖅᑎᑦ ᐃᓕᖅᑯᓯᖕᓄᓪᓗ ᐱᙳᐊᕐᑏᑦ.
  • ᕿᑎᒃᑏᑦ ᐃᓚᐅᓂᐊᖅᑐᑦ 14−ᓂᑦ ᐱᙳᐊᕐᓂᖕᓂᑦ, ᐅᑯᐊ: ᐅᑭᐅᖅᑕᖅᑐᒥᑦ ᕿᑎᖕᓃᑦ, ᐊᓪᓚᐃᑦ ᐱᙳᐊᕈᓯᖏᓐᓂᑦ, ᐹᑦᒥᓐᑕᓐ, ᐹᔅᑭᑦᐹᓪ, ᐃᖃᐃᓕᓴᖕᓂᖕᓂᑦ, ᐊᖅᓴᖕᓂᖕᓂᑦ, ᕚᓕᐹᓪ, ᐹᔪᓂᑦ, ᐱᖕ ᐹᖕ, ᑰᓕᖕ, ᓯᐊᕐᕆᔮᖕᓂᖕᓂᑦ, ᕼᐋᑭ, ᓱᒃᑲᓴᖅᖢᑎᒃ ᓯᐊᕐᕆᔮᖅᑐᑦ ᐃᓕᖅᑯᓯᖕᒨᖓᔪᓂᒡᓗ.
  • ᓄᓇᕗᒻᒥ ᐃᓕᒌᑦ ᑭᒡᒐᖅᑐᖅᑎᖃᕐᓂᐊᕐᒥᔪᑦ 13-ᓂᒃ ᒪᒃᑯᒃᑐᓂᑦ ᑭᒡᒐᖅᑐᖅᑎᒻᒪᕆᖕᓂᒃ ᐃᑲᔪᖕᓂᐊᖅᑐᑦ ᐱᙳᐊᕕᒡᔪᐊᕐᕆᐊᕐᕕᐅᓯᒪᔪᓂᑦ.
  • ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓃᑦ ᐱᒋᐊᓚᐅᖅᓯᒪᔪᑦ ᑎᑎᕋᖅᑕᐅᓪᓗᑎᒃ ᐅᑭᐅᖅᑕᖅᑐᒥᑦ ᐅᑭᐅᒃᑯᑦ ᐱᙳᐊᕕᒡᔪᐊᖕᓂᓕᕆᔨᒃᑯᓐᓂᑦ ᑲᓇᑕᒥᑦ ᑎᒥᐅᔪᓄᑦ ᐱᖁᔭᖓᑎᒍ ᔮᓄᐊᕆ 18, 1968−ᒥᑦ. 1992−ᒥᑦ, ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᖕᓂᓕᕆᔨᒃᑯ ᐊᓯᔾᔨᓚᐅᖅᐸᔾᔪᒃ ᐊᑎᖅᑎ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓃᑦ ᓄᓇᕐᔪᐊᒥᑦ ᑲᑎᒪᔨᖏᑦ ᓇᓗᓇᓗᐊᖁᓇᒋᑦ ᑕᑯᒃᓴᐅᓗᓂᓗ ᐊᒥᓱᕈᖅᐸᓪᓕᐊᔪᑦ ᓄᓇᕐᔪᐊᒥᑦ ᐱᙳᐊᕈᑎᐅᕙᒃᑐᓂᑦ.
  • ᑲᒪᔨᐅᓪᓗᑎᒃ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓂᖕᓂᑦ, ᓄᓇᕐᔪᐊᒥᑦ ᑲᑎᒪᔨᖏᑦ ᐱᕚᓪᓕᖅᑎᑦᑎᓇᓱᐊᖅᐸᒃᐳᑦ ᐱᒻᒪᕆᒋᔭᓂᑦ ᐱᓱᓂᑦ ᑲᑎᙵᐅᖅᑐᓂᑦ ᐊᖕᒪᓗᖅᑐᓂᑦ ᑕᖅᓴᖓᓂᑦ: ᕿᑎᒃᑎᑦ ᐊᔪᙱᓛᖑᓇᓱᖕᓂᖏᑦ, ᐃᓕᖅᑯᓯᖕᓂᑦ ᓴᖅᑭᔮᖅᑎᑦᑎᓂᖅ ᐃᓅᖃᑎᒌᖕᓂᖕᓂᓪᓗ−ᑐᓴᖃᑦᑕᐅᑎᓂᖕᓂᑦ. ᑲᑎᒪᔨᑦᑕᐅᖅ ᐃᑲᔪᓲᖑᖕᒥᔪᑦ ᐱᓕᕆᖃᑎᒌᑦᑎᐊᖅᐸᓪᓕᐊᓂᖕᓂᑦ ᑲᒪᒋᔭᖃᖅᖢᑎᒃ ᐊᑐᖅᑕᐅᔭᕆᐊᓕᖕᓂᑦ ᐱᙳᐊᕆᐊᕐᕕᐅᓯᒪᔪᒥᑦ ᓄᓇᖓᓐᓂᑦ, ᐃᓚᐅᔪᓂᑦ ᐱᙳᐊᕕᒡᔪᐊᖕᓂᖕᓄᓪᓗ ᐃᑲᔪᖅᐸᒃᑐᓂᑦ.
  • 2018-ᒥᑦ ᐱᙳᐊᕕᒡᔪᐊᖕᓂᖏᓐᓂᑦ, ᓄᓇᕗᒻᒥᐅᑦ ᐃᑲᔪᖅᑐᐃᖁᔭᐅᕗᑦ ᓄᓇᕗᒻᒥᑦ ᐃᓕᒌᓂᑦ ᖃᕆᑕᐅᔭᒃᑯᑦ ᐱᕙᓪᓕᐊᓲᑎᒍᑦ, ᐊᑐᕐᓗᑎᒃ ᐅᑯᓂᖓ ᓇᓗᓇᐃᒃᑯᑕᓂᑦ #TeamNunavut-ᒥᑦ #CheerFromHere−ᒥᒡᓗ.