ᓄᓇᕗᑦ ᒐᕙᒪᒃᑯᑦ ᐅᖃᖅᐳᑦ ᖃᓄᐃᓕᖓᓂᖓᓂᒃ ᑐᐊᕕᕐᓇᖅᑐᓕᕆᔨᒃᑯᑦ ᑭᙵᕐᓂ

ᐱᕙᓪᓕᐊᔪᑦ ᓴᖅᑭᑕᐅᔪᑦ
ᓄᓇᕗᑦ ᒐᕙᒪᒃᑯᑦ ᐅᖃᖅᐳᑦ ᖃᓄᐃᓕᖓᓂᖓᓂᒃ ᑐᐊᕕᕐᓇᖅᑐᓕᕆᔨᒃᑯᑦ ᑭᙵᕐᓂ

ᑭᙵᐃᑦ, ᓄᓇᕗᑦ (ᒪᐃ 17, 2023) – ᓄᓇᕗᑦ ᒐᕙᒪᖓᑕ ᒥᓂᔅᑕᖓ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᓐᓄᑦ ᒪᓕᒐᓕᐅᖅᑎ ᑕᐃᕕᑦ ᔪᐊᓇᓯ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᖃᓄᐃᓕᖓᓂᖓᓂᒃ ᑐᐊᕕᕐᓇᖅᓯᔪᒥᒃ ᓄᓇᕗᒻᒥᐅᑦ ᑐᐊᕕᕐᓇᖅᑐᖅᑕᖃᓕᖅᑎᓪᓗᒍ ᐊᑐᖅᑕᐅᓯᑲᐅᑎᒋᔪᓂᒃ ᐊᑐᓯᑲᐅᑎᒋᓪᓗᓂ ᑭᙵᕐᓂ.

"ᐱᓕᕆᕝᕕᒋᔭᕗᑦ ᐃᑲᔪᖅᑐᐃᓪᓚᕆᒍᒪᕗᖅ ᑭᙵᕐᒥᐅᓂᒃ ᐱᓇᔪᖕᓂᕆᔭᒥᓂᒃ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᐃᒪᕐᒥᒃ ᐱᔨᑦᑎᕋᕐᓂᕆᕙᒃᑕᒥᓂᒃ ᓄᓇᓕᖕᓂ", ᑕᐃᒪᓐᓇ ᒥᓂᔅᑕ ᔪᐊᓇᓯ ᐅᖃᖅᖢᓂ. "ᐱᓕᕆᖃᑎᖃᖅᑐᒍᑦ ᕼᐋᒻᒪᓚᒃᑯᓐᓂᑦ ᐋᖅᑭᑦᓯᓂᕐᒥᑦ ᐱᔨᑦᓯᕋᕐᓂᕐᒥᑦ ᐃᑲᔪᖅᑐᕐᓂᕐᒥᓪᓗ ᑭᙵᕐᓂᑦ."

ᓄᑭᓪᓚᐅᑎᓄᑦ ᐱᔾᔪᑕᐅᔪᖅ ᑭᙵᕐᓂ ᐃᒪᕐᒧᑦ ᒥᓪᓗᐊᕈᑎᑖᕐᕕᖕᒥ ᑭᒡᓕᖃᕈᑕᐅᖕᒪᑦ ᕼᐋᒻᒪᓚᒃᑯᑦ ᐃᒥᖅᑕᕈᓐᓇᕐᓂᕆᔭᖓᓐᓄᑦ ᓄᓇᓕᖕᓄᑦ. ᐊᑐᐃᓐᓇᐅᔪᑦ ᓴᓂᕐᕙᒃᑕᐅᔪᑦ ᐊᖏᓂᖏᑦ ᓄᖑᓯᒪᓕᖅᑐᑦ ᐊᑦᑕᕐᓇᖅᓯᓪᓗᑎᒃ ᑕᒪᐃᓐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᓄᓇᓕᖕᓂ ᐊᐅᓚᔪᓐᓇᐅᑎᓄᑦ.

ᑐᐊᕕᕐᓇᖅᑐᖅᑕᖃᕐᓂᕋᐃᔭᕆᐊᖃᕐᓂᖅ ᒫᓐᓇ ᓱᒃᑲᒃᑎᒋᐊᖅᑎᑕᐅᖁᓪᓗᒍ ᐱᓕᕆᔾᔪᓯᐅᔭᕆᐊᓖᑦ ᓴᖅᑭᑦᑎᓂᐊᕐᓗᓂ ᐊᑐᖅᑕᐅᔭᕆᐊᓕᖕᓂᒃ ᐃᑲᔫᑎᒃᓴᓂᒃ ᑭᙵᓂ ᐱᔾᔪᑕᐅᔪᒧᑦ. ᑖᓐᓇ ᐊᓪᓗᕆᐊᕈᑎ ᐱᔪᓐᓇᖅᑎᑦᑎᓂᐊᖅᑐᖅ ᓄᓇᕗᒻᒥ ᒐᕙᒪᒃᑯᓐᓂ ᐱᖁᓪᓗᒋᑦ ᐱᔭᕆᐊᓕᑦ ᐃᑲᔪᕈᑎᑦ ᐊᑐᐃᓐᓇᐅᓗᑎᒃ Hᐋᒻᒪᓚᒃᑯᓐᓄᑦ ᑭᙵᕐᓂ ᐃᓄᖏᓐᓄᓪᓗ. ᓄᓇᕗᑦ ᒐᕙᒪᒃᑯᑦ ᐱᔪᓐᓇᕐᓂᖃᒃᑲᓐᓂᓕᕐᓂᐊᖅᐳᑦ ᐊᐅᓚᑦᑎᔪᓐᓇᕐᓗᑎᒃ ᐊᒻᒪ ᐱᓕᕆᐊᒃᓴᖅᑖᖅᑎᑦᑎᔪᓐᓇᕐᓗᑎᒃ ᐱᖁᑎᓂᒃ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ ᐊᒻᒪ ᑭᒃᑯᑐᐃᓐᓇᑦ ᑐᑦᑕᕐᕕᖏᓐᓂᒃ ᑐᐊᕕᕐᓇᖅᑐᓕᕆᓂᕐᒧᑦ ᐱᖁᔭᖅᒪᓕᒡᓗᒍ.

ᒫᓐᓇᐅᔪᖅ, ᑭᙵᕐᒥᐅᑦ ᐃᒥᑦᑎᐊᕙᓕᐅᖁᔭᐅᕗᑦ ᒪᓕᖁᔭᐅᓪᓗᑎᒡᓗ ᐅᖃᐅᔾᔪᖅᑕᐅᓂᖏᓐᓂᒡᓗ ᑕᒪᐃᓐᓂᒃ ᓄᓇᕗᑦ ᒐᕙᒪᖓᓂ ᐊᒻᒪ ᑭᙵᐃᑦ ᕼᐋᒪᓚᒃᑯᖏᓐᓂᑦ. 

ᑐᐊᕕᕐᓇᖅᑐᒦᓐᓂᖅ ᐊᑐᓕᖅᑎᑕᐅᓯᒪᕗᖅ ᐅᓪᓗᓄᑦ 14ᓄᑦ, ᐱᒋᐊᕐᓗᓂ ᒪᐃ 17−30, 2023.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᕼᐊᓚ ᑐᐊᔪᓪ
ᑐᓴᒐᒃᓴᓕᕆᔨᒻᒪᕆᒃ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
867-975-5406
HDuale@gov.nu.ca