ᐅᖃᓚᐅᑎᓯᐅᑏᑦ

You are here

ᓄᑖᖅ ᐃᑭᐊᖅᑭᕕᒃ ᐅᔾᔨᕐᓱᓕᖅᐹᓪᓕᕈᑎᒃᓴᐅᓪᓗᓂ ᐆᒻᒪᖅᑯᑎᓂ ᐊᑐᕐᐸᖕᓂᖕᒥᑦ

ᐊᒐᓯ 19, 2021

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᓄᑖᖅ ᐃᑭᐊᖅᑭᕕᒃ ᐅᔾᔨᕐᓱᓕᖅᐹᓪᓕᕈᑎᒃᓴᐅᓪᓗᓂ ᐆᒻᒪᖅᑯᑎᓂ ᐊᑐᕐᐸᖕᓂᖕᒥᑦ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᓴᖅᑭᑦᑎᖕᒪᑕ ᓄᑖᒥ ᐃᑭᐊᖅᑭᕕᖕᒥᑦ ᓴᖅᑭᑦᑎᓂᐊᕐᓗᑎᒃ ᐊᑐᑦᑎᐊᕐᓂᖅ, ᐱᓕᕆᐊᒃᓴᐅᔪᖅ ᐊᑐᓗᐊᕐᑕᐃᓕᒪᑎᑦᑎᓂᖕᒥᑦ ᓄᓇᕗᒻᒥᑦ ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᑦᑕ ᐃᓯᐊᕿᓂᖏᓐᓂᑦ ᐊᒻᒪᓗ ᐆᒻᒪᖅᑯᑎᓄ ᐊᑭᑭᒃᓕᒋᐊᕐᓗᒋᑦ ᒐᕙᒪᒃᑯᑦ ᐃᒡᓗᕐᔪᐊᖁᑎᖏᓐᓂᑦ ᓄᓇᕗᒻᒥᑦ.

ᐱᔾᔪᑎᐊ ᓄᑖᒥ ᐃᑭᐊᖅᑭᕕᓕᐅᕐᓂᖏᑦ ᐅᔾᔨᖅᓱᓕᕐᑎᑦᑎᕚᓪᓕᕈᒪᓪᓗᑎᒃ ᐊᑐᑦᑎᐊᕐᓂᖕᒥᑦ ᐆᒻᒪᖅᑯᑎᓂᑦ ᓄᓇᕗᒻᒥᑦ, ᑐᕌᒐᕆᔭᖃᕐᖢᑎᒃ ᐊᑐᓗᐊᕐᑕᐃᓕᒪᓂᖕᒥ ᓄᓇᕗᒻᒥᑦ ᐆᒻᒪᖅᑯᑎᓂᑦ. ᐃᓚᖃᕐᑐᖅ ᑐᓴᐅᒪᔭᒃᓴᖃᓪᓚᒻᒪᕆᖕᓂᑦ ᐊᔾᔨᒌᙱᑦᑑᑎᓂ ᐱᓇᔪᒃᑕᐅᓯᒪᔪᓂ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂᑦ, ᐃᓚᐅᓪᓗᓂ $62 ᒥᓕᐊᓐ ᐅᖓᑖᓂ ᐱᕈᖅᓴᐃᔾᔪᑕᐃᓂᐊᕐᑐᖅ ᓄᓇᕗᒻᒥᑦ ᐊᕐᕌᒍᑦ ᖁᓕᑦ ᐅᖓᑖᓄᑦ.

ᐱᐊᓂᒃᑕᐅᒃᐸᑦ, ᐊᑐᑦᑎᐊᕐᓂᖅ ᐱᓕᕆᐊᒃᓴᖅ ᓂᕆᐅᒋᔭᐅᔪᖅ ᐊᑐᙱᓐᓂᕐᓴᐅᒻᒪᕆᖕᓂᐊᕋᓱᒋᔭᐅᓪᓗᑎᒃ ᐊᔾᔨᐸᓗᐊᓂ 4,200 ᑕᓐᔅᓂ ᐳᔪᕐᓗᖕᓂᑦ ᐊᕐᕌᒍᑕᒫᑦ, ᐊᔾᔨᓪᓗᐊᑕᖓ ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᑦᑕ ᐃᓯᐊᕿᓂᖏᓐᓂᑦ ᐳᔪᕐᓂᖔᕐᐸᒃᑐᑦ 900 ᓄᓇᓯᐅᑎᓂᑦ ᐊᕐᕌᒍᒥᑦ. ᑕᒪᓐᓇ ᐃᓚᓂᐊᕐᑐᖅ ᐆᒻᒪᖅᑯᑎᑐᓗᐊᕐᑕᐃᓕᓂᖕᒧᑦ ᐱᐅᓯᒋᐊᕈᑎᓄᑦ ᐊᑐᓕᕐᑎᑕᐅᓛᕐᑐᖅ ᐱᓕᕆᐊᖑᓕᕐᐸᑦ.

ᐅᓇ ᐃᑭᐊᖅᑭᕕᒃ, ᓴᖅᑭᑕᐅᓚᐅᕐᑐᖅ ᐱᓕᕆᖃᑎᖃᕐᖢᑎᒃ MCW Custom Energy Solutions, ᓄᑖᙳᕆᐊᖅᑕᐅᖃᑦᑕᕐᓂᐊᕐᑐᑦ ᓄᑖᓂ ᐆᒻᒪᖅᑯᑎᑐᓗᐊᕐᑕᐃᓕᒪᔾᔪᑎᓂᑦ ᐊᓯᖏᓐᓂᓪᓗ ᐊᕙᑎᒧᑦ ᐱᐅᔪᓂ ᐋᖅᑭᒋᐊᕈᑎᒃᓴᐃᑦ ᐊᑐᓕᕐᑎᑕᐅᒑᖓᑕ ᓄᓇᕗᒻᒥᑦ.

ᐃᓕᒃᑲᓐᓂᕈᒪᒍᕕᑦ ᐊᑐᑦᑎᐊᕐᓂᖅ ᐅᕝᕙᓘᓐᓃᑦ ᖃᐅᔨᒃᑲᓐᓂᕈᒪᒍᕕᑦ ᐆᒻᒪᖅᑯᑎᑐᓗᐊᕐᑕᐃᓕᓂᖕᒥᑦ ᓄᓇᕗᒻᒥᑦ, ᐅᕗᙵᐅᓗᑎᑦ https://atuttiarniq.gov.nu.ca/.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᒨᕇᔅ ᕚᓐᑕᐃᓐ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
867-975-5406
mfontaine@gov.nu.ca