ᐅᖃᓚᐅᑎᓯᐅᑏᑦ

You are here

ᔫ ᓴᕕᑲᑖᖅ

ᓯᕗᓕᖅᑎ ᓄᓇᕗᒻᒥ

ᓯᕗᓕᖅᑎ ᔫ ᓴᕕᑲᑖᖅ ᓂᕈᐊᖅᑕᐅᓚᐅᖕᒪᑦ ᒪᓕᒐᓕᐅᖅᑎᐅᖃᑎᖏᓐᓄᑦ ᑕᓪᓕᒪᒋᓕᖅᑕᖓᓐᓂᑦ ᒪᓕᕆᓕᐅᕐᕕᖕᒥᑦ ᓄᓇᕗᒻᒥᑦ ᓯᕗᓕᖅᑎᐅᓂᐊᓕᖅᖢᓂ ᓄᓇᕗᒻᒧᑦ ᔫᓐ 14, 2018−ᖑᑎᓪᓗᒍ.

ᓯᕗᙵᓂᑦ, ᓯᕗᓕᖅᑎ ᓴᕕᑲᑖᖅ ᓯᕗᓪᓕᖅᐹᒥᑦ ᓂᕈᐊᖅᑕᐅᓚᐅᖅᓯᒪᔪᖅ ᓂᕈᐊᖕᓇᐅᑎᓪᓗᒍ ᐅᑐᐱᕆ 28, 2013−ᒥᑦ, ᑭᒡᒐᖅᑐᐃᓂᐊᖅᖢᓂ ᐊᕐᕕᐊᑦ ᓂᒋᐊᓂᑦ ᑎᓴᒪᒋᓕᖅᑕᖓᓐᓂᑦ ᒪᓕᒐᓕᐅᕐᕕᖕᒥᑦ ᓄᓇᕗᒻᒥᑦ.  ᒥᓂᔅᑕᙳᓚᐅᖅᓯᒪᔪᖅ ᐊᕙᑎᓕᕆᔨᒃᑯᓐᓄᑦ ᐊᒻᒪᓗ ᓄᓇᓕᖕᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᓄᕕᐱᕆ 2015−ᒥᑦ. ᓄᕕᐱᕆ 2017−ᒥᑦ, ᑎᒃᑯᐊᖅᑕᐅᓚᐅᖅᑐᖅ ᐱᓕᕆᐊᖃᓕᖅᖢᓂ ᓯᕗᓕᖅᑎᐅᑉ ᑐᒡᓕᐊᓂᑦ ᒥᓂᔅᑕᐅᓕᖅᖢᓂᓗ ᐃᓄᓕᕆᔨᒃᑯᓐᓄᑦ; ᒫᑦᓯ 2018−ᒥᑦ ᑎᓕᔭᐅᒃᑲᓐᓂᓚᐅᖅᑐᖅ ᒥᓂᔅᑕᒧᑦ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ ᐊᒻᒪᓗ ᐊᕙᑎᓕᕆᔨᒃᑯᓐᓄᑦ.

ᒪᓕᒐᓕᐅᖅᑎᑐᐃᓐᓇᐅᓪᓗᓂ, ᓴᕕᑲᑖᖅ ᐃᒃᓯᕙᐅᑕᐅᓚᐅᖅᓯᒪᕗᖅ ᑲᑎᒪᔨᕋᓛᓄᑦ ᒪᓕᒐᓕᕆᓂᖕᒧᑦ, ᐃᓚᒋᔭᐅᓪᓗᓂᓗ ᑲᑎᒪᔨᕋᓛᓄᑦ ᓄᓇᓕᖕᓂᑦ ᐱᕙᓪᓕᐊᔪᓕᕆᓂᖕᓂᓪᓗ ᑲᑎᒪᔨᕋᓛᖑᖃᑕᐅᓪᓗᓂᓗ ᖃᐅᔨᓴᖃᑦᑕᖕᓂᖕᒧᑦ ᒐᕙᒪᒃᑯᑦ ᐊᐅᓚᑕᖏᓐᓂᑦ ᑭᒃᑯᓕᒫᓄᓪᓗ ᑮᓇᐅᔭᓕᕆᓂᖕᓂᑦ, ᑭᖑᕝᕕᐅᑎᕙᒃᑭᓪᓗᓂᓗ ᑲᑎᒪᔨᕋᓛᓄᑦ ᒪᓕᒐᒃᓴᓂᑦ, ᐱᐅᓯᖕᓂᑦ ᑐᓂᔭᐅᓲᓂᖕᒡᓗ ᖃᓄᐃᙱᑦᑎᐊᖕᓂᖕᒧᑦ.

ᑲᑎᒪᔨᐅᓚᐅᖅᑳᕋᓂ, ᓯᕗᓕᖅᑎ ᓴᕕᑲᑖᖅ ᐆᒪᔪᖕᓂᐊᖅᑎᐅᓚᐅᖅᐳᖅ ᐊᕐᕌᒍᓄᑦ 30−ᑲᓴᖕᓄᑦ. ᐱᔭᕇᕈᓯᐊᖅᓯᒪᔪᖅ ᐊᕙᑎᓕᕆᓂᖕᒥᑦ ᐊᑐᒃᑲᓐᓂᕈᓐᓇᖅᑐᓂᒡᓗ ᐊᐅᓚᑦᑎᓂᖕᒥᑦ, ᐊᕐᕌᒍᓄᓪᓗ 20−ᓄᑦ ᐱᔨᑦᑎᕋᖅᑎᐅᓚᐅᖅᖢᓂ ᓂᕈᐊᖅᑕᐅᓯᒪᓪᓗᓂ ᐊᕐᕕᐊᑉ ᕼᐋᒻᓚᑦᑯᖏᑦᑕ ᑲᑎᒪᔨᖏᓐᓄᑦ.

ᓯᕗᓕᖅᑎ ᓴᕕᑲᑖᖅ ᓄᓕᐊᓂᒃᓯᒪᔪᖅ ᐱᖃᓐᓇᕆᓂᖅᐹᒥᓂᒃ ᓲᓴᓐᒥᑦ, ᑖᒃᑯᐊᒃᓗ ᐱᖓᓱᓂᑦ ᕿᑐᙵᖃᖅᖢᑎᒃ: ᔭᐃᒥ, ᔫ ᓄᑲᖅᖠᖅ, ᐅᐃᓐᑎ, 9−ᓂᒡᓗ ᐃᕐᖑᑕᖃᖅᖢᑎᒃ. ᓯᕗᓕᖅᑎ ᓴᕕᑲᑖᖅ ᖁᕕᐊᒋᔭᓕᒃ ᐊᖑᓇᓱᖕᓂᕐᒥᒃ, ᐃᖃᓗᒐᓱᖕᓂᕐᒥᒃ, ᖃᖓᑕᓲᕋᓛᒥᒃ ᐊᖁᓐᓂᕐᒥᒃ, ᐅᒥᐊᖅᑐᕐᓂᕐᒥᒃ  ᐊᖅᑲᐅᒪᓂᕐᒥᒡᓗ. ᓯᕗᓕᖅᑎ ᓴᕕᑲᑖᖅ ᐃᑲᔪᖃᑦᑕᖅᓯᒪᔪᖅ ᓄᓇᓕᖕᓂ ᕿᓂᖅᑎᓂᒃ ᐱᖏᖕᓇᖅᑐᓕᕆᔪᖃᓕᕌᖓᑦ.