ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᒃᑯᑦ ᑮᓇᐅᔭᖅᑖᖅᑎᑦᑎᔨᑦ−ᐊᐃᕆᓕ 3, 2020

ᑕᒪᕐᒥᒃ ᓄᓇᕗᑦ ᒐᕙᒪᒃᑯᑦ ᐃᖃᓇᐃᔭᖅᑎᖏᑦ ᑲᔪᓯᓂᐊᕐᒪᑕ ᐊᑭᓕᖅᑕᐅᖃᑦᑕᐃᓐᓇᕐᓗᑎᒃ ᐊᑭᓕᖅᑕᐅᓐᓇᖅᓯᑐᐊᕌᖓᑦ. ᑭᖑᕙᓯᓐᓂᐊᖅᑐᑦ ᐱᓕᕆᐊᖑᓂᖏᑦ ᐊᑐᖅᑕᐅᓪᓗᐊᑕᓱᖑᖏᑦᑐᑦ ᐊᑭᓕᖅᐅᔾᔪᑎᑦ ᓲᕐᓗ ᒪᑯᓇᓂ ᐅᖓᑕᐅᔨᔾᔪᑎᓂ ᐃᖃᓇᐃᔭᕐᓂᕐᒧᑦ ᐊᒻᒪᓗ ᑭᖑᕝᕕᐅᑎᓯᒪᓗᓂ ᐊᑭᓕᖅᑕᐅᔾᔪᑎᑦ. ᐃᖃᓇᐃᔭᑲᐃᓇᖅᑐᑦ ᐃᖃᓇᐃᔭᖅᑎᑦ ᐱᖃᑦᑕᕐᓂᐊᖅᑐᑦ ᑕᐃᒪᖑᓱᖑᔪᓂᒃ ᐊᑭᓕᖅᑕᐅᒍᑎᓂᒃ, ᐃᖃᓇᐃᔭᑲᐃᓇᖅᑎᑕᐅᔪᑦ ᐊᒻᒪᓗ ᑭᖑᕝᕕᐅᑎᓯᒪᔪᑦ ᐃᖃᓇᐃᖅᑎᑦ ᐊᑭᓕᖅᑕᐅᖃᑦᑕᕐᓂᐊᖅᑐᑦ ᒪᓕᒃᑕᐅᓗᑎᒃ ᑐᓂᓯᒪᔭᖏᑦ ᐃᖃᓇᐃᔭᕆᐊᖃᕐᓗᑎᒃ ᐃᑲᕋᓕᐅᕐᕕᖏᑦ.

ᐃᖃᓇᐃᔭᖅᑎᑦ ᑕᐃᒃᑯᐊ ᐱᖃᒃᑕᖅᑐᑦ ᑮᓇᐅᔭᒃᓴᓂᒃ ᑲᔪᓯᑐᐃᓐᓇᕐᓂᐊᖅᑐᑦ ᐱᖃᑦᑕᐃᓇᕐᓗᓂᒋᑦ ᑕᐃᒪᖑᓱᖑᒪᑕ. ᑕᐃᒃᑯᐊ ᐱᕙᒃᑐᑦ ᑮᓇᐅᔭᒃᑯᕕᖏᓐᓅᖅᑕᐅᑦᑕᐅᑎᒋᔪᓂᒃ, ᐊᑭᓕᖅᑕᐅᔾᔪᑎᖏᑕ ᓇᓕᖃᖏᑦ ᑎᑎᕋᒃᑕᐅᖃᑦᑕᕐᓂᐊᖅᑐᑦ ᐅᐊᑦᑎᐊᕈᒃᑲᓐᓂᐅᓕᖅᐸᑦ ᐅᓪᓗᖏᓐᓂ.

ᑐᓴᕆᐊᒃᑲᓐᓂᕈᒪᒍᕕᑦ, ᐊᑏ ᐅᖃᕐᕕᒋᓚᐅᕈᒃ ᑐᕋᐃᓯ ᒧᐃᓕᔅ, ᑐᑭᒧᐊᒃᑎᔅᓯᔨ ᐊᑭᓕᖅᑕᐅᔪᑎᓂ ᐃᑲᔪᖅᑕᐅᔪᑎᓂᓗ ᐅᕘᓇ tmoyles@gov.nu.ca.