ᐅᖃᓚᐅᑎᓯᐅᑏᑦ

You are here

ᐃᖅᑲᓇᐃᔭᖅᑎᒧᑦ ᐊᑭᓕᐅᑎᓄᑦ ᑐᓴᖅᑕᐅᑎᑦᓯᔾᔪᑎ − ᒪᐃ 29, 2020

ᓄᓇᕗᒻᒥ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓕᒫᑦ ᐊᑭᓕᖅᑐᖅᑕᐅᖏᓐᓇᕐᓂᐊᖅᑐᑦ ᑕᐃᒫᖑᖃᑦᑕᕐᒪᑦ ᒪᐃ 29, 2020.

ᐃᖅᑲᓇᐃᔭᐃᓐᓇᖅᑐᓄᑦ ᐃᖅᑲᓇᐃᔭᖅᑎᓄᑦ ᐊᑭᓕᖅᑐᖅᑕᐅᓂᐊᖅᑐᑦ ᑮᓇᐅᔭᑦᓵᒋᒐᔪᒃᑕᖏᑎᒍᑦ.

ᐃᓘᓐᓇᑎᒃ ᐃᖅᑲᓇᐃᔭᑲᐃᓐᓇᖃᑦᑕᖅᑐᐃᓪᓗ ᐃᓇᖏᖅᑏᓪᓗ ᑐᓂᓯᔭᕆᐊᖃᖅᑐᑦ ᐃᑲᕐᕋᓕᐅᕈᑎᖏᓐᓂᖅ ᐅᑯᓄᖓ ᒪᐃ 2-ᒥ ᒪᐃ 15-ᒧᓄ, 2020. ᐃᑲᕐᕋᓕᐅᕈᑏᑦ ᐱᔭᐅᔭᕆᐊᖃᖅᑐᑦ ᐊᑭᓕᖅᑕᐅᔾᔪᑎᓄᑦ ᐊᓪᓚᕝᕕᓐᓄᑦ 5-ᒥ ᐅᓐᓄᓴᒃᑯᑦ., ᑕᓪᓕᕐᒥᕐᒥᑦ, ᒪᐃ 15, 2020 ᐊᖏᖅᑕᐅᓯᒪᔭᕆᐊᖃᖅᓱᓂᓗ.  ᒫᓐᓇᐅᔪᖅ, ᖃᕆᑕᐅᔭᑎᒍᑦ ᐊᖏᖅᑕᐅᓯᒪᔪᑦ ᐱᔭᐅᔪᓐᓇᖅᓂᐊᖅᑐᑦ. ᐅᖃᖃᑎᒋᓗᒍ ᐱᓕᕆᕝᕕᓐᓂᑦ ᐃᖅᑲᓇᐃᔭᖅᑐᓕᕆᔨ ᓇᓗᓇᐃᔭᖅᓯᒪᔪᓄᑦ ᒪᓕᒋᐊᓕᓐᓄᑦ ᑐᓂᓯᓂᕐᒧᑦ ᐃᑲᕐᕋᓕᐅᕈᑎᓐᓂᑦ.

ᒪᓕᑦᑕᐅᒋᐊᖃᖏᑦᑐᓕᓐᓄᑦ ᐊᑭᓕᐅᑎᓄᑦ ᓲᕐᓗ ᐃᖅᑲᓇᐃᔭᕐᓇᐅᖏᑦᑐᒃᑯᑦ ᐃᖅᑲᓇᐃᔭᕈᑏᑦ ᐃᓇᖏᖅᓯᒪᓂᕐᒧᓪᓘᓐᓃᑦ ᐊᑭᓕᐅᑏᑦ ᐅᑎᖅᑎᑦᓯᓂᕐᒧᓪᓗ (ᐃᓚᒋᔭᐅᓗᑎᒃ ᓄᖅᑲᖓᖏᔾᔪᑎᖃᕐᓗᓂ ᐊᑭᓕᖅᑕᐅᒐᓂᓗ ᓄᖅᑲᖓᓂᕐᒧᑦ) ᑲᒪᒋᔭᐅᓂᐊᖅᑐᑦ ᐃᖅᑲᓇᐃᔭᖅᑎᓕᒫᓄᑦ. ᑐᓐᓂᖅᑯᑎᒋᓗᒋᑦ ᐊᑐᖅᑕᐅᒐᔪᒃᑐᑎᒍᑦ.

ᐃᖅᑲᓇᐃᔭᖅᑏᑦ ᓯᒃᑭᑖᖃᑦᑕᖅᑐᑦ ᓯᒃᑭᑖᖏᓐᓇᖃᑦᑕᕐᓂᐊᖅᑐᑦ. ᓄᓇᓕᓯ ᑮᓇᐅᔭᒃᑯᕕᖃᖅᑎᓕᕆᔨᖃᖅᐸᑦ, ᐱᖁᕙᑦᑎᒋᑦ ᐋᖅᑭᒃᓗᒋᑦ ᑮᓇᐅᔭᖃᐅᑎᖃᕐᕕᑦ ᐱᖁᓪᓗᒍ ᓈᒻᒪᒃᑐᒃᑯᑦ ᐊᑭᓕᖅᑕᐅᔾᔪᑎᒃᓴᑎᑦ. ᑕᐃᒃᑯᓄᖓ ᑮᓇᐅᔭᒃᑯᕕᒻᒨᖅᑕᐅᑎᑦᓯᖃᑦᑕᖅᑐᑦ, ᑮᓇᐅᔭᑦᓵᑦ ᓇᓕᖅᑲᖏᑦ ᓴᖅᑭᖅᑕᐅᓛᖅᑐᑦ ᑭᖑᓂᐊᒍᑦ ᐅᓪᓗᖅ.

ᑐᑭᓯᒋᐊᑲᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᑐᕋᐃᓯ ᒧᐊᐃᐅᓪᔅ, ᑐᑭᒧᐊᑦᑎᑦᓯᔨ ᐊᑭᓕᖅᑕᐅᔾᔪᑎᓄᑦ ᐃᑲᔫᑎᓄᓪᓗ ᐅᕗᖓ tmoyles@gov.nu.ca.