ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᒃᑯᑦ ᑮᓇᐅᔭᖅᑖᖅᑎᔅᓯᔨᑦ − ᐊᐃᕆᓕ 17, 2020

ᑕᒪᕐᒥᓕᒫᖅ ᓄᓇᕗᑦ ᒐᕙᒪᒃᑯᑦ ᐃᖃᓇᐃᔭᖅᑎᖏᑦ ᑲᔪᓯᓂᐊᕐᒪᑕ ᐊᑭᓕᖅᑕᐅᕙᓪᓗᑎᒃ ᓈᒪᒃᓯᑐᐊᕌᖓᑦ. ᐊᑐᖅᑕᐅᓪᓗᐊᑕᓲᖑᖏᑦᑐᑦ ᐊᑭᓕᖅᑕᐅᔾᔪᑎᑦ ᓲᕐᓗ ᒪᑯᓇᓂ ᐅᖓᑕᐅᔨᔾᔪᑎᑦ ᐃᖃᓇᐃᔭᕐᓇᒥ ᐊᒻᒪᓗ ᑭᖑᕝᕕᐅᑎᓯᒪᓗᓂ ᐊᑭᓕᖅᑕᐅᔾᔪᑎᑦ ᐊᒻᒪᓗ ᖃᓄᐃᑦᑐᑐᐃᓐᓇᐃᑦ ᑕᔪᐃᔾᔪᑎᑦ (ᐱᖃᓯᐅᑎᓪᓗᒋᑦ ᐃᖃᓇᐃᔭᖏᑦᑐᑦ ᐊᑭᓕᖅᓱᖅᑕᐅᓇᑎᒃ AWOL ᐊᒻᒪᓗ ᓄᖃᖓᔪᑦ ᐊᑭᓕᖅᓱᖅᑕᐅᓇᑎᒃ LWOP) ᐱᓕᕆᐊᖑᒐᔭᕐᒪᑕ ᐅᐊᔅᓯᐊᕈᒃᑲᓐᓂᖅ ᐅᓪᓗᖏᓐᓂ. ᐃᖃᓇᐃᔭᖅᑎᓚᕆᑦ ᐃᖅᑲᓇᐃᔭᑲᐃᓐᓇᖃᑦᑕᖅᑐᑦ ᐃᖃᓇᐃᔭᖅᑎᑦ ᐱᖃᑦᑕᕐᓂᐊᖅᑐᑦ ᑕᐃᒫᖑᓱᖑᒪᑕ ᑮᓐᓇᐅᔭᒃᓵᖏᑎᒍ. ᑕᒪᕐᒥᒃ ᐃᖃᓇᐃᔭᑲᐃᓐᓇᕐᓗᑎᒃ ᐃᖃᓇᐃᔭᖅᑎᑦ ᐅᖓᕙᕆᐊᖅᑕᐅᕗᑦ ᑕᐅᕗᖓ ᒪᐃ 15−ᒧᑦ ᐊᒻᒪᓗ ᑐᓂᓯᔭᕆᐊᖃᒃᑎᑕᐅᓇᑎᒃ ᐃᑲᕋᓕᐅᕈᑎᖏᓐᓂᒃ ᑎᑎᖅᓯᕕᖏᓐᓂᒃ.

ᑭᖑᕝᕕᐅᑎᓯᒪᔪᑦ ᐃᖃᓇᐃᔭᖅᑎᑦ ᑕᐃᒃᑯᐊ ᐃᖃᓇᐃᔭᖅᓯᒪᔪᑦ ᒫᔾᔨ 21−ᒥᓂᑦ ᑎᑭᓪᓗᒍ ᐊᐅᕆᓕ 3 ᑐᓂᓯᒋᐊᓖᑦ ᐃᖃᕋᓕᐅᕈᑎᖏᓐᓂᒃ ᑎᑎᖅᓯᕕᓐᓂᒃ ᐅᕗᖓᕐᓗᒋᑦ iqaluitpayoffice@gov.nu.ca ᓯᕿᙳᔭᖅ 5−ᒧᐊᖅᐸᑦ ᐅᓐᓄᓴᑦᑯᑦ ᐊᐃᕆᓕ 3−ᖑᓕᖅᐸᑦ. ᒫᓐᓇᐅᔪᖅ, ᑕᐃᒃᑯᐊᑐᐊᖅ ᐃᖃᓇᐃᔭᖅᑎᑦ ᐊᒻᒪᓗ ᐊᖓᔪᖄᖏᑦ ᐊᑎᓕᐅᕆᐊᖃᒃᑎᑕᐅᔪᑐᐊᖑᕗᑦ ᐃᑲᕋᓕᐅᕈᑎᖏᓐᓂᒃ ᑎᑎᖅᓯᕕᖏᓐᓂᒃ. ᑭᖑᕙᕐᓗᑎᒃ ᑐᓂᓯᔪᑦ ᐱᓕᕆᐊᖑᔾᔮᖏᒪᑕ.

ᐃᖃᓇᐃᔭᖅᑎᑦ ᑕᐃᒃᑯᐊ ᐱᔪᑦ ᑮᓇᐅᔭᒃᓴᓂᒃ ᑲᔪᓯᓂᐊᕐᒪᑕ ᐱᖃᑦᑕᐃᓐᓇᕐᓗᑎᒃ ᑕᐃᒫᖑᓲᖑᒐᒥᒃ. ᑕᐃᒃᑯᐊᓕ ᐱᕙᒃᑐᑦ ᑮᓇᐅᔭᒃᑯᕕᖏᓐᓄᑦ ᐴᖅᓯᕕᐅᓄᑦᑕᐅᑎᒋᓪᓗᑎᒃ, ᑮᓇᐅᔭᖅᑖᑦ ᓇᓕᖃᖏᑦ ᑎᑎᕋᒃᑕᐅᖃᑦᑕᕐᓂᐊᖅᑐᑦ ᐅᐊᑦᑎᐊᕈᒃᑲᓐᓂᖅ ᐅᓪᓗᕆᓂᐊᖅᑕᑦᑎᓐᓂ.

ᑐᓴᕆᐊᒃᑲᓐᓂᕈᒪᒍᑦᓯ, ᐊᑏ ᐅᖃᕐᕕᒋᓚᐅᖅᓯᐅᒃ ᑐᕆᐃᓯ ᒧᐊᓕᔅ, ᑐᑭᒧᐊᒃᑐᑦᑎᔨ ᐊᑭᓕᖅᑕᐅᔪᑎᓂ ᐃᑲᔪᖅᑕᐅᔾᔪᑎᓂᓗ ᐅᕗᓈᕐᓗᓯ tmoyles@gov.nu.ca.