You are here
ᓄᒃᑕᖅᑎᑦ ᐳᓚᕋᖅᑐᓕᕆᔨᓪᓗ ᐱᖁᔭᖏᑦ ᐱᔾᔪᑕᐅᓪᓗᑎᒃ ᖃᐅᔨᓇᓱᒍᑕᐅᔪᑦ
ᐳᓚᕋᖅᑐᓕᕆᓂᕐᒧᑦ ᐊᐅᓪᓚᖅᑐᓕᕆᓂᕐᒧᓪᓗ ᐱᖁᔭᖅ ᐱᔾᔪᑕᐅᓪᓗᓂ ᖃᐅᔨᓇᓲᑎᑦ ᐱᐊᓂᒃᑕᐅᓯᒪᓕᖅᑐᑦ
ᓯᑎᐱᕆ 23 ᐊᒻᒪ ᐅᑐᐱᕆ 30, 2015 ᐊᑯᓐᓂᖓᓂ 235 ᐅᖓᑖᓂ ᐃᓄᖕᓂ ᑲᑎᒪᔪᓂᒃ ᐃᓚᐅᔪᖃᓚᐅᖅᐳᖅ, ᖃᕋᓴᐅᔭᕐᒥ ᐃᑭᐊᖅᑭᕕᒃᑯᑦ ᑲᑎᒪᖃᑕᐅᔪᑦ ᐊᒻᒪ ᐃᓄᖕᓄᑦ ᐅᖃᐅᓯᐅᔪᑦ ᐊᒻᒪ 53-ᖑᓪᓗᑎᒃ ᐃᓄᐃᑦ ᑭᐅᓚᐅᖅᐳᑦ ᐃᑭᐊᖅᑭᕕᒃᑯᑦ ᖃᐅᔨᓴᕈᑕᐅᔪᓂᒃ. ᒪᒃᑯᒃᑐᑦ ᐃᓐᓇᐃᓪᓗ ᖃᐅᔨᓇᓱᖕᓂᓕᒫᖏᓐᓂᒃ ᐅᖃᕈᓐᓇᖅᑐᐃᓐᓇᐅᖃᑦᑕᓚᐅᖅᐳᑦ.
ᖁᔭᓐᓇᒦᒃ ᑕᒪᕐᒥᒃ ᐃᓄᐃᑦ ᐃᓱᒪᒋᔭᒥᓂᒃ ᐅᖃᕈᓐᓇᓚᐅᕐᒪᑕ ᐃᑲᔪᕈᓐᓇᓚᐅᖅᑐᓪᓗ ᐋᖅᑭᒋᐊᖅᓯᒃᑲᓐᓂᖅᖢᑎᒃ ᓄᑖᒥᒃ ᐳᓚᕋᖅᑐᓕᕆᓂᕐᒧᑦ ᐊᐅᓪᓚᖅᑐᓕᕆᓂᕐᒧᓪᓗ ᐱᖁᔭᕐᒥ.
ᖁᕕᐊᒋᔭᐅᓚᐅᕐᓂᖏᓐᓂᒃ ᑕᑯᔭᐅᖁᔨᓪᓗᑕ, ᐃᓄᐃᑦ ᐃᓚᐅᓚᐅᖅᑐᑦ ᓄᓇᓕᖕᓂ ᑲᑎᒪᑎᑕᐅᔪᓂᒃ ᐊᒻᒪ ᐃᑭᐊᖅᑭᕕᒃᑯᑦ ᖃᐅᔨᓴᕈᑕᐅᔪᓂᒃ, ᐊᒻᒪ/ᐅᕝᕙᓘᓐᓃᑦ ᑭᐅᔪᓐᓇᓚᐅᖅᑐᑦ ᐃᑭᐊᖅᑭᕕᒃᑯᑦ ᖃᐅᔨᓴᕈᑕᐅᔪᓂᒃ ᐊᑎᖏᑦ ᑎᑎᕋᖅᑕᐅᓪᓗᑎᒃ ᐊᒧᔭᒃᓴᙳᖅᑎᑕᐅᖃᑦᑕᓚᐅᕐᒪᑕ ᐊᒧᔭᐅᔪᖅ ᓵᓚᒃᓴᕐᓂᐊᓚᐅᖅᖢᓂ iPad-ᒥ (ᖃᕋᓴᐅᔭᕋᓛᖅ ᓵᖦᖢᓂ). ᓵᓚᒃᓴᓚᐅᖅᑐᖅ ᓵᒥᐅᓪ ᐋᕆᐊᒃ ᒥᑦᑎᒪᑕᓕᖕᒥᐅᑕᖅ.
ᓄᓇᕗᒻᒥ ᐳᓚᕋᖅᑐᓕᕆᓂᕐᒧᑦ ᐊᐅᓪᓚᖅᑐᓕᕆᓂᕐᒧᓪᓗ ᐱᖁᔭᖅ ᐱᔾᔪᑕᐅᓪᓗᓂ ᖃᐅᔨᓇᓲᑎᓄᑦ ᐅᓂᒃᑳᖅ
ᐱᓕᕆᕝᕕᖕᒥᐅᑦ ᕿᒥᕐᕈᔪᑦ ᐃᓱᒪᒋᔭᐅᓪᓗᑎᒃ ᓴᖅᑭᑕᐅᓚᐅᖅᑐᓂᒃ ᖃᐅᔨᓇᓱᒃᑎᓪᓗᒋᑦ ᐃᓱᒪᒋᔭᐅᓂᐊᖅᖢᑎᒡᓗ ᐃᓱᒪᒋᔭᐅᓚᐅᖅᑐᑦ ᓄᑖᖅ ᐱᖁᔭᖅ ᐱᕙᒌᔭᖅᑕᐅᑎᓪᓗᒍ ᓇᓗᓇᐃᔭᐅᑎᒃᓴᓂᒃ ᓄᓇᕘᒥ ᒪᓕᒐᓕᐅᕐᕕᖕᒥ 2016-ᖑᓕᖅᐸᑦ.