ᐱᔭᒃᓴᖅ 5: ᐱᔨᑦᑎᕐᕕᑦ ᐃᖅᑲᓇᐃᔭᖅᑎᓪᓗ

 

ᐱᒋᐊᕐᓂᖓ
ᐱᒋᐊᕈᑎ ᑐᕌᒐᒋᓇᓱᐊᖅᑕᕐᓂᖅ
ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ

1. ᐃᒻᒥᓂ ᑕᑯᓇᑦᑎᐊᕐᓗᑎᑦ ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ
2. ᓂᐅᕈᑎᖃᕐᕕᑎᑦ ᓇᓗᓇᐃᕐᓗᒋᑦ
3. ᐃᑲᔪᖅᑎᑖᕐᓗᑎᑦ
4. ᓇᖕᒥᓂᖁᑏᑦ ᐊᑎᓕᐅᕐᓗᒍ
5. ᐱᓕᕆᐊᕇᓐᓇᕐᓂᐊᕐᓕᓗᒍ
6. ᑎᑎᕋᕐᓗᒍ ᓇᖕᒥᓂᕆᓂᐊᖅᑕᕐᓄᑦ ᐱᕙᒌᔭᖅᓯᒪᔭᑦ
7. ᑮᓇᐅᔭᖅᑖᕋᓱᕐᓂᖅ

ᑲᔪᓯᑏᓐᓇᕐᓗᒍ
ᐅᓂᑳᓕᐊᑦ ᐃᓚᓕᐅᑎᓯᒪᔪᑦ
ᑐᓴᕐᕕᐅᔪᓐᓇᖅᑐᑦ
ᑐᓴᕐᕕᑦᑎᐊᕙᑦ

 

ᐱᔭᒃᓴᖅ 5: ᐱᔨᑦᑎᕐᕕᑦ ᐃᖅᑲᓇᐃᔭᖅᑎᓪᓗ

ᓇᖕᒥᓂᕆᐊᖅᑕᑦ ᐃᓱᒪᒋᓇᓱᐊᕐᓗᒍ ᓇᒦᓐᓂᐊᕐᓂᖓ ᑐᐊᕕᖏᓪᓗᑎᒃ, ᐱᖁᑎᑦ ᓂᐅᕕᕐᓂᐊᖅᑎᓪᓗᒋᑦ ᐃᖅᑲᓇᐃᔭᖅᑎᒃᓴᑖᕐᓂᐊᖅᑎᓗᑎᓪᓗ. ᑲᔪᓯᑦᑎᐊᕈᓐᓇᖁᓗᒍ ᓇᖕᒥᓂᕆᔭᑦ ᐃᓱᒪᖃᖅᓵᓕᓂᖅ ᐃᓱᒪᑦᑎᐊᕋᓱᖕᓂᕐᓗ ᑖᒃᑯᓂᖓ ᐊᑑᑎᑦᑎᐊᖅᐳᖅ.

 

ᐊᖏᕐᕋᓐᓂ ᓇᖕᒥᓂᕆᔭᑦ ᐊᐅᓚᑎᓪᓗᒍ

ᐃᓱᒪᒃᓴᖅᓯᐅᕈᑎᑦᑎᐊᕙᐅᔪᓐᓇᖅᐳᖅ ᐊᖏᕐᕋᒥ ᓇᖕᒥᓂᖃᕆᐊᒃᓴᖅ. ᐊᖏᕐᕋᓂᖅ ᓇᖕᒥᓂᖃᕆᐊᒃᓴᖅ ᖃᐅᔨᒋᐊᕐᓗᑎᑦ ᕼᐊᒻᒪᓚᒋᔭᑦ ᓄᓇᓕᕐᔪᐊᓘᓐᓃᑦ.

ᐊᖏᕐᕋᒥᑦ ᓇᖕᒥᓂᖃᕐᓂᖅ ᐃᑲᔫᑎᑐᐃᓐᓇᐅᖏᓪᓚᖅ ᐊᑭᑐᓂᖏᓐᓄᑦ ᐊᑐᖅᑐᐊᕐᕋᓱᐊᕐᓗᓂ ᓇᖕᒥᓂᕆᔭᕐᓄᓪᓘᓐᓃᑦ ᓂᐅᕕᕋᐊᓱᕐᓗᓂ ᐃᓂᒋᒐᔭᖅᑕᒥᓂᒃ, ᑭᓯᐊᓂᓕ ᐃᑲᔪᕈᓐᓇᖅᐳᖅ ᐸᖅᑭᔾᔪᑎᒃᓴᓄᑦ ᑮᓇᐅᔭᓂ ᐊᑐᓗᐊᕋᔭᖏᑦᑐᑎᑦ ᐊᒻᒪ ᑕᒃᓰᔭᖏᑉᐹᓪᓕᕈᓐᓇᖅᐳᑎᑦ. ᐊᖏᕐᕋᒥᑦ ᓇᖕᒥᓂᖃᕐᓂᖅ ᐃᓚᓐᓃᓂᖅᓴᐅᓕᕈᓐᓇᖅᐳᑎᑦ.

 

ᐊᖏᕐᕋᒥᐅᖏᑦᑐᖅ ᓇᖕᒥᓃᑦ ᐊᐅᓚᑎᓪᓗᒍ

ᓇᖕᒥᓂᖃᖅᑐᑦ “ᑭᖑᓂᐊᓂ ᓂᐅᕕᖃᑦᑐᑦ” ᓴᖅᑭᔮᑦᑎᐊᖅᐳᑦ ᐃᓕᖕᓄᑦ ᓄᓇᔅᓯᓐᓂᑦ − ᐱᓗᐊᖅᑐᒥᑦ ᓂᐅᕕᕐᕕᐅᒐᔪᒃᑲᔭᖅᐳᑎᑦ ᐊᒻᒪ ᐱᔨᑦᑎᕐᓂᒃᑯᑦ. ᓇᖕᒥᓂᖃᑦᑎᐊᖅᑐᑦ ᓄᒦᓐᓂᕆᔭᖓᑦ ᐃᑲᔫᑎᐅᖃᑦᑕᖅᐳᑦ ᐃᖅᑲᓇᐃᔭᒃᑲᐅᓂᕐᓄᑦ. ᓇᖕᒥᓂᕆᔭᕐᓄᑦ ᐊᓯᐊᓂ ᖃᓄᐃᒋᔮᓂᑦ ᓇᖕᒥᓂᖃᖅᑎᓄᑦ ᑕᑯᓴᐅᓂᖅᓴᐅᖃᑦᑕᖅᐳᑦ ᓂᐅᕕᖃᑦᑕᖅᑐᓄᑦ ᐱᒪᓂᖅᓴᐅᔪᓐᓇᕋᔭᖅᐳᑦ.

 

ᐊᑏ!

ᓄᓇᕗᒻᒥᑦ ᓇᖕᒥᓂᖃᕋᓱᒡᓗᑎᑦ ᓇᓪᓕᐅᒃᑯᒫᖃᕆᐊᖃᖅᐳᑎᑦ. ᓇᓪᓕᐅᒃᑯᒫᑦ ᐊᒃᓱᕈᖕᓇᑐᐃᓐᓇᕆᐊᓖᑦ ᐊᑭᑐᓗᑎᒡᓗ. ᐅᖃᖃᑎᖃᕐᓗᑎᑦ ᓇᓪᓕᐅᒃᑯᒫᓕᕆᔨᒧᑦ ᑲᑐᔾᔨᖃᑎᑎᓪᓗ ᐃᑲᔪᖅᑕᐅᓗᑎᑦ.

 

ᐱᖁᑎᑖᕆᐊᖃᕐᓂᖅ ᓇᖕᒥᓂᕆᔭᕐᓄᑦ

ᐃᓱᒪᔭᕆᐊᖃᕆᕗᑎᑦ ᐱᖁᑎᓂᒃ ᐱᔭᕆᐊᖃᑐᐃᓐᓇᖅᑕᕐᓂᒃ. ᐃᓚᖏᑦ ᓇᖕᒥᓂᕆᔭᐅᔪᑦ ᐊᐅᓚᓂᕐᒧᑦ ᐊᑭᓕᐅᑎᕐᔪᐊᓂᒃ ᐃᖏᕐᕋᔪᑎᓂᒃ ᐱᖁᑎᓂᒡᓗ. ᐊᑐᖅᑐᐊᖅᐸᒃᐲᑦ ᓂᐅᕕᖃᑦᑕᖅᐱᓪᓘᓐᓃᑦ? ᑮᓇᐅᔭᒥᑦ ᐊᑭᓖᕙᒃᐲᑦ ᐊᑐᖅᑐᐊᖅᖢᑎᓘᓐᓃᑦ ᑮᓇᐅᔭᒥᑦ? ᓂᐅᕕᖃᑦᑕᖅᐲᑦ ᓄᑖᓂ ᐊᑐᖅᑕᐅᔪᕕᓂᕐᒥᓘᓐᓃᑦ? ᑖᒃᑯᐊ ᐃᓱᒪᒃᓴᖅᓯᐅᕈᑎᑦ ᓇᖕᒥᓂᖅᑖᕈᑎᒋᔪᓐᓇᖅᑕᑎᑦ ᑲᑕᒡᓗᓂᓘᓐᓃᑦ. ᐊᑭᓖᓗᑎᑦ ᑮᓇᐅᔭᓂᒃ ᓄᑖᕐᒥᑦ ᓄᓇᒃᑯᕈᑎᓐᓄᑦ ᐱᒋᐊᓕᓵᖅᑎᓪᓗᑎᑦ ᐊᑭᑐᔫᑎᖃᖏᑐᐃᓐᓇᕆᐊᖃᕋᕕᑦ ᓯᕗᓂᐊᓂ ᐱᔭᕆᐊᖃᓪᓚᕆᓕᕐᓂᕈᕕᐅᒃ. ᑖᓐᓇ ᑲᑕᒍᑎᒋᔭᐅᒐᔪᒃᐳᖅ ᓇᖕᒥᓂᕆᔭᐅᔪᓄᑦ.

 

ᖃᓄᐃᒻᒪᑦ ᐃᖅᑲᓇᐃᔭᖅᑎᑖᕆᐊᖃᖅᐸ?

ᐃᖅᑲᓇᐃᔭᖅᑎᑖᕆᐊᖃᓪᓚᕆᒃᐲᑦ? ᐅᓄᖅᑐᑦ ᓇᖕᒥᓂᕋᓛᖃᖅᑐᑦ ᐊᐅᓚᑕᐅᖃᑦᑕᖅᐳᑦ ᐊᐅᓚᑕᐅᑦᑎᐊᕈᓐᓇᖅᖢᑎᒡᓗ ᐃᓄᑑᔾᔨᓗᓂᐅᒃ ᓇᖕᒥᓂᖃᖅᑎᐅᑉ. ᓱᖃᐃᒻᒪᑦ ᐃᓚᖏᑦ ᐃᖅᑲᓇᐃᔭᖅᑖᕆᐊᖃᓲᖑᕗᑦ ᐱᔭᒃᓴᖃᓗᐊᖅᑎᓪᓗᒋᑦ ᐃᑲᕋᖃᓗᐊᖅᑎᓪᓗᒋᓪᓘᓐᓃᑦ ᐃᓄᖕᒧᑦ ᐊᑕᐅᓯᕐᒧᑦ. ᐃᓛᓐᓂᑦ ᓇᖕᒥᓂᓖᑦ ᐊᔾᔨᐅᖏᑦᑐᒥᑦ ᐱᔪᓐᓇᓂᖃᕆᐊᖃᑐᐃᓐᓇᕐᒪᑕ ᓄᑖᓄᑦ ᐃᖅᑲᓇᐃᔭᖅᑎᓄᐊᖅ ᐱᓕᕆᐊᖑᔪᓐᓇᖅᑐᒥᒃ. ᐃᖅᑲᓇᐃᔭᖅᑖᕆᐊᖅᐳᑦ ᓇᖕᒥᓂᕐᓄᑦ ᐊᑲᐅᓯᔾᔪᒥᔪᓐᓇᕈᓂ ᐱᓕᕆᐊᒃᓴᒧᑦ ᑭᓯᐊᓂ. ᐃᖅᑲᓇᐃᔮᖃᖅᑎᐅᓗᓂ ᐊᑭᑐᓂᖅᐹᒍᕗᖅ ᑮᓇᐅᔭᒃᓴᖅᑕᐅᔪᑦ ᐃᑲᔫᑎᓪᓗ ᐊᑭᓕᕐᓂᐊᖅᑎᓪᓗᒋᑦ ᐃᖅᑲᓇᐃᔭᖅᑎᓐᓄᑦ.

 

ᑭᓇᒥ ᐃᖅᑲᓇᐃᔭᖅᑖᖅᑎᑦᑎᓂᖅ?

ᐃᖅᑲᓇᐃᔭᖅᑎᓄᑦ ᖃᐅᔨᒪᑦᑎᐊᕐᓗᑎᑦ ᓂᕆᐅᒋᔭᕐᓂᑦ. ᐃᖅᑲᓇᐃᔭᖅᑎᑦ ᐱᔪᓐᓇᕐᓂᖃᑦᑎᐊᕆᐊᖃᑐᐃᓐᓇᕐᒪᑕ, ᐃᓕᓐᓂᐊᖅᓯᒪᓗᑎᒃ ᐃᖅᑲᓇᐃᔭᓕᒪᓂᖓᓘᓐᓃᑦ ᐃᓱᒪᒋᓗᒍ. ᐃᖅᑲᓇᐃᔭᒃᑲᐅᒋᐊᓖᑦ ᐃᓅᖃᑎᒋᔪᓐᓇᑦᑎᐊᕐᓗᒋᓪᓗ; ᓂᐅᕕᖅᐸᒃᑐᓄᑦ ᑐᙵᓇᖅᐸᒡᓗᑎᑦ.

 

ᓇᒥ ᐃᖅᑲᓇᐃᔭᖅᑖᓂᐊᕋᕕᑦ?

ᐃᖅᑲᓇᐃᔭᒃᓴᑦ ᒪᒃᐱᖓᔪᑦ ᐱᕙᓪᓕᐊᔪᒃᑯᑦ ᐊᒻᒪ ᐃᖅᑲᓇᐃᔭᒃᓴᓂᑦ ᒪᒃᐱᖓᔪᑦ ᐃᑭᐊᕿᕝᕕᒃᑯᑦ ᐱᔪᒥᓇᖅᓴᐃᕗᑦ ᐃᖅᑲᓇᐃᔭᖅᑎᐅᔪᓐᓇᖅᑐᓂᒃ. ᑲᑐᔾᔨᖃᑎᑎᑦ ᑐᓴᐅᒪᑎᓪᓗᒋᑦ ᐃᖅᑲᓇᐃᔭᖅᑎᒃᓴᒥᑦ ᕿᓂᖅᑐᑎᑦ - ᐊᑲᐅᓂᖅᐹᖑᕗᖅ ᐊᓯᓄᑦ ᐃᓱᒪᒃᓴᖅᓯᐅᖅᑎᑕᐅᑎᓪᓗᑎᑦ ᖃᐅᔨᒪᔪᓂᒃ ᓇᖕᒥᓂᕆᔭᖕᓄᑦ ᐱᔭᕆᐊᖃᖅᑕᖏᓐᓄᓪᓗ.

 

ᖃᖓᓕ ᐃᖅᑲᓇᐃᔭᖅᑎᑕᕆᐊᖃᖅᐳᖓ?

ᑐᐊᕕᖏᓪᓗᑎᑦ ᐃᖅᑲᓇᐃᔭᖅᑎᑖᕋᓱᒋᑦ. ᓈᓴᑦᑎᐊᕐᓗᒋᑦ ᐃᑲᔫᑎᑦ ᐊᑭᖏᓪᓗ. ᑖᓐᓇ ᐊᑑᑎᓂᖅᐹᖑᒐᔭᖅᑐᖅ ᓇᖕᒥᓂᕆᔭᕐᓄᑦ ᐃᓱᒪᓕᐅᕆᑎᓪᓗᑎᑦ.

 

ᐊᑏ!

ᑲᓇᑕᒥᑦ ᓄᓇᕗᒻᒥᑦ ᓇᖕᒥᓂᕐᒧᑦ ᐱᔨᑦᑎᕐᕕᒃ ᑐᓂᓯᖃᑦᑕᖅᐳᑦ ᐃᑲᔫᑎᓂᒃ ᐱᔭᒃᓴᓄᑦ ᐱᖁᔭᒃᓴᓄᓪᓗ ᐃᖅᑲᓇᐃᔭᖅᑎᓄᑦ. ᐊᑐᐃᓐᓇᐅᓕᕈᓐᓇᖅᑕᑦ ᒫᓂ: http://www.canadabusiness.ca/eng/page/2835/