ᐅᖃᓚᐅᑎᓯᐅᑏᑦ

You are here

ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19 ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᓄᑖᙳᕆᐊᖅᑎᑕᖏᑦ

ᒪᐃ 01, 2020

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᐱᔨᑦᑎᕈᑎᖏᑦ

1,285 −ᓂᒃ ᐃᓗᐊᖅᓴᐃᔨᓯᐅᑕᐅᙱᑦᑐᓂᒃ ᒪᑐᐊᖅᓯᒪᔾᔪᑎᓂᒃ ᓇᒃᓯᐅᔾᔨᔪᖃᖅᓯᒪᕗᖅ ᒥᑦᑎᒪᑕᓕᖕᒥᐅᓄᑦ, ᐃᑲᔪᕈᒪᓂᕐᒧᑦ  ᓄᓇᕗᑦ ᒐᕙᒪᖓᑕ ᑐᐊᕕᕐᓇᖅᑐᒧᑦ ᑭᐅᓯᓂᕆᔭᖓᓄᑦ ᓇᓗᓇᐃᖅᑕᐅᓯᒪᓪᓚᑦᑖᖅᑐᒧᑦ ᓄᕙᒡᔪᐊᕐᓇᖅ-19−ᑕᖃᕐᓂᖓᓂᒃ ᑕᐃᑲᓂ ᓄᓇᓕᖕᓂ.

ᑕᒪᓐᓇ ᓇᒃᓯᐅᔾᔨᓂᖅ ᐃᓚᖃᖅᑎᑕᐅᓚᐅᖅᐳᖅ ᒪᓕᒃᑕᐅᕙᓪᓕᐊᔭᕆᐊᓕᖕᓂᒃ ᐊᑐᕐᓂᐊᕐᓗᓂ ᒪᑐᐊᖅᓯᓯᒪᔾᔪᑎᓂᒃ − ᓄᓇᕗᑦ ᐅᖃᐅᓯᖏᑎᒍᑦ ᐃᓕᓴᕆᔭᐅᓯᒪᔪᑎᒎᖓᓪᓗᑎᒃ.

ᒪᑐᐊᖅᓯᓯᒪᔾᔪᑎᓂᒃ ᑐᓂᐅᖅᑲᐃᓂᖅ ᑕᒪᒃᑯᓄᖓ ᐊᑐᖅᑕᐅᓪᓚᕆᒋᐊᖃᖅᐸᒃᑐᓄᑦ ᐱᔨᑦᑎᕋᖅᑎᓄᑦ ᐃᖅᑲᓇᐃᔭᖅᑎᓄᑦ, ᓯᕗᓪᓕᐹᒥᒃ, ᐃᓐᓇᕐᓄᑦ, ᐃᓄᖕᓄᑦ ᐋᓐᓂᐊᖃᕐᓂᕐᒧᑦ ᐱᔾᔪᑎᖃᖅᑐᓄᑦ,  ᑭᒃᑯᑐᐃᓐᓇᓄᓪᓗ, ᐊᐅᓇᑕᐅᓂᐊᖅᐳᖅ ᕼᐋᒻᒪᓚᒃᑯᓐᓄᑦ ᒥᑦᑎᒪᑕᓕᖕᒥᐅᓄᑦ.

ᑕᒫᓂ ᐊᕕᒃᓯᒪᓂᕐᒥ ᒪᑐᐊᓯᓯᒪᔾᔪᓯᐅᕐᓂᖅ ᑐᓂᐅᖅᑲᐃᓂᕐᒧᓪᓗ ᐊᔪᙱᓐᓂᕆᔭᐅᔪᖅ ᐊᔪᙱᕝᕕᐅᓯᒪᓕᖅᐳᖅ ᒪᑐᐊᓯᓯᒪᔾᔪᓯᐅᓂᕐᒥᒃ 2000-ᓗ 3000−ᓗ ᐊᑯᓐᓂᖏᓐᓂ ᐅᓄᖅᑎᒋᔪᓂᒃ ᐃᓗᐊᖅᓴᐃᔨᓯᐅᑕᐅᙱᑦᑐᓂᒃ ᒪᑐᐊᓯᓯᒪᔾᔪᑎᓂᒃ ᐱᓇᓱᐊᕈᓯᑕᒡᒫᑦ.

ᑲᑎᖦᖢᒋᑦ 20−ᓂᒃ ᒥᖅᓱᖅᑎᓂᒃ ᐃᓚᐅᔪᖃᖅᓯᒪᓕᖅᐳᖅ ᑕᒪᑐᒧᖓ ᐱᓕᕆᓂᕆᔭᐅᔪᒧᑦ, ᒥᖅᓱᖅᑎᒃᑲᓐᓂᕐᓂᒃ ᐊᖏᖃᑎᒡᒋᒍᑎᖃᖅᑐᖃᖅᖢᓂ ᑕᒪᑐᒪᓂ ᐱᓇᓱᐊᕈᓯᕐᒥ, ᑕᒪᓐᓇ ᑕᐃᒪᐃᑦᑐᓕᐅᕐᓂᑦ ᐅᑯᓄᙵᖅᑎᑕᐅᒃᑲᓐᓂᖅᑎᓪᓗᒍ ᓄᓇᓕᖕᓄᑦ, ᑲᖏᖅᖠᓂᖅ, ᑕᓗᕐᔪᐊᖅ, ᐸᓐᓂᖅᒡᑐᕐᓗ, (ᐅᑯᑎᒎᓇᖅ, ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᑦ ᐱᓕᕆᕝᕕᒋᑲᓐᓂᖅᑕᖏᑎᒍᑦ).

ᓄᓇᕗᑦ ᒐᕙᒪᖓ ᐋᖅᑭᒃᓯᓯᒪᓕᖅᐳᑦ ᐃᒪᐃᑦᑐᓂᒃ, "ᖃᓄᖅ ᐊᑐᖅᑐᖃᕋᔭᕐᒪᖔᑦ ᒪᑐᐊᖅᓯᓯᒪᔾᔪᑎᒥᒃ ᒪᓕᒃᐸᓪᓕᐅᔭᕆᐊᓕᖕᒥᒃ, ᐊᒻᒪᓗᑦᑕᐅᖅ, "ᖃᓄᖅ ᒪᑐᐊᖅᓯᓯᒪᔾᔪᑎᒥᒃ ᐊᑐᖅᑐᖃᕋᔭᕐᒪᖔᑦ ᒪᓕᒃᑕᐅᕙᓪᓕᐊᔭᕆᐊᓕᖕᒥᒃ". ᑕᒪᕐᒥᒃ ᑖᒃᑯᐊᒃ ᒪᓂᒪᕗᒃ ᓄᓇᕗᑦ ᒐᕙᒪᖓᑕ ᐃᑭᐊᖅᑭᕕᖓᓂ ᑕᒪᐃᑎᒍᑦ ᐅᖃᐅᓯᖅᑎᒍᑦ ᐃᓕᓴᕆᔭᐅᓯᒪᔪᑎᒎᖓᓪᓗᑎᒃ ᐅᕙᓂ https://gov.nu.ca/health/information/covid-19-novel-coronavirus


ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕕᖓ - ᐄᐳᕈ 30, 2020

ᓄᓇᓕᖕᓂ ᐊᐅᓚᓂᕆᔭᐅᔪᓄᑦ ᑎᑎᕋᕐᕕᒃ ᒥᑦᑎᒪᑕᓕᖕᒥ ᓱᓕ ᒪᑐᓯᒪᕗᖅ. ᖃᐅᔨᒋᐊᖅᑐᖃᕈᒪᒃᐸᑦ, ᐅᕗᖓ ᑎᑎᕋᖅᑐᖃᕐᓗᓂ CEDO@pondinlet.ca


ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕕᖓ - ᐄᐳᕈ 29, 2020

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᐱᔨᑦᑎᕈᑎᖏᑦ

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᖃᑎᖃᖅᐳᑦ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᓐᓂᒃ ᓴᓇᑎᑦᑎᓂᐊᖅᖢᑎᒃ ᐃᓗᐊᖅᓴᐃᔨᓯᐅᑕᐅᙱᑦᑐᓂᒃ ᒪᑐᐊᖅᓯᓯᒪᔾᔪᑎᓂᒃ ᑭᒃᑯᑐᐃᓐᓇᓄᑦ ᐊᑐᖅᑕᐅᖃᑦᑕᕈᓐᓇᕐᓂᐊᖅᑐᓂᒃ.  ᑕᒪᓐᓇ ᓯᕗᓪᓕᖅᐹᖅᓯᐅᑎᒥᒃ $35,000.−ᓂᑦ ᐊᑐᖅᐳᖅ.

ᓄᓇᕗᑦ ᒐᕙᒪᖓᑕ ᓴᓇᑎᑦᑎᓂᖓ ᐃᓗᐊᖅᓴᐃᔨᓯᐅᑕᐅᙱᑦᑐᓂᒃ ᒪᑐᓯᒪᔾᔪᑎᓂᒃ ᑲᔪᓰᓐᓇᖅᐳᖅ; ᐅᓪᓗᒥᒧᓪᓗ ᑎᑭᖦᖢᒍ 2000 ᐅᖓᑖᓃᑦᑐᓂᒃ ᒪᑐᓯᓯᒪᔾᔪᑎᓂᒃ ᓴᓇᔪᖃᖅᓯᒪᓕᖅᐳᖅ ᓄᓇᓕᖕᓂ ᒥᖅᓱᖅᑎᓂᑦ.

ᑐᕌᕆᔭᐅᔪᖅ ᑕᒪᑐᒧᖓ ᐱᓕᕆᐊᖑᔪᒧᑦ ᐱᑎᑦᑎᔪᒪᓂᐅᕗᖅ ᓈᒻᒪᒃᑐᓂᒃ ᐊᑐᖅᑕᐅᖃᑦᑕᕈᓐᓇᖅᑐᓂᒃ ᒪᑐᐊᖅᓯᓯᒪᔾᔪᑎᓂᒃ, ᐱᕕᒃᓴᖃᖅᑎᑦᑎᓗᑎᒃ ᓄᓇᕗᒻᒥᒃ ᒪᓕᒍᓐᓇᕐᓗᓂ ᓄᑖᖑᓛᓂᒃ ᓄᒃᑕᕐᓂᕐᒧᑦ ᑲᓇᑕᒥ ᐃᖏᕐᕋᔪᓕᕆᔨᒃᑯᑦ ᐊᑐᖅᑕᐅᔭᕆᐊᖃᖅᑐᖁᑎᖏᓐᓂᒃ ᓄᒃᑕᖅᑎᓄᑦ, ᐊᒻᒪᓗᑦᑕᐅᖅ ᓇᓗᙱᑦᑎᐊᖅᑎᑦᑎᓗᓂ ᐱᑐᐃᓐᓇᐅᙱᑦᑐᑦ ᐱᓕᕆᖃᑎᒡᒋᑦ, ᓲᕐᓗ ᐃᓗᐊᖅᓴᐃᔨᐅᙱᑦᑐᑦ ᐃᖅᑲᓇᐃᔭᖅᑏᑦ, ᐃᓐᓇᐃᑦ, ᓄᓇᕗᒻᒥᐅᓪᓗ ᐋᓐᓂᐊᖃᖅᐸᒌᖅᑐᑦ ᐊᑐᕈᓐᓇᑯᓪᓗᒋᑦ ᖄᒃᑲᓐᓂᐊᒍᑦ ᓴᐳᒻᒥᔾᔪᑎᒃᓴᒥᒃ. 

ᐊᔪᕐᓇᙱᑦᑐᑯᓗᖕᒥᒃ ᒪᓕᒋᐊᓕᖕᒥᒃ ᖃᓄᖅ ᓴᓇᓂᐊᕐᓗᓂ ᐅᐊᓴᒐᒃᓴᐅᔪᒥᒃ ᐃᓗᐊᖅᓴᐃᔨᓯᐅᑕᐅᙱᑦᑐᒥᒃ ᒪᑐᓯᓯᒪᔾᔪᑎᒥᒃ ᓇᓂᓯᔪᖃᕈᓐᓇᖅᐳᖅ ᑕᒪᐃᑎᒎᖓᔪᒥᒃ ᐅᖃᐅᓯᖅᑎᒍᑦ ᐅᕙᓂ, https://gov.nu.ca/health/information/covid-19-novel-coronavirus. ᑖᓐᓇ ᒪᓕᒃᑕᐅᕙᓪᓕᐊᔪᒃᓴᖅ ᑐᙵᕕᖃᖅᑎᑕᐅᕗᖅ ᑲᓇᑕᐅᑉ ᒐᕙᒪᒃᑯᖏᑕ ᐊᑐᖁᔭᖓᓂᒃ ᒪᑐᒥᓯᓯᒪᔾᔪᑎᒥᒃ ᓴᓇᔭᐅᔪᓐᓇᖅᑐᒥᒃ.

ᐱᕙᓪᓕᐊᔪᓕᕆᔨᒃᑯᑦ  ᐊᒻᒪᑦᑕᐅᖅ ᐋᖅᑭᒃᓱᐃᓯᒪᒋᕗᑦ ᐋᖅᑭᒃᓯᓯᒪᕗᑦ ᒪᓕᒃᑕᐅᔪᓐᓇᖅᑐᓂᒃ ᖃᓄᖅ ᐊᑐᕋᔭᕆᐊᒃᓴᖅ ᑕᒪᒃᑯᓂᖓ ᒪᑐᓯᓯᒪᔾᔪᑎᓂᒃ, ᓴᓇᔭᐅᕙᓪᓕᐊᔪᓂᑦ ᓄᓇᕗᑦ ᒐᕙᒪᒃᑯᖏᓐᓂᑦ.  ᒪᓕᒃᑕᐅᕙᓪᓕᐊᔪᓐᓇᖅᑐᓂᒃ ᑕᒪᐃᑎᒍᑦ ᐅᖃᐅᓯᖅᑎᒍᑦ ᐅᕙᓂ ᓇᓂᓯᔪᖃᕈᓐᓇᖅᐳᖅ: https://gov.nu.ca/health/information/covid-19-novel-coronavirus. ᑖᓐᓇᑦᑕᐅᖅ ᒪᓕᒃᑕᐅᕙᓪᓕᐊᔪᒃᓴᖅ ᑐᓂᐅᖅᑲᐅᑕᐅᓂᐊᕆᕗᖅ ᑕᒪᐃᓐᓂ ᐊᐅᓪᓚᖅᑎᑕᐅᔪᓂ ᒪᑐᓯᓯᒪᔾᔪᑎᓂ ᓄᓇᓕᖕᓄᑦ.

ᐃᓗᐊᖅᓴᐃᔨᓯᐅᑕᐅᙱᑦᑐᑦ ᒪᑐᐊᖅᓯᓯᒪᔾᔪᑎᑦ ᐱᑎᑦᑎᕙᒃᐳᑦ ᖄᒃᑲᓐᓂᐊᒍᑦ ᓴᐳᔾᔭᐅᓯᒪᓂᕐᒥᒃ. ᑕᒪᒃᑯᐊ ᐃᓇᒌᔾᔮᙱᑦᑐᑦ ᐃᓅᖃᑎᒥᒃ ᐅᖓᓯᒃᓴᕆᐊᖃᕐᓂᕐᒥᒃ ᐊᓯᖏᓐᓂᒡᓗ ᓴᐳᔾᔨᓯᒪᔪᒪᓂᕐᒧᑦ ᐊᑐᖅᑕᐅᔪᓂᒃ.

 


ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕕᖓ - ᐄᐳᕈ 22, 2020

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᖃᑎᖃᖅᐳᑦ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᓐᓂᒃ ᓴᓇᑎᑦᑎᓂᐊᖅᖢᑎᒃ ᐃᓗᐊᖅᓴᐃᔨᓯᐅᑕᐅᙱᑦᑐᓂᒃ ᒪᑐᐊᖅᓯᓯᒪᔾᔪᑎᓂᒃ ᑭᒃᑯᑐᐃᓐᓇᓄᑦ ᐊᑐᖅᑕᐅᖃᑦᑕᕈᓐᓇᕐᓂᐊᖅᑐᓂᒃ.ᑕᒪᓐᓇ ᓯᕗᓪᓕᖅᐹᖅᓯᐅᑎᒥᒃ $35,000.−ᓂᑦ ᐊᑐᖅᐳᖅ.

ᑐᕌᕆᔭᐅᔪᖅ ᑕᒪᑐᒧᖓ ᐱᓕᕆᐊᖑᔪᒧᑦ ᐱᑎᑦᑎᔪᒪᓂᐅᕗᖅ ᓈᒻᒪᒃᑐᓂᒃ ᐊᑐᖅᑕᐅᖃᑦᑕᕈᓐᓇᖅᑐᓂᒃ ᒪᑐᐊᖅᓯᓯᒪᔾᔪᑎᓂᒃ, ᐱᕕᒃᓴᖃᖅᑎᑦᑎᓗᑎᒃ ᓄᓇᕗᒻᒥᒃ ᒪᓕᒍᓐᓇᕐᓗᓂ ᓄᑖᖑᓛᓂᒃ ᓄᒃᑕᕐᓂᕐᒧᑦ ᑲᓇᑕᒥ ᐃᖏᕐᕋᔪᓕᕆᔨᒃᑯᑦ ᐊᑐᖅᑕᐅᔭᕆᐊᖃᖅᑐᖁᑎᖏᓐᓂᒃ ᓄᒃᑕᖅᑎᓄᑦ, ᐊᒻᒪᓗᑦᑕᐅᖅ ᓇᓗᙱᑦᑎᐊᖅᑎᑦᑎᓗᓂ ᐱᑐᐃᓐᓇᐅᙱᑦᑐᑦ ᐱᓕᕆᖃᑎᒡᒋᑦ, ᓲᕐᓗ ᐃᓗᐊᖅᓴᐃᔨᐅᙱᑦᑐᑦ ᐃᖅᑲᓇᐃᔭᖅᑏᑦ, ᐃᓐᓇᐃᑦ, ᓄᓇᕗᒻᒥᐅᓪᓗ ᐋᓐᓂᐊᖃᖅᐸᒌᖅᑐᑦ ᐊᑐᕈᓐᓇᑯᓪᓗᒋᑦ ᖄᒃᑲᓐᓂᐊᒍᑦ ᓴᐳᒻᒥᔾᔪᑎᒃᓴᒥᒃ.

ᑕᒪᒃᑯᐊ ᒪᑐᐊᖅᓯᓯᒪᔾᔪᑏᑦ ᓴᓇᓯᒪᓂᐊᖅᐳᑦ ᖃᓪᓗᓈᖅᑕᒥᒃ, ᐅᐊᓴᒐᒃᓴᐅᓪᓗᑎᒡᓗ, ᐊᑐᒃᑲᓐᓂᓕᒐᒃᓴᐅᓐᓗᑎᒡᓗ, ᓴᓇᔭᐅᓯᒪᓪᓗᑎᒡᓗ ᑲᓇᑕᒥᐅᓂ ᖃᓄᐃᓕᐅᖅᑕᐅᔭᕆᐊᓕᖕᓂᒡᓗ ᒪᓕᒃᖢᑎᒃ. ᒥᖅᓱᒐᒃᓴᐃᑦ ᓇᒃᓯᐅᔾᔭᐅᓂᐊᖅᐳᑦ ᒥᖅᓱᖅᑎᓄᑦ ᓴᓇᓂᐊᕐᓂᕐᒧᑦ ᒪᓕᒋᐊᖃᖅᑐᖁᑎᖃᕐᓗᑎᒃ, ᖃᓄᐃᓕᐅᕆᐊᖃᕐᓂᕐᒧᓪᓗ ᓴᓇᓕᕈᑎᒃ.

ᐊᔪᕐᓇᙱᑦᑐᑯᓗᖕᓂᒃ ᒪᓕᒃᑕᐅᕙᓪᓕᐊᔪᓐᓇᖅᑐᓂᒃ ᐋᖅᑭᒃᓱᐃᔪᖃᖅᐸᓪᓕᐊᕗᖅ ᑕᒪᒃᑯᐊ ᐃᓄᐃᑦ ᓇᖕᒥᓂᖅ ᒪᑐᐊᒃᓴᒥᓂᒃ ᐊᖏᕐᕋᒥᓂ ᓴᓇᔪᓐᓇᕐᓂᐊᕐᒪᑕ.

ᐃᓗᐊᖅᓴᐃᔨᓯᐅᑕᐅᙱᑦᑐᑦ ᒪᑐᐊᖅᓯᓯᒪᔾᔪᑎᑦ ᐱᑎᑦᑎᕙᒃᐳᑦ ᖄᒃᑲᓐᓂᐊᒍᑦ ᓴᐳᔾᔭᐅᓯᒪᓂᕐᒥᒃ. ᑕᒪᒃᑯᐊ ᐃᓇᒌᔾᔮᙱᑦᑐᑦ ᐃᓅᖃᑎᒥᒃ ᐅᖓᓯᒃᓴᕆᐊᖃᕐᓂᕐᒥᒃ ᐊᓯᖏᓐᓂᒡᓗ ᓴᐳᔾᔨᓯᒪᔪᒪᓂᕐᒧᑦ ᐊᑐᖅᑕᐅᔪᓂᒃ.

ᑭᓲᕙ ᓈᒻᒪᒐᔭᖅᑐᖅ ᐃᓗᐊᖅᓴᐃᔨᓯᐅᑕᐅᙱᓪᓗᓂ ᒪᑐᐊᖅᓯᓯᒪᔾᔪᑎ ᑮᓇᕐᒧᓪᓘᓐᓃᑦ ᒪᑐᓯᓯᒪᔾᔪᑎ?

ᐃᓗᐊᖅᓴᐃᔨᓯᐅᑕᐅᙱᑦᑐᑦ ᒪᑐᐊᑦ  ᑮᓇᕐᒧᓪᓘᓐᓃᑦ ᒪᑐᓯᓯᒪᔾᔪᑏᑦ ᐃᒪᕐᓇᐅᓪᓗᐊᖅᐳᑦ:

  • ᓴᓇᓯᒪᓗᑎᒃ ᒪᕐᕈᓪᓗᐊᑖᖕᓂᒃ ᖃᓕᕇᖕᓂᒃ  ᓱᑲᑎᖅᓯᒪᑦᑎᐊᖅᑐᒥᒃ ᓄᕕᖅᓴᖅᓯᒪᓂᓕᖕᒥᒃ ᖃᓪᓗᓈᖅᑕᒥᒃ, (ᓲᕐᓗ ᖃᓪᓗᓈᖅᑕᖅ ᕿᐱᑉᓴᔭᒡᓘᓐᓃᑦ)
  • ᐊᖏᓂᖃᕐᓗᑎᒃ ᐊᑕᖏᑦᑎᐊᕐᓗᒋᒃ ᐃᓗᐊᕐᓗᓂᓗ ᒪᑐᓯᓯᒪᔪᓐᓇᕐᓗᓂ ᕿᖓᕐᒥᒃ ᖃᓂᕐᒥᒡᓗ ᐊᖕᒪᓂᖃᖅᑐᖃᐅᙱᑦᑎᐊᕐᓗᓂ.
  • ᓂᐊᖁᒧᑦ ᐊᑕᔪᓐᓇᑦᑎᐊᕐᓗᓂ ᕿᓚᒍᓐᓇᕐᓗᓂ ᓯᐅᑏᖕᓄᓪᓘᓐᓃᑦ ᓇᒃᑎᑦᑐᓐᓇᕐᓗᓂ
  • ᐊᓂᖅᓵᖅᑐᒡᒐᙱᑎᑦᑎᑦᑎᐊᕐᓗᓂ
  • ᐃᓗᐊᕐᓗᓂ ᐋᖅᑭᒋᐊᕆᐊᖃᒃᑲᓐᓂᕋᔪᙱᓪᓗᓂᓗ
  • ᐊᓯᔾᔨᖅᑕᐅᕙᒡᓗᓂ ᐊᔪᕐᓇᕈᓐᓃᑐᐊᕌᖓᑦ ᖃᐅᓯᓕᖅᐸᑦ ᐃᑉᐸᓕᖅᐸᓪᓘᓃᑦ
  • ᐃᓕᖅᑯᓯᑐᖃᕐᒥᓃᖏᓐᓇᖅᐸᒡᓗᓂ ᐅᐊᓴᖅᑕᐅᕌᓂᒃᑳᖓᒥ ᐸᓂᖅᓯᖅᑕᐅᕌᓂᒃᑳᖓᒥᓗ

ᐃᓚᖏᑦ ᒪᑐᐊᖅᓯᓯᒪᔾᔪᑏᑦ ᐃᓚᖃᖅᐸᒃᑭᕗᑦ ᐃᒃᐱᐊᕐᕗᖕᒥᒃ ᐊᓪᓚᕈᑎᖃᕐᕕᐅᓂᐊᖅᑐᒥᒃ ᐃᒋᑕᒃᓴᐅᔪᒥᒡᓘᓐᓃᑦ ᑳᐱᒧᑦ ᐳᑐᓛᒥᒃ, ᐱᐅᓂᖅᓴᒥᒃ ᐊᑐᖅᑐᖃᕈᒪᒃᐸᑦ. ᐊᔪᕐᓇᙱᑐᐊᖅᐸᑦ, ᐊᑐᖅᑐᖃᕐᓗᓂ ᐊᔾᔨᒌᙱᑦᑑᖕᓂᒃ ᖃᓪᓗᓈᖅᑖᖕᓂᒃ ᑕᒪᐃᓐᓄᑦ ᓵᖏᖕᓄᑦ ᒪᑐᐊᖅᓯᓯᒪᔾᔪᑎᐅᑉ, ᑕᐃᒪᐃᑉᐸᑦ ᖃᐅᔨᒪᓂᐊᕋᕕᐅᒃ ᓯᓚᓪᓕᐅᖕᒪᖔᑦ ᐃᓗᓪᓕᐅᖕᒪᖔᓪᓘᓐᓃᑦ.

ᐃᓗᐊᖅᓴᐃᔨᓯᐅᑕᐅᙱᑦᑐᑦ ᑮᓇᕐᒧ ᒪᑐᐊᑦ ᑮᓇᕐᒧᓪᓘᓐᓃᑦ ᒪᑐᓯᓯᒪᔫᑏᑦ ᐃᒪᐃᑦᑑᓪᓗᐊᖅᐳᑦ:

  • ᐃᓕᔭᐅᓪᓗᐊᙱᓚᑦ ᓄᑕᖅᑲᓄᑦ ᐊᕐᕌᒍᓕᖕᓄᑦ 2 ᑐᖔᓂ
  • ᐃᓕᔭᐅᓪᓗᐊᙱᓚᑦ ᑭᓇᑐᐃᓐᓇᕐᒧᑦ ᓇᖕᒥᓂᖅ ᑕᐃᒪᐃᑦᑐᓂᒃ ᐲᖅᓯᔪᓐᓇᕋᔭᙱᑦᑐᒧᑦ ᐃᑲᔪᖅᑕᐅᙱᓪᓗᓂ, ᑭᓇᑐᐃᓐᓇᕐᒧᓪᓘᓐᓃᑦ ᐊᓂᖅᓵᖅᑐᒡᒐᕐᓂᖃᖅᐸᒃᑐᒧᑦ
  • ᓴᓇᓯᒪᓪᓗᐊᙱᓚᑦ ᐊᐅᒃᑕᔫᒥᒃ ᐊᓯᐊᓂᒡᓘᓐᓃᑦ ᐊᓂᖅᓵᕐᑐᕐᕕᐅᔪᓐᓇᙱᑦᑐᓄᑦ ᐱᖁᑎᓄᑦ
  • ᓴᓇᓯᒪᓪᓗᐊᑕᕐᓗᓂ ᐊᐅᒃᑕᔫᒥᑦ ᓵᑦᑐᒥᑦ ᐱᖁᑎᓂᒡᓘᓐᓃᑦ ᓱᕋᒃᓴᕋᐃᑦᑐᓂᑦ, ᓲᕐᓗ, ᑲᒃᑭᐃᑎᒃᓴᓂᑦ
  • ᐊᑕᓕᖅᑎᑕᐅᓪᓗᐊᙱᓚᑦ ᓂᐱᐅᑎᒧᑦ ᐊᓯᐊᓄᓪᓘᓐᓃᑦ ᓈᒻᒪᙱᑦᑐᓄᑦ ᐊᑕᓕᕈᑕᐅᔪᓐᓇᖅᑐᓄᑦ
  • ᐊᒥᖅᑳᕈᑕᐅᑦᑕᐃᓕᓕᑦ ᐊᓯᓄᑦ
  • ᑕᐅᑐᑦᑎᐊᙱᓕᕈᑕᐅᑦᑕᐃᓕᓕ, ᐱᓕᕆᐊᒃᓴᓄᓪᓘᓃᑦ ᐊᒡᕕᐊᑲᑕᓕᖅᑕᐃᓕᓕᑦ

 

ᖃᓄᖅ ᐃᓗᐊᖅᓴᐃᔨᓯᐅᑕᐅᙱᑦᑐᒥᒃ ᒪᑐᐊᖅᓯᓯᒪᔾᔪᑎᒥᒃ ᑮᓇᕐᒧᓪᓘᓐᓃᑦ ᒪᑐᓯᓯᒪᔾᔪᑎᒥᒃ ᐊᑎᓯᔪᖃᕈᓐᓇᖅᐸ

  1. ᖃᐅᔨᒪᑦᑎᐊᕐᓗᑎᑦ ᑖᓐᓇ ᒪᑐᐊᖅᓯᓯᒪᔾᔪᑎ ᓴᓗᒪᓂᖓᓂᒃ ᐸᓂᕐᓂᖓᓂᒡᓗ.
  2. ᐊᒡᒐᑎᑦ ᐅᐊᓴᕐᓗᒋᑦ ᐆᓇᔪᒃᑐᒧᑦ ᐃᒪᕐᓄᑦ ᐅᐊᓴᐅᑎᒧᓪᓗ 20−ᐸᓗᖕᓄᑦ ᑎᑦᑕᑯᓗᖕᓄᑦ ᑖᓐᓇ ᒪᑐᐊᖅᓯᓯᒪᓪᔪᑎ ᐊᒃᑐᓚᐅᙱᓐᓂᕐᓂ. ᐱᑕᖃᙱᑉᐸᑦ, ᐊᑐᕐᓗᑎᑦ ᖁᐱᕐᕈᓂᒃ ᐊᒡᖓᒐᓃᑦᑐᓂᒃ ᑐᖁᕋᐃᔾᔪᑎᒥᒃ, ᒥᑭᓛᖃᕐᓗᒍ 60%−ᒥᒃ ᐋᓪᑲᕼᐋᓪ−ᓕᖅᓯᒪᔪᒥᒃ.
  3. ᖃᐅᔨᒪᑦᑎᐊᖅᐸᒡᓗᑎᑦ ᓄᔭᑎᑦ ᑮᓇᖕᓃᙱᒃᑲᓗᐊᕐᒪᖔᑕ.
  4. ᐊᑎᓗᒍ ᑮᓇᖕᓄᑦ ᒪᑐᓯᓯᒪᔾᔪᑏᑦ ᕿᖓᖅᐱᑦ ᖁᓛᒍᑦ ᖃᓂᖅᐱᓪᓗ ᐊᑦᑐᙱᕐᓗᒍᓗ ᓂᐊᖁᕐᓄᑦ ᓯᐅᑎᖕᓄᓪᓘᓐᓃᑦ ᕿᓚᒍᑎᒋᓐᓄᑦ ᑕᓯᔭᖅᑐᖏᓐᓄᓪᓘᓐᓃᑦ.
  5. ᐋᖅᑭᒋᐊᒃᑲᓐᓂᕐᓗᒍ ᐋᖅᑭᒋᐊᕆᐊᖃᒃᑲᓐᓂᖅᐸᑦ ᖃᐅᔨᒪᑦᑎᐊᕈᒪᒧᑦ ᕿᖓᐃᑦ ᖃᓃᓪᓗ ᐊᑕᖏᑦᑎᐊᖅᖢᑎᒃ ᒪᑐᓯᒪᒐᓗᐊᕐᒪᖔᑎᒃ.
  6. ᑖᓐᓇ ᓇᓛᒋᔭᐅᑦᑎᐊᓪᓗᐊᖅᐳᖅ ᐊᖏᓂᖓ ᐅᓗᐊᖕᓄᑦ, ᐊᖕᒪᓂᖃᐅᙱᑦᑎᐊᕐᓗᓂᓗ.
  7. ᐊᑐᒃᑲᓐᓂᕐᓗᒍ ᐊᑐᖅᑕᐅᕙᒃᑐᖅ 2.

 

ᐊᑐᕐᓂᕐᓂ ᐃᓗᐊᖅᓴᐃᔨᓯᐅᑕᐅᙱᑦᑐᒥᒃ ᒪᑐᐊᖅᓯᓯᒪᔾᔪᑎᒥᒃ ᑮᓇᕐᓄᓪᓘᓐᓃᑦ ᒪᑐᒥᒃ, ᐱᒻᒪᕆᐊᓗᕗᖅ ᑮᓇᐃᑦ ᐊᒃᑐᖅᑕᐃᓕᒪᖃᑦᑕᕈᕕᐅᒃ. ᐊᒃᑐᕐᓂᕈᕕᐅᒃ ᒪᑐᐊᖅᓯᓯᒪᔾᔪᑏᑦ ᑮᓇᐃᓪᓘᓐᓃᑦ, ᐊᒡᒐᑎᑦ ᐅᐊᓴᓯᑲᐅᑎᒋᓪᓗᐊᖅᐸᑎᑦ ᐆᓇᔪᒃᑐᒧᑦ ᐃᒪᕐᒧᑦ ᐊᐅᓴᐅᑎᖃᕐᓗᑎᑦ, ᐅᐊᓴᐃᓗᑎᓪᓗ 20−ᐸᓗᖕᓄᑦ ᑎᑦᑕᑯᓗᖕᓄᑦ. ᐊᑐᕈᓐᓇᕆᕗᑎᑦ ᖁᐱᕐᕈᓂᒃ ᑐᖁᕋᐃᔾᔪᑎᒥᒃ, ᒥᑭᓛᖃᕐᓗᒍ 60%−ᒥᒃ ᐋᓪᑲᕼᐋᓪ−ᓕᖅᓯᒪᔪᒥᒃ.

ᖃᓄᖅ ᐃᓗᐊᖅᓴᐃᔨᓯᐅᑕᐅᙱᑦᑐᒥᒃ ᒪᑐᐊᖅᓯᓯᒪᔾᔪᑎᒥᒃ ᑮᓇᕐᒧᓪᓘᓐᓃᑦ ᒪᑐᓯᓯᒪᔾᔪᑎᒥᒃ ᐊᑐᕈᓐᓃᖅᑐᖃᕈᓐᓇᖅᐸ

  1. ᐊᒡᒐᑎᑦ ᐅᐊᓴᕐᓗᒋᑦ ᐆᓇᔪᒃᑐᒧᑦ ᐃᒪᕐᓄᑦ ᐅᐊᓴᐅᑎᒧᓪᓗ 20−ᐸᓗᖕᓄᑦ ᑎᑦᑕᑯᓗᖕᓄᑦ ᑖᓐᓇ ᒪᑐᐊᖅᓯᓯᒪᓪᔪᑎ ᐊᒃᑐᓚᐅᙱᓐᓂᕐᓂ.
    • ᐱᑕᖃᙱᑉᐸᑦ, ᐊᑐᕐᓗᑎᑦ ᖁᐱᕐᕈᓂᒃ ᐊᒡᖓᒐᓃᑦᑐᓂᒃ ᑐᖁᕋᐃᔾᔪᑎᒥᒃ, ᒥᑭᓛᖃᕐᓗᒍ 60%−ᒥᒃ ᐋᓪᑲᕼᐋᓪ−ᓕᖅᓯᒪᔪᒥᒃ.
  2. ᐲᕐᓗᒍ ᑮᓇᕐᓄᑦ ᒪᑐᐊᖅᓯᓯᒪᔾᔪᑎ ᕿᓚᒃᓯᒪᔪᓐᓃᖅᑎᓪᓗᒍ ᓯᐅᑎᖕᓃᑦᑐᒡᓘᓐᓃᑦ ᓇᒃᑎᖏᕐᓗᒋᒃ.
    • ᐊᒃᑐᖅᑕᐅᓕᓗᒍ ᒪᑐᐊᖅᓯᓯᒪᔾᔪᑎᐅᑉ ᓵᖓ ᐲᓕᕈᕕᐅᒃ.
    • ᑖᓐᓇ ᐃᓕᔭᐅᓯᒪᓚᐅᑲᒍᓐᓇᖅᐳᖅ ᕿᓪᓚᔪᑭᐊᒧᑦ ᐴᕐᒧᑦ ᐊᖏᕐᕋᖅᓯᒪᙱᒃᑯᕕᑦ.
      • ᖃᐅᔨᒪᑦᑎᐊᕐᓂᐊᖅᐳᑎᑦ ᒪᑐᑦᑎᐊᕐᓂᕐᓂᒃ, ᒥᖅᓱᖅᑕᖅᑐᕐᓂᕐᓂᒡᓘᓐᓃᑦ ᐳᖓ ᑐᖅᑯᓕᕈᕕᐅᒃ.
  3. ᐊᑐᒃᑲᓐᓂᕈᒪᓂᐊᕈᕕᐅᒃ ᑖᓐᓇ ᒪᑐᐊᖅᓯᓯᒪᔾᔪᑎ, ᐅᐊᓴᕐᓗᒍ ᐊᑐᒃᑲᓐᓂᓚᐅᙱᓐᓂᕐᓂ.
    • ᐅᐊᓴᖅᑕᐅᔪᓐᓴᖅᑐᖅ ᐆᓇᖅᑐᒧᑦ, ᐅᐊᓴᐅᑎᖃᑦᑎᐊᖅᑐᒧᑦ ᐃᒪᕐᒧᑦ, ᐅᐊᓴᖅᑕᐅᔪᓐᓇᕆᓪᓗᓂᓘᓐᓃᑦ ᐊᓯᖏᓐᓂ ᐅᐊᓴᒐᒃᓴᓂ.
    • ᐃᒋᓐᓂᐊᕈᕕᐅᒃ, ᐊᒃᑕᑰᕝᕕᖕᒧᐊᕐᓗᒍ, ᕿᓪᓚᔪᑭᐊᒧᓪᓘᓐᓃᑦ ᐴᕐᒧᑦ.
  4. ᐲᕌᓪᓚᓚᐅᕐᓗᒍ ᑮᓇᕐᓄᑦ ᒪᑐᓯᒪᔾᔪᑏᑦ, ᐊᑐᒃᑲᓐᓂᕐᓗᒍ ᐊᑐᕆᐊᓕᒃ 1.

 


ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕕᖓ - ᒫᑦᓯ 27, 2020

ᐱᓕᕆᕝᕕᒃ ᐃᑲᔪᕐᓂᐊᖅᑐᑦ ᑮᓇᐅᔭᖅᑎᒍᑦ ᓄᓇᕗᒻᒥ ᓇᒻᒥᓂᖁᑎᓕᓐᓄᑦ ᒥᑭᓐᓂᖅᓴᓂᑦ ᐊᖅᑯᑎᒋᔭᐅᓗᓂ ᑖᓐᓇ ᓇᒻᒥᓂᖁᑎᓪᓗᓐᓄ ᒥᑭᓐᓂᖅᓴᑦ ᐃᑲᔫᑏᓄᑦ ᐱᓕᕆᐊᖅ.

ᓇᒻᒥᓂᖃᖅᑎᐅᔪᑦ ᐱᖃᑕᐅᔪᓐᓇᖅᑐᑦ ᑐᔅᓯᕋᕈᓐᓇᖅᑐᑦ ᑭᓪᓕᖃᕐᓗᒍ $5,000ᓂᑦ ᐃᑲᔫᑏᓂᑦ ᑖᒃᑯᐊ ᐅᑎᖅᑎᑦᑕᕆᐊᖃᖏᓪᓗᑎᑦ ᐊᐃᑦᑑᑕᐅᔪᑦ.

ᐆᑦᑐᕈᒪᔪᑦ ᒥᑭᓐᓂᖅᓴᓂᑦ ᓇᒻᒥᓂᖁᑎᓖᑦ ᑐᑭᓯᒋᐊᒃᑲᓐᓂᕈᓐᓇᖅᑐᑦ ᐅᕙᓂ:  https://gov.nu.ca/edt/programs-services/small-business-support-program

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᖃᑎᖃᕐᓂᒃᑯᑦ ᓇᖕᒥᓂᓕᖕᓄᑦ ᐊᔾᔨᒌᙱᑦᑐᓄᑦ, ᐅᔭᕋᓐᓂᐊᖅᑎᒃᑯᑦ ᐊᒻᒪ ᐊᓯᖏᓪᓗ ᓴᓇᔪᓕᕆᔩ ᑲᑐᔾᔨᖃᑎᒌᑯᖏᓪᓗ ᑕᒪᒃᑯᓂᖓ ᑐᓴᕐᕕᖃᕈᒪᔪᑦ ᐊᒻᒪ ᑐᑭᓯᒋᐊᕐᕕᖃᕈᒪᓪᓗᑎᑦ ᐃᓚᒋᔭᐅᔪᓄᑦ.

ᑐᓴᖅᑕᐅᔪᑦ ᑲᑎᖅᓱᖅᑕᐅᓂᐊᖅᑐᑦ ᐊᒻᒪ ᕿᒥᕐᕈᔭᐅᓗᑎᑦ ᑖᒃᑯᐊ ᓄᓇᕗᑦ ᒐᕙᒪᒃᑯᖏᑦ ᐱᓕᕆᖃᑎᒋᔭᖏᓪᓗ ᑐᑭᓯᓯᒪᑦᑎᐊᕈᓐᓇᖅᓯᓂᐊᕐᒪᑕ ᒫᓐᓇ ᖃᓄᐃᓐᓂᐅᔪᖅ ᐊᑦᑐᐃᓯᒪᓂᖃᕐᓂᐊᕐᒪᖔᖅ ᓄᕙᒡᔪᐊᕐᓇᖅ-19 ᓄᓇᕗᒻᒥ ᑮᓇᐅᔭᓕᐅᕋᓱᐊᕐᓂᕐᒧᑦ ᒪᑭᒪᔾᔪᑎᔅᓴᖏᑦ.


ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕕᖓ - ᒫᑦᓯ 24, 2020

ᑲᔪᓯᒍᑕᐅᔪᑦ ᐱᔨᑦᕋᐅᑏᑦ:

  • ᖃᖓᑕᔫᒃᑯᕕᓐᓂ ᐊᐅᓚᑕᐅᔪᑦ ᒪᑭᒪᐃᓐᓇᖅᑎᑕᐅᓂᖏᓪᓗ.

ᐋᖅᑭᒋᐊᖅᑕᐅᓯᒪᔪᑦ ᐱᔨᑦᓯᕋᐅᑏᑦ:

  • ᐊᓯᓕᒫᖏᑦ ᐱᓕᕆᕕᖓᓂ ᐱᔨᑦᓯᕋᐅᑏᑦ ᐊᓯᔾᔨᖅᑕᐅᕙᓪᓕᐊᔪᑦ ᐃᖅᑲᓇᐃᔭᕐᕕᖏᓐᓂᒃ ᐊᖏᕐᕋᖏᓐᓄᑦ, ᑐᑭᒧᐊᖅᑎᑦᓯᔨᖏᑦ ᐊᓯᖏᓪᓗ ᐱᒻᒪᕆᐅᔪᓂᒃ ᐃᖅᑲᓇᐃᔮᓖᑦ ᐊᓪᓚᕝᕕᖏᓐᓃᑦᑐᑎᒃ.
  • ᓄᓇᓯᐅᑎᓄᑦ ᐊᑎᓕᐅᖅᑎᑦᓯᔩᑦ ᐃᓘᓐᓇᑎᒐᓚᓪᓗ ᓚᐃᓴᓐᓯᓂᒃ ᓄᑖᕐᖑᕆᐊᖅᓯᓂᕐᒧᑦ ᓱᓕ ᑲᒪᒋᔭᐃᑦ.
  • ᑭᓇᐅᓂᕐᒧᑦ ᓇᓗᓇᐃᒃᑯᑕᐃᑦ ᑲᒪᒋᔭᐅᖃᑦᑕᕈᓐᓇᖅᑐᑦ ᑐᐊᕕᕐᓇᖅᑐᓄᒃ ᑭᓯᐊᓂ.
  • ᓄᑖᓂᒃ ᐊᖁᑦᑐᖅᓯᐅᑎᓂᒃ ᓚᐃᓴᓐᓯᓂᒃ ᑲᒪᒋᔭᐅᔪᖃᔾᔮᙱᑦᑐᖅ ᑭᓯᐊᓂ ᑭᖑᓂᐊᒍᑦ ᓇᓗᓇᐃᖅᑕᐅᑉᐸᑦ ᖃᖓᒃᑯᑦ.

ᒪᑐᓯᒪᔪᑦ/ᓄᖅᑲᖅᑎᑕᐅᓯᒪᔪᑦ/ᓄᖅᑲᖓᑲᐃᓐᓇᖅᑐᓪᓗ ᐱᔨᑦᓯᕋᐅᑏᑦ:

  • ᑐᐊᕕᕐᓇᙱᑦᑐᓕᒫᑦ ᓄᓇᓯᐅᑎᓕᕆᓂᕐᒧᑦ ᐱᔨᑦᓯᕋᐅᑏᑦ ᐃᓚᒋᔭᐅᓪᓗᑎᒃ ᐊᖁᑦᑐᖅᓯᐅᑎᑖᕋᓱᐊᖅᑐᑦ ᖃᐅᔨᓴᕈᑎᐅᔪᑦ, ᐳᓚᕋᑎᓄᑦ ᑐᑭᓯᒋᐊᕕᓕᒫᓂ ᐱᓕᕆᐊᑦ, ᐱᓕᕆᕕᖓᑕ ᑐᙵᓱᑦᑎᑦᓯᒍᑎᓕᒫᖏᑦ ᑲᑎᒪᕐᔪᕐᓃᑦ ᑲᑎᙵᓗᑎᓪᓗ ᐱᓕᒻᒪᑦᓴᐃᒍᑎᐅᔪᑦ ᓄᖅᑲᖅᑕᐅᓯᒪᔪᑦ.
  • ᑐᐊᕕᕐᓇᖅᑐᒃᑯᑦ ᖃᐅᔨᒋᐊᕈᒪᒍᕕᑦ ᓄᓇᓯᐅᑎᓕᕆᔨᒃᑯᑦ ᐊᓪᓚᕝᕕᖓᓄᑦ, EDT@gov.nu.ca, ᐅᕝᕙᓘᓐᓃᑦ 1-888-975-5999.

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕕᖓ - ᒫᑦᓯ 20, 2020

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᑐᐊᕕᕐᓇᖅᑐᑦ ᐃᖏᕐᕋᔪᓕᕆᔨᒃᑯᓐᓂᑦ ᓚᐃᓴᑖᕆᐊᓖᑦ ᐊᒻᒪ ᓄᓇᒃᑰᕈᑎᖏᓐᓂᑦ ᑎᑎᕋᖅᑕᐅᑎᑦᑎᔭᕆᐊᓖᑦ ᖃᕆᓴᐅᔭᒃᑯᑦ ᑲᒪᒋᔭᐅᖃᑦᑕᕐᓂᐊᖅᑐᑦ. ᖃᐅᔨᒋᐊᕐᕕᒋᓗᒍ ᐅᓇ EDT@gov.nu.ca ᐅᕗᖓᓘᓐᓃᑦ 1-888-975-5999.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᐊᑐᖅᑕᐅᒐᔪᒃᐸᒃᑐᑦ ᐃᖏᕐᕋᔪᑎᓄᑦ ᐊᐅᓚᐅᑎᓕᖕᓄᑦ ᐱᔪᓐᓇᐅᑎᓄᑦ ᓇᓗᓇᐃᓂᕐᒧᓪᓗ ᐱᓕᕆᓂᐅᕙᒃᑐᑦ ᓄᖅᑲᖅᑎᑕᐅᓂᐊᖅᐳᑦ ᑕᒪᓐᓇ ᐊᑐᓯᒋᐊᕐᓗᓂ ᒫᑦᓯ 23−ᒥ.
     


ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᓄᑖᙳᕆᐊᖅᑎᑕᖏᑦ - ᒫᑦᓯ 19, 2020

ᐅᖃᐅᓯᐅᒃᐸᑦ ᑭᓯᐊᓂ, ᐱᓕᕆᕝᕕᖕᒥ ᐱᔨᑦᑎᕋᐅᑎᑦ ᐊᒥᐊᒃᑯᑐᐊᖑᓕᖅᑐᑦ ᐊᐅᓚᔾᔪᓯᕆᕙᒃᑕᒥᓂᒃ ᐊᐅᓚᐃᓐᓇᕐᓂᐊᖅᐳᑦ. ᖃᐅᑕᒫ ᑐᓴᒐᒃᓴᓂᒃ ᓴᖅᑭᑎᑦᑎᑲᑕᒃᑐᑦ. 

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᑕᒪᕐᒥᑦᑎᐊ ᐊᖁᑎᓄᑦ ᖃᐅᔨᓴᖅᓯᓃᑦ ᓄᖅᑲᖅᑎᑕᐅᕗᑦ ᐄᐳᕈ 7−ᖑᕋᓱᖕᓂᖓᓂ.
  • ᑭᒃᑯᑐᐃᓐᓇᓄᑦ ᐱᓕᕆᐊᒃᓴᕆᔭᐅᔪᑦ ᐳᓛᕆᐊᖅᑎᓄᑦ ᐃᓂᒋᔭᐅᔪᓂ ᓄᖅᑲᖅᑎᑕᐅᕗᑦ.