ᐅᖃᓚᐅᑎᓯᐅᑏᑦ

You are here

ᐃᑲᔫᓯᐊᖅᑖᖃᑦᑕᕐᓂᖅ ᕿᒥᕐᕈᔭᖅ - ᓄᓇᓕᓐᓂᒃ ᐃᓚᐅᖃᑕᐅᑎᑦᓯᓂᖅ

ᓯᑎᐱᕆ 11, 2015

ᐱᕙᓪᓕᐊᔪᑦ ᑐᓴᕋᑦᓴᑦ

ᐃᑲᔫᓯᐊᖅᑖᖃᑦᑕᕐᓂᖅ ᕿᒥᕐᕈᔭᖅ - ᓄᓇᓕᓐᓂᒃ ᐃᓚᐅᖃᑕᐅᑎᑦᓯᓂᖅ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 11, 2015) - ᐃᓄᓕᕆᔨᒃᑯᑦ ᐊᒻᒪᓗ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᒪᓕᑦᓯᐊᖅᑐᑦ ᑐᕌᒐᕆᓚᐅᖅᑕᒥᓂᒃ ᒐᕙᒪᒃᑯᓐᓄᑦ ᐊᐅᓚᑦᓯᓂᐊᖅᑐᑎᒃ ᑭᒃᑯᑐᐃᓐᓇᕐᓂᒃ ᐃᓚᐅᖃᑕᐅᑎᑦᓯᓂᕐᒥᒃ ᑲᑎᒪᑎᑦᓯᖃᑦᑕᕐᓂᐊᖅᑐᑦ ᐊᑐᓂ ᓄᓇᕗᒻᒥ ᓄᓇᓕᖏᓐᓂ ᐋᖅᑭᒋᐊᖅᑕᐅᖁᓪᓗᒋᑦ ᐱᓕᕆᔾᔪᓯᕆᕙᑦᑕᖏᑦ ᐃᑲᔫᓯᐊᖅᑐᓕᕆᓂᕐᒧᑦ ᐱᕚᓪᓕᖅᑕᐅᖁᓪᓗᒋᑦ ᐱᓕᒻᒪᑦᓴᐃᖃᑦᑕᕐᓂᖅ, ᐃᖅᑲᓇᐃᔮᑦᓴᖏᓐᓄᑦ ᑐᕌᖅᑎᑦᓯᓂᖅ, ᐃᖅᑲᓇᐃᔭᖅᑐᓕᕆᓂᕐᒧᑦ ᐱᕙᓪᓕᐊᔪᓕᕆᓂᕐᒧᓪᓗ.

"ᒫᓐᓇᐅᔪᖅ, 45 ᐳᓴᓐᑎᖏᑦ ᓄᓇᕗᒻᒥᐅᑦ ᐃᑲᔫᓯᐊᖅᑖᖃᑦᑕᖅᑐᑦ, ᑲᑎᓕᒫᖅᑐᒋᑦ $40 ᒥᓕᐊᓐ ᐊᕐᕌᒍᑕᒫᑦ," ᐅᖃᖅᓯᒪᔪᑦ ᒥᓂᔅᑕ ᐃᓄᓕᕆᔨᒃᑯᓐᓄᑦ ᔩᓂ ᐅᒡᔪᒃ. "ᑐᕌᒐᖃᖅᑐᑦ ᑖᒃᑯᐊ ᑲᑎᒪᑎᑦᓯᓂᐅᖃᑦᑕᓂᐊᖅᑐᑦ ᐱᓕᕆᖃᑕᐅᒍᒪᓪᓗᑎᒃ ᓄᓇᓖᑦ ᓇᓗᓇᐃᖅᓯᒐᓱᐊᖅᑎᓪᓗᒋᑦ ᖃᓄᖅ ᐃᑲᔫᓯᐊᖅᑐᓕᕆᓂᖅ ᐃᑲᔪᖅᓱᐃᒍᑕᐅᒃᑲᓐᓂᕈᓐᓇᕐᒪᖔᑦ ᓄᓇᕗᒻᒥᐅᓂᒃ ᐊᑑᑎᖃᒃᑲᓐᓂᕐᓂᒃᑯᑦ ᐱᓕᒻᒪᑦᓴᒍᑎᓂᒃ ᐃᖅᑲᓇᐃᔮᑦᓴᓂᓪᓗ."

ᓄᓇᕗᑦ ᒐᕙᒪᒃᑯᖏᑦ ᑲᒪᒋᔭᖃᕆᐊᖅᑐᑦ ᐱᓕᕆᐊᕆᓂᐊᕐᓂᕋᓚᐅᖅᑕᒥᓂᒃ ᑐᕌᒐᖏᓐᓂ ᓯᕗᒧᑦ ᐊᑉᓗᖅᑕ ᕿᒥᕐᕈᐃᖁᔨᓚᐅᕐᖓᑕ ᐃᑲᔫᓯᐊᖅᑐᓕᕆᓂᕐᒥᒃ ᓇᓗᓇᐃᖅᑕᐅᓯᒪᖁᓪᓗᒍ ᑕᐃᒃᑯᐊ ᐃᑲᔪᖅᑕᐅᓪᓚᕆᒋᐊᓖᑦ ᐃᑲᔪᖅᑕᐅᖃᑦᑕᖁᓪᓗᒋᑦ, ᐊᑕᐅᑦᓯᒃᑯᑦ ᑮᓇᐅᔭᖃᖅᑎᑦᓯᖃᑦᑕᕐᓗᑎᒃ ᐱᕙᓪᓕᐊᔪᓕᕆᓂᕐᒥᒃ ᓯᕗᓂᑦᓴᖃᑦᓯᐊᕈᓐᓇᖁᓪᓗᒋᑦ ᐊᑕᖏᕐᓗᑎᒃ. ᑖᓐᓇ ᐱᓕᕆᐊᕆᔭᐅᖁᔭᐅᓚᐅᖅᑐᖅ ᐊᑖᓃᑦᑐᖅ ᑐᓪᓕᐊᓂ ᓯᕗᓪᓕᐅᔾᔭᐅᖁᔭᐅᓯᒪᔪᓂᒃ ᐃᓅᖃᑎᒌᑦᓯᐊᖅᑐᓂᒃ ᐃᓚᒌᓂᒃ ᓴᙱᔪᒃᑯᑦ ᓴᐱᓕᖅᑕᐃᓕᒍᓐᓇᖅᑐᓂᓪᓗ ᓄᓇᓕᓐᓂᒃ.

ᑲᑎᒪᑎᑦᓯᖃᑦᑕᓚᐅᖅᑎᓪᓗᒋᑦ ᖃᐅᔨᕚᓪᓕᕈᑕᐅᓂᐊᖅᑐᑦ ᐱᕙᓪᓕᐊᔪᓕᕆᓂᒃᑯᑦ ᑮᓇᐅᔭᓕᐅᕈᑕᐅᒍᓐᓇᖅᑐᓂᒃ ᑐᕌᕐᓗᑎᒃ ᐃᖅᑲᓇᐃᔮᑦᓴᖃᖅᑎᑦᓯᒃᑲᓐᓂᓂᕐᒧᑦ ᓄᓇᓕᓐᓂ.

"ᓄᓇᕗᑦ ᒐᕙᒪᒃᑯᖏᑦ ᑐᑭᓯᐅᒪᓕᒃᑲᓐᓂᕈᒪᔪᑦ ᑭᓲᒻᒪᖔᑕ ᐅᓪᓗᒥᐅᔪᖅ ᑮᓇᐅᔭᓕᐅᕈᑕᐅᒍᓐᓇᖅᑐᑦ ᓴᙱᓂᖏᓐᓂᒃ ᖃᓄᕐᓗ ᑐᙵᕕᓗᒋᑦ ᐱᕚᓪᓕᕈᑕᐅᒃᑲᓐᓂᕈᓐᓇᕐᒪᖔᑕ ᐃᖅᑲᓇᐃᔮᑦᓴᖃᖅᑎᑦᓯᒃᑲᓐᓂᓂᕐᒧᑦ ᑮᓇᐅᔭᓕᐅᕈᑎᖃᕈᓐᓇᓂᕐᒧᓪᓗ ᐊᑐᓂᑦ ᓄᓇᓕᓐᓂ," ᐅᖃᖅᓯᒪᔪᖅ ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓄᓪᓗ ᒫᓂᑲ ᐃᐅᓪ. "ᑕᒪᓐᓇ ᓄᓇᓕᓐᓂ ᐃᓚᐅᖃᑕᐅᑎᑦᓯᓂᖅ ᑐᑭᓯᕚᓪᓕᕈᑎᒋᓂᐊᖅᑕᕗᑦ ᖃᓄᖅ ᐱᐅᓯᕚᓪᓕᖅᑕᐅᒋᐊᖃᕐᒪᖔᑕ ᐱᓕᕆᐊᕗᑦ."

ᑐᕌᖓᖃᒃᑲᓐᓂᕐᒥᔪᑦ ᓇᓗᓇᐃᖅᓯᒐᓱᐊᕐᓗᑎᒃ ᖃᓄᖅ ᓄᓇᕗᒻᒥᐅᑦ ᐱᕙᓪᓕᐊᑎᑦᓯᒍᓐᓇᕐᒪᖔᑕ ᓄᓇᕗᒻᒥ ᑮᓇᐅᔭᓕᐅᕈᑕᐅᒍᓐᓇᖅᑐᓂᒃ.

  • ᐃᓱᒪᒋᔭᐅᓯᒪᔪᑦ ᖃᓄᐃᓕᒋᐊᕈᑕᐅᔪᓪᓗ ᐊᓯᔾᔨᖅᑕᐅᖁᓪᓗᒋᑦ ᐃᑲᔫᓯᐊᖅᑐᓕᕆᓂᖅ ᐱᕚᓪᓕᖅᑎᑕᐅᒍᓐᓇᖁᓪᓗᒍ ᓇᒻᒥᓂᖅ ᒪᑭᑕᓇᓱᐊᕈᓐᓇᕐᓂᖅ.
  • ᓄᓇᓕᓐᓂᓄᓇᕗᓕᒫᒥᓗᐅᖃᖃᑎᒌᒍᑎᖃᕐᓂᖅᐱᔾᔪᑎᖏᓐᓂᒃᐃᑲᔫᓯᐊᖅᑐᓕᕆᓂᖅᓄᓇᓕᑦᑎᓐᓂ
  • ᓄᓇᓕᓐᓂᓄᓇᕗᓕᒫᒥᓗᐅᖃᖃᑎᒌᒍᑎᖃᕐᓂᖅᖃᓄᖅᑲᔪᖏᖅᓱᖅᑕᐅᒍᓐᓇᕐᒪᖔᑕᒪᒃᑯᑦᑐᐃᑦᐊᑑᑎᖃᑦᓯᐊᕈᓐᓇᖁᓪᓗᒋᑦᐃᓕᓐᓂᐊᕈᑎᓂᒃᐱᓕᒻᒪᑦᓴᒍᑎᓂᓪᓗ
  • ᓇᓗᓇᐃᔭᖅᑕᐅᓗᑎᒃᑐᕌᖓᓂᖏᑦᐃᑲᔫᓯᐊᖅᑖᖃᑦᑕᕐᓂᖅᐊᒻᒪᓗᐃᖅᑲᓇᐃᔮᑦᓴᓄᑦᑐᕌᖅᑐᓂᒃᐱᓕᕆᐊᓂᒃ
  • ᑐᑭᓯᐅᒪᓕᒃᑲᓐᓂᕐᓗᑎᒃᐊᕝᕕᐊᕈᑎᐅᖃᑦᑕᖅᑐᓂᒃᓄᖅᑲᕋᓱᐊᖅᑎᓪᓗᒋᑦᐃᑲᔫᓯᐊᖅᑖᖃᑦᑕᓂᕐᒥᒃ
  • ᓄᓇᓕᓐᓂᐅᖃᖃᑎᒌᒍᑎᖃᕐᓂᖅᑮᓇᐅᔭᓕᐅᕈᑕᐅᒍᓐᓇᖅᑐᓂᒃᐱᕚᓪᓕᕈᑕᐅᒍᓐᓇᖅᑐᓂᓪᓗ

ᑲᑎᒪᒋᐊᖃᑦᑕᓛᖅᑐᑦᓯᑎᐱᕆᒥᐅᑭᐊᑦᓵᓕᒫᒧᑦ ᖃᐅᔨᒋᐊᒃᑲᓐᓂᕈᒪᒍᕕᑦᖃᖓᒃᑯᑦᑭᒃᑯᑐᐃᓐᓇᕐᓂᒃᑲᑎᒪᑎᑦᓯᔪᖃᓛᕐᒪᖔᑦᓄᓇᑦᓯᓐᓂ ᖃᕆᓴᐅᔭᒃᑯᑦᑕᑯᒋᐊᕐᓗᒍ gov.nu.ca/family-services/news/community-meetings-income-assistance.

###

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᐅᒍᓐᓇᖅᑑᒃ:

ᓯᐅᕋ ᑕᕝᔅ
ᐊᑐᐊᒐᓕᕆᓂᕐᒧᑦ ᓇᓗᓇᐃᔭᐃᔨ
ᐃᓄᓕᕆᔨᒃᑯᑦ
867-975-5201
stufts@gov.nu.ca

ᒫᑎᐅ ᐃᓕᓴᕕᔾ
ᐊᐅᓚᑦᓯᔨ, ᑐᓴᕋᑦᓴᓕᕆᓂᖅ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
867-975-7818
millaszewicz@gov.nu.ca