ᐅᖃᓚᐅᑎᓯᐅᑏᑦ

You are here

ᑮᓇᐅᔭᓂᒃ ᐱᕈᖅᓴᐃᓇᓱᖕᓂᖅ ᖃᖓᑕᓲᖅᑎᙳᕆᐅᖅᓴᔪᓄᑦ ᓄᓇᑦᑎᐊᕐᒥ ᓄᓇᕘᒥᓗ ᐃᓕᓐᓂᐊᖅᑎᓄᑦ

ᐊᒐᓯ 06, 2014

ᑮᓇᐅᔭᓂᒃ ᐱᕈᖅᓴᐃᓇᓱᖕᓂᖅ ᖃᖓᑕᓲᖅᑎᙳᕆᐅᖅᓴᔪᓄᑦ ᓄᓇᑦᑎᐊᕐᒥ ᓄᓇᕘᒥᓗ ᐃᓕᓐᓂᐊᖅᑎᓄᑦ

ᔭᓗᓇᐃ (ᐋᒐᔅᑦ 6, 2014) – ᐅᑭᐅᖅᑕᖅᑐᒥᐅᑕᑦ ᐱᓕᒻᒪᒃᓴᕆᐅᖅᓴᔪᑦ ᖃᖓᑕᓲᖅᑎᙳᕆᐅᖅᓴᔪᓂᒃ ᐅᑭᐅᖅᑕᖅᑐᒥ ᒥᑦᑕᕐᕕᖕᓂᒃ ᐱᔪᓐᓇᖅᑎᑕᐅᓂᐊᖅᑐᑦ ᐃᓕᓐᓂᐊᖅᑎᑦ ᐃᑲᔫᑎᑖᕈᓐᓇᕐᓂᐊᖅᑐᑦ ᑮᓇᐅᔭᒃᑯᑦ ᐃᑲᔪᖅᑕᐅᓗᑎᒃ ᓄᓇᑦᑎᐊᒥ ᓄᓇᕘᒥᓗ ᒐᕙᒪᒃᑯᓐᓂ, Discovery Air-ᒃᑯᓐᓂ, Keewatin Air-ᒃᑯᓐᓂ ᐊᒻᒪ North-Wright Air-ᒃᑯᑦ ᖃᖓᑕᓲᓕᕆᔨᓂᒃ.

ᐃᓕᓐᓂᐊᖅᑎᑦ ᐃᑲᔫᓯᐊᖏᑦ ᐊᑭᖃᖅᑎᒋᔪᑦ $5,000 ᑐᓐᓂᖅᑯᑕᐅᓂᐊᖅᑐᑦ ᐃᑲᔫᑕᐅᓗᑎᒃ ᐃᓕᓐᓂᐊᖅᑎᓄᑦ ᑕᒪᒃᑯᓄᖓ ᐊᑭᑐᓪᓗᑎᒃ ᐊᑭᓕᖅᓱᕆᐊᓕᖕᓄᑦ ᐊᔪᕈᓐᓃᖅᓴᐅᑎᒃᓴᓄᑦ ᐊᔾᔨᒌᙱᑦᑑᑎᓄᑦ ᐃᖅᑲᓇᐃᔮᖅᑖᖑᔪᓐᓇᖅᑐᓂᒃ ᐅᑭᐅᖅᑕᖅᑐᒥ ᖃᖓᑕᓲᓕᕆᔨᒃᑯᓐᓂ. ᑭᖑᓪᓕᕐᒥ ᐊᓂᒍᐃᓚᐅᖅᑐᑦ ᐃᖅᑲᓇᐃᔮᖅᑖᖅᑐᓚᐅᖅᐳᑦ ᓲᕐᓗ ᒥᑦᑕᕐᕕᖕᒥ ᐊᐅᓚᔾᔪᑎᓅᖓᔪᓂᒃ, ᒥᑦᑕᕐᕕᖕᒥ ᐊᖓᔪᖅᑳᒨᖓᔪᓂᒃ, ᖃᖓᑕᓲᓕᕆᔨᓄᑦ-ᐱᓕᕆᐊᖑᕙᒃᑐᓂᒃ ᐊᒻᒪ ᖃᖓᑕᓲᓂᒃ ᓱᕋᒃᓯᒪᔪᓕᕆᔨᓂᒃ, ᐊᒻᒪ ᖃᖓᑕᓲᖅᑎᓂᒃ.

"ᒐᕙᒪᕗᑦ ᐊᖏᖅᓯᒪᖕᒪᑕ ᐃᑲᔪᕈᒪᓪᓗᑎᒃ ᐅᑭᐅᖅᑕᖅᑐᒥᐅᓂᒃ ᐱᓕᒻᒪᒃᓴᖅᑎᑦᑎᓗᑎᒃ ᖃᖓᑕᓲᖅᑎᓂᒃ ᐃᖅᑲᓇᐃᔮᖅᑖᖑᔪᓐᓇᖅᑐᓂᒃ ᐊᔪᕈᓐᓃᖅᓴᖅᑎᑕᐅᔪᓐᓇᖁᓪᓗᒋᑦ ᓄᓇᓕᖕᒥᓃᒡᓗᑎᒃ," ᐅᖃᓚᐅᖅᐳᖅ ᓄᓇᑦᑎᐊᒥ ᐃᖏᕐᕋᔪᓕᕆᔨᒃᑯᓐᓄᑦ ᒥᓂᔅᑕ ᑖᒻ ᐴᓕᐅ’. "ᖃᖓᑕᓲᓕᕆᔨᒃᑯᑦ ᐃᑲᔫᑎᕐᔪᐊᕐᒪᑕ ᐅᑭᐅᖅᑕᖅᑐᒥᐅᑦ ᐃᓅᓯᖏᓐᓄᑦ ᐊᕐᕌᒍᒐᓵᓘᓕᖅᑐᓄᑦ ᐱᕐᔪᐊᖑᓪᓗᓂᓗ ᓄᓇᖅᑲᑎᒌᓄᑦ ᐊᖅᑯᑕᐅᑦᑎᐊᕐᓂᖓᓄᑦ. ᑮᓇᐅᔭᓂᒃ ᐱᕈᖅᓴᐃᓇᓱᐊᕐᓂᖅ ᓄᓇᓕᑦᑎᓐᓂ ᐊᒻᒪ ᐱᓕᒻᒪᒃᓴᕈᑎᑦᑎᓐᓂᒃ ᐃᓕᓐᓂᐊᖅᑎᑦ ᐃᑲᔫᓯᐊᖅᑖᖅᑎᑉᐸᒡᓗᒋᑦ ᐊᑯᓂᐅᓕᖓᔪᒧᑦ ᐃᑲᔫᖅᑕᐅᑦᑎᐊᕈᓐᓇᖅᐳᑦ ᖃᖓᑕᓲᓕᕆᔨᒃᑯᓐᓂ ᐃᖏᕐᕋᔾᔪᑎᓕᕆᔾᔪᑎᑦᑎᓐᓄᓪᓗ."

"ᖃᖓᑕᓲᒃᑯᑦ ᓄᒃᑕᕐᓂᖅ ᐊᑲᕐᕉᑕᐅᖕᒪᑦ ᓄᓇᕘᒥ," ᐅᖃᓚᐅᖅᐳᖅ ᔪᐊᔾᔨ ᑯᒃᓱᒃ, ᓄᓇᕗᒻᒥ ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ. "ᓄᓇᕗᑦ ᒐᕙᒪᒃᑯᑦ ᑎᓕᐅᕆᕗᑦ ᐅᓄᕐᓂᖅᓴᓂᒃ ᓄᓇᕗᒥᐅᓂᒃ ᐃᖅᑲᓇᐃᔮᒃᓴᓂᒃ ᓴᖅᑭᑎᕆᖁᒐᓗᐊᖅᖢᒋᑦ ᖃᖓᑕᓲᓕᕆᔨᒃᑯᓐᓂᒃ ᑖᓐᓇᓗ ᐃᓕᓐᓂᐊᖅᑐᓄᑦ ᐃᑲᔫᓯᐊᖅ ᐃᑲᔫᑕᐅᑦᑎᐊᕈᓐᓇᕐᓂᖓᓂᒃ ᐱᓕᒻᒪᒃᓴᖅᐸᓪᓕᐊᓂᐊᓕᖅᑎᓪᓗᒋᑦ."

ᑖᓐᓇ Northern Aviation Scholarship ᒪᓂᒻᒪᒃᑕᐅᓯᒪᔪᖅ ᐅᓪᓗᓕᒫᒧᑦ ᐃᓕᓐᓂᐊᖅᑎᓄᑦ ᓄᓇᑦᑎᐊᒥ ᓄᓇᕘᒥᓗ. ᐱᓇᔫᑎᑦ ᐱᔭᐅᓯᒪᓕᕆᐊᖃᕋᔭᖅᖢᑎᒃ ᐋᒐᔅᑦ 29-ᒥ ᑕᒪᑐᒧᖓ ᑕᖅᑭᒧᑦ ᐆᒃᑑᒪᔭᒍᑕᐅᔪᑦ ᐊᒻᒪ ᓯᑎᐱᕆ 26-ᒥ ᑭᖑᓪᓕᕐᒧᑦ ᐆᒃᑑᒪᔭᒍᑕᐅᓛᖅᑐᓄᑦ ᐊᕐᕌᒎᑎᓪᓗᒍ.

 

ᑐᑭᓯᒋᐊᒃᑲᓐᓂᕈᒪᔪᓄᑦ, ᖃᐅᔨᒋᐊᕐᕕᒃᓴᖅ:

 

ᐳᕆᓐᑕ ᓄᐊᕆᔅ

ᑐᓴᐅᒪᔪᓕᕆᔨ

ᓄᓇᑦᑎᐊᒥ ᒐᕙᒪᒃᑯᑦ

867-669-2302

 

ᒫᑎᐅ ᐃᓛᓱᐃᑦᔅ

ᐊᖓᔪᖅᑳᖅ, ᑐᓴᐅᒪᔪᓕᕆᔨᒃᑯᓐᓂ

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ

ᓄᓇᕗᑦ ᒐᕙᒪᖓ

867-975-7818

millaszewicz@gov.nu.ca