You are here

ᓄᓇᓯᐅᑎᓄᑦ ᓄᖅᑲᖓᕕᖃᑦᓯᐊᖏᑎᑕᐅᓂᖅ ᑲᖏᖅᖠᓂᐅᑉ ᒥᑦᑕᕐᕕᖓᓂᑦ

ᓯᑎᐱᕆ 02, 2022

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᑦ
ᓄᓇᓯᐅᑎᓄᑦ ᓄᖅᑲᖓᕕᖃᑦᓯᐊᖏᑎᑕᐅᓂᖅ ᑲᖏᖅᖠᓂᐅᑉ ᒥᑦᑕᕐᕕᖓᓂᑦ

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ (EDT) ᖃᐅᔨᒃᑲᐃᔪᒪᔪᑦ ᓄᓇᖃᖅᑐᓄᑦ ᐊᐅᓪᓚᖃᑦᑕᖅᑐᓄᓪᓗ ᓴᓇᔭᐅᓂᐊᖅᑎᓪᓗᒍ ᑲᖏᖅᖠᓂᕐᒥ ᒥᑦᑕᕐᕕᖓᑕ ᐅᑕᖅᑭᕕᖓ ᐊᖏᓪᓕᒋᐊᕆᓂᕐᒧᑦ ᐱᓕᕆᐊᑦᓴᖅ ᐱᒋᐊᕐᓂᐊᖅᑐᖅ ᓯᑦᑎᒻᕙ 2022. ᓄᖅᑲᖓᕖᑦ ᒥᑦᑕᕐᕕᒻᒥ ᓄᖅᑲᖓᕕᖃᑦᓯᐊᖏᑎᑕᐅᑲᐃᓐᓇᕐᓂᐊᖅᑐᖅ. ᐊᐅᓪᓚᖃᑦᑕᖅᑐᓕᒫᑦ ᐅᖃᐅᔾᔪᖅᑕᐅᔪᑦ ᐅᔾᔨᕈᓱᖁᔭᐅᑦᓱᑎᒃ ᓯᕗᓂᖓᒍᓪᓗ ᐱᕙᒌᔭᖁᔭᐅᑦᓱᑎᒃ.

ᐱᒋᐊᕐᓗᓂ ᓯᑦᑎᒻᕙᒥ, ᓄᓇᓯᐅᑎᓄᑦ ᓄᖅᑲᖓᕖᑦ ᑭᓪᓕᖃᖅᑎᑕᐅᓂᐊᖅᑐᑦ, ᓯᕗᓪᓕᐅᔾᔭᐅᑎᑕᐅᓂᐊᖅᑐᐃᓪᓗ ᐃᓄᑐᖃᐃᑦ ᑕᐃᒃᑯᓄᖓᓗ ᐊᑐᐃᓐᓇᖃᕆᐊᓕᓐᓄᑦ ᓄᖅᑲᖓᕕᒻᒥ. ᐊᓯᖏᑦ ᐊᐅᓪᓚᖃᖅᑕᖅᑐᓕᒫᑦ ᐊᐅᓪᓚᓚᖓᔪᑦ ᑎᑭᓚᖓᔪᓪᓘᓐᓃᑦ ᒥᑦᑕᕐᕕᒻᒥ ᐊᐱᕆᔭᐅᔪᑦ ᒪᓕᖁᔭᐅᑦᓱᑎᒃ ᑎᑎᖅᑲᓂ ᓇᓗᓇᐃᔭᖅᓯᒪᔪᓂᑦ ᐊᐃᑦᓯᖃᑦᑕᕐᓂᕐᒧᑦ ᓂᐅᓯᖃᑦᑕᕐᓂᕐᒧᓪᓗ ᐊᔪᕆᖅᓱᐃᔾᔪᑎᓂᑦ.

ᐱᕙᓪᓕᐊᑎᑦᓯᓂᖅ ᑕᑕᓗᐊᖅᑐᒧᑦ ᓄᖅᑲᖓᕕᖃᕐᕕᒃ ᐱᒋᐊᖅᓯᒪᓕᖅᑐᖅ ᓂᕆᐅᒋᔭᐅᑦᓱᓂᓗ ᐊᑐᐃᓐᓇᐅᓕᕐᓂᐊᕐᓂᖓᓄᑦ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᓂᐊᕐᓗᓂ ᓄᙳᐊᓂᑦ ᐆᑦᑑᕝᕙ 2022.

ᑐᓴᖅᑎᑦᓯᒋᐊᕈᑎ ᐊᑐᐃᓐᓇᐅᑎᑕᐅᓂᐊᖅᑐᖅ ᑕᑕᓗᐊᖅᑐᒧᑦ ᓄᖅᑲᖓᕕᖃᕐᕕᒃ ᐊᑐᐃᓐᓇᐅᓕᖅᐸᑦ ᐊᑐᖅᑕᐅᔪᓐᓇᓂᕐᒧᑦ.

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᓇᑯᕐᒦᖅᑐᑦ ᑭᒃᑯᑐᐃᓐᓇᕐᓂᑦ ᕿᓄᐃᓵᕐᓂᖏᓐᓄᑦ ᐱᓕᕆᖃᑎᖃᕐᓂᖏᓐᓄᓪᓗ ᐊᖏᓪᓕᒋᐊᕆᓂᕐᒧᑦ ᐱᓕᕆᐊᑦᓴᕐᒧᑦ ᑖᑦᓱᒧᖓ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᓰᐅᕋ ᓕᑉᓛᖕ 
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
867-975-7818
sleblanc@gov.nu.ca