ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᓈᓚᒃᑎᑦᑎᓂᖏᑦ

ᒫᑦᓯ 25, 2021

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᓈᓚᒃᑎᑦᑎᓂᖏᑦ

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᕿᓂᓕᕐᒪᑕ ᐱᓕᕆᖃᑕᐅᔪᒪᓇᔭᖅᑐᓂᒃ ᓄᓇᓕᖕᓂ ᑭᒡᒐᖅᑐᖅᑎᓂᒃ ᐃᓚᐅᔪᒪᔪᓂᒃ 'ᓄᓘᔮᓂ ᐱᓕᕆᔾᔪᓯᖅ 2' ᐃᓄᓕᒫᖅᑎᑦᑎᓗᑎᒃ ᓈᓚᖕᓂᖃᖅᑎᓪᓗᒋᑦ ᐃᖃᓗᖕᓂ ᐱᒋᐊᓛᖅᑐᑦ ᐊᐃᕆᓕ 12-ᒥ 21-ᒧᑦ.

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑐᓴᕈᒪᕗᑦ ᓇᑭᕈᓘᔭᖅ ᓄᓇᓕᖕᓂ ᐃᓚᒋᔭᐅᔪᓂᒃ ᐃᓚᓕᐅᔾᔭᐅᓪᓗᑎᒃ ᐃᓐᓇᐃᑦ, ᐊᕐᓇᐃᑦ, ᐊᒻᒪ ᒪᒃᑯᒃᑐᑦ. ᓄᓇᓕᖕᓂ ᐃᓚᒋᔭᐅᔪᑦ ᐊᖏᖅᑕᐅᔪᑦ ᓈᓚᖕᓂᖃᖅᑐᓂᒃ ᐃᓚᐅᓂᐊᖅᑐᑦ ᐱᑎᑕᐅᓂᐊᖅᐳᑦ ᖃᖓᑦᑕᐅᑎᓂᒃ, ᑐᔪᕐᒥᔾᔪᑎᓂᒃ, ᐊᒻᒪ ᓂᕆᔾᔪᑎᓂᒃ.

ᑕᓪᓕᒪᓄᑦ ᑎᑭᖦᖢᒍ ᓄᓇᓕᖕᓂ ᐃᓚᒋᔭᐅᔪᑦ ᐃᓚᐅᔪᓐᓇᖅᐳᑦ ᓈᓚᖕᓂᖃᖅᑐᓂᒃ ᑕᒪᐃᓐᓂᒃ ᐊᒃᑐᖅᑕᐅᑐᐃᓐᓇᕆᐊᓕᖕᓂᒃ ᓄᓇᓕᖕᓂ ᐃᓚᓕᐅᑎᓪᓗᒋᑦ ᒥᑦᑎᒪᑕᓕᒃ, ᐃᒃᐱᐊᕐᔪᒃ, ᐃᒡᓗᓕᒃ, ᓴᓂᕋᔭᒃ, ᑲᖏᖅᑐᒑᐱᒃ, ᖃᐅᓱᐃᑦᑐᖅ ᐊᒻᒪ ᐊᐅᓱᐃᑦᑐᖅ. ᒥᑦᑎᒪᑕᓕᒃ, ᓄᓇᓕᒃ ᖃᓂᒃᓴᓛᖑᔪᖅ ᐅᔭᕋᖕᓂᐊᕐᕕᖕᒧᑦ, ᑐᙵᓱᒃᑎᑕᐅᕗᑦ ᑕᓪᓕᒪᒃᑲᓐᓂᕐᓂᒃ ᒥᑦᑎᒪᑕᓕᖕᒥᐅᓂᒃ ᑲᑎᒪᔭᖅᑐᖅᑐᓄᑦ ᐃᓚᐅᑎᑦᑎᔪᓐᓇᖅᑎᑕᐅᓪᓗᑎᒃ ᒥᑦᑎᒪᑕᓕᖕᒥᙶᖅᑐᑦ ᑲᑎᓪᓗᑎᒃ ᖁᓕᐅᓕᕐᓗᑎᒃ.

ᓄᓇᓕᖕᓂ ᐃᓚᒋᔭᐅᔪᑦ ᓈᓚᖕᓂᖃᖅᑐᓂᒃ ᐃᓚᐅᔪᒪᔪᑦ ᖃᐅᔨᒋᐊᕈᓐᓇᖅᐳᑦ ᑭᐅᕋᓐ ᑳᔅᑎᓘ−ᒧᑦ ᐅᕗᖓ ᐅᖃᓗᒡᕕᒃᓴᐅᓪᓗᓂ 1-866-233-3033 ᐅᕝᕙᓘᓐᓃᑦ ᐅᕗᖓ ᑎᑎᕋᕐᕕᒋᓗᒍ kcostello@nirb.ca. ᑐᑭᓯᒋᐊᒐᒃᓴᒃᑲᓐᓃᑦ ᓈᓚᖕᓂᐅᔪᓂᒃ ᓇᓂᔭᒃᓴᐅᕗᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᐃᑭᐊᖅᑭᕕᖓᓐᓂᒃ ᐅᕗᙵᕐᓗᑎᒃ www.nirb.ca.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:

ᐋᓐᑐᕇᐊ ᒪᒃᕚᓪ
ᑐᑭᒧᐊᒃᑎᑦᑎᔨ ᐊᑐᐊᒐᓕᕆᓂᕐᒧᑦ, ᐸᕐᓇᐃᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
867-975-7871
amcfaul1@gov.nu.ca