ᐅᖃᓚᐅᑎᓯᐅᑏᑦ

You are here

ᐱᖁᑎᓯ ᐱᖏᖕᓇᐃᔭᕐᓗᒋᑦ ᐊᐅᓪᓚᖅᑎᖃᑦᑕᖅᓯᐅᒃ!

ᑎᓯᐱᕆ 03, 2018

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐱᖁᑎᓯ ᐱᖏᖕᓇᐃᔭᕐᓗᒋᑦ ᐊᐅᓪᓚᖅᑎᖃᑦᑕᖅᓯᐅᒃ!

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᑐᓴᖁᔨᕗᑦ ᓄᓇᕗᒥᐅᓂᒃ ᐱᖁᑎᑦ ᐊᒻᒪ ᐅᖁᒪᐃᑦᑐᑦ ᐱᖁᑎᕐᔪᐊᑦ ᐱᖏᖕᓇᐃᔭᑦᑎᐊᖅᓯᒪᔭᕆᐊᖃᕐᓂᖏᓐᓂᒃ ᖃᖓᓕᒫᖅ ᐊᐅᓪᓚᖅᑎᑕᐅᓂᐊᖅᑎᓪᓗᒋᑦ.

ᐱᒻᒪᕆᐅᕗᖅ ᐃᖏᕐᕋᔾᔪᑎᑦ ᑭᓱᕈᓘᔮᓗᖕᓂᒃ ᑕᑕᑎᕆᐊᖃᙱᓐᓂᖏᓐᓂᒃ, ᑮᒃᑐᑦᑎᐊᕐᓗᒋᑦ ᐅᕝᕙᓘᓐᓃᑦ ᒪᒃᐱᔾᔭᐃᕐᓗᒋᑦ ᓴᕕᕋᔭᐃᑦ ᐴᕆᔭᐅᓲᑦ ᐅᒥᐊᕐᔪᐊᒃᑯᑦ ᑲᓕᓄᑦ ᓅᔾᔭᐃᒃᑯᑎᑦ ᐋᖅᑭᑦᑎᐊᕐᓗᒋᑦ, ᓴᕕᒐᐅᔭᖏᓪᓘᓐᓃᑦ ᓂᕕᖓᔪᖃᙱᒃᑲᓗᐊᕐᒪᖔᑦ ᖃᐅᔨᓴᕐᓗᒋᑦ ᐃᖏᕐᕋᔾᔪᑎᓗ ᐊᒃᓴᓗᐊᖏᑦ ᐊᑕᒐᓗᐊᕐᒪᖔᑕ ᖃᐅᔨᒪᒋᐊᕐᓗᒋᑦ. ᓄᓇᒃᑰᕈᑎᕐᔪᐊᓂᒃ ᐊᖁᑏᑦ ᐊᑐᕆᐊᖃᖅᑎᑕᐅᕗᑦ ᓅᔾᔭᐃᒃᑯᓯᖅᓯᒪᔪᓂᒃ ᓇᓗᓇᐃᒃᑯᑕᖃᕐᓗᑎᒃ ᓴᓈᕆᔭᕆᐊᖃᖅᑕᖅ ᑭᒡᓕᖓᓐᓄᑦ ᐅᕝᕙᓘᓐᓃᑦ WLL.
ᐊᑭᓖᑎᑕᐅᔪᓐᓇᕋᕕᑦ $230−ᒥᒃ ᐊᖁᑦᑐᓐᓇᐅᑏᓪᓗ ᐱᖓᓱᓂᒃ ᑎᑦᑕᕐᓂᒃ ᐲᖅᓯᕕᐅᓇᔭᖅᐳᖅ ᐱᖁᑎᑎᑦ ᐱᖏᖕᓇᐃᔭᙱᒃᑯᕕᒋᑦ.

ᐊᑭᓖᒃᑲᓐᓂᖃᑦᑕᔾᔮᙱᓐᓇᕕᑦ ᖃᐅᔨᒪᓇᓱᒋᐊᓖᑦ ᖃᐅᔨᒪᒋᐊᖅᐸᒡᓗᒋᑦ ᖃᐅᔨᒪᒋᐊᖅᐸᖕᒥᓗᒍᓗ ᐊᑦᑕᕐᓇᖅᑕᐃᓕᒪᓂᖅ ᓯᕗᓪᓕᐅᑎᔭᕆᐊᖃᕐᓂᖓᓂ. ᐱᖁᑎᓯ ᐱᖏᖕᓇᐃᔭᕐᓗᒋᑦ ᐊᐅᓪᓚᖅᑎᖃᑦᑕᖅᓯᐅᒃ! ᑐᑭᓯᒋᐊᒃᑲᓐᓂᕈᒪᒍᔅᓯ, ᖃᐅᔨᒋᐊᕐᕕᒋᔪᓐᓇᖅᑕᓯ ᔭᐃᒥᓯ ᑎᐊᒻᓯᐊᓴᓐ ᐅᕗᖓ ᐅᖃᓗᒡᕕᒋᓗᒍ 867-975-7843 ᐃᕐᖐᓐᓈᖅᑕᐅᒃᑯᓪᓘᓐᓃᑦ ᑎᑎᕋᕐᕕᒋᓗᒍ ᐅᕗᖓ jdemcheson@gov.nu.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᒫᑎᐅ ᐃᓛᓯᐅᐃᒃᔅ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
867-975-7818
millaszewicz@gov.nu.ca