A-ᒥᑦ Z-ᒧᑦ ᐱᓕᕆᐊᑦ ᐱᔨᑦᑎᕈᑏᓪᓗ

ᐱᓕᒻᒪᒃᓴᖅᑕᐅᓂᖅ ᐃᖅᒃᐊᓇᐃᔭᖅᓯᓐᓈᕐᓗᓂ ᐱᓕᕆᐊᖅ ᐱᑎᑦᑎᓲᖑᔪᑦ ᑮᓇᐅᔾᔭᒃᓴᖅᑎᑕᐅᓪᓗᑎᒃ ᐃᑲᔫᑕᐅᓇᓱᒃᑐᓂᒃ ᐃᖅᑲᓇᐃᔭᖅᑎᑎᓲᓄᑦ ᐃᑲᔪᕈᒪᓪᓗᒋᑦ ᑎᒍᓯᔪᓐᓇᖅᓯᓗᑎᒃ ᐱᓕᕆᔨᒃᓴᒥᒃ ᐊᒻᒪᓗ ᐱᓕᒻᒪᒃᓴᕐᓗᒋᑦ ᐃᖅᑲᓇᐃᔭᙱᑦᑐᑦ ᐅᕝᕙᓘᓐᓃᑦ ᐊᔪᙱᓐᓂᖃᓗᐊᙱᑦᑐᑦ ᐱᓕᕆᔩᑦ.

ᐱᕈᖅᑎᑦᑎᕙᓪᓕᐊᓂᖅ ᐱᔭᕆᐊᓕᖕᓂᒃ ᐊᔪᙱᑕᐅᔭᕆᐊᓕᖕᓄᑦ ᐱᓕᕆᐊᖅ ᑮᓇᐅᔭᖃᖅᑎᑦᑎᓲᖑᔪᑦ ᐊᔪᙱᑕᐅᔭᕆᐊᓕᖕᓄᑦ ᐱᓕᒻᒪᒃᓴᕐᓗᑎᒃ ᐃᖅᑲᓇᐃᔭᙱᑦᑐᑦ ᐱᕚᓕᖁᓪᓗᒋᑦ ᐊᔪᙱᓐᓂᖅᑖᕐᓗᑎᒃ ᐃᖅᑲᓇᐃᔮᒃᓴᖅᓯᐅᕈᓐᓇᕐᓂᐊᕐᒪᑕ.

ᐱᕋᔭᒃᑕᐅᔪᕕᓂᕐᓄᑦ ᐱᔨᑦᑎᕋᐅᑏᑦ ᐊᑭᖃᙱᑦᑑᓪᓗᓂ ᐊᒻᒪ ᓇᒧᑐᐃᓐᓇᖅ ᐅᖃᐅᓯᐅᔭᕆᐊᖃᙱᖦᖢᓂ ᐃᑲᔪᖅᑕᐅᕝᕕᐅᔪᖅ ᑕᐃᒃᑯᓄᖓ ᐱᓂᕐᓗᒃᑕᐅᔪᕕᓂᕐᓄᑦ. ᐱᔨᑦᑎᕋᐅᑏᑦ ᐋᖅᑭᒃᓯᒪᔪᑦ ᐊᑐᓂ ᐱᕋᔭᒃᑕᐅᔪᕕᓂᕐᓄᑦ ᓈᒻᒪᒃᓯᓕᖅᓯᒪᓪᓗᑎᒃ − ᐱᕋᔭᒃᑕᐅᔪᕕᓂᐅᓂᕐᒧᑦ ᐳᑭᖅᑕᓕᖕᓄᑦ ᐅᖃᐅᓯᖃᕈᒪᖕᒪᖔᑕ, ᐅᖃᓪᓚᒡᕕᒃᓴᖃᕈᓐᓇᕐᓗᑎᒃ ᐃᖅᑲᖅᑐᐃᕕᒃᑰᓕᒑᑎᓪᓗᒋᑦ, ᐅᕝᕙᓘᓃᑦ ᑐᑭᓯᒋᐊᒃᑲᓐᓂᕈᒪᔪᖃᖅᐸᑦ ᐃᖅᑲᖅᑐᐃᔨᒧᑦ ᑎᓕᐅᖅᑐᕈᑎᑖᖅᑐᖃᓚᐅᖅᑎᓪᓗᒍ ᖃᓄᒃᑲᓐᓂᐅᔭᕆᐊᖃᕐᒪᖔᖅ ᖃᐅᔨᒋᐊᕈᒪᔪᓄᑦ. ᐃᑲᔪᕈᓐᓇᖅᑕᑦᑎᒋᑦ ᖃᓄᖅ ᐱᓕᕆᔪᓐᓇᖅᑕᕐᓂᒃ ᕿᓂᖅᓴᖃᑎᒋᓗᑎᒋᑦ, ᑐᓴᐅᒪᔭᕆᐊᖃᖅᑕᑎᑦ ᐱᓯᒪᒐᓗᐊᕐᒪᖔᖅᐱᑦ ᐊᒻᒪ ᐃᑲᔪᖅᓯᖅᑕᐅᒃᑲᓐᓂᕈᓐᓇᖅᖢᑎᑦ ᐃᓱᒪᓕᐅᕆᐊᖃᕈᕕᑦ.

ᐱᕙᓪᓕᐊᓂᐅᔪᓐᓇᖅᑐᓂᒃ ᓂᕈᐊᕈᓐᓇᕐᓂᖅ ᐱᔾᔪᑎᖃᖅᐳᖅ ᖃᔅᓯᒐᓴᒃᑎᒍᑦ ᖃᓄᐃᓕᐅᕈᓐᓇᕐᓂᕐᒥᒃ ᓲᕐᓗ ᓂᖃᐃᓱᖅᑕᖅᑐᖅ ᐱᓕᕆᕙᓪᓕᐊᔪᓐᓇᕐᓂᖓᓂᒃ ᐃᒻᒥᓂᒃ ᐱᔪᓐᓇᖅᓯᕙᓪᓕᐊᓗᓂ. ᑖᓐᓇ ᐱᓕᕆᐊᖅ ᐃᑲᔪᖃᑦᑕᖅᑐᖅ ᐊᒻᒪᓗ ᑎᓕᐅᖅᑐᐃᓗᓂ ᐃᓄᑐᐊᖑᒐᓗᐊᓂᒃ ᐃᓱᒪᓕᐅᕈᓐᓇᖁᓪᓗᒋᑦ ᐊᒻᒪᓗ ᐱᕙᓪᓕᐊᓂᐅᔪᓐᓇᖅᑐᓂᒃ ᓂᕈᐊᕈᓐᓇᕐᓂᕐᒥᒃ ᑐᙵᕕᖃᖅᖢᑎᒃ ᓄᓇᓕᖕᓂ ᐱᔭᐅᔪᓐᓇᖅᑐᓂᒃ ᖃᓄᐃᙱᓐᓂᕐᒧᑦ, ᐃᓕᑦᑎᕙᓪᓕᐊᓂᕐᒧᑦ, ᐱᓕᒻᒪᒃᓴᕐᓂᕐᒧᑦ ᐊᒻᒪᓗ ᐃᖅᑲᓇᐃᔭᕐᓗᓂ ᖃᐅᔨᕙᓪᓕᐊᓂᕐᒧᑦ ᐱᔪᓐᓇᐅᑎᒃᑲᓐᓂᐅᓇᔭᖅᑐᓂᒃ ᑮᓇᐅᔭᓕᐅᕈᓐᓇᕐᓂᖅᓴᐅᓕᕐᓗᓂ ᓇᖕᒥᓂᖅ.

ᕿᓂᕈᕕᑦ ᑐᑭᓯᒋᐊᕈᑎᒃᑲᓐᓂᕐᓂᒃ ᐱᔾᔪᑎᓕᖕᒥᑦ ᐊᐅᓚᑦᑎᓂᕐᒧᑦ ᑎᒥᐅᔪᓄᑦ, ᑮᓇᐅᔭᓕᐅᕋᓱᐊᖅᑐᓄᑦ ᓄᓇᒧᓪᓗ ᑕᐃᔭᐅᓂᖏᓐᓄᑦ ᒪᓕᒐᕐᓂᒃ ᑲᒪᒋᔭᖃᖅᖢᑎᒃ ᐊᔾᔨᒌᙱᑦᑐᓂᒃ ᒪᓕᒐᖅᑎᒍᑦ ᑎᑎᕋᖅᓯᒪᔪᓂᒃ ᑐᓂᔭᐅᔪᓂᒃ ᑎᑎᕋᖅᑕᐅᓯᒪᔪᒪᓪᓗᑎᒃ ᐱᔪᒪᔭᖃᕐᓂᖏᓐᓄᑦ ᓄᓇᓂᒃ ᑎᑎᕋᖅᑕᐅᓯᒪᔪᓂᒃ ᓄᓇᐃᑦ ᑕᐃᔭᐅᔾᔪᓯᖏᓐᓂᒃ; ᑲᒪᒋᔭᖃᑦᑎᐊᕈᒪᔪᑦ ᓇᖕᒥᓂᖅ ᐱᖁᑎᖏᓐᓂᒃ; ᑯᐊᐳᕇᓴᐃᑦ, ᑲᑐᔾᔨᖃᑎᒌᑦ, ᓱᓴᐃᐊᑎᑦ, ᑲᑐᔾᔨᖃᑎᒌᑦ ᐊᒻᒪᓗ ᑯᐊᐸᐃᑦ ᑲᑐᔾᔨᖃᑎᒌᖏᑦ; ᑮᓇᐅᔭᓕᐅᕋᓱᐊᕈᑕᐅᔪᑦ ᓇᓪᓕᐅᒃᑯᒫᓪᓗ ᐊᒻᒪᓗ ᖃᐅᔨᒪᔨᑕᐃᑦ ᓂᐅᕕᕐᕕᐅᔪᓪᓗ ᐊᒃᑐᐊᔪᓄᑦ ᓂᐅᕕᖅᑕᐅᓂᖏᓐᓄᑦ ᓇᓪᓕᐅᒃᑯᒫᑦ ᓄᓇᕗᒻᒥ. ᐅᖃᓕᒫᒃᑲᓐᓂᕆᑦ...

ᐱᖅᑯᓯᓕᕆᕝᕕᒃ ᓄᑖᖑᕗᖅ ᐃᓄᐃᑦ ᐱᖅᑯᓯᑐᖃᖏᓐᓂᑦ ᐃᓕᓐᓂᐊᕐᕕᐅᓪᓗᓂ, ᐋᖅᑭᒃᓱᖅᑕᐅᔪᖅ ᑲᖏᖅᑐᒑᐱᖕᒥᑦ ᖁᒻᒧᐊᒃᑎᑕᐅᓯᒪᔪᒃᑯᑦ ᐱᔪᓐᓇᕐᖢᑎᒃ ᖃᒪᓂᑦᑐᐊᒥᑦ ᐃᒡᓗᓕᐅᖕᒥᓪᓗ. ᑐᕌᖓᔪᖅ ᐱᔪᓐᓇᕐᑎᑦᑎᓇᓱᐊᖅᖢᑎᒃ ᓅᑕᐅᓂᖏᑦ ᐃᓕᖅᑯᓯᑐᖃᓂᑦ, ᖃᐅᔨᒪᔭᑐᖃᖕᓂᑦ, ᐃᓅᓯᕆᔭᐅᔪᓂᑦ, ᐱᔪᓐᓇᕐᑕᓂᑦ ᐊᒻᒪᓗ ᐱᒻᒪᕆᒋᔭᐅᔪᓂᑦ, ᐃᓕᓐᓂᐊᕐᑎᑕᐅᓪᓗᑎᒃ ᐃᓄᒃᑎᑐᑦ ᐊᒻᒪᓗ ᒪᓕᒃᖢᑎᒃ ᐃᓄᐃᑦ ᖃᐅᔨᒪᔭᑐᖃᖏᑦᑕ ᑐᙵᕕᖏᓐᓂᑦ. ᐅᕘᓇ ᓇᕿᓪᓗᒍ ᖃᐅᔨᒋᐊᒃᑲᓐᓂᕈᒪᒍᕕ!

ᐱᖏᖕᓇᖅᑐᓕᕆᓂᕐᒧᑦ ᐱᓕᕆᐊᑦ ᐱᐅᓯᒋᐊᖅᑎᑦᑎᓇᓱᐊᖅᐳᑦ ᓄᓇᓕᖕᓂᑦ-ᑐᙵᕕᓖᑦ ᐱᖏᖕᓇᖅᑐᓕᕆᔨᖏᓐᓂᑦ (SAR) ᐊᔪᙱᑕᒥᖕᓂᑦ ᐊᒻᒪ ᐱᑐᐃᓐᓇᐅᓂᖏᓐᓂᑦ ᓄᓇᕗᓕᒫᒥᒃ. ᐱᓕᕆᐊᖑᔪᖅ ᐱᖏᖕᓇᖅᑐᓕᕆᓂᕐᒧᑦ ᐱᓕᒻᒪᒃᓴᐃᓲᖑᕗᑦ ᐱᖏᖕᓇᖅᑐᓕᕆᓂᕐᒧᑦ ᑎᒥᐅᔪᓄᑦ, ᐊᒻᒪ ᐃᑲᔪᐃᓲᖑᓪᓗᑎᒃ ᐃᓚᖏᓐᓂᒃ ᐱᖏᖕᓇᖅᑐᓕᕆᓂᕐᒧᑦ ᐊᑐᖅᑕᐅᔪᒃᓴᓂᑦ ᐊᒻᒪ ᑐᓴᐅᒪᖃᑎᒌᒍᑎᓂᒃ. ᑐᑭᓯᒋᐊᒃᑲᓐᓂᕈᒪᒍᕕᑦ ᐱᖏᖕᓇᖅᑐᓕᕆᔨᒃᑯᑦ ᓄᓇᕗᒻᒥ ᒥᒃᓵᓄᑦ, ᐅᖃᓕᒫᒃᑲᓐᓂᕆᑦ...

ᖃᐅᔨᓴᖅᑕᐅᓗᓂ ᐳᕙᒡᓗᖕᓇᒧᑦ ᐊᑭᖃᙱᑦᑐᖅ ᐋᓐᓂᐊᕕᔅᓯᓐᓂ. ᐅᖃᓕᒫᒃᑲᓐᓂᕆᑦ...

ᐸᐃᕆᕝᕕᖕᒧᑦ ᐃᑲᔫᑏᑦ ᐱᔭᒃᓴᐅᔪᑦ ᑮᓇᐅᔭᑎᒍᑦ ᐃᑲᔫᑎᐅᖕᒪᑦ ᑮᓇᐅᔾᔭᒃᓴᓗᐊᙱᑦᑐᓄᑦ ᐃᓚᒌᓄᑦ ᓄᓇᓖᑦ ᓄᓇᕘᒥ ᑕᒪᒃᑯᐊ ᐸᐃᕆᕝᕖᑦ ᐊᑭᑐᓗᐊᖏᑦᑐᓗᐊᙱᓪᓗᑎᒃ ᐊᑐᖅᑕᐅᔪᓐᓇᕐᓂᐊᕐᒪᑕ ᐃᖅᑲᓇᐃᔭᖅᑎᓪᓗᒋᑦ, ᐃᓕᓐᓂᐊᖅᑎᓪᓗᒋᑦ ᐅᕝᕙᓘᓐᓃᑦ ᐊᔪᕈᓐᓃᖅᓵᑕᒃᑎᓪᓗᒋᑦ ᓱᓇᒥᒃ.