Hivuliqti Savikataaq nan'ngariplugit uqauhiqaqpaktuq Ahiarmiut nuutiqtitauhimadjutaanut
Tuhaqtidjut
Hivuliqti Savikataaq nan'ngariplugit uqauhiqaqpaktuq Ahiarmiut nuutiqtitauhimadjutaanut
Hivuliqti Joe Savikataaq ublumi tuhaqtitiyuq uqauhikhaqaqtuq ukuninga:
“Hivituyuraalungmik, ayuqhaqpiakpakhutik aanniqtauvakhutiklu mamianaaqtauyut, ublumimit mamitiliqpalianialiqtut. Nunaganit nuutiqtitauihimadjutaat Ahiarmiut ayuqhautigikpiaqpakhimayat amigaittunut ilagiinut, aktuqtauvakhimayut amigaittut aktuqtauhimarjuaqtut kinguvariiktut nunaptingni.
Quyagiyumayara Ministangat Crown-Indigenous Relations, Nan'ngariyauyuq Carolyn Bennett hamungauhimangmat uqariaqtuqhuni mamiagiaqtuqhimayuq kivgaqtuqhugit kavamatuqatkut kavamait. Ilitariyumayara David Serkoak, angiyuqqangat Ahiarmiut Nuktiqtaunianut Katimayiit, akhuraaluk havakpiakpautanut akhuurutanullu kingulit 25-ni ukiuni. Hivituqpiaktumut atuqtauvaktuq ilitariyaulihaaqhutik mamianaaqtauplutiklu tuniyauyukhanik.
Arviarmiutauplunga, hiullirmik takuvakhimayatka aanniqtauningit kinguliriilu aktuqtauningit haffuma nuutiqquyauhimadjutanut. Tadja, 70-nguqtut ukiut, mamitirnahuarvikhaanut aullaqtirnarialaqqiyugut.”
###
Tuhagaqtidjutikhanut Uqarvikhaq:
Cate Macleod
Taigualiuqtiinni Titiraqtia
Havagvia Hivuliqti Savikataaq
867-975-5059
@email