GN reacts to the 2019 federal budgetᓄᓇᕗᑦ ᒐᕙᒪᖓᑕ ᐅᖃᐅᓯᔅᓴᖏᑦ ᓴᖅᑭᖅᑕᐅᔪᓄᑦ 2019 ᑲᓇᑕᐅᑉ ᒐᕙᒪᒃᑯᖏᓐᓂᑦ ᑮᓇᐅᔭᑦ ᐊᑐᖅᑐᔅᓴᖏᓐᓂᑦ
ᐱᕙᓪᓕᐊᔪᑦ ᓴᖅᑭᑕᑦ
ᓄᓇᕗᑦ ᒐᕙᒪᖓᑕ ᐅᖃᐅᓯᔅᓴᖏᑦ ᓴᖅᑭᖅᑕᐅᔪᓄᑦ 2019 ᑲᓇᑕᐅᑉ ᒐᕙᒪᒃᑯᖏᓐᓂᑦ ᑮᓇᐅᔭᑦ ᐊᑐᖅᑐᔅᓴᖏᓐᓂᑦ
ᐃᖃᓗᐃᑦ, ᓄᓇᕗᑦ (ᒫᑦᓯ 19, 2019) − ᑲᓇᑕᐅᑉ ᒐᕙᒪᒃᑯᖏᑕ ᑮᓇᐅᔭᓕᕆᔨᒃᑯᑦ ᒥᓂᔅᑕᖓ ᕕᐅᓪ ᒧᐊᓅ ᓴᖅᑭᑎᑦᑎᔪᖅ ᑲᓇᑕᐅᑉ ᒐᕙᒪᒃᑯᖏᑕ 2019ᒥ ᑮᓇᐅᔭᑦ ᐊᑐᖅᑐᔅᓴᑦ ᐸᕐᓇᐅᑎᖏᓐᓂᑦ, ᑮᓇᐅᔭᖅᑎᒍᑦ ᐱᕈᖅᓴᐃᓂᕐᒥᑦ ᑮᓇᐅᔾᔭᔅᓵᖏᑎᒍᑦ ᐊᑯᓐᓂᖅᓱᖅᑐᓄᑦ.
ᑮᓇᐅᔭᑦ ᐊᑐᖅᑐᔅᓴᑦ 2019ᒧᑦ ᐃᓗᓕᖃᖅᑐᑦ ᓇᓗᓇᐃᖅᑕᐅᓯᒪᓪᓗᑎᑦ ᐊᖏᕈᑕᐅᔪᑦ ᐃᑲᔪᖅᑐᐃᔾᔪᑕᐅᓂᐊᑐᓂᑦ ᐃᓪᓗᓕᐅᓂᕐᒧᑦ ᐊᒻᒪ ᐊᐅᓚᓂᐅᔪᓄᑦ ᐊᔪᓕᕈᑎᖃᖅᓯᒪᔪᓄᑦ ᐊᖓᔮᕐᓇᖅᑐᓄᑦ ᐃᑲᔪᖅᑕᐅᕕᒻᒥᑦ ᓄᓇᕗᒻᒥᑦ, ᑲᑐᔾᔨᖃᑎᒋᓗᒋᑦ ᓄᓇᕗᑦ ᒐᕙᒪᒃᑯᖏᑦ ᐊᒻᒪ ᓄᓇᕗᑦ ᑐᙵᕕᒃᑯᑦ.
"ᖁᕕᐊᓇᖅᑐᖅ ᑕᑯᓗᒍ ᐃᑲᔪᖅᑐᐃᒻᒪᑕ ᐊᔪᓕᕈᑎᖃᖅᓯᒪᔪᓄᑦ ᐋᖓᔮᕐᓇᖅᑐᓄᑦ ᐃᑲᔪᖅᑕᐅᕕᔅᓴᒥᑦ", ᐅᖃᖅᑐᖅ ᒥᓂᔅᑕ ᔪᐊᔾ ᕼᐃᒃᔅ. "ᓂᕆᐅᒃᑲᓐᓂᓚᐅᕋᓗᐊᖅᑐᒍᑦ ᐃᓪᓗᓕᕆᓂᕐᒨᖓᔪᓂᑦ ᐊᒻᒪ ᑐᓴᐅᒪᖃᑦᑕᐅᑎᓕᕆᔾᔪᑎᓄᑦ, ᐱᓗᐊᖅᑐᒥᑦ ᐊᑯᓂᐊᓗᒃ ᓄᓇᓕᓐᓂᑦ ᒪᑭᒪᔾᔪᑏᑦ ᐱᔭᕆᐊᖃᓪᓚᕆᑦᑎᓪᓗᒋᑦ. ᓄᓇᕗᒻᒧ−ᑐᕌᖓᓪᓚᑦᑖᖅᑐᓂᑦ ᐱᓕᕆᐊᖑᔪᔅᓴᓂᑦ ᐱᑕᖃᑦᑎᐊᖏᒻᒪᑦ ᐅᒡᒍᕐᓇᖅᑑᒐᓗᐊᖅ, ᐊᒻᒪ ᑕᒪᓐᓇ ᐱᔭᕆᐊᖃᓪᓚᕆᑦᑎᓪᓗᑎᒍ ᑲᔪᓯᓂᖃᑦᑎᐊᕈᓐᓇᖁᓪᓗᒍ ᑲᓇᑕᒥ−ᐱᕈᖃᑎᒌᓐᓂᖅ"
ᐊᓯᖏᑦ ᓄᓇᕗᒻᒨᖓᔪᑦ ᐃᓚᖃᖅᐳᑦ ᐅᑯᓂᖓ $286.2 ᒥᓕᐊᓐ ᑕᓪᓕᒪᓄᑦ ᐅᑭᐅᓄᑦ ᐊᑐᖅᑕᐅᓂᐊᖅᑐᑦ ᐃᓄᓐᓄᑦ ᓯᕗᓪᓕᐅᑎᖁᔭᐅᓯᒪᔪᓄᑦ, $125.5 ᒥᓕᐊᓐ ᖁᓕᓄᑦ ᐅᑭᐅᓄᑦ ᐃᓄᐃᑦ−ᐋᖅᑭᓱᖅᑕᖏᑦ ᓯᓚᑦᑐᓴᕐᕕᒻᒥᑦ ᐃᓕᓐᓂᐊᕐᓂᕐᒧᑦ ᖃᓄᐃᓕᐅᕈᑕᐅᔪᒪᔪᖅ ᐊᒻᒪ $15 ᒥᓕᐊᓐ ᑕᓪᓕᒪᑦ ᐅᑭᐅᑦ ᐅᖓᑖᓄᓪᓗ ᓴᖅᑭᑎᑦᑎᓇᓱᓐᓂᕐᒧᑦ ᐅᑭᐅᖅᑕᖅᑐᒥᑦ ᓄᓇᓕᖏᓐᓂᑦ ᐱᓕᕆᐊᖑᕙᓪᓕᐊᔪᑦ ᑮᓇᐅᔭᖁᑏᑦ ᐃᑲᔪᕈᑕᐅᔪᑦ "ᓄᓇᓕᓐᓂᑦ−ᐋᖅᑭᓱᖅᑕᐅᔪᑦ ᐱᓕᕆᐊᔅᓴᑦ ᓄᓇᖃᖅᑎᓄᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᓂᕿᓕᕆᓂᕐᒧᑦ ᐱᓕᕆᔾᔪᑏᑦ."
"ᑮᓇᐅᔭᑦ ᐅᖃᐅᓯᐅᔪᑦ ᐅᓪᓗᒥ ᓄᓇᕗᒻᒨᑲᐅᑎᒋᓗᑎᑦ ᐱᔾᔮᖏᑦᑐᑦ. ᓄᓇᕗᑦ ᒐᕙᒪᒃᑯᖏᑦ ᐅᔾᔨᖅᑐᖅᓯᒪᐃᓐᓇᓂᐊᖅᑐᑦ, ᓄᓇᕗᒻᒥᑦ ᐱᔨᑦᑎᕋᐅᑏᑦ, ᖃᓄᖅ ᑕᒪᒃᑯᐊ ᐱᔨᑦᑎᕈᑕᐅᖃᑦᑕᖅᑐᑦ ᐱᓕᕆᐊᔅᓴᓪᓗ ᑲᔪᓯᑎᓂᖃᑦᑎᐊᕈᓐᓇᕐᓂᐊᕐᒪᖔᑦᑕ ᓄᓇᕗᒻᒥᐅᑦ ᑖᒃᑯᓇᙵᑦ ᐱᖃᑕᐅᔪᓐᓇᑦᑎᐊᖁᓪᓗᒋᑦ," ᐅᖃᖅᑐᖅ ᒥᓂᔅᑕ ᕼᐃᒃᔅ.
ᑖᒃᑯᐊ 2019 ᑲᓇᑕᐅᑉ ᒐᕙᒪᒃᑯᖏᑕ ᑮᓇᐅᔭᑦ ᐊᑐᖅᑐᔅᓴᖏᑦ ᑕᑯᔭᐅᔪᓐᓇᖅᑐᓂᑦ ᑲᓇᑕᐅᑉ ᒐᕙᒪᒃᑯᖏᑕ ᐃᑭᐊᖅᑭᕕᖓᒍᑦ ᐅᕙᓂ: https://www.budget.gc.ca/2019/docs/
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑕᓃᔅ ᒍᕌᓐᒪᐃᓴᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
@email