Nunavut Kavamangit kiuvakhimayut talvuuna 2019mi kanatam maniit atuqtauyukhat
Tahqtipkaidjutikhat
Nunavut Kavamangit kiuvakhimayut talvuuna 2019mi kanatam maniit atuqtauyukhat
IQALUIT, Nunavut (Qiqaiyalirvia 19, 2019) Kanatam Kiinauyaliqiyitkut Ministangit Bill Morneau ublumi katimapkaivakhimayuq tamna Kavamatkut Kanatam 2019mi maniit atuqtauyukhanik upalungairutikharnik, Maniliurutikhanik Inuhiqarninginik Akunganiitut.
Maniit Atuqtukhat 2019 piqaqtut naunaittunik pinahuarutikhainik ikayuutikhainiklu nappaqtirutikhanut aulapkaidjutikhanullu Ippiralailaqidjutit Ikayuqhirnikkut nayugakhanik Nunavunmi, ikayuqtigiiklutik Nunavut Kavamangat (GN) ukuallu Nunavut Tunngavik Inc.
“Quviahuktunga ikayurumaplugit ajuridjutigihimayainik ippiralimaiqhugit ikayuqhirvikhanik,” uqaqtuq Kiinauyaliqiyitkut Minista George Hickes. “Naahuriyugut amaitqiyanik iglukhatigut tuhapkaidjutikhanullu tiiviikkurutikhanik tuhapkaidjutikhaniklu, taffumuuna hivituyumik napatjutingit qaangiqhimajut. Piinningit Nunavunmi-naunaiyautikhangit ayurnaqtut, imaalu ayuqhautauhimmaaqtut ihuaqtumik nunaryuakhamik nappaqtiridjutikhanik.”
Aallanik piyumayauyunik Nunavunmi ilauyut imatut $286.2 M tallimani ukiuni taffumunga Inuit hivulliutiyumayainut, $125.5 M avatqumayuni10 ukiuni taffumunga Inuinnarnit-hivuliqtuiyunit iliharyuummirnikkut iliharniq qanuriliurutikhanginik imaalu $15 M avatqumayuni tallimani ukiuni nappaqtirutikhanik Ukiuqtaqtumi Unnahiktunut Nunallaani Uuktuutikhainik Manikhainik ikayuutikhanginik “nunallaani-havaktauyukhanik havaakhanik nunamingni Nunaqaqqaaqtut niqikhainik havauhikhainik atguqtauyukhanik.”
“Anginiqhauyumik manikhanik tuhaqtitauyugut ublumi tuniyaulimaittuq hamunga aviktuqhimanianut. GN-kutnahuuriniaqtut, imatut Nunavutim ikayuqtikhainut tunihivaktut, qanuqtut ihuaqtumik tunihiniaqqita ikayuutikhainik pi nahuarutikhainiklu ikayuutikhainik Nunavummiunutt,” uqaqtuq Minista Hickes.
Tamaat naunairutikhangit talvuuna 2019mi kanatam kavamangit maniit atuqtauyukharnik tautuktaugiaqaqtun talvani Kavamangit Kanatami qaritauyaliqidjutikharnik uvani https://www.budget.gc.ca/2019/docs/.
###
Tuhaqtitauyukhanut Uqarvikhaq:
Denise Grandmaison
Atan'nguyaq, Tuhaqtipkaiyuni
Kiinauyaqiliyitkut
867-975-6818
@email