ᐳᕙᒡᓗᖕᓇᒧᑦ ᐊᒃᑐᖅᑕᐅᓯᒪᙱᑦᑐᓄᑦ ᐱᓕᕆᐊᖑᕙᓪᓕᐊᔪᑦ

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᐳᕙᒡᓗᖕᓇᒧᑦ ᐊᒃᑐᖅᑕᐅᓯᒪᙱᑦᑐᓄᑦ ᐱᓕᕆᐊᖑᕙᓪᓕᐊᔪᑦ

ᐊᑕᐅᑦᑎᒃᑰᖃᑎᖃᖅᖢᑎᒃ ᓄᓇᕐᔪᐊᓕᒫᒥ ᐳᕙᒡᓗᖕᓇᐅᑉ ᐅᓪᓗᖓᓂ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐳᕙᒡᓗᖕᓇᒥ ᐅᔾᔨᕈᓱᓕᖅᑎᑦᑎᒃᑲᓐᓂᕋᓱᒃᐳᑦ ᐊᒻᒪ ᓄᓇᕗᒻᒥᐅᓂᒃ ᐃᓚᐅᑎᑦᑎᓪᓗᑎᒃ ᓄᑖᒥᒃ "ᓴᙱᔪᒥᒃ ᐊᒻᒪ ᐳᕙᒡᓗᖕᓇᒧᑦ ᐊᒃᑐᖅᑕᐅᓯᒪᙱᑦᑐᓄᑦ" ᐃᓕᓐᓂᐊᖅᑎᑦᑎᔾᔪᑕᐅᔪᒃᑯᑦ ᓄᓇᓕᖕᓂ ᐊᒻᒪ ᓄᓇᓖᑦ ᐋᓐᓂᐊᖃᕐᓇᙱᑦᑐᓕᕆᔨᑦ ᑭᒡᒐᖅᑐᐃᔨᖏᓐᓂᒃ ᐱᓕᕆᖃᑎᖃᖅᖢᑎᒃ. ᓈᓚᐅᑎᒃᑯᑦ ᐅᖃᐅᓯᐅᔪᒃᓴᐃᑦ, ᐅᕕᓂᕈᐃᑦ ᐊᐃᖃᙱᑦᑐᑦ ᐊᒻᒪ ᐃᓕᓐᓂᐊᕈᑎᒃᓴᐃᑦ ᑐᓂᐅᖅᑲᐅᑕᐅᓚᐅᖅᐳᑦ ᓄᓇᕘᓕᒫᒧᑦ ᐳᕙᒡᓗᖕᓇᒧᑦ ᐊᒃᑐᖅᑕᐅᓚᐅᖅᓯᒪᙱᑦᑐᑦ ᐅᔾᔨᕆᔭᐅᓕᒃᑲᓐᓂᖁᓪᓗᒋᑦ ᓄᓇᓕᖕᓂ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᓄᖅᓯᒋᐊᖅᑎᑦᑎᒋᕗᑦ ᓄᓇᕘᓕᒫᒥ ᐳᕙᒡᓗᖕᓇᒧᑦ ᐱᓕᕆᐊᒃᓴᒥᑦ ᓄᓇᕗᒻᒥᐅᑦ ᐃᑲᔪᖅᑐᖅᑕᐅᑦᑎᐊᒃᑲᓐᓂᖁᓪᓗᒋᑦ ᐳᕙᒡᓗᖕᓇᒧᑦ ᐊᒃᑐᖅᑕᐅᓯᒪᔪᑦ, ᓄᓇᕘᓕᒫᒥ ᓴᖅᑭᑎᑦᑎᓪᓗᑎᒃ ᐱᓗᐊᙱᑦᑐᒥᑦ ᐳᕙᒡᓗᒃᑐᓄᑦ ᐃᓅᓕᓴᐅᑎᒥᒃ ᓄᑖᒥᒃ 3HP−ᒥ ᑕᐃᔭᐅᔪᒥᑦ. 12−ᓂᒃ ᐄᓯᔭᕆᐊᖃᖃᑦᑕᕆᕗᑦ - ᒪᕐᕉᖕᓂᒃ ᐃᓅᓕᓴᐅᑏᖕᓂᒃ ᐱᔭᕆᐊᖃᖅᖢᑎᒃ ᐱᕋᓱᐊᕈᓯᖅ ᐊᑕᐅᓯᐊᕐᓗᒍ ᑕᖅᑭᓄᑦ ᐱᖓᓱᓄᑦ.

ᐃᓄᐃᑦ ᐊᕕᒃᑐᖅᓯᒪᔪᓂᑦ ᖃᓄᖅᑑᕈᑎᑦ ᐸᕐᓇᐅᑎᖓ ᐊᑐᕐᓗᒍ, ᓄᓇᕗᑦ ᑐᙵᕕᒃᑯᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑐᔾᔨᖃᑎᒌᒃᐳᑦ ᐱᓕᕆᖃᑎᒌᓕᒃᑲᓐᓂᖁᓪᓗᒋᑦ ᐱᔭᕆᐊᓕᖕᒥᑦ ᐊᓂᒍᖅᑎᑦᑎᓂᐊᕐᓗᑎᒃ ᐊᒻᒪ ᑲᔪᓯᑎᑦᑎᓂᐊᕐᓗᑎᒃ ᐳᕙᒡᓗᖃᑦᑕᕈᓐᓃᖁᓪᓗᒋᑦ ᓄᓇᕘᒥ.

ᑕᒪᑐᒪᓂ ᐊᕐᕌᒍᒥ ᓄᓇᕐᔪᐊᓕᒫ ᐳᕙᒡᓗᖕᓇᐅᑉ ᐅᓪᓗᖓᓂ ᐅᓇ ᐱᔾᔪᑕᐅᓂᐊᖅᑐᖅ 'ᐱᔭᕆᐊᖃᓕᖅᐳᖅ', ᑎᓕᐅᖅᑕᐅᕗᑦ ᓄᓇᕐᔪᐊᓕᒫᒥ ᓯᕗᓕᖅᑏᑦ ᐃᒪᓐᓇ:

• ᐅᓄᖅᓯᒋᐊᖅᑎᓪᓗᒋᑦ ᐊᑐᕈᓐᓇᖅᑐᑦ ᐳᕙᒡᓗᓕᖅᑎᑦᑎᑦᑕᐃᓕᒪᓂᕐᒧᑦ ᐊᒻᒪ ᐃᓅᓕᓴᐅᑎᒧᑦ;
• ᑕᑎᒋᔭᐅᔪᓐᓇᖅᓯᕙᓪᓕᐊᓗᓂ;
• ᓇᓗᓇᐃᖅᓯᓗᑎᒃ ᓈᒻᒪᒃᑐᓂᒃ ᐊᒻᒪ ᑲᔪᓯᑎᑕᐅᔪᓐᓇᖅᑐᓂᒃ ᑮᓇᐅᔭᖃᖅᑎᑕᐅᓂᖏᓐᓂᒃ ᐱᖃᓯᐅᑎᓪᓗᒍ ᐳᕙᒡᓗᒃᑐᓂᒃ ᖃᐅᔨᓴᕐᓂᖅ;
• ᑲᙳᓱᒃᑎᑦᑎᔪᓐᓃᒃᑲᓐᓂᕐᓗᑎᒃ ᐊᒻᒪ ᐊᔾᔨᒋᒃᑎᑦᑎᙱᑦᑐᑦ ᓄᖅᑲᖅᑎᓪᓗᒋᑦ, ᐊᒻᒪᓗ
• ᓴᖅᑭᔮᖅᑎᒃᑲᓐᓂᕐᓗᒍ ᐊᔾᔨᒌᒃᑎᑦᑎᓂᖅ, ᐱᔪᓐᓇᐅᑎᖏᓐᓂᒃ−ᑐᙵᕕᓖᑦ ᐊᒻᒪ ᐃᓄᖕᓂᒃ−ᐱᔾᔪᑎᖃᓪᓗᐊᑕᖅᑐᑦ ᐳᕙᒡᓗᖕᓇᒧᓪᓗ ᖃᓄᐃᓐᓂᐅᕙᒃᑐᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕗᐊᓐᑎ ᕼᐊᓗᓇᓐ
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
@email