ᐃᓱᓕᕝᕕᒃᓴᖓ ᑐᓂᓯᓂᕐᒧᑦ ᑐᒃᓯᕋᐅᑎᓂᒃ ᐅᖅᓱᐊᓗᖕᒧᑦ ᑖᒃᓰᔭᕈᑎᓄᑦ ᐅᑎᖅᑎᑦᑎᔾᔪᑎ ᐱᓕᕆᐊᒃᓴᖅ
ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᑐᓴᒐᒃᓴᖅ
ᐃᓱᓕᕝᕕᒃᓴᖓ ᑐᓂᓯᓂᕐᒧᑦ ᑐᒃᓯᕋᐅᑎᓂᒃ ᐅᖅᓱᐊᓗᖕᒧᑦ ᑖᒃᓰᔭᕈᑎᓄᑦ ᐅᑎᖅᑎᑦᑎᔾᔪᑎ ᐱᓕᕆᐊᒃᓴᖅ
ᐅᖅᓱᐊᓗᖕᒧᑦ ᑖᒃᓰᔭᕈᑎᓄᑦ ᐅᑎᖅᑎᑦᑎᔾᔪᑎ ᐱᓕᕆᐊᒃᓴᖅ ᓄᖅᑲᖅᑎᑕᐅᓚᐅᕋᓗᐊᖅᑎᓪᓗᒍ ᒪᐃ 14, 2018, ᐅᖅᓱᐊᓗᖕᒧᑦ ᑖᒃᓰᔭᕈᑎᓄᑦ ᐅᑎᖅᑎᑦᑎᔾᔪᑎᒧᑦ ᑐᒃᓯᕋᖅᓯᒪᔪᑦ ᑎᑭᐅᑎᓇᓱᖕᓂᖓᓂ ᒪᐃ 14, 2019, ᑐᓂᓯᓗᑎᒃ ᑐᒃᓯᕋᐅᑎᓂᒃ ᖃᓄᑐᐃᓐᓇᖅ ᐱᔪᓐᓇᐅᑎᖃᖅᑐᓄᑦ ᐅᖅᓱᐊᓗᖕᓄᑦ ᓂᐅᕕᖅᑕᓄᑦ ᑎᑭᑎᑕᐅᔪᓄᓪᓘᓐᓃᑦ ᓄᓇᕗᒻᒧᑦ, ᐊᑐᖅᑕᐅᓗᑎᒃᓗ ᑎᑭᓚᐅᙱᑎᓪᓗᒍ ᒪᐃ 14, 2018.
ᐊᔪᖏᔪᓐᓇᐅᑎᒥᒃ ᐱᔪᒪᒍᕕᑦ ᐅᖅᓱᐊᓗᖕᒧᑦ ᐅᑎᖅᑎᑦᑎᔾᔪᑎᒧᑦ, ᐅᖅᓱᐊᓗᒃᓴᑦ ᑖᒃᓰᔭᖅᑕᐅᓯᒪᔭᕆᐊᓕᑦ ᑕᐃᑰᓇ ᐅᖅᓱᐊᓗᒃᓴᒧᑦ ᑖᒃᓰᔭᕈᓐᓇᐅᑎᓄᑦ ᐱᖁᔭᖅ. ᐅᖃᓗᒃᕕᒋᓗᒍ 1-800-316-3324, ᐃᕐᖐᓐᓈᖅᑕᐅᑦ @email ᐅᐸᒃᓗᒍᓘᓐᓃᑦ https://www.gov.nu.ca/iu/finance/information/uqsutsat-taaksijarutinga-u… ᑐᒃᓯᕋᐅᑎ ᑕᑕᑎᕆᐊᓕᖕᒧᑦ.
ᓄᓇᕗᑦ ᒐᕙᒪᖓ ᐃᑲᔪᖅᓱᐃᖏᓐᓇᖅᑐᖅ ᐊᖑᓇᓱᒃᑎᓂᒃ ᐊᕙᑎᓕᕆᔨᒃᑯᑎᒍᑦ ᐱᐅᓯᒋᐊᖅᑎᑦᑎᓂᒃᑯᑦ ᐊᖑᓇᓱᒃᑎᓄᑦ ᐃᑲᔪᖅᓱᐃᓂᕐᒧᑦ ᐱᓕᕆᐊᒃᓴᒃᑯᑦ. ᐅᔭᕋᑦᑎᐊᕙᒃᓯᐅᖅᑐᓕᕆᔨᑦ ᓇᖕᒥᓂᖃᖅᑎᑦ ᐊᖅᒪ ᓄᓇᓕᖕᓂ ᑲᑐᔾᔨᖃᑎᒌᑦ ᐱᔪᓐᓇᖅᑎᑕᐅᔪᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᓄᓇᓕᖕᓂ ᐃᓚᐅᑎᑦᑎᓂᕐᒧᑦ ᐃᑲᔪᖅᓱᐃᔾᔪᑎ ᐱᓕᕆᐊᒃᓴᖅ ᐱᓕᕆᐊᖃᕐᓂᕐᒧᑦ ᐃᓚᐅᑎᑦᑎᓂᕐᓄᑦ ᖃᓄᐃᓕᐅᕈᑎᓂᒃ ᐃᓱᒪᒋᔭᐅᔪᓄᑦ ᐃᓄᖕᓄᑦ ᐱᔭᐅᔪᒪᔪᓂᒃ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑕᓃᔅ ᒍᕌᓐᒪᐃᓴᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
@email