Umikvikhaaq tujuriami tukhirutinik uumunga Uqhuqjuani Taaksiijautikkut Utiqtidjutikkut Pinahuarutimun
Kavamatkunnin Tuhaqtitaujukhaq
Umikvikhaaq tujuriami tukhirutinik uumunga Uqhuqjuani Taaksiijautikkut Utiqtidjutikkut Pinahuarutimun
Taimaitkaluaqhuni taamna Uqhuqjuani Taaksiijautikkut Utiqtidjutikkut (FTR) Pinahuaruti tamaaqtitauhimajuq May 14, 2018mi, Uqhuqjuani Taaksiijautikkut Utiqtidjutikkut Pinahuarutimi uuktuqtun pijaaqtun uvunga May 14mun, 2019, tujuriami tukhirutinik qujaginnanun pijaaqtunun uqhuqjuanun niuviqtauhimavajun agjaqtauhimajulluunniit Nunavunmun, atuqtaujullu tikitinnagu May 14, 2018.
Pijaami utiqtidjutimun, taapkuat uqhuqjuat hunat taaksiijautijauhimajukhat ataani Uqhualuit Taaksiijaqtauninginnut Maligaqmi. Hivajaqlugu una 1-800-316-3324, qaritaujakkut titiqqilugu uvunga @email qaritaujakkuurutikkut takuluguluunniit una https://www.gov.nu.ca/in/finance/information/uqhuqyuat-taasikkut-utirut… pijaami uukturutikhamik titiraqmik.
Nunavut Kavamatkut aulahimaaqtun ikajuqhugin anguniaraanginnaqtun talvuunga Avatiliqijikkut Havakviup pimmarighaqtauhimajumi Anguniaqtunun Ikajurutikkut Pinahuarutikkut. Ujaraghiuqnikkut havakviit ukuallu nunallaani timiqutit pijaaqtun uumunga Pivalliajuliqijikkut Ingilrajuliqijikkullu Havakvianin Nunallaani Ilaupkainikkun Ikajurutikkut Pinahuarutikkut pipkainikkut ilaupkainikkut hulidjutinik ihumagijaujun inungnun pijumajainnun.
###
Tuhaqtitauyukhanut Uqarvikhaq:
Denise Grandmaison
Atannguyaq, Tuhaqtipkaijuni
Kiinaujaqilijikkut
867-975-6818
@email