ᓂᕈᐊᕋᑦᓴᓕᐅᕈᓐᓇᖅᓯᔪᑦ ᑲᑎᒪᔨᐅᓂᕐᒧᑦ ᓄᓇᕗᑦ ᐸᕐᓇᐃᔩᑦ ᑲᑎᒪᔨᖏᓐᓄᑦ
ᑭᒃᑯᑐᐃᓐᓇᓄᑦ ᑐᓴᕋᑦᓴᖅ
ᓂᕈᐊᕋᑦᓴᓕᐅᕈᓐᓇᖅᓯᔪᑦ ᑲᑎᒪᔨᐅᓂᕐᒧᑦ ᓄᓇᕗᑦ ᐸᕐᓇᐃᔩᑦ ᑲᑎᒪᔨᖏᓐᓄᑦ
ᓄᓇᕗᑦ ᒐᕙᒪᒃᑯᑦ ᓱᓕ ᓂᕈᐊᕋᑦᓴᓕᐅᖁᔨᔪᑦ ᓄᓇᕗᒻᒥ ᐸᕐᓇᐃᔨᑦ ᑲᑎᒪᔨᖏᓐᓄᑦ (NPC).
ᓄᓇᕗᑦ ᐸᕐᓇᐃᔩᑦ ᑲᑎᒪᔨᖏᑦ ᐊᔾᔨᒌᙱᑦᑐᑦᓂ ᐊᒥᓱᓂᑦ ᐱᓕᕆᐊᑦᓴᖃᖃᑦᑕᖅᑐᑦ ᑲᒪᔨᐅᓪᓗᑎᑦ ᓄᓇᒥᑦ ᐊᑐᖅᑕᐅᔪᑦᓴᓂᒃ ᐸᕐᓇᐃᓂᖅ, ᒪᑯᐊᓗ ᐱᕙᓪᓕᐊᑎᑦᓯᓂᕐᒥᑦ ᓄᓇᐅᑉ ᐊᑐᑕᐅᓂᑦᓴᖓᓂᑦ ᐸᕐᓇᓂᕐᒧᑦ ᐊᔪᕆᖅᓲᔾᔨᔪᓂᑦ ᖃᓄᖅᑑᖁᔨᔪᓂᓪᓗ ᐱᕙᓪᓕᐊᑎᑦᓯᓂᕐᒧᑦ, ᓇᓗᓇᐃᖅᓯᓂᕐᒥᓪᓗ ᐊᑐᓕᖅᑎᑕᐅᒐᓗᐊᕐᒪᖔᑕ.
ᖃᐅᔨᒪᒍᕕᑦ ᓄᓇᒧᑦ ᐊᐅᓚᑦᓯᓂᕐᒧᑦ ᐊᑲᐅᙱᓕᐅᕈᑎᓂᒃ ᓄᓇᕗᒻᒥ ᐃᑲᔪᕈᒪᓗᑎᓪᓗ ᐱᓕᕆᐊᖑᔪᓂ ᓄᓇᕗᒻᒥ ᐸᕐᓇᐃᔩᑦ ᑲᑎᒪᔨᖏᓐᓂᑦ, ᓂᕈᐊᕋᑦᓴᓕᐅᕈᒪᒍᕕᓪᓘᓐᓃᑦ ᑭᓇᒥᑦ, ᓇᑦᓯᐅᔾᔨᓗᑎᑦ ᐃᖅᑲᓇᐃᔮᖅᑖᕋᓲᑎᒥᑦ ᐱᒐᓱᐊᕈᑎᒥᓪᓗ ᐹᑐᕆᒃ ᕼᐊᒋᓐᔅ−ᒧᑦ ᐅᕗᖓ @email.
ᐱᒐᓱᐊᕈᑏᑦ ᑎᑎᕋᕆᐊᓖᑦ ᐱᔭᑦᓴᐅᔪᑦ ᐊᕙᑎᓕᕆᔨᒃᑯᑦ ᐃᑭᐊᖅᑭᕕᖓᓐᓂᒃ ᐅᕙᓂ: https://www.gov.nu.ca/iu/avatilirijikkut/information/katimajiunirmut-ti….
ᑲᓇᑕᐅᑉ ᒐᕙᒪᒃᑯᖏᓐᓂᑦ ᐊᒻᒪ ᓄᓇᕗᑦ ᒐᕙᒪᒃᑯᖏᓐᓂᑦ ᐃᖅᑲᓇᐃᔭᖅᑏᑦ ᐱᓇᓱᐊᖃᑕᐅᔪᓐᓇᖏᑦᑐᑦ ᑲᑎᒪᔨᐅᓂᕐᒧᑦ ᑖᒃᑯᓄᖓ ᓄᓇᕗᑦ ᐸᕐᓇᐃᔨᖏᑕ ᑲᑎᒪᔨᖏᓐᓄᑦ.
ᖃᐅᔨᒪᓂᐊᖅᑯᓯ ᓂᕈᐊᕋᑦᓴᐅᖃᑕᐅᔪᖅ ᐊᑦᑕᕐᓇᖅᑐᒦᑎᑦᑎᓂᐊᙱᒃᑲᓗᐊᕐᒪᖔ ᖃᐅᔨᓴᖅᑕᐅᒋᐊᓕᒃ. ᐱᓇᔪᒍᒪᔪᓄᑦ ᐃᓱᓕᕝᕕᒃᓴᖃᖅᑐᖅ 5-ᒥ ᐅᓐᓄᒃᑯᑦ ᑲᓇᖕᓇᖓᓂᑦ ᐊᐃᕆᓕ 30, 2019.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑭᐅᕋᓐ ᕙᓚᐅᕋᑎ
ᑐᓴᐅᒪᔪᓕᕆᔨᒃᑯᓐᓄᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐊᒻᒪ ᑐᓴᐅᒪᑎᑦᑎᔨᒃᑯᓐᓄᑦ
ᐊᕙᑎᓕᕆᔨᒃᑯᑦ
867-975-7761
@email