ᐃᒥᐊᓗᓕᕆᔨᒃᑯᑦ ᑲᑎᒪᔨᖏᓐᓂᒃ ᓂᕈᐊᕐᓂᐊᖅᑐᑦ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᐃᒥᐊᓗᓕᕆᔨᒃᑯᑦ ᑲᑎᒪᔨᖏᓐᓂᒃ ᓂᕈᐊᕐᓂᐊᖅᑐᑦ
ᐃᒥᐊᓗᓕᕆᔨᒃᑯᓐᓂ ᐊᐅᓚᑦᑎᖃᑕᐅᔪᒪᓇᔭᖅᐲᑦ? ᓄᓇᔅᓯᓐᓂ ᐊᓯᔾᔩᖃᑕᐅᔪᒪᕖᑦ?
ᐃᒥᐊᓗᓕᕆᔨᒃᑯᑦ ᑲᑎᒪᔨᒃᓴᖏᓐᓂᒃ ᓂᕈᐊᕐᓂᐊᓕᖅᐳᑦ ᐅᑐᐱᕆ 28, 2019−ᒥ. ᐃᒥᐊᓗᓕᕆᔨᒃᑯᑦ ᑲᑎᒪᔨᖏᑦ ᑲᒪᒋᔭᒃᓴᖃᖅᐳᑦ ᓴᖅᑭᔮᖅᑎᑦᑎᒃᑲᓐᓂᕐᓗᑎᒃ ᐃᒥᐊᓗᖕᒥᒃ ᐅᔾᔨᕈᓱᖕᓇᒥᒃ, ᐊᐅᓚᑦᑎᕙᒡᓗᑎᒡᓗ ᓂᐅᕕᐊᕆᔭᐅᓲᓂᒃ, ᓂᐅᕐᕈᑕᐅᔪᓂᒃ ᐊᒻᒪ ᑎᑭᑎᑕᐅᓲᑦ ᐃᒥᐊᓗᖕᓂᑦ ᓄᓇᓕᖕᓄᑦ. ᐃᒥᐊᓗᓕᕆᔨᒃᑯᑦ ᑲᑎᒪᔨᖏᑦ ᐅᑯᓇᓂ ᓄᓇᓕᖕᓂ ᑲᑎᒪᔨᑖᕆᐊᖃᕐᓂᐊᖅᑐᑦ ᐃᒃᐱᐊᕐᔪᖕᒥ, ᑭᙵᓂ, ᐃᒡᓗᓕᒑᕐᔪᖕᒥ, ᑲᖏᖅᑐᒑᐱᖕᒥ, ᓴᓂᕋᔭᖕᒥ, ᐃᒡᓗᓕᖕᒥ, ᑭᒻᒥᕈᒻᒥ, ᓇᐅᔮᓂ, ᒥᑦᑎᒪᑕᓕᖕᒥ, ᕿᑭᖅᑕᕐᔪᐊᕐᒥ, ᖃᐅᓱᐃᑦᑐᒥ ᐊᒻᒪ ᑎᑭᕋᕐᔪᐊᕐᒥ.
ᓂᕈᐊᒐᒃᓴᐅᖃᑕᐅᔪᓐᓇᕐᓂᐊᖅᐳᑎᑦ, ᐃᒪᐃᓪᓗᑎᑦ:
- ᑲᓇᑕᒥᐅᑕᐅᓗᑎᑦ;
- 18−ᓂᒃ ᐅᑭᐅᖃᕐᓗᑎᑦ ᓂᕈᐊᕕᒡᔪᐊᕐᓇᐅᑉ ᐅᓪᓗᖓᓂ;
- ᓄᓇᕗᒻᒥᐅᑕᐅᓗᑎᑦ ᐊᕐᕌᒍᓕᒫᖅ ᓂᕈᐊᕕᒡᔪᐊᕐᓇᐅ ᐅᓪᓗᐊᓂ; ᐊᒻᒪ
- ᓄᓇᓕᖕᒥᐅᑕᐅᓯᒪᓗᑎᑦ ᓇᓗᓇᐃᖅᓯᕝᕕᒋᔭᕐᓂᑦ ᓂᕈᐊᒐᒃᓴᐅᓂᕐᓂ;
ᓂᕈᐊᒐᒃᓴᐅᔪᓐᓇᙱᑦᑐᑎᑦ ᐃᒪᐃᒃᑯᕕᑦ:
- ᐃᖅᑲᖅᑐᐃᔨᐅᓗᑎᑦ ᓇᓕᐊᖕᓂᑐᐃᓐᓇᖅ ᐃᖅᑲᖅᑐᐃᕕᖕᒥ, ᓄᓇᖃᕐᓂᕐᓂ ᐃᖅᑲᖅᑐᐃᕕᐅᑉ ᐊᓯᐊᓂ;
- ᒪᓕᒐᓕᐅᖅᑎᐅᒍᕕᑦ ᐅᕝᕙᓘᓐᓃᑦ ᒪᓕᒐᓕᐅᖅᑎᕐᔪᐊᖑᒍᕕᑦ;
- ᓂᕈᐊᖅᑐᓕᕆᔨᐅᒍᕕᑦ;
- ᑎᒍᔭᐅᓯᒪᒍᕕᑦ;
- ᐸᓯᔭᒃᓴᐅᓐᓂᕈᕕᑦ ᓂᕈᐊᖅᑐᓕᕆᔨᒃᑯᑦ ᐱᖁᔭᖓᓂ ᐅᑭᐅ ᑕᓪᓕᒪᑦ ᐃᓗᐊᓂ; ᐅᕝᕙᓘᓐᓃᑦ
- ᐃᖃᖅᑐᐃᕕᖕᒥᑦ ᐃᓱᒪᒃᓴᖅᓯᐅᕈᓐᓇᖏᒃᑯᕕᑦ ᓇᖕᒥᓂᖅ.
ᓂᕈᐊᒐᒃᓴᖑᕈᒪᔪᑦ ᑐᒃᓯᕋᐅᑏᑦ ᐊᖏᖅᑕᐅᓇᓱᒍᓐᓇᖅᑐᑦ ᐱᒋᐊᕐᓗᒍ ᓯᑎᐱᕆ 23−ᒥᑦ 27−ᒧᑦ, 2019 ᐅᓐᓄᒃᓴᒃᑯᑦ.
ᐱᓇᔫᑏᑦ ᑐᓂᔪᓐᓇᖅᐸᐃᑦ, ᖃᕆᓴᐅᔭᒃᑯᑦ ᐱᓚᐅᕐᓗᒍ ᓱᓕᓂᕋᕈᑎ ᓂᕈᐊᒐᒃᓴᐅᓂᕐᒧᑦ ᑎᑎᕋᕆᐊᓕᒃ ᓂᕈᐊᖅᑐᓕᕆᔨᒃᑯᑦ ᓄᓇᕗᒻᒥ ᐃᑭᐊᖅᑭᕕᖓᓂ ᐅᕙᓂ https://www.elections.nu.ca/iu ᑎᑎᕋᓚᐅᕐᓗᒍ, ᐊᑎᓕᐅᕐᓗᒍ ᑐᓂᓗᒍᓗ ᓂᕈᐊᖅᑐᓕᕆᔨᒧᑦ ᓄᓇᓕᖕᓂ.
ᐃᒥᐊᓗᖕᒥᒃ ᐊᐅᓚᑦᑎᖃᑕᐅᒋᑦ ᓄᓇᔅᓯᓐᓂ! ᓂᕈᐊᒐᒃᓴᐅᖃᑕᐅᒋᑦ!
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᐅᐃᓯᓐ ᓵᐃᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
@email