Uqauhirmut Quviahuutiqarniq 2020: Attiqtuiniq
Tuhaqtitaujukhaq
Uqauhirmut Quviahuutiqarniq 2020: Attiqtuiniq
IQALUIT, Nunavut (January 31, 2020) – Uvani Uqauhirmut Quviahuutiqarnirmi - aliahuutiginikkut Inuktut uqauhirmi tatqiqhiutimi, Nunavut Kavamanga pitqujait Nunavunmiun uqautigilugi ilagiigutimikni unipkaanik talvuuna Attiqtuinikkut, pitquhikkut pidjuti Inuit attiqtuigaangamik.
“Uumani ukiumi qanurittumik aliahuutigijaa pidjuti attiqtuinikkut; hakugiktuq naunaitkutit kinauniptikni inuupluta inuuqatigiikhutalu,” uqaqtuq Minista Uqauhinun, David Joanasie. “Tuniutihimavaktun qanga taimaa kinguliriiktunin, Inuinnait atiit ipkaqpaktaatigun ilaruhiptingni nunallaaptingnilu, huli pihimaplugu inuuhimajunik ilitturihimanikkut hivulliptiknik, pitquhiptiknik uqauhiptikniklu aulahimmaarutaanik hakugiktumiklu.”
Nunavut aajjikiikniqangittuq aallangajuqlu uqauhikkut nuna Kanadami. Uqauhirmut Quviahuutiqarniq ukiuq tamaat aliahuutaujuq anginiqarniani, hivuliptingnin aallakkiikniqarnikkullu Inuktut nunaptikni.
Aullaqtiqluni Februarymi, Pitquhiliqijikkut Havagvia akhuuhainiaqtuq hulijakhamik tunihilunilu aallakkiiknik taiguarnikkut titirarnikkullu aturutikhanik Inuit atiinni attiqtuinikkullu pitquhiinni, ilaujuqlu tunihinia nutaami Qilaut CDmik akhuuhaijun ilagiiknirnik pidjutiqatigiiknirniklu.
Nunavunmiut uuktuqujaujun akhuuqhainikkut Inuktut uumani ukiumi atuqlugu ubluq tamaat, tuniuqhautilutik unipkaanik attiqtuinikkut ajuiqharnikkullu, ilaulunilu uqaqatigiigutini qaraitaujakkuurutini atuqlugu una #Inuktuuqta.
Aallanik kangiqhidjutikhanik, takulugu: www.gov.nu.ca/culture-and-heritage
###
Tuhaqtipkainikkut Uqaqatikhaq:
Michael Salomonie
Atanngujaq, Tuhagakhanut
Pitquhiliqijikkut Havagvia
867-975-5526
@email