ᑎᒍᐊᙳᐊᖅᐸᒃᑐᑦ ᐊᑭᓕᖅᓱᖅᑕᐅᔾᔪᓯᖏᑦ ᐊᑭᑦᑐᕆᐊᖅᑕᐅᔪᑦ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᑎᒍᐊᙳᐊᖅᐸᒃᑐᑦ ᐊᑭᓕᖅᓱᖅᑕᐅᔾᔪᓯᖏᑦ ᐊᑭᑦᑐᕆᐊᖅᑕᐅᔪᑦ
ᐃᓄᓕᕆᔨᒃᑯᑦ ᐃᑲᔪᖅᑐᐃᔪᒪᓪᓚᑦᑖᕐᒪᑕ ᑲᒪᔨᐅᕙᒃᑐᓕᒫᓂᒃ/ᑎᒍᐊᙳᐊᖃᖅᐸᒃᑐᓂᒃ ᐊᒻᒪ ᐊᖓᔪᖅᑳᓪᓚᑖᕆᔭᐅᔪᓂᒃ ᓄᓇᕗᒻᒥ ᐋᖅᑭᒃᑕᐅᓯᒪᔪᑎᒍᑦ ᐊᔾᔨᒌᙱᑦᑐᓂᒃ ᐃᑲᔪᖅᑐᐃᔾᔪᑎᓂᒃ ᐅᑯᓂᖓᓗ ᓄᑕᖅᑲᑦ ᑲᒪᒋᔭᐅᔪᑦ ᖃᐅᑕᒫᖅᓯᐅᑎᖏᓐᓂᒃ.
ᑎᒍᐊᙳᐊᖃᖅᐸᒃᑐᑦ ᐊᑭᓕᖅᓱᖅᑕᐅᔾᔪᓯᖏᑦ ᓄᓇᕘᒥ ᐊᑭᑦᑐᕆᐊᓚᐅᖅᐳᑦ ᐊᐃᕆᓕ 1, 2020−ᒥ. ᐊᑖᓂ ᑎᑎᕋᖅᓯᒪᔪᑦ ᓇᓗᓇᐃᔭᖅᓯᒪᕗᑦ ᐊᑭᓕᖅᓱᖅᑕᐅᔾᔪᑎᑦ ᐱᔾᔪᑎᒋᓪᓗᒋᑦ ᑎᓴᒪᓄᑦ ᐊᕕᒃᑐᖅᓯᒪᔪᓄᑦ ᐊᒻᒪ ᓄᓇᓕᖏᓐᓂ ᐊᑐᖅᑐᑦ.
ᓄᓇᓕᖕᓂ ᑎᒍᐊᙳᐊᖃᐸᒃᑐᑦ ᖃᐅᑕᒫᖅᓯᐅᑎᖏᓐᓄᑦ ᐊᑭᓕᖅᑕᐅᔾᔪᑎᑦ
| ᓄᓇᓕᖕᓂ | ᖃᐅᑕᒫᖅᓯᐅᑎᓄᑦ ᐊᑭᓕᐅᑕᐅᒐᔪᒃᑐᑦ |
| ᓄᓇᓖᑦ 1: ᐊᕐᕕᐊᑦ, ᐃᖃᓗᐃᑦ, ᑲᖏᖅᖠᓂᖅ | $58 |
| ᓄᓇᓖᑦ 2: ᐃᒃᐱᐊᕐᔪᒃ, ᖃᒪᓂ'ᑐᐊᖅ, ᐃᖃᓗᒃᑑᑦᑎᐊᖅ, ᐃᒡᓗᓕᒑᕐᔪᒃ, ᐅᖅᓱᖅᑑᖅ, ᓴᓂᕋᔭᒃ, ᐃᒡᓗᓕᒃ, ᖁᕐᓗᖅᑐᖅ, ᓇᐅᔮᑦ, ᑎᑭᕋᕐᔪᐊᖅ | $60 |
| ᓄᓇᓖᑦ 3: ᑭᙵᐃᑦ, ᑭᒻᒥᕈᑦ, ᐸᖕᓂᖅᑑᖅ, ᓴᓂᑭᓗᐊᖅ, ᑕᓗᕐᔪᐊᖅ | $62 |
| ᓄᓇᓖᑦ 4: ᑲᖏᖅᑐᒑᐱᒃ, ᓴᓪᓕᖅ, ᐊᐅᓱᐃᑦᑐᖅ, ᑰᒑᕐᔪᒃ, ᒥᑦᑎᒪᑕᓕᒃ, ᕿᑭᖅᑕᕐᔪᐊᖅ, ᖃᐅᓱᐃᑦᑐᖅ |
$65 |
ᑖᒃᑯᐊ ᐃᑲᔪᖅᑐᐃᔾᔪᑎᑦ ᐃᑲᔪᖅᑐᐃᔾᔪᑕᐅᓇᓱᒃᐳᖅ ᓄᑕᖅᑲᓂᒃ ᑲᒪᒋᔭᐅᔪᓄᑦ, ᐃᑲᔪᖅᑕᐅᖁᓪᓗᒋᓪᓗ ᖃᐅᑕᒫ ᐊᑭᓕᖅᓱᕆᐊᖃᖅᐸᒃᑐᓄᑦ ᓄᑕᖅᑲᓂᒃ ᐱᕈᖅᓴᐃᔪᓄᑦ, ᐅᑯᓄᖓᓗ ᓂᕿᓂᒃ, ᐊᓐᓄᕌᓂᒃ, ᐅᕙᑦᑎᓐᓄᑦ ᓴᓗᒪᖅᓴᐅᑎᓄᑦ, ᑭᓱᑐᐃᓐᓇᓄᑦ ᐃᒡᓗᒥᓂᒃ ᐊᑭᓕᖅᓱᕆᐊᓕᖕᓄᑦ, ᐊᓯᖏᓐᓄᓪᓗ. ᖃᐅᑕᒫ ᐊᑭᓕᖅᓱᕆᐊᓖᑦ ᐊᔾᔨᒌᖃᑦᑕᙱᑉᐳᑦ ᓄᓇᓕᖕᓂ ᐱᔾᔪᑎᒋᓪᓗᒋᑦ ᐊᒃᑐᐊᓂᖃᖅᑐᓪᓗ ᐃᓅᓇᓱᐊᕐᓂᕐᒧᑦ ᐊᑭᓕᖅᓱᕆᐊᓖᑦ ᐊᔾᔨᒌᙱᓐᓂᖏᑦ ᓄᓇᕘᓕᒫᒥ.
ᑐᑭᓯᒋᐊᒃᑲᓐᓂᕈᒪᒍᔅᓯ, ᖃᐅᔨᒋᐊᕈᓐᓇᖅᐳᓯ ᓄᓇᔅᓯᓐᓂ ᐃᓄᓕᕆᔨᔅᓯᓐᓄᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᓘᓯ ᐊᖅᐱᒃ
ᑐᓴᒐᒃᓴᓕᕆᔨᒻᒪᕆᒃ
ᐃᓄᓕᕆᔨᒃᑯᑦ
867-975-5207
@email