Nakuudjutikhamun Inuuhirmun (Quality of Life) tadja pijangit manikhanun uuktuutikhanik inminiiqtailinirmun hanaqidjutikhanun
Inungnut Tuhaqtidjutikhanut
Nakuudjutikhamun Inuuhirmun (Quality of Life) tadja pijangit manikhanun uuktuutikhanik inminiiqtailinirmun hanaqidjutikhanun
Munaqhiliaiyit Qanuginiitigut Inuuhiqattianikkut Titiraqtiat piliqtut manikhanut tukhiutinik inminiiqtailinikkut pinahuarutinun uumani 2020-2021 maniliqinikkut ukiungani.
Maniliungitun havagviit nunallaanilu kavamangit Nunavunmi atuqtauhimaaqujut tunijaangat maniktaqvikharnik tukhiqtaujukhanrik talvani nunallaani-hivuliurutikharnik havaaqharnik ihumagijaujunik talvuuna inminiiqtailinikkut, mamitirutikharnik mamittiqtukhauliktun.
Tadja pidjutaanun Qalagjuarnirmun COVID-19 pittailidjutit iliktut, uuktuqtut apiqhijaujut tunihilutik uuktuutikhanik maliklugu tadja inungnun ungahikhimajukhaujunun maliktaujakhanun. Ilagittaaqtait uuktuutit qaritaujakkut pilutik, pinahuarutinulluunniin havaktauttaaqtunun maliklugit Pitqujauhimajuq Inungnun Ungahikhimajukhauvlutik Katimajunullu.
Pimmarikharnikkut Inuuhittiarutikhainik Titiraqtiat uuktuquijut nakuujunik ihuqtuniklu pidjutikhanik ajungnaqhitillugu tadjainak, taimaa nunallaani pionahuarutikhat hulilukaarutikhallu havaktauhimmaarianginni pivikhaqaqlutik ikajuutikhanik pijumajainun.
Hulillukaarutikhangit pigiaqaqtun talvuuna maniktaqvikharnik ilauyut, kihimi kiklikhaqangitun tapkuninga:
- hanaqidjutikhat upalungaiyainikkut;
- ihivriudjutikharnik aulayut talvuuna inuuhirinikkut atuqtakharnik;
- nunallaani ilihaidjutikhait;
- inuuhiringnikkut ihumalungnaitumik ilihautikhait;
- akituyunik ihumaliurniq;
- Ikikliyumirutikharnik inuuhiringitunik qanugiliungniaqhimayunik;
- ikayuqvikhat qagitauyakkut; unalu
- allanik ihuaqhaqtauhimayunik inminiiqtailinikkut inuuhirinikkut hanaqidjutikharnik.
Atauhiq uuktuutikhaq amigaitunik hanaqidjutikharnik atuqtauquyauyut naunairnaiqtun talvuuna nunallaani piumayainik. Piqangitun nutqarvikharnik uuktuutikharnik, tuniyauyukhat pigiaqaqtun talvuuna 2020mi-2021mun maniliqinikkut ukiungani, taima maniktaqvikhangit atuqtauyagiigumik.
Kangiqhitiagumaguvin qanuq uuktugiangni qagitauyakuutitilutit @email. Tamapta havakta munaridjutikkut inminiiqtailinikkut. Inuusivut Anninaqtuq, Katitirutikharnik Inuuhirinikkut!
###
Tuhaqtidjutikhanun Uqarvikhaq:
Chris Puglia
Atanngujaullaktuq Tuhaqtipkainikkut
Munaqhiliqijitkut
867-975-5949
@email