ᐃᓅᓯᖃᑦᑎᐊᕐᓂᕐᒧᑦ ᑐᖅᑲᖅᑕᕐᕕᒃ ᐱᔪᒪᕙᓪᓕᐊᓕᕐᒥᔪᑦ ᑐᒃᓯᕋᐅᑎᓂᒃ ᐃᒻᒥᓃᖅᑎᑦᑎᑦᑕᐃᓕᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᒃ
ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ
ᐃᓅᓯᖃᑦᑎᐊᕐᓂᕐᒧᑦ ᑐᖅᑲᖅᑕᕐᕕᒃ ᐱᔪᒪᕙᓪᓕᐊᓕᕐᒥᔪᑦ ᑐᒃᓯᕋᐅᑎᓂᒃ ᐃᒻᒥᓃᖅᑎᑦᑎᑦᑕᐃᓕᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᒃ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓅᓯᖃᑦᑎᐊᕐᓂᕐᒧᑦ ᑐᖅᑲᖅᑕᕐᕕᐊ ᐱᔪᒪᕙᓪᓕᐊᓕᕐᒥᔪᑦ ᑮᓇᐅᔭᕐᓂᒃ ᑐᒃᓯᕋᐅᑎᓂᒃ ᐃᒻᒥᓃᖅᑕᐃᓕᓂᕐᒧᑦ ᐱᓕᕆᖕᐊᖑᕙᓪᓕᐊᔪᒪᔪᓄᑦ ᐊᕐᕌᒍᒧᑦ 2020−2021−ᒧᑦ.
ᑮᓇᐅᔭᓕᐅᕋᓱᐊᖅᑎᐅᙱᑦᑐᑦ ᑲᑐᔾᔨᖃᑎᒌᑦ ᓄᓇᓕᖕᓂᒡᓗ ᒐᕙᒪᐃᑦ ᓄᓇᕗᒻᒥ ᑲᔪᖏᖅᓴᐃᕗᑦ ᑐᓂᓯᖁᔨᓪᓗᑎᒃ ᑮᓇᐅᔭᕐᓂᒃ ᑐᒃᓯᕋᐅᑎᓂᒃ ᓄᓇᓕᖕᓂᙶᖅᑐᓂᒃ ᐱᓕᕆᐊᒃᓴᓂ ᐃᒻᒥᓃᖅᑕᐃᓕᓂᕐᒧᑦ, ᐊᑲᐅᓂᖅᓴᒃᑰᕆᐊᖅᑎᑦᑎᓇᓱᖕᓂᕐᒧᑦ ᐊᒻᒪ ᓯᕗᓂᒃᓴᒧᑦ ᑖᒃᑯᓂᖓ ᐱᓕᕆᐊᖃᓛᕈᒪᔪᓄᑦ.
ᒫᓐᓇ ᓄᕙᒡᔪᐊᕐᓇᖅ-19 ᐳᕝᕕᕆᓐᓇᖅ ᐱᔾᔪᑕᐅᓪᓗᓂ, ᐱᓇᔪᖕᓂᐊᖅᑐᑦ ᑐᓂᓯᖁᔭᐅᕗᑦ ᑐᒃᓯᕋᐅᑎᓂᒃ ᒪᓕᒡᓗᑎᒃ ᒫᓐᓇᒧᑦ ᐃᓅᖃᑎᒌᑦ ᐅᖓᓯᒌᒋᐊᖃᖅᑐᑦ ᒪᓕᒐᕐᓄᑦ. ᑖᒃᑯᐊ ᐃᓚᖃᕈᓐᓇᖅᑐᑦ ᑐᒃᓯᕋᐅᑎᓂᒃ ᖃᕆᑕᐅᔭᒃᑯᑦ ᐱᓕᕆᐊᕆᔭᒃᓴᐅᔪᓂᒃ, ᐅᕝᕙᓘᓐᓃᑦ ᐱᓕᕆᐊᓂᒃ ᐊᑐᓕᖅᑎᑕᐅᔪᓐᓇᖅᑐᓂᒃ ᒪᓕᑦᑎᐊᖏᓐᓇᕐᓗᒋᑦ ᐃᓅᖃᑎᒌᑦ ᐅᖓᓯᒌᒃᑕᖁᔭᐅᓂᖏᑦ ᑲᑎᙵᓂᐊᕌᖓᑕᓗ.
ᐃᓅᓯᖃᑦᑎᐊᕐᓂᕐᒧᑦ ᑐᖅᑲᖅᑕᕐᕕᒃ ᐃᓚᐅᖁᔨᑦᑎᐊᖅᑑᒐᓗᐊᑦ ᓇᓗᓇᖅᑐᒃᑰᖅᑎᓪᓗᑕ, ᓄᓇᓕᖕᓂ ᐱᓕᕆᐊᑦ ᐱᓕᕆᐊᖑᔪᒃᓴᓪᓗ ᐱᓕᕆᐊᖑᐃᓐᓇᕈᓐᓇᕐᓂᐊᕐᒪᑕ ᐃᑲᔫᑎᒃᓴᓄᑦ ᐱᔭᕆᐊᖃᖅᑕᖏᓐᓄᑦ.
ᐱᓕᕆᐊᖑᔪᓐᓇᖅᑐᑦ ᑮᓇᐅᔭᖅᑖᖅᑎᑕᐅᓇᓱᐊᕐᓗᑎᒃ ᐱᖃᑕᐅᕗᑦ ᑭᓯᐊᓂ ᑭᒡᓕᖃᙱᑦᑐᑦ ᐅᑯᓄᖓ:
- ᖃᓄᖅᑑᕈᑎᒃᓴᓄᑦ ᐸᕐᓇᐅᑎᓄᑦ;
- ᖃᐅᔨᓴᕐᓂᖅ ᖃᓄᐃᙱᑦᑎᐊᕈᑎᓄᑦ ᓯᕗᒻᒧᐊᒃᓴᓂᕐᒧᑦ;
- ᓄᓇᓕᖕᓂᑦ ᐃᓕᓐᓂᐊᖅᑎᑦᑎᓂᕐᒧᑦ;
- ᐃᓅᖃᑎᒌᓄᑦ ᐃᒃᐱᖕᓂᐊᔾᔪᑎᓂᒃ ᐃᓕᓐᓂᐊᖅᑎᑦᑎᓂᕐᒧᑦ;
- ᐊᑭᑐᔫᑎᑦ ᐸᕐᓇᐅᑎᓂᒃ;
- ᐃᓱᒪᑭᓴᒃᑎᑦᑎᓗᐊᕈᓐᓃᕐᓂᖅ;
- ᐃᑲᔪᖅᓱᐃᓂᖅ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᔾᔪᑎᓂᒃ; ᐊᒻᒪᓗ
- ᐊᓯᖏᑦ ᐱᐅᓯᒋᐊᕈᑎᒃᓴᐃᑦ ᐃᒻᒥᓃᖅᑕᐃᓕᓂᕐᒧᑦ ᖃᓄᐃᙱᑦᑎᐊᕋᓱᐊᕐᓂᕐᒧᑦ ᐱᓕᕆᐊᖑᕙᓪᓕᐊᔪᓂᒃ.
ᐊᑕᐅᓯᕐᒥᑦ ᑐᒃᓯᕋᕐᓂᖅ ᐅᓄᖅᑐᓄᑦ ᐱᔪᓐᓇᑐᐃᓐᓇᕆᐊᓕᖕᓂᑦ ᑲᔪᖏᖅᓴᐃᕗᑦ ᒪᓕᒡᓗᒋᑦ ᓄᓇᓕᖕᓂᑦ ᐱᔭᕆᐊᖃᖅᑐᑦ. ᑐᒃᓯᕋᐅᑎᑦ ᐃᓱᓕᕝᕕᖃᙱᑐᑦ ᑐᓂᓯᔪᓐᓇᕈᑎᓪᓗ ᐱᔭᐅᓇᔭᖅᑐᑦ ᐊᕐᕌᒍᓕᒫᖏᓐᓂ 2020−2021-ᒧᑦ, ᑮᓇᐅᔭᖅᑖᕆᔭᐅᒋᐊᖃᖅᑐᑦ ᓈᒻᒪᒃᓯᒃᐸᑕ ᑭᓯᐊᓂ.
ᑐᓴᒃᑲᓐᓂᕈᒪᓐᓂᕈᕕᑦ ᖃᓄᖅ ᑐᒃᓯᕋᕈᓐᓇᕐᒪᖔᖅᐱᑦ ᖃᐅᔨᓇᓱᒍᓐᓇᖅᐳᑎᑦ @email-ᒧᑦ . ᐊᑏ ᐱᓕᕆᖃᑎᒌᓚᐅᖅᑕ ᐃᓅᓯᕐᒥ ᐃᒻᒥᓃᖅᑕᐃᓕᓂᕐᒧᑦ. ᐃᓅᓯᕗᑦ ᐊᓐᓂᓇᖅᑐᖅ, ᑲᑎᙵᔾᔪᑎᒋᕙᕗᑦ ᐃᓅᓯᓕᒫᑦᑎᓐᓄᑦ!
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
@email