Qalagjuarniq-19 GN Ilitturipkaidjutit - Qiqaijaluarvia 21, 2020
Hivuliqtiup nutaaq ilitturipkaidjutaa:
Ublukkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.
Ublumi, atauttimun amigaitilaanginni inuit ihivriuqhiqtaujun ublumimun unaujuq 972. 223 inuit tadja huli ihivriuqhiqtaujun.
Takupkainahuaraluaqtugut angmaffaarutikhanik upalungaijautikhanik ilangit pittailijaudjutait pillahitikhanik maliqajakhainniklu ublumi, kihimiknu iniqtirihimmarnahuaqtugut naunaijattiarlugit qajangnaitkutikhainnik inuuhiringnaqtuiklu Nunavummiut. Hamna ihuaqtumik havaktaujariaqaqtuq upalungaijautikhaliuqtavut ihuarianginni nakuujumiklu aturnkhanut Nunavunmit, Nunavummiutanut.
Qauanaquhi utaqqivakkaffi iniqtirititluta haffuminga anginiqaqtumik havaktaijukhamik. Piniaqhimajugut hamna inungnut tuhaqtitlugu atuliharniani aqaguanninnuaq havainirmi.
Iniutikhanut, qaujimajunga tunningunaqpiaktuq ihumaluungnaqhunillu tamapta atuqtaqqut. COVID-19 Qalagjuarniq unnagunaqpiaktuq. Kihimi qujanginnaqtukhaungittugut imaatullu taimaaqtirlugit akhuurutigivaktavut havaktavut maliqajakhavullutluuniit. Nakuujumik, Nunavutim maliqattiaqtakhaliuqhimajait takunnaqtut maliktauttiaramik ihuaqqutaujuq!
Unnagurupta tuninguruptaluuniit imaatut ingittuq tamna aanniarjuarut qangiutingittuq imaaluuniit qujanginnaqtukhaungittugut. Akhuukhimmaarniaqtunga havaglungalu uuktuqhimarlungallu akhuurlunga. Tamapta taimailiuriaqaqtugut atttautikkut nunallaavut aanniaqtailitikhanik. Avatingnut munaridjutita pittiaqatigiiklutallu tamaptingnut.
Utirniarmijugut Hivulliunmi 11 munngaqqan tuklianik ilitturipkaidjutikhaptingnik. Nkuujumik havangnaititlugu ublittiadjavuhi.
Atanilluaq Inungnun Aanniaqtailinikkut Havaktimin nutaanik-ilitturipkaidjutit
Ublukkut. Quviakhuktunga tuhaqtitiplunga amigaittunik tuhaqtitaujukhanik ublumi. Hivulliqpaamik Kangiqlinirmi pillahijut ihivriuqhidjutait naunaiqtaullahijut aanniarunniktumik avikturnianni. Qujagijumajatka munaqhit taaktillu ihivriuqtakhaniklu havaktingit, ukuaklu tamangnik Matt Stacey unalu Dr. Jasmine Pawa, havakpiakpaktut unnaguittumik naunaijattiarahuaqhugu aturnikhanik tamna GeneXpert machine, imaalu ihuaqpiaktumik munarijaujakhanik qajangnaittumik, ihuaqpiaktumik, nallaumajumiklu. Tamna ingilrut aullanikhanik ihuaqpiaktumik hivumuuqpalliadjutikhanut Nunavunmi, tamna ihuaqtumik havauhikhanut maliqajakhainnik pinahuaqhugit ihuaqpiaktunik avikturnianni qaujihaidjutikhanik naunaiqhitikhanik. Piqanginnapta huli naunaiqhimajunik aanniarunmik COVID-19 Qalagjuarniq iluanni avikturniptingni, qanngiqtavut nakuujumik malruuk pingahunit qanurinnikhait. Idjuhiat hivuraani Kanadami naunaijautauhimmarniaqtuq qanuriliurutikhaptingnik hivumuuqpalliadjutikhaptingniklu, ihuaqtumik ihumaliurutikhaptingnik ikiglinahuarutikhanik ilangit malittiaqujauhimajut avikturnianni.
Aallamiklu tuhaqtitijumajunga. Hivumuuqpalliadjutikhanut, Kitikmeoni taaktiliaqhimajut tingmitikkut aanniarviliaqhimajut Yellowknifemut pijakhaiktut imaatut 14-ni ubluni avalingarvikhani hivitujumik, imaalu angilraunginarialaqijut qilamik taaktiliqijakhairumik. Hamna ihumaliurutat piliuqtat uqaqatigilraakhugit Nunatsiarmi imaalu aanniaqtuqanginmat taffuminga Qalagjuarniq-19Nunatsiami. Naunaidjavakhi hamna taaktiliaqhimajuinnarnut tingmitikkut, imaalu havaktauhimakpata taaktiliqikpak=ttalu Yellowknife-mi. Kinaliqaak inuk taaktiliaqtukhaukpat Nunatsiamit havaktauluni aallami nunagijaujuni hivuraani Kanadami pijariaqaqtut avalingarvikhani itiqtirviinni iniqhijukhat 14-ubluni avalingarvikhani hivituniqaqtumik. Tamaita taaktiliaqhimajut tingmitikkut tamna maliktakhat pijukhaukpata tadja avalingarvikhanittunut, havangniaqtugut angilraudjutikharnik qilamiurluta.
Taimatullu, hivulliqpaamik takujumajaqqut qajangnaitkutikhat, aanniaqtailitikhatillu inuuhiringnaqtumiklu Nunavummiut. Qujagijumajaffi tamaffi utaqqivakkaffi, kangiqhittaiqhugillu ikajurhuaqhuhilu munarittiarnahuarutiptingnik ilagiiktunik nunallaaptingniklu.
Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:
Havagviat Aanniaqtailinikkut
COVID Hivajautaa unalu inmikkut-ihivriurnikkut ikajuutikhat
Inuk kituliqaak ihumagumik akuktauvaktun Qalagjuarniq-19min uqaqtukhaujut hivajautikkut COVID-hotline uvani 1-888-975-8601 talvuuna 10mi ublaami 6mun unukpak, ilitugipkaklutiklu nunalaani munarhitkut qilaminuaq, talvuuna qilaminuaq anilimaiqtukhaujut 14nik ublurnik.
Kinaliqaak pittaaqtuq qaritaujakkut inmingnik qaujihaqtaaqtut qaritauijakkut ingmingnik naunaijautikhanik atuqtakhamik nu.thrive.health
Qaffiujun
|
Tamatkiutit (Tamaita Avaliingarnirni Najurviinni) |
|
|
Tingmijuq Qanurittuq |
Inuit Avaliingaaqtitaujun talvannga Qiqaijaluarvia 21 |
|
Taaktiliaqnikkut Tingmidjutit |
190 |
|
Inuit inmikkuuktut |
86 |
|
Ilihaqtut |
0 |
|
Attautimun |
276 |
Tingmijut utiqtun naunaikutit:
|
Aullarvia Ublua |
Amigaitilaangin Tingmijun Avaliingarvingnin |
|
Qiqaijarluarvia 21 |
39 |
|
Qiqaijarluarvia 22 |
13 |
|
Qiqaijarluarvia 23 |
14 |
|
Qiqaijarluarvia 24 |
6 |
|
Qiqaijarluarvia 25 |
31 |
Ihariagijauqpiaqtuni Havaktini Tukhirutin
Talvanga Qiqaijaluarvia 21, pilik 1080 tukhirutinik, 838 taapkuat ihariajijauqpiaqtunin havaktinin tukhirutiujun.
|
Tukhirutini Qanurittuq |
# |
% |
|
Angiqtaujun (ilaujun ihariagijijauqpiaqtun ihariagijaulluangittullu) |
916 |
84.8% |
|
Qingijaujun |
122 |
11.3% |
|
Ihumaliurutaujut huli |
48 |
3.9% |
|
Attautimun |
1080 |
100% |
Nunavunmiut aanniaqtailidjutait atauttikkut munaridjutigijaqqut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait anniaqtailinikkut havaktinin, aihimalutillu aannialaqiguvin.