GN unalu GoC ikajurumajut ihariagijajut havaktiit
Kavamatkunnin Tuhaqtitaujukhaq
GN unalu GoC ikajurumajut ihariagijajut havaktiit
Atulirluni Imaruqtirvia 1, Nunavut Kavamanga (GN) aullaqtitiniaqtut nutaamik pinahuarutimik kiinaujanik ikajuutikhanik aullaqtitijut nutaamik pinahuarutimik kiinaujanik ikajuutikhanik ihariagijaujut havaktit naunaiqhimajuni havagviujuni.
Talvuuna Nunavunmi Ihariagiyauyut Havaktit Akiliuhianginun Qulangnaiyautit (NEWWP), GN-kut Havagviat Kiinaujaliqijikkut tunihiniaqtut pittaaqtunut havagviinut aviktnianni maniliqtuutikhamik tuniukhaqtaujukhamik havaktiinut akiliuhianginik qulangnaujautit ikaarniinik havaktainnik.
Akiliuhianginun qulangnaiyautit ilakhanut aktilanga havagviit akiliqtakhait havaktimingnut ilaurutikhat akiliuhiarivaktanut. Havaktit maniliuqtut mikitqijanik $25 ikaanirmi akiliuhiavrivainnik pittaaqtut qulangnaijautit imaatut $5 ikaarnirmi.
Aullaqtirlutik, pinahuaruti angmaqhimajuq nanminiqaqtunut, maniliungittunut havagviinut kivgaqtuijunut aanniaqtailinikkut inuuhiringnaqtumiklu pidjutiqaqtunik ikajuqtaujukhanut Nunavummiut (e.g. niqikhaqtarviit, qimaviit, munaqtauviit aimaviit, munaqtaujunik igluqpait, etc.), ukuallu laisiqaqtut nutaqqiqiviit. GN-kut angiglijuumirniaqtait titiraqhimajut pittaaqtut havagviit aallanut havagviujunut qakugunguqqan.
Qulangnaiyautit pidjutiqangniaqtut ikaangnirnun havaktanun avatqumayut 16-havainiq atuqtuq aularutaa quyaginaq qitqani Qiqaiyaluarvia 1 unalu Imaruqtirvia 15, 2020. Aularutighaa ublua piinarialikkut atuqtauyup tikuaqtauhimayuq havagvingmin.
Maniit uuktuutikhamut tunijauhimajut Kangamanga Kanadap, ilangat amigaittut ikajuutikhangit Kanadamiunut aanniarutautitlugu COVID-19 qalagjuarniq.
Naunaiqhittiarumaguvit uukturumaguvit pinahuarutimik, takulugu https://gov.nu.ca/in/kiinauyaliqiyikkut/information/newwp.
Apiqqutikhaqaruvit, imaaluuniit tujuutigilugu iniqpiakhimajuq titiraqtakhat, qaritaujakkut talvunga @email.
Qilamik Kangiqhidjutit:
- Nunavunmi Ihariagiyauyut Havaktit Akiliuhianginun Qulangnaiyautit (NEWWP) atuqtaujukhat ubluq-tamaat havaktinut, ublup-ilainnani, havallaktut Nunavut havaktiit maniliuqpaktut mikitqijanik $25 ikarnirmi havaktullu pittaaqtuni havagviujuni.
- Havaktiit maniliuqpaktut mikitqijanik aadjikkutaanikluuniit $20 ikarnirmi pillajut tamaat $5 akiliuhianginun qulangnaiyautit. Havaktiit maniliuqpaktut akkungani $20 unalu $25 ikarnirmi tunijauniaqtut mikitqijamik qulanaijautimik angiglivjagiangani akiliuhiangat imaatut $25 ikarnirmi. Havaktit maniliuqpaktut angitqijanik $25 ikaarnirmi pilimaittut akiliqtaulimaittut taffuminga qulangnaiyautimik.
- Havagviit (atauhiungittut) uukturiaqaqtut pinahuarutimik imaalu tujuqtukhaujut naunaitkutimingnk havagvingmikkut.
- GN-kut Havagviat Kiinaujaliqijikkut munaqhijat Nunavunmi Ihariagiyauyut Havaktit Akiliuhianginun Qulangnaiyautit maniit ikajuutit. Ikajuutikhanut atugakhaq ihuaqtut pinahuarutimik hailijut havagviup qaritaujakkurutaani: https://gov.nu.ca/in/kiinauyaliqiyikkut/information/newwp.
- Havaktiit kavamatuqatkuni avikturniini kavamatkuni, ukuallu ilaujut havagviujuni, akiliqtaulimaittut taffuminga qulangnaiyautimik.
- Kavamanga Kanadap maniliqtuijut haffuminga pinahuarutimik.
Ilaliutihimajut Ikajuutikhat:
Nunavummiut nanihittaaqtut nallaumajunik, nutaanik naunaitkutikhanik uvuuna GN-kut qalagjuarnikkut kiudjutikhainnik uvani https://gov.nu.ca/in/munarhiliqiyikkut/information/covid-19-novel-coron….
Kavamanga Kanatap: https://canada.ca/coronavirus.
Kavamanga Kanatap akiittukkut hivajautaa: 1-833-784-4397
###
Tuhaqtipkainikkut Uqarvigijakhaq:
Weichien Chan
Atanngujaq, Tuhagakhanut
Kiinaujaliqijikkut Havagvia
867-975-6818
@email