Qalagjuarniq-19 GN Ilitturipkaidjutit - Imaruqtirvia 8, 2020
Ministaup Aanniaqtainikkkut pidjutigiplugu Hivuliqtip nutaaq tuhaqtitakhaa:
Ublaakkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.
Ublumi, atauttimun amigaitilaanginni inuit ihivriuqhiqtaujun ublumimun unaujuq 1,166. 119 inuit tadja huli ihivriuqhiqtaujun.
Quviahuktunga’tunihiplunga nutaanik tuhaqtitakhanik ikajuutikhainnik tingmitigijaptingnut. Hivuagut tuhaqtitihimajugut, ati;iuqhimajugut angirutikhanik tingmitit ukuat Calm Air ukuallu Canadian North tunihidjutkhanik ikajuutikhanik tatqiqhiutainnut Qitiqqautijuq, Qiqaijaluarvia unalu Imaruqtirvia pihimajanginnik ihuaqtumik tingmitikkut kivgaqtuidjutikhainnik taaktiliaqtukhanut tingmidjutikhanik kivgaqtuidjutikhanik ukualu ihariagijaukpiaktut havaktikhat Nunavunmut.
Nunavut Kavamanga (GN) tunihiniaqtut $9,810,000 iaallanik ikajuutikhainnik tapkununga Canadian North, imaatut attautimut imaatut $15,650,000 hapkunani pingahut tatqiqhiutit hivituningani. Tunihiniaqtugut tingmitaanut Calm Air aallamik $6,387,000 aallamik ikajuutikhanik, attautimut imaatut $8,987,000.
GN-kut havaktingit pillajut utirniaqtut havagvingmingnut ublumi imaalu tunngahuktittumajavut. Maliqajakhainnik havaktauhimajut qajangnaittumik utirianginni havagvingmingnut, aanniaqtailinikkut inuuhiringnaqtumiklu havaktivut hivulliutijakhaqqut.
Minista Aanniaqtailinkkut nutaaq tuhaqtitakhaa
Dr Patterson naunairiiqhimajait, Nunavunmi maliqattiaqpiaktakhaujut avikturniinni maliqatqujauhimajut kinguliutiniarunaqhijut inungnut aanniaqtailinikkut maliqajakhangit taimaaqtaujuhat ihuaqhaqtaulutikluuniit. Tadja, tingmitikkut aullaqhimajut Nunavunmut pidjutiqarniaqtuq atauhiq qajangnatqijauqpiaktuq tikidjutikhanut aanniarutimik COVID-19 Qalagjuarniq. Tingmitailijaujut ahinit avikturnianit, \imaalu 14-ubluni avalingarnikkut pitqujauhimajut utirinahuaqtunut Nunavunmiunut, qajangnaitkutikhanik imaalu avikturniptingni aannialirnaittumik.
Ilihimaplugu tamna, uqarumajatka naunaitkutikhangit nutaanik havauhikhanuik atuqtipkaqtitauniaqtut itiqtirvikhanut igluakhanik ihuaqhautikhangat talvaniilvikhanik GN-kut hivurani avalingarvikhanik itiqtirviinni. Hivumuuqpalliadjutikhaqqut, tamainut Nunavummiunut tingmitikkut aullarahuaqtut hilatanut avikturnianit tujuriaqaqtut qaritaujakkut titirarvikhanut talvunga @email imaalu tujuutigilugu Avalingarvikharnut Itiqrirvingmi Igluakharnik Tukhiutit Titiraqtakhaq qilamiurlutit naunaiqhiguvit tingmidjutikharnik. Talvanga ahiit, tingmidjutikhainut havaqatigiiktut havangniaqtait naunairlugit igluakharnik hailijakhanik imaalu ihuaqhailutik najuqtakharnik atauhirmi ntikkuaqtauhimajuni avalingarvikhanik itiqtirviinni.
Hama nutaaq havauhik ikajuutikhat Nunavummiut upalungaijautikhanik 14-ubluni avalingarvikhanik hivitujumut hivuani imaalu naunaittumik tingmidjutikhainut havaqatigiiktut naunaiqhijanginni imaalu ikajuriangit tingmijukhat hivuniptingni tatqiqhiutainni. Naunaiqhittiarutikhanut, ilaujut aullaqtirnikhanut ubluinnik pitqujauhimajut, paqitaunginariaqaqtut talvani Havagviat Aanniaqtailinikkut qaritaujakkuurutaani.
Puiguktailutit, ihariagijaungittunut tingmitikkut aullarvikhait hilataanit avikturnianit pitqujaungittut huli.
Tamaita inullaat uuktuqtut ihariagijauqoiaktunut havaktit ilangittutatuqhimmaarniaqtat una qaritaujakkkut titiqilvikhat @email.
Kinguliqpaamik,Havagviat Aanniaqtailinikkut ihuaqhaijut tadjakaffuk atuqtaujukhanik ihuaqhaqtaujunik Aanniarviliaqtunut Tingmidjutikhainut Atugakhaq ikajuutikhanik aanniarviliaqtunut tingmidjutikhainut munaqtingillu qajangnaitkutikhanik aanniarunmit COVID-19 Qalagjuarniq. Nunaiqhimajut iluaniitukhat ilaliutihimajut naujnaittumik aanniarviliaqtunut tingmidjutikhainut munaqtingillu maliqajakhangit maliktakhat imaatut Inungmiujut Qanituriiktukhaungitun, alagakkit uaqattarlugit halumajumik, imaalu aallat idjuhikhangit ikajuutikhat hiamittailitikhanik aanniarunmik COVID-19 Qalagjuarniq. Ihuaqhaqtauhimaniit naunaittiaqhimajut pitqujauhimajut tamangnik aanniarviliaqtunut tingmidjutikhainut munaqtingillu iniqhijanginnik 14 ubluni avalingarvikhanik naunaiqtauhimajuni avaligarvikhat itiqtirviinni hivuani utiqtinnagit Nunavunmut.
Ihivriuqhihimmaaqtugut qanuqtut taimaaqpalliadjutikhainnik inungnut aanniaqtailitikhat maliqatqujauhimajut imaalu utiqtitpallialugit hulipkaidjutikhat aliagijavut, akhuuqhimmarniaqtugut imaalu qaujimajugut qajangnarniit COVID-19 Qalagjuarniq qangiqhimaittut huli.
Malikhimmarlugit inungnit ahiqpangalutik imaalu algakkit uaqattaqpaglugit atuqtakhat, ikiglihimanahuarlugit ihariagijaungittunut tingmitikkut aullarvikhat hilatanut avikturniannit. Quana.
Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:
Havagviat Aanniaqtailinikkut
COVID Hivajautaa unalu inmikkut-ihivriurnikkut ikajuutikhat
Inuk kituliqaak ihumagumik aktuktauvaktun COVID-19 Qalagjuarniq uqaqtukhaujut hivajautikkut COVID-hotline uvani 1-888-975-8601 talvuuna 10mi ublaami 6mun unukpat, ilitugipkaklutiklu nunalaani munarhitkut qilaminuaq, talvuuna qilaminuaq anilimaiqtukhaujut 14nik ublurnik.
Kinaliqaak pittaaqtuq qaritaujakkut inmingnik qaujihaqtaaqtut qaritauijakkut ingmingnik naunaijautikhanik atuqtakhamik nu.thrive.health
Nutaaq Qaritaujakkut Titiqqilvia Tingmijukhanut
Nutaaq qaritaujakkut titiqqilvia piliuqtauhimajuq Nunavummiunut upalungaijarumajunut tingmitikkut aullarlutik hilatanut avikturniannit. Tamarmik tingmitikkut aullaqtukhat tujutukhaujut Avalingarvikharnut Itiqrirvingmi Igluakharnik Tukhiutit Titiraqtakhaq talvunga trav@email qilamiurlutik naunaiqhiguvit tingmidjutikharnik naunaitumik tingmidjutikhainut havaqatigiiktut naunaiqhijanginni igluakharnik hailijakhanik imaalu ihuaqhailutik najuqtakhanrnik tikkuaqtauhimajuni avalingarvikhat itiqtirviinni. Naunaiqhivikhat paqitaunginariaqaqtun umani Havagviat Aanniaqtailinikkut qaritaujakkuurutaani.
Inullaat uukturumajut Ihariagijauqpiaqtuni Havaktini ilaungittut titirarvigijakhangit qaritauyakkut titiqqilvia@email.
Qaffiujun
Tamatkiutit (Tamaita Avaliingarnirni Najurviinni) |
|
Tingmijuq Qanurittuq |
Inuit Avaliingaaqtitaujun talvannga Imaruqtirvia 7 |
Taaktiliaqnikkut Tingmidjutit |
168 |
Inuit Inmikkuuqtut |
189 |
Ilihaqtut |
0 |
Attautimun |
357 |
Tingmijut utiqtun naunaikutit:
Aullarvia Ublua |
Amigaitilaangin Tingmijun Avaliingarvingnin |
Imaruqtirvia 6 |
7 |
Imaruqtirvia 7 |
8 |
Imaruqtirvia 8 |
28 |
Imaruqtirvia 9 |
24 |
Imaruqtirvia 10 |
18 |
Ihariagijauqpiaqtuni Havaktini Tukhirutin
Talvanga Imaruqtirvia 7, pilik 1,433 tukhirutinik, 1,085 tapkuat ihariajijauqpiaqtun havaktiin tukhirutiujun.
Tukhirutini Qanurittuq |
# |
% |
Angiqtaujun (ilaujun ihariagijijauqpiaqtun ihariagijaulluangittullu) |
1223 |
85.3% |
Qingijaujun |
157 |
11.0% |
Ihumaliurutaujut huli |
53 |
3.7% |
Attautimun |
1433 |
100% |
Havagviat Havaktuliqijitkut ikajutiuhimaarnikkut ilituqhaidjutikhaq
Havagiaqtuqhutik Aullaaqtut talvuuna aulatiluni COVID-19 Qalagjuarniq
Talvuuna Imaruqtirvia 1mi, Atanilluaq Nunalaani Aanniaqtailinikkut Havakti qungmuktitiyuq nunaptingnik tingmigiaqaqtunik aihunun nunalaanun uqaudjivakhimayuq. Tingmitikkut aullarvikhat hilataanut Nunavunmit pitqujaungittuq huli.
Talvuuna Imaruqtirvia 8, Nunavut Kavamanga aulatitiniaqtun nunaptingnik havagiaqhutik aulaaqtaatun havaktinun, talvuuna mikhaatigun naunaitunik atuqtakhangit. Tamangnik kivgaqtiluat kivgaktauluangitunik havagiaqhutik aulaaqtut angirutiqaqtukhat talvani nunaptingni.
Havagiaqtuqhutik aulaaqtut talvunga talvangalu Kitikmeot avikturviangani angirutiqaqtukhaq taima tingmivikhangit aulaviit aulagiaqaqtun tingmiyukharnik hiniktagiaqangituq apquhaarlutikluuniit avaliingarniqaqtunik Yellowknifemi. Havagviit ihumaliugiaqaqtun tingmidjutikharnik satakuuklutik talvunga talvangalu Kitikmeotmi avikturviangani.
Havagiaqhutik aulaaqtut talvunga talvanga Sanikiluarmin angirutiqaqtukhaq chatakuuklutik tingmitikkut avaliituq, taima tingmidjutikhangit aulagiaqangitun tingmiyunun hiniktaqhutik hilataani nunaptingni avaliqagiaqangitumiklu nunaqaqtunik.
Kivgaqtuluangituqaqtun havaanganik havagiaqhutik tingmitikkut aulakhutik Nunavunmiitukhauyut nutqaqtauhimalaktiluni.
Qaritaujakkut ilihaqtakhait GN-kut havaktiita
Nunavut Kavamanga ukuallu havaqatigivaktait Homewood Health piqaqtut qaritaujakkut ilihaqtakhanik ikajuutikharnik GN-kuni havaktit ilagijainullu ihuaqtumik ihumaliqinikkut ikajuutikhanik.
Tamaita iluaniittut naunaiqtauhimajut tadja atuqtakhanit, nakuujut atuqtauvakhimajut qaujihautainnik ilaujullutitiranguqtaaktut naunaitkutikhat, ajuiriakharnik naunaijautikhat ihuaqtuniklu uuktuutikhanik naunaijautikhanik. Pittaaqtutit ilihaqtakhanik nakitliqaak qakuguluuniit.
Hapkuat ilihaqtakhat tadja hailihimajun Qablunaatun Uiuitunlu.
Pivikharnik takulugu tamna Homewood Health qaritaujakkuurutaawww.homeweb.ca imaalu takulugit turraarvikhangit ilaujunut kivgaqtuidjutikhanni.
Havaktit ilagiitlu hivajainariaqaqtut akiittumut nampaanut 1-800-663-1142 inmi uqaudjaujumagumi.
Nunavunmiut aanniaqtailidjutait atauttikkut munaridjutigijaqqut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait aanniaqtailinikkut havaktinin, aihimalutillu aannialaqiguvin.