ᒥᓂᔅᑕᐃᑦ ᐅᖃᖃᑎᒌᑦᑐᑦ ᐅᑭᐅᖅᑕᖅᑐᖅᒥ ᖃᓄᐃᓕᐅᕐᓂᕐᒧᑦ ᐃᓪᓗᓕᕆᓂᕐᒧᑦ

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ

ᒥᓂᔅᑕᐃᑦ ᐅᖃᖃᑎᒌᑦᑐᑦ ᐅᑭᐅᖅᑕᖅᑐᖅᒥ ᖃᓄᐃᓕᐅᕐᓂᕐᒧᑦ ᐃᓪᓗᓕᕆᓂᕐᒧᑦ

ᐃᖃᓗᐃᑦ, ᓄᓇᕗᑦ (ᔫᓂ 18, 2020) − ᒥᓂᔅᑕᐃᑦ ᑲᒪᒋᔭᖃᖅᑐᑦ ᐃᓪᓗᓕᕆᓂᕐᒧᑦ ᒐᕙᒪᒃᑯᓐᓂᑦ ᓄᓇᕗᒻᒥ, ᔫᑳᓐᒥ, ᓄᓇᑦᓯᐊᕐᒥᑦ ᑲᓇᑕᒥᓪᓗ ᑲᑎᑦᑐᑦ ᐅᖄᓚᐅᑎᒃᑯᑦ ᐅᓪᓗᒥ ᐅᖃᖃᑎᖃᕐᓂᕐᒧᑦ ᑲᓇᑕᓕᒫᒥᑦ ᐃᓪᓗᓕᕆᓂᕐᒧᑦ ᖃᓄᖅᑑᕈᑎᒃᑯᑦ ᑮᓇᐅᔭᖃᖅᑎᑕᐅᖃᑕᐅᓪᓗᓂᑦ (NHCF), ᐅᓄᖅᓯᔭᐅᕋᑖᓚᐅᖅᑐᑦ ᒐᕙᒪᑐᖃᒃᑯᓐᓄᑦ ᐃᑲᔪᖅᑐᕐᓂᕐᒥᑦ ᐊᖏᕐᕋᖃᖏᑦᑐᒃᑯᕕᓐᓂᑦ, ᐊᒻᒪ ᐊᔾᔨᒌᖏᑦᑐᓂᑦ-ᑐᙵᕕᖃᕐᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᐃᓪᓗᓕᕆᓂᕐᒧᑦ ᖃᓄᐃᓕᐅᕈᑕᐅᔪᒪᔪᓂᑦ.

ᒥᓂᔅᑕᐃ ᐊᖏᖃᑎᒌᓚᐅᖅᑐᑦ ᖃᓄᐃᓕᐅᕆᐊᖃᕐᓂᕐᒧᑦ ᐅᑭᐅᖅᑕᖅᑐᖅ ᑲᓇᑕᒥ ᐅᖓᑎᓗᐊᖓᓄᑦ ᐃᓪᓗᓂ ᐱᔭᕆᐊᖃᓂᖏᒻᒧᑦ ᐱᔭᕆᐊᖃᕐᓂᕐᒥᓪᓗ ᐊᑦᑕᕐᓇᖏᑦᑐᒥ ᐊᖏᕐᕋᖃᖏᑦᑐᕕᖃᕆᐊᖃᕐᓂᕐᒧᑦ ᐋᓐᓂᖅᑎᕆᖃᑦᑕᕐᓂᕐᒧᑦ ᐃᓱᒪᒋᔭᖃᕆᐊᖃᖅᑐᑦ ᐊᕕᑦᑐᖅᓯᒪᔪᓂᑦ ᓯᓚᐅᑉ ᖃᓄᐃᓐᓂᕆᒐᔪᑦᑕᖓᓂᑦ, ᐃᓄᖃᑦᓯᐊᖏᑦᑐᒦᓐᓂᖅ, ᐊᑭᑐᓂᖏᓐᓄᑦ ᐱᓕᕆᐊᓂᑦ ᑲᔪᓯᑎᑦᓯᓂᕐᒧᑦ, ᐊᔪᕐᓇᕈᑎᖃᕐᓂᕐᒧᑦ ᐊᔾᔨᒌᖏᑦᑐᓂᑦ ᓄᓇᖃᖅᑳᖅᓯᒪᔪᓄᑦ ᒐᕙᒪᑕᐅᓂᖏᓐᓄᑦ ᐋᖅᑭᒃᓯᒪᓃᑦ.

ᒥᓂᔅᑕᐃᑦ ᐊᖏᖃᑎᒌᓚᐅᕐᒥᔪᑦ ᓄᕙᕐᔪᐊᕐᓇᖅ-19 ᑭᓪᓕᖃᖅᑎᑕᐅᓂᐅᔪᑦ ᐊᑐᕈᓐᓃᖅᑎᑕᐅᑉᐸᑕ, ᑲᑎᓛᖅᑐᑦ ᑕᐅᑐᖃᑎᒌᓪᓗᑎᑦ ᐃᖃᓗᐃᑦ, ᓄᓇᕗᒻᒥ, ᐅᖃᖃᑎᒌᑲᓐᓂᕐᓂᕐᒧᑦ ᓴᖅᑭᑎᑦᓯᓂᕐᒧᑦ ᖃᑐᔾᔨᖃᑎᒌᑦᓯᐊᓂᕐᒧᑦ ᐱᕙᒌᔭᕐᓂᕐᒧᓪᓗ ᐊᑯᓂᐅᔪᓄᑦ ᑲᔪᓯᓂᖃᑦᓯᐊᕐᓂᕐᒧᑦ ᐃᓪᓗᓕᕆᓂᕐᒧᑦ ᐱᔭᕆᐊᖃᕐᓂᕐᒥᑦ ᐅᑭᐅᖅᑕᖅᑐᒥᐅᑦ ᐱᖓᓱᓂᑦ ᐊᕕᑦᑐᖅᓯᒪᔪᓄᑦ. 

ᐅᖃᖅᑕᐅᔪᑦ:

 “ᑲᓇᑕᐅᑉ ᒐᕙᒪᖓ ᐊᖏᖅᓯᒪᓂᖃᖅᑐᖅ ᐊᑐᐃᓐᓇᐅᑎᑦᓯᓂᕐᒧᑦ ᓄᓇᓕᓐᓄᑦ ᑲᓇᑕᓕᒫᒥ ᐃᑲᔪᖅᑐᕐᓂᕐᒧᑦ ᐱᕙᓪᓕᐊᑎᑦᓯᓂᕐᒥᑦ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐋᖅᑭᒋᐊᕈᑎᑦᓴᓂᑦ. ᐅᓪᓗᒥ ᒪᓕᒐᓕᐅᖅᑎᐅᖃᑎᒃᑲ, ᑖᓐ ᕚᓐᑐᓪ, ᒥᓂᔅᑕ ᐅᑭᐅᖅᑕᖅᑐᒥᐅᓄᑦ, ᓈᓚᓚᐅᖅᑐᒍᑦ ᐃᓱᒫᓘᑕᐅᔪᓂᑦ ᐊᔾᔨᐅᖏᓐᓂᖏᓪᓗ ᐃᓪᓗᓕᕆᓂᕐᒧᑦ ᐊᑦᓱᕈᓐᓂᕐᒧᑦ ᑲᑐᔾᔨᖃᑎᒌᓄᑦ ᐅᑭᐅᖅᑕᖅᑐᒥ, ᑲᑐᔾᔨᑦᓱᑕᓗ ᐃᓕᑕᖅᓯᓚᐅᖅᑐᒍᑦ ᒪᑐᐃᖓᐃᓐᓇᕐᓂᕐᒧᑦ ᐅᖃᖃᑎᒌᓐᓂᕐᒧᑦ ᑲᔪᓯᓂᖃᑦᓯᐊᕐᓂᕐᒧᑦ. ᐱᔪᓐᓇᕐᓂᕐᒥᑦ ᐊᑦᑕᕐᓇᖏᑦᑐᒥᑦ ᐊᑭᑐᓗᐊᖏᑦᑐᓂᓪᓗ ᐃᓪᓗᓂ ᐱᔪᓐᓇᓂᖃᖅᑐᑦ ᖁᕝᕙᑎᑦᓯᓂᕐᒥᑦ ᓄᓇᓕᓐᓂᑦ ᐱᕈᖅᑎᑦᓯᓂᕐᒥᓪᓗ ᐱᕙᓪᓕᐊᑦᓯᐊᕐᓂᕐᒥᑦ, ᐋᖅᑭᑦᓯᓯᒪᑦᓱᑕᓗ ᐱᕙᓪᓕᐊᑎᑦᓯᓚᕆᓐᓂᕐᓄᑦ ᐊᕐᕌᒍᓐᓄᑦ ᖃᐃᔪᓄ.”

-ᒪᓕᒐᓕᐅᖅᑎ ᐊᕼᒥᐊᑦ ᕼᐅᓵᓐ, ᒥᓂᔅᑕ ᐃᓚᒌᓄᑦ, ᓄᑕᖅᑲᓄᑦ ᐃᓄᓕᕆᓂᕐᒧᓪᓗ ᐱᕙᓪᓕᐊᑎᑦᓯᓂᕐᒧᑦ ᐊᒻᒪᓗ ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᒥ ᓇᒻᒥᓂᖅᑖᖅᐸᓪᓕᐊᓂᖅ ᐃᓪᓗᓕᕆᔨᕐᔪᐊᒃᑯᓪᓗ (CMHC)

“ᖁᕕᐊᒋᔭᖃᓚᐅᖅᑐᖓ ᐊᐅᓚᑦᓯᓂᕐᒥᑦ ᐅᖃᖃᑎᒌᓐᓂᑎᓐᓄᑦ ᐅᓪᓗᒥ. ᓇᓂᓯᓂᕐᒧᑦ ᐊᑯᓂᐅᔪᓄᑦ ᐋᖅᑭᒋᐊᕈᑎᓴᓂᑦ ᐃᓪᓗᓕᕆᓂᕐᒧᑦ ᐱᔭᕆᐊᖃᖅᑐᓂᑦ ᐅᑭᐅᖅᑕᖅᑐᒥ ᑕᐃᒪᐃᒍᓐᓇᖅᑐᖅ ᒪᑐᐃᖓᑦᓯᐊᕐᓂᕐᒧᑦ ᐅᖃᖃᑎᒌᓐᓂᕐᒥᑦ ᐱᓕᕆᖃᑎᒌᓐᓂᕐᒥᓪᓗ. ᑐᑭᓯᐅᒪᖃᑎᒌᓐᓂᑎᓐᓄᑦ ᐅᑭᐅᖅᑕᖅᑐᒥ ᖃᓄᐃᓪᓚᖅᑖᖅᓂᕆᔭᖓᓂᑦ ᐊᖏᖅᓯᒪᓂᑦᑎᓐᓄᓪᓗ ᐋᖅᑭᑦᓯᓂᕐᒧᑦ ᒫᓐᓇᐅᔪᖅ ᐃᓪᓗᓕᕆᓂᕐᒧᑦ ᐱᔾᔪᑕᐅᔪᓂᑦ ᑲᔪᓯᓂᖃᑦᓯᐊᕐᓂᐊᖅᑐᒍᑦ ᐊᑐᐃᓐᓇᐅᑎᑦᓯᓂᕐᒥ ᑲᔪᓰᓐᓇᕈᓐᓇᑎᑦᓯᓂᕐᒥᑦ, ᐊᑯᓂᐅᔪᒧᑦ ᐋᖅᑭᒋᐊᕈᑎᑦᓴᓂᑦ ᓄᓇᕗᒻᒥᐅᓄᑦ ᐅᑭᐅᖅᑕᖅᑐᒥᐅᓄᓪᓗ.
-ᒪᓕᒐᓕᐅᖅᑎ, ᐸᑎᖅ ᓇᑦᑎᖅ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᓐᓂᑦ

“ᑲᑐᔾᔨᖃᑎᒋᑦᓱᒋᑦ ᒪᓕᒐᓕᐅᖅᑎᐅᖃᑎᒃᑲ ᐅᑭᐅᖅᑕᖅᑐᒥ ᑲᓇᑕᒥᓗ ᒐᕙᒪᒃᑯᑦ ᐃᑲᔪᖃᑦᑕᖅᑐᖅ ᓴᙱᓕᑎᑦᓯᓂᕐᒥᑦ ᐱᕈᖅᑎᑦᓯᓂᕐᒥᓪᓗ ᐃᓪᓗᓕᕆᓂᕐᒧᑦ ᑲᔪᓰᓐᓇᕐᓂᖏᑦ ᐅᑭᐅᖅᑕᖅᑐᒥ. ᖁᕕᐊᓱᑦᑐᖓ ᐅᖃᖃᑎᒌᒍᓐᓇᓂᑦᑎᓐᓄᑦ ᐱᔾᔪᑕᐅᔪᓂᑦ ᓂᕆᐅᒋᔭᖃᕐᓂᕐᒥᓪᓗ ᐱᓕᕆᖃᑎᒌᓐᓂᑎᓐᓄᑦ ᓴᙱᓕᕆᐊᑲᓐᓂᕐᓂᐊᕐᓂᖓᓄᑦ ᐃᑲᔪᕐᓂᕐᒥᑦ ᐃᓄᓐᓂᑦ ᐱᔪᓐᓇᕐᕕᖃᖅᕕᑎᓐᓄᑦ.”
-ᒪᓕᒐᓕᐅᖅᑎ ᐸᓪᓖᑦ ᕗᕌᔅ, ᒥᓂᔅᑕ ᑲᒪᒋᔭᓕᒃ ᔫᑲᓐᒥ ᐃᓪᓗᓕᕆᔨᕐᔪᐊᒃᑯᓐᓄᑦ

 “ᖁᕕᐊᒋᔭᖃᖅᑐᖓ ᒐᕙᒪᒃᑯᓐᓂᑦ ᑲᓇᑕᒥ ᐊᖏᖅᓯᒪᓂᖏᓐᓄᑦ ᐃᑲᔪᖅᑐᕐᓂᕐᒧᑦ ᐃᓪᓗᓕᕆᓂᕐᒧᑦ ᐅᑭᐅᖅᑕᖅᑐᒥ. ᑖᓐᓇ ᐱᕕᔾᔪᐊᖑᑎᒋᒪᑦ ᐱᒻᒪᕆᐅᑦᓱᓂ ᓴᙱᔪᒥᓪᓗ ᑲᑐᔾᔨᖃᑎᒌᓐᓂᕐᒧᑦ ᑲᓇᑕᒥ ᒐᕙᒪᒃᑯᓐᓂᑦ ᐱᔭᕆᐊᖃᕐᓂᕐᒥᑦ ᓇᓗᓇᐃᖅᓯᓂᕐᒧᑦ ᐃᓘᓐᓇᑎᒃ ᓄᓇᖃᖅᑐᐃᑦ ᐅᑭᐅᖅᑕᖅᑐᒥ ᐱᔭᕆᐊᖃᖅᒪᑕ ᐊᑦᑕᕐᓇᖏᑦᑐᒥᑦ, ᓈᒻᒪᑦᑐᓂᑦ ᐊᑭᑐᓗᐊᖏᑦᑐᓂᓪᓗ ᐊᖏᕐᕋᖃᖁᓪᓗᒋᑦ.”

-ᒪᓕᒐᓕᐅᑎ ᐸᐅᓕ ᓯᓐᓇ, ᒥᓂᔅᑕ ᑲᒪᒋᔭᖃᖅᑐᖅ ᓄᓇᑦᓯᐊᒥ ᐃᓪᓗᓕᕆᔨᕐᔪᐊᒃᑯᓐᓄᑦ.

ᐱᓕᕆᐊᖑᓯᒪᔪᑦ:

• ᑲᓇᑕᒥ ᐱᔪᓐᓇᐅᑎᖃᖅᑎᑕᐅᔪᖅ ᐃᓪᓗᓕᕆᓂᕐᒧᑦ, ᑲᓇᑕᒥ ᓇᒻᒥᓂᖅᑖᖅᐸᓪᓕᐊᓂᖅ ᐃᓪᓗᓕᕆᔨᕐᔪᐊᒃᑯᓪᓗ ᐃᑲᔪᖃᖅᑕᖅᑐᑦ ᒪᑭᑕᑦᓯᐊᕐᓂᖓᓄᑦ ᐃᓪᓗᓂᑦ ᓂᐅᕐᕈᑕᐅᓲᓄᑦ ᑮᓇᐅᔭᓕᕆᓂᕐᒧᓪᓗ ᐊᑐᖅᑕᐅᖃᑦᑕᖅᑐᓂᑦ, ᐊᑐᐃᓐᓇᐅᑎᑦᓯᓂᕐᒥᑦ ᐃᑲᔪᖅᑐᕐᓂᕐᒥᑦ ᑲᓇᑕᒥᐅᓂᑦ ᐃᓪᓗᖃᕆᐊᖃᖅᑐᓄᑦ, ᐊᑐᐃᓐᓇᐅᑎᑦᓯᓂᕐᒥᓪᓗ ᐃᓚᐃᓐᓈᖏᑦᑐᓂᑦ ᐃᓪᓗᓕᕆᓂᕐᒧᑦ ᖃᐅᔨᓴᕐᓂᕐᒥᑦ ᐅᖃᐅᔾᔨᒋᐊᕐᓂᕐᒥᓪᓗ ᐃᓘᓐᓇᖏᓐᓂᑦ ᖁᑦᓯᓂᓕᓐᓂᑦ ᑲᓇᑕᒥ ᒐᕙᒪᒃᑯᓐᓂᑦ, ᓂᐅᕕᖅᑎᓂᑦ ᐃᓪᓗᓕᕆᓂᕐᒧᓪᓗ ᓴᓇᕕᐅᔪᓂᑦ.  ᑲᓇᑕᓕᒫᒥᑦ ᐃᓪᓗᓕᕆᓂᕐᒧᑦ ᖃᓄᖅᑑᕈᑎᒃᑯᑦ ᑮᓇᐅᔭᖃᖅᑎᑕᐅᖃᑕᐅᓪᓗᓂᑦ ᑲᓇᑕᓕᒫᒥᑦ ᐱᕙᒌᔭᕐᓂᕐᒧᑦ ᐱᓕᕆᐊᖑᔪᖅ ᑐᓂᔭᐅᔪᖅ  ᑲᓇᑕᒥ ᓇᒻᒥᓂᖅᑖᖅᐸᓪᓕᐊᓂᖅ ᐃᓪᓗᓕᕆᔨᕐᔪᐊᒃᑯᒧᑦ ᑭᒡᒐᖅᑐᐃᑦᓱᑎᒃ ᑲᓇᑕᒥ ᒐᕙᒪᒃᑯᓐᓂᑦ, ᓯᕗᓪᓕᐅᔾᔨᖃᑦᑕᖅᑐᑦ ᐱᓕᕆᐊᓄᑦ ᐃᑲᔪᖅᑕᐅᔭᕆᐊᓕᓐᓄᑦ ᐱᔭᕆᐊᖃᓪᓚᕆᑦᑐᓂᑦ ᐃᓚᒋᓪᓗᒍ ᐊᕐᓇᐃᑦ ᓄᑕᖅᑲᐃᓪᓗ ᕿᒫᔪᑦ ᐃᓚᒌᓂᑦ ᐋᓐᓂᖅᑎᕆᓂᕐᒥᑦ, ᐃᓐᓇᐃᑦ, ᓄᓇᖃᖅᑳᖅᓯᒪᔪᑦ ᐃᓄᖏᑦ, ᐃᓄᐃᑦ ᑎᒥᒥᒍᑦ ᐊᔪᕈᑎᖃᖅᑐᑦ, ᑕᐃᒃᑯᐊᓗ ᑲᒪᒋᔭᖃᖅᑐᑦ ᐃᓱᒪᓕᕆᓂᕐᒧᑦ ᐅᐃᕆᓯᒪᓂᕐᒧᓪᓗ, ᐅᓇᓕᐅᓚᐅᖅᓯᒪᔪᓄᑦ ᐃᓐᓇᕈᓕᓵᖅᑐᓄᓪᓗ. ᑐᑭᓯᒋᐊᑲᓐᓂᕈᒪᒍᕕᑦ ᒪᓕᓪᓗᒍ  ᑲᓇᑕᒥ ᓇᒻᒥᓂᖅᑖᖅᐸᓪᓕᐊᓂᖅ ᐃᓪᓗᓕᕆᔨᕐᔪᐊᒃᑯᓐᓂᑦ ᑐᕆᑐᒥ, ᔫᑑᑉᒥ, ᓕᒃᐃᓐᒥ, ᐃᓐᔅᑕᒍᓛᒥ ᐊᒻᒪᓗ ᕙᐃᔅᐳᒃᒥ.
• ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ (NHC) ᓴᖅᑭᖅᑎᑕᐅᓯᒪᔪᖅ 2000-ᒥ ᓴᖅᑭᑎᑦᑎᖁᓪᓗᒋᑦ, ᐋᖅᑭᒃᓱᐃᓗᑎᒃ ᐊᐅᓚᑦᑎᓗᑎᓪᓗ ᐃᓪᓗᓕᕆᓂᕐᒧᑦ ᐱᓕᕆᐊᑦᓴᓂᑦ ᐊᔾᔨᒌᓂᒃ ᐊᑐᕈᓐᓇᖅᑎᑦᑎᓂᐊᕐᒪᑕ ᐊᔾᔨᒌᙱᑦᑐᓂᑦ ᐊᑭᑐᓗᐊᙱᑦᑐᓂᒃ ᐃᓪᓗᒃᓴᓂᒃ ᖃᑕᙳᑎᒌᓄᑦ ᐃᓄᑑᔪᓄᓪᓗ ᓄᓇᕗᒻᒥ. ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑲᔪᓯᑎᑦᓯᖃᑦᑕᖅᑐᑦ ᐱᓕᕆᐊᖏᓐᓂᑦ ᑐᑭᒧᐊᑦᑕᐅᑦᓱᓂ ᓄᓇᕗᒻᒥ ᐱᓕᕆᒋᐊᕈᑎᒃᓴᖅ ᐃᓪᓗᖃᖅᑎᑦᓯᓂᕐᒧᑦ, ᖃᓄᖅᑑᕈᑏᑦ ᐊᑯᓂᐅᔪᒧᑦ ᐊᑐᓕᖅᑎᑦᓯᓂᕐᒧᑦ ᐱᕙᒌᔭᐅᑎᓂᑦ ᓇᓗᓇᐃᔭᐃᔪᓂᑦ ᒐᕙᒪᒃᑯᑦ ᓄᓇᕗᒻᒥ ᑭᐅᔾᔪᑎᖏᓐᓂᑦ ᐃᓪᓗᓕᕆᓂᕐᒧᑦ ᐊᖏᕐᕋᖃᖏᓐᓂᕐᒧᓪᓗ ᓄᓇᕗᒻᒥ.
• ᔫᑲᓐᒥ ᐃᓪᓗᓕᕆᔨᕐᔪᐊᒃᑯᑦ ᑲᔪᓯᑎᑦᓯᖃᑦᑕᖅᑐᑦ ᐃᓪᓄᓂ ᐱᓕᕆᐊᓂᓪᓗ ᐱᓕᕆᐊᖑᕙᓪᓕᐊᔪᒪᔪᓂᑦ ᐅᖃᐅᓯᖃᖅᑐᓂᑦ ᐃᓪᓗᓕᕆᓂᕐᒧᑦ ᐱᔭᕆᐊᓕᓐᓂᑦ ᔫᑳᓐᒥ ᓄᓇᖃᖅᑐᓂᑦ. ᐃᓪᓗᓕᕆᔨᕐᔪᐊᒃᑯᑦ ᐱᓕᕆᖃᑎᖃᖃᑦᑕᖅᑐᑦ ᐊᑐᐃᓐᓇᐅᑎᑦᓯᓂᕐᒧᑦ ᑭᐅᔾᔪᑎᓂᑦ ᐃᓱᒪᒋᔭᐅᑦᓯᐊᖅᑐᓂᓪᓗ ᐋᖅᑭᒋᐊᕈᑎᑦᓴᓂᑦ ᐊᔾᔨᒌᙱᕈᓘᔭᖅᑐᓂᑦ ᐃᓪᓗᓕᕆᓂᕐᒧᑦ ᐱᔭᕆᐊᓕᓐᓂᑦ ᐱᔭᕆᐊᑭᑦᑐᓂᑦ ᐃᑲᔫᑎᓂᑦ ᖃᓄᐃᖏᓐᓂᕐᒧᑦ, ᑲᔪᓯᑎᑕᐅᖏᓐᓇᕈᓐᓇᖅᑐᓂᑦ, ᐃᓚᓕᐅᔾᔨᓯᒪᓗᓂ ᔫᑳᒻᒥ ᓄᓇᓕᓐᓂ ᑐᑭᒧᐊᑦᑎᑕᐅᑦᓱᑎᒃ ᐃᓪᓗᓕᕆᓂᕐᒧᑦ ᖃᓄᐃᓕᐅᕐᓂᕐᒧᑦ ᐱᕙᒌᔭᐅᑎᓄᑦ ᔫᑳᓐᒧ, ᐊᑦᑕᕐᓇᖏᑦᑐᒥ ᐊᖏᕐᕋᖃᕐᓂᕐᒧᑦ ᐱᕙᒌᔭᐅᑎ ᐃᓱᓕᑦᑎᑦᓯᓂᕐᒥᑦ ᓄᖅᑲᑎᑦᓯᓂᕐᒥᓪᓗ ᐊᖏᕐᕋᖃᖏᓐᓂᕐᒥᑦ, ᑲᓇᑕᓕᒫᒥᑦ ᐃᓪᓗᓕᕆᓂᕐᒧᑦ ᐱᕙᒌᔭᐅᑎ ᐊᖏᕐᕋᖅᑖᕈᓐᓇᖅᓯᓂᕐᒧᓪᓗ. ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᓗᒍ Yukon.ca/Yukon-housing-corporation.
• ᓄᓇᑦᓯᐊᕐᒥ ᐃᓪᓗᓕᕆᔨᕐᔪᐊᒃᑯᑦ (NWTHC) ᐱᓕᕆᐊᑦᓴᖃᖅᑐᑦ ᓇᓗᓇᐃᖅᓯᓂᕐᒧᑦ ᐊᒥᒐᙱᑦᑐᓂᑦ ᐱᖁᑎᖃᕐᓂᕐᒧᑦ ᐊᑭᑐᓗᐊᖏᑦᑐᓂᑦ, ᓈᒻᒪᑦᑐᓂᑦ ᐃᓪᓗᓂᑦ ᐱᔭᕆᐊᓕᓐᓄᑦ ᓄᓇᑦᓯᐊᕐᒥ ᓄᓇᖃᖅᑐᓄᑦ. ᓄᓇᑦᓯᐊᕐᒥ ᐃᓪᓗᓕᕆᔨᕐᔪᐊᒃᑯᑦ ᑲᒪᒋᔭᖃᖅᑐᑦ ᓇᒻᒥᓂᖁᑎᒋᔭᐅᔪᓂᑦ ᐃᓪᓗᓕᕆᓂᕐᒧᑦ ᑲᔪᓯᑎᑦᓯᓂᕐᒧᑦ, ᐃᓚᒋᔭᖃᖅᑐᖅ ᐊᖏᕐᕋᖃᖏᓐᓂᕐᒧᑦ ᐃᑲᔪᖅᑐᕐᓂᕐᒥᑦ, ᐃᓄᓕᕆᓂᕐᒧᑦ ᐃᓪᓗᓕᕆᓂᕐᒧᑦ, ᓇᒻᒥᓂᖃᕐᓂᕐᒧᑦ ᐃᑲᔪᖅᑐᕐᓂᕐᒥᑦ, ᐊᖏᕐᕋᒻᒥᓗ ᓇᒻᒥᓂᖃᕐᓂᕐᒧᑦ ᓴᓇᓂᕐᒥᑦ ᓂᐅᕐᕈᑎᖃᕐᓂᕐᒧᓪᓗ ᐊᑐᖅᑐᐊᓂᕐᒥᑦ. ᐊᑭᑐᓗᐊᕈᓐᓃᑎᑦᓯᓂᕐᒧᑦ ᓄᓇᖃᕐᓂᕐᒧᑦ ᓄᓇᑦᓯᐊᕐᒥ ᐱᓕᕆᐊᑦᓴᓄᑦ ᐋᖅᑭᑦᑕᐅᓯᒪᔪᓄᑦ ᐊᑦᑕᕐᓇᖏᑦᑐᒥ, ᐊᑭᑐᓗᐊᖏᑦᑐᓂᑦ ᐃᓪᓗᖃᑎᑕᐅᓂᕐᒧᑦ ᓯᕗᓪᓕᐅᔾᔨᓂᕐᒥᑦ ᒐᕙᒪᒃᑯᑦ ᓄᓇᑦᓯᐊᕐᒥᑦ. ᑐᑭᓯᒋᐊᑲᓐᓂᕈᒪᒍᕕᑦ, ᐅᖄᓚᒋᑦ 1-844-NWT-HOME (1-844-698-4663) ᖃᐅᔨᒋᐊᕐᓗᒍᓘᓐᓃᑦ www.nwthc.ca.

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᖅ:

ᒫᔭ ᑑᕋ
ᐊᓪᓚᕝᕕᖓ ᒥᓂᔅᑕᐅᑉ ᐃᓚᒌᓄᑦ ᓄᑕᖅᑲᕐᓄᑦ ᐃᓄᓕᕆᓂᕐᒧᓪᓗ ᐱᕙᓪᓕᐊᑎᑦᓯᓂᕐᒥᑦ
873-354-8265
@email

ᑭᐅᕋ ᐳᓚᐃᐊᑦ
ᑐᓴᕋᑦᓴᓕᕆᔨᓄᑦ ᐅᖃᐅᔾᔪᐃᔨᒻᒪᕆᒃ
ᖃᓄᖅᑑᕈᑎᒃᓴᓄᑦ ᐱᕙᒌᔭᐅᑎᖃᕐᓂᖅ, ᐊᑐᐊᒐᐃᑦ ᑐᓴᐅᒪᖃᑦᑕᐅᑎᓂᕐᒧᓪᓗ
ᓄᓇᑦᓯᐊᕐᒥ ᐃᓪᓗᓕᕆᔨᕐᔪᐊᒃᑯᑦ
ᐅᖄᓚᐅᑎᖓ: (867) 767-9328 ex. 85023
ᓱᑲᑦᑐᒃᑯᑦ: (867) 873-9426
@email 

ᔮᓐ-ᓴᐹᔅᑎᐊᓐ ᐸᓚᐃ
ᑐᓴᐅᒪᖃᑦᑕᐅᑎᓂᕐᒧᑦ ᖃᐅᔨᓴᖅᑎ, ᔫᑳᓐᒥ ᐃᓪᓗᓕᕆᔨᕐᔪᐊᒃᑯᓐᓄᑦ
867-335-7059
@email

ᐃᐅᓕᒃ ᑐᐃᕋᓐ
ᑐᑭᒧᐊᑦᑎᑦᓯᔨ ᐊᑐᐊᒐᓕᕆᓂᕐᒧᑦ ᐱᕙᒌᔭᕐᓂᕐᒧᓪᓗ
ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ
867-975-7216
@email