ᓄᓘᔮᖕᓂ ᓄᕙᒡᔪᐊᕐᓇᖅ-19−ᖃᕋᓱᒋᔭᐅᔪᑦ ᐱᑕᖃᙱᓐᓂᕋᖅᑕᐅᕗᑦ
ᐱᕙᓪᓕᐊᔪᖅ ᓴᖅᑭᑎᑕᐅᔪᖅ
ᓄᓘᔮᖕᓂ ᓄᕙᒡᔪᐊᕐᓇᖅ-19−ᖃᕋᓱᒋᔭᐅᔪᑦ ᐱᑕᖃᙱᓐᓂᕋᖅᑕᐅᕗᑦ
ᐃᖃᓄᐃᑦ, ᓄᓇᕗᑦ (ᔪᓚᐃ 22, 2020) − ᓘᒃᑖᖅ ᒪᐃᑯᓪ ᐹᑕᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᑐᓴᖅᑎᑦᑎᖅᑲᐅᕗᖅ ᒪᕐᕉᒃ ᓄᕙᒡᔪᐊᕐᓇᖅ-19−ᖃᕋᓱᒋᔭᐅᔫᒃ ᓄᓘᔮᖕᓂ ᐱᑕᖃᙱᓐᓂᕋᖅᑕᐅᕗᑦ ᓇᓗᓇᐃᖅᑕᐅᓚᐅᖅᑎᓪᓗᒋᑦ ᖃᐅᔨᓴᕐᕕᖕᒥ ᖃᐅᔨᓴᖅᑕᐅᔪᑦ ᖃᓪᓗᓈᓂ ᑲᓇᑕᒥ.
“ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑎᑎᕋᕐᕕᖓ ᐅᔭᕋᖕᓂᐊᕐᕕᖕᒥ ᐱᓕᕆᖃᑎᖃᖅᐳᑦ ᖃᐅᔨᖅᓴᖅᑕᐅᔪᑦ ᐅᐸᒃᓯᒪᓚᐅᖅᑕᖏᓪᓗ ᐃᓄᑐᐊᒃᑯᕕᖕᒦᑎᑕᐅᑦᑎᐊᖁᓪᓗᒋᑦ ᐅᓗᕆᐊᓇᖅᑐᒦᑦᑐᖃᖁᓇᒍ. ᒫᓐᓇᐅᔪᖅ, ᖃᐅᔨᓴᖅᑕᐅᔫᒃ ᐅᐸᒃᓯᒪᓚᐅᖅᑕᖏᓪᓗ ᖃᓂᒪᑲᑕᙱᑉᐳᑦ ᓄᕙᒡᔪᐊᕐᓇᖅ-19− 19− 19− ᒧᑦ ᒪᓕᒃᑐᓂᒃ ᐊᒻᒪ ᓇᓗᓇᐃᕈᑎᒃᓴᖅᑕᖃᙱᖦᖢᓂ ᐅᔭᕋᖕᓂᐊᕐᕕᖕᒥ ᐊᐃᑦᑐᕐᓗᐃᔪᖃᕐᒪᖔᑦ,” ᓘᒃᑖᖅ ᐹᑕᓴᓐ ᐅᖃᖅᑐᖅ. “ᓄᓇᕗᒻᒥ ᓱᓕ ᓇᓗᓇᐃᖅᑕᐅᔪᖃᙱᑦᑐᖅ ᓄᕙᒡᔪᐊᕐᓇᖅ-19− 19− 19− ᖃᖅᑐᒥᒃ ᑕᐃᒪᐃᑦᑐᖃᕋᓱᒋᔭᐅᔪᒥᓪᓘᓐᓃᑦ.”
ᑭᓇᑐᐃᓐᓇᑦᑎᐊᖅ ᐃᓱᒪᒋᔭᖃᖅᑐᖅ ᓄᕙᒡᔪᐊᕐᓇᖅ-19−ᓕᖕᒥᑦ ᐅᐸᒍᑎᓯᒪᓚᐅᕋᓱᒋᓗᓂ ᐅᖃᐅᔾᔭᐅᕗᑦ ᐅᖄᓚᖁᔭᐅᓪᓗᑎᒃ ᓄᕙᒡᔪᐊᕐᓇᒧᑦ−ᐅᖄᓚᕝᕕᐅᔪᓐᓇᖅᑐᒥᒃ ᐅᕗᖓ, 1-888-975-8601 10−ᒥ ᐅᓪᓛᒃᑯᑦ 6−ᒧᐊᕋᓱᖕᓂᖓᓄᑦ ᐅᓐᓄᒃᓴᒧᑦ, ᖃᐅᔨᑎᓪᓗᒋᓪᓗ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᖕᒥᓂᒃ ᖃᐅᔨᑎᑲᐅᑎᒋᓗᒋᓪᓗ, ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᓂᓗ ᐊᖏᕐᕋᖅᓯᒪᓗᓂᓗ 14−ᓄᑦ ᐅᓪᓗᓄᑦ. ᐅᑯᐊ ᓇᓗᓇᐃᕈᑎᒃᓴᐅᕗᑦ ᓄᕙᒡᔪᐊᕐᓇᖅ-19−ᒧᑦ ᐆᓇᑲᑕᒡᓗᓂ, ᖁᐃᖅᓱᑲᑕᒡᓗᓂ ᐊᓂᖅᓵᖅᑐᒡᒐᕐᓗᓂᓘᓐᓃᑦ. ᓴᐳᔾᔨᓯᒪᔪᓐᓇᑦᑎᐊᓛᖑᕗᑦ ᓯᐊᒻᒪᒃᑎᑦᑕᐃᓕᒪᓗᒍ ᐱᑦᑕᐃᓕᒪᓗᒍᓘᓐᓃᑦ ᐋᓐᓂᐊᕐᓇᖅ ᐅᖓᓯᒌᒃᐸᒡᓗᑎᒃ, ᐊᒡᒐᑎᑦ ᐅᐊᓴᖅᐸᒡᓗᒋᑦ 20-ᓄᑦ ᑎᑦᑕᑯᓗᖕᓄᑦ, ᖁᐃᖅᓱᖅᐸᒡᓗᓂ ᑕᒋᐅᒃᐸᒡᓗᓂᓗ ᑕᓕᕐᒧᑦ, ᐊᖏᕐᕋᖅᓯᒪᕙᒡᓗᑎᒡᓗ ᐊᔪᕐᓇᙱᓐᓂᓕᒫᖓᓂ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᒐᒃᓴᓕᕆᔨᒃᑯᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
@email