ᓄᓇᕗᒻᒥ ᑭᒃᑯᑐᐃᓐᓇᑦ ᓴᓇᐅᒐᖏᓐᓂᑦ ᐱᓕᕆᐊᖑᕙᓪᓕᐊᔪᑦ
ᐱᓕᕆᐊᖑᕙᓪᓕᐊᔪᖅ ᓇᓗᓇᐃᕐᓗᒍ
ᓄᑖᒥᒃ ᐱᕕᒃᓴᖃᖅᑎᑕᐅᔪᑦ ᖁᕕᐊᓲᑎᖃᖁᓪᓗᒋᑦ ᓄᓇᕗᒻᒥᐅᑦ ᓴᓇᐅᒐᖏᓐᓂᒃ!
ᓄᕙᒡᔪᐊᕐᓇᖅ-19 ᐱᓪᓗᒍ ᐊᔅᓱᕈᕐᓇᖅᑐᓂᑦ ᖃᓄᑐᐃᓐᓇᖅ ᓴᖅᑭᑎᑦᑎᓯᒪᒻᒪᑦ ᓄᓇᕗᒻᒥᐅᓄᑦ ᐃᓱᒪᓘᓐᓇᖅᓯᓯᒪᓂᖅᓴᐅᓪᓗᓂᓗ ᐊᒻᒪ ᓇᓗᓇᖅᑐᒦᓂᖅᓴᐅᓕᖅᑐᑎᓪᓗ. ᑕᒪᓐᓇ ᐱᔾᔪᑎᒋᓗᒍ ᐃᑲᔪᖅᑐᐃᓂᕆᔭᕗᑦ ᑲᔪᓯᒋᐊᒃᑲᓐᓂᕆᐊᖃᕐᒪᑦ ᓴᓇᐅᒐᓕᐅᖅᑎᓂᑦ.
ᓄᓇᕗᑦ ᒐᕙᒪᒃᑯᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓ ᐃᓇᑦᑎᕗᑦ ᑐᔅᓯᕋᐅᑎᓕᐅᖁᔨᓪᓗᑎᑦ ᑭᒃᑯᑐᐃᓐᓇᕐᓂᑦ ᓴᓇᐅᒐᓕᕆᓂᕐᒧᑦ. ᑖᓐᓇ ᓴᓚᒃᓴᕋᓱᒍᑕᐅᓂᐊᖅᑐᖅ.
ᓴᓇᙳᐊᑏᑦ ᐃᓱᒪᒋᔭᖏᓐᓂᒃ ᓴᖅᑭᑦᑎᖁᔭᕗᑦ ᑭᒃᑯᑐᐃᓐᓇᑦ ᓴᓇᐅᒐᖏᓐᓄᑦ ᐱᓕᕆᐊᖑᔪᒥᑦ ᐃᓅᖃᑎᒋᑦᑎᐊᕐᓂᕐᒥᒃ ᓴᖅᑭᔮᖅᑎᑦᑎᓗᑎᒃ: ᐊᓯᑦᑎᓐᓂᒃ ᐃᒃᐱᒍᓱᑦᑎᐊᕐᓂᖅ, ᐃᓅᖃᑎᒌᑦᑎᐊᕐᓂᖅ ᐊᒻᒪ ᐃᓄᖕᓂᒃ ᑲᒪᑦᑎᐊᕐᓂᖅ, ᐃᓚᒋᔭᐅᔪᑦ 8ᓄᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ.
ᑐᔅᓯᕋᕐᓂᐊᖅᑐᑦ ᑕᑯᔅᓴᐅᑎᑦᑎᔭᕆᐊᓖᑦ
- ᖃᓄᖅ ᑕᒪᓐᓇ ᑎᑭᑕᐅᔪᓐᓇᕐᒪᖔᖅ ᐊᒻᒪ ᑲᒪᒋᔭᐅᓗᓂ ᓄᕙᒡᔪᐊᕐᓇᖅ-19 ᐊᑑᑎᑎᓪᓗᒍ, ᒪᓕᑦᑕᐅᖁᔭᐅᔪᑦ ᒫᓐᓇ ᓄᕙᒡᔪᐊᕐᓇᖅ-19 ᐱᓪᓗᒍ ᑐᑭᒧᐊᕈᑎᖏᑦ
- ᖃᓄᑎᒋ ᐊᑦᑐᐃᓯᒪᔪᓐᓇᕐᓂᕆᔭᖓᓐᓂᑦ ᐱᔾᔪᑎᖃᑦᑎᐊᖅᑐᒥᑦ
- ᐊᑕᐃᓐᓇᕐᓂᐊᓕᕐᓗᓂ ᐅᕙᓗ ᕿᓚᒥᑕᐃᓐᓇᖅ ᐊᑐᖅᑕᐅᑲᐃᓐᓇᕐᓗᓂ
- ᐱᓕᕆᐊᔅᓴᐅᔪᑦ ᐱᔭᕇᖅᑕᐅᓯᒪᔪᓐᓇᖅᑐᑦ ᒫᒃᓯ 31, 2021ᖑᓕᖅᐸᑦ − ᐊᓯᔾᔨᕈᓐᓇᕐᓗᓂ ᑭᖑᓪᓕᖅᐹᒥᑦ ᐋᖅᑭᓐᓂᖓᑕ ᐅᓪᓗᖓ ᓯᓚ ᐱᔾᔪᑕᐅᓗᓂ ᑭᖑᕙᕆᐊᕆᐊᖃᖅᐸᑦ ᓅᑕᐅᔪᓐᓇᖅᑐᖅ ᐱᔭᕇᖅᓯᒪᓂᕆᔭᕆᐊᓕᖓ ᓰᑏᕝᕙ 30, 2021ᒧᑦ. ᑭᖑᓪᓕᐹᖅ ᐅᓂᒃᑳᓕᐅᖅᑕᐅᖓᓐᓄᑦ ᐱᕕᖃᖅᑎᑕᐅᔪᖅ ᐅᓪᓗᓄᑦ 60ᓄᑦ ᐱᓕᕆᐊᔅᓴᕆᔭᐅᔪᑦ ᐱᔭᕇᖅᓯᒪᓕᖅᑎᓪᓗᒍ ᐅᕙᓗ ᓅᕖᕝᕙ 30, 2021, ᓇᓪᓕᐊᑐᐃᓐᓇᖅ ᖃᓂᓐᓂᖅᓴᐅᔪᖅ ᐅᓪᓗᖓ.
ᑖᒃᑯᐊ ᐊᑐᓂᑦ ᐱᓕᕆᐊᖑᔪᑦ ᖃᐅᔨᓴᖅᑕᐅᑦᑎᐊᕈᓐᓇᖁᓪᓗᒋᑦ ᐊᔾᔨᒌᒥᑦ ᐊᒻᒪ ᑕᐃᒫᔅᓴᐃᓐᓇᓕᖓᔪᒥᑦ, ᐱᓕᕆᖃᑎᒋᔭᕐᓄᑦ ᕿᒥᕐᕈᔭᐅᑎᑕᐅᓂᐊᖅᑐᑦ ᐊᑐᓂᑦ ᕿᒥᕐᕈᖃᑦᑕᐅᑎᓂᐊᕐᓗᑎᑦ ᓴᓇᙳᐊᖃᑎᒌᑦᑐᑦ ᑐᔅᓯᕋᐅᑎᐅᔪᒥᑦ ᐅᑯᐊ ᒪᓕᑦᑕᐅᔪᔅᓴᓕᐊᖑᓯᒪᔪᑦ ᐊᑐᖅᑕᐅᓗᑎᑦ:
- ᓴᓇᐅᔭᓯᔪᖅ ᐋᖅᑭᔅᓯᒪᓂᖓᑕ ᖃᓄᐃᓐᓂᖓ ᑐᑭᓕᐅᖅᓯᒪᑦᑎᐊᕐᒪᖔᖅ ᖃᓄᐃᑦᑑᓂᕆᓇᓱᑦᑕᖓᑕ: ᐃᓅᖃᑎᒌᑦᓯᐊᕐᓂᖅ: ᐱᒻᒪᕆᐅᑎᑦᑎᓗᓂ ᐊᓯᖏᓐᓂᑦ, ᐃᓅᖃᑎᒌᓄᑦ ᐊᒻᒪ ᐃᒃᐱᒍᓱᑦᑎᐊᕐᓂᖅ ᐃᓄᖕᓂᑦ.
- ᐊᔾᔨᒋᔭᐅᙱᓪᓗᓂ ᑖᓐᓇ ᑭᒃᑯᑐᐃᓐᓇᕐᓄ ᓴᓇᐅᒐᖅ ᐋᖅᑭᓱᖅᑕᐅᓂᐊᖅᑐᖅ ᐅᕙᓗ ᖃᓄᐃᓕᐅᕈᑕᐅᓂᐊᖅᑐᖅ (ᖃᓄᖅᑑᕐᓂᖅ: ᐃᓱᒪᒃᓴᖅᓯᐅᕐᕕᖃᕈᓐᓇᑦᑎᐊᕐᓂᖅ ᐊᒻᒪᓗ ᐋᖅᑭᒋᐊᓕᖕᓂᑦ ᐋᖅᑭᒃᓯᓇᓱᒡᓗᓂ.)
- ᐱᓕᕆᐊᔅᓴᒧᑦ ᐱᓕᕆᖃᑎᒌᖑᔪᑦ ᑖᔅᓱᒥᖓ ᐱᓕᕆᐊᔅᓴᒥᑦ ᖃᐅᔨᒪᓂᖃᕐᓗᑎᑦ ᖃᓄᖅ ᐱᔭᕆᐊᖃᕐᒪᖔᖅ. (ᐱᓕᒻᒪᒃᓴᕐᓂᑦ/ᐱᔭᕆᐅᖅᓴᕐᓂᖅ: ᐊᔪᕈᓐᓃᖅᓴᕐᓂᖅ ᓱᓇᓕᕆᓗᓂ ᑕᑯᓐᓇᓂᒃᑯᑦ, ᑲᔪᖏᖅᓴᐃᓂᒃᑯᑦ, ᐱᓇᓱᓂᒃᑯᑦ, ᐊᒻᒪ ᐆᑦᑐᕋᕐᓂᒃᑯᑦ.)
- ᐱᓕᕆᐊᖏᑕ ᐃᓗᓕᖏᑦ ᑎᑎᖅᑲᖁᑎᖏᑦ
- ᑎᑎᖅᑲᐃᑦ ᐱᔪᒪᔪᓄᑦ ᐊᒻᒪ ᐃᑲᔪᖅᑐᐃᔨᓄᑦ (ᐱᓕᕆᖃᑎᒌᓐᓂᖅ/ᐃᑲᔪᖃᑎᒌᓐᓂᖅ: ᐱᓕᕆᖃᑎᒌᖕᓂᖅ ᐊᑕᐅᓯᕐᒥᒃ ᐱᔾᔪᑎᖃᕐᓗᑎᒃ.)
- ᐱᓕᕆᕕᒋᔭᐅᓂᐊᖅᑐᖅ/ᐃᓂᒋᔭᐅᓂᐊᖅᑐᖅ ᓈᒻᒪᑲᓗᐊᕐᒪᖔᖅ ᐃᓱᒪᒋᔭᐅᓯᒪᔪᖅ
- ᓴᓇᙳᐊᖅᑕᐅᓂᐊᖅᑐᑦ ᐱᐅᒐᓗᐊᕐᒪᖔᑕ ᑖᒃᑯᐊ ᓱᕋᔅᓴᕋᐃᑦᑑᖏᓪᓗᑎᑦ ᐃᓂᔅᓴᕆᔭᐅᖁᔭᐅᓯᒪᔪᒥᑦ
- ᑮᓇᐅᔭᑦ ᐊᑐᖅᑐᔅᓴᑦ ᓈᒻᒪᑎᖅᓯᒪᑦᑎᐊᕐᓗᒋᑦ ᓱᓕᔫᓗᑎᑦ
ᑭᒃᑯᑦ ᐱᓇᔪᒍᓐᓇᖅᐸᑦ
- ᓴᓇᙳᐊᖅᑏᑦ ᑲᑐᔾᔨᔪᑦ (ᐊᖏᓂᖅᐹᒥᑦ $35,000)
- ᓴᓇᙳᐊᒐᓕᕐᓂᕐᒧᑦ ᑲᑐᔾᔨᖃᑎᒌᑦ (ᐊᖏᓂᖅᐹᒥᑦ $35,000)
- ᑮᓇᐅᔭᓕᐅᕋᓱᐊᖏᑦᑐᑦ ᑲᑐᔾᔨᖃᑎᒌᑦ
- ᕼᐋᒻᒪᓚᒃᑯᑦ
ᑐᒃᓯᕋᐅᑎᓕᐅᖅᑕᐅᔪᑦ ᐃᓄᖕᓄᑦ ᐊᓯᖏᓐᓄᓪᓗ ᓇᖕᒥᓂᖅ−ᓇᓗᓇᐃᖅᓯᒪᔪᑦ ᓄᓇᖃᖅᑳᖅᓯᒪᔪᑦ, ᐃᓄᐃᑦ ᖃᓪᓗᓈᖑᙱᑦᑐᑦ ᐊᒻᒪ ᐅᕕᓂᖃᖃᑎᒌᙱᑦᑐᑦ ᓴᓇᙳᐊᖅᑎᑦ, ᐊᔪᕈᑎᖃᖅᑐᑦ ᓴᓇᙳᐊᖅᑏᑦ, ᐊᕐᓇᐃᑦ ᐊᒻᒪ LGBTQ2S ᑎᓕᐅᖅᑕᐅᕗᑦ.
ᑖᓐᓇ ᐱᕕᔅᓴᖅᑎᑦᑎᓂᐅᔪᖅ ᐱᔾᔪᑎᖃᖅᑐᖅ ᐃᑲᔪᖅᑕᐅᒋᐊᒃᑲᕈᑎᔅᓴᖏᓐᓄᑦ ᓴᓇᙳᐊᖅᑏᑦ. ᓴᓇᙳᐊᖅᑎ ᐃᓄᒃ ᐃᓕᓐᓂᐊᕐᓂᖃᖅᓯᒪᔪᖅ (ᐃᓕᖅᑯᓯᖅᑎᓪᓘᓐᓃᑦ ᐊᒻᒪᓗ/ᐅᕝᕙᓗᓃᑦ ᐃᓕᓐᓂᐊᕐᕕᒻᒥ ᐊᒻᒪ ᖃᐅᔨᒪᓂᖃᕐᓗᓂ ᓴᓇᐅᒐᓕᕆᓂᕐᒥᑦ; ᓴᓇᐅᒐᓕᐅᕈᒪᓂᕐᒥᓄᑦ ᑐᓂᓯᒪᓂᖃᓪᓚᑦᑖᕐᓗᓂ ᐊᒻᒪ ᐃᖅᑲᓇᐃᔮᓪᓚᑦᑖᕆᓗᒍ ᐃᓅᓯᖓᓐᓂᑦ; ᐃᓕᓴᕆᔭᐅᓗᓂ ᓴᓇᙳᐊᖅᑎᐅᖃᖏᓐᓄᑦ ᓴᓇᐅᒐᓕᕆᔨᐅᓂᖓᓂᑦ ᐅᕙᓗ "ᓴᓇᙳᐊᖅᑎ". ᐃᓚᖃᖅᑐᖅ, ᑭᓯᐊᓂ ᑖᒃᑯᑑᙱᑦᑐᑦ ᒪᑯᐊ ᑎᑎᖅᑲᓕᐅᕐᓂᖅ, ᐃᙱᐅᓯᓕᐅᕐᓂᖅ, ᑕᕐᕆᔮᔅᓴᓕᐅᕐᓂᖅ, ᑕᐅᑐᕋᓐᓈᖅᑎᑦᑎᓂᕐᒧᑦ, ᑕᑯᔭᔅᓴᓕᐊᓂᑦ ᓴᖅᑭᑎᑦᑎᓂᖅ, ᓴᖅᑭᑎᑦᑎᔨᐅᓂᕐᒥᑦ, ᑕᐅᑦᑐᔅᓴᖏᓐᓂᑦ ᐋᖅᑭᔅᓱᐃᔨᐅᓂᖅ ᐊᒻᒪ ᐊᓐᓅᕌᓕᐅᕐᓂᖅ.
ᓱᓇᐅᒻᒪᑦ ᑭᒃᑯᑐᐃᓐᓇᕐᓄᑦ ᓴᓇᐅᒐᑦ?
ᑭᒃᑯᑐᐃᓇᑦ ᓴᓇᐅᒐᖏᑦ ᑭᓱᑐᐃᓐᓇᐅᕗᑦ ᓴᓇᐅᒐᐅᓪᓗᑎᒃ ᓴᖅᑭᔮᖅᑎᑕᐅᔪᑦ ᓇᓗᓇᐃᖅᓯᒪᔪᒥᑦ ᐃᓂᒥᑦ ᑭᒃᑯᑐᐃᓐᓇᓄᑦ ᐊᑐᖅᑕᐅᕙᒃᑐᑦ ᑕᑯᔭᐅᕙᒃᖢᑎᓪᓘᓐᓃᑦ. ᑭᒃᑯᑐᐃᓐᓇᕐᓄᑦ ᓴᓇᐅᒐᓕᕆᓂᖅ ᐃᓄᓐᓂᑦ ᑲᑎᑎᑦᑎᓂᕐᒥᑦ ᐃᓚᒋᒻᒪᒍ, ᓄᓇᓕᒻᒥᑦ ᐅᐱᒍᓲᑎᖃᓂᕐᕐᒥᑦ ᐊᒻᒪ ᐃᓚᒋᔭᐅᖃᑕᐅᓂᕐᒥᑦ, ᐊᒻᒪ ᐃᓄᐃᑦ ᐃᓅᓯᖏᓐᓂᑦ ᐱᐅᓯᕚᓪᓕᖅᑎᑦᑎᓂᕐᒥᑦ.
ᐆᒃᑑᑎᒋᓗᒍ ᐅᑯᐊ ᒥᙳᐊᖅᓯᒪᔪᑦ ᐊᑭᓐᓇᕐᒥᐅᑕᑦ; ᐊᖏᔪᑦ ᓴᓇᙳᐊᒐᑦ; ᓯᓚᒥ ᐃᓕᐅᖅᑲᖅᓯᒪᔪᑦ; ᖃᕆᓴᐅᔭᒃᑯᑦ ᐊᔾᔨᙳᐊᑦ ᐃᓕᓯᒪᐃᓐᓇᖅᑐᑦ ᐃᓕᓯᒪᓚᐅᑲᒃᑐᓪᓗ ᓂᐱᖃᖅᑐᑦ; ᖃᐅᒪᔪᑦ, ᑕᕐᕆᔮᒃᓴᑦ; ᐃᓂᒋᔭᐅᔪᒥᑦ ᒧᒥᖅᑐᑦ, ᖁᙱᐊᖅᑕᐅᕕᖕᒥ, ᐃᓄᐃᑦ ᐱᙳᐊᕈᓯᖏᑦ ᐊᓯᖏᓪᓘᓐᓃᑦ ᒥᖑᐊᖅᓯᒪᔪᑦ ᑭᒃᑯᑐᐃᓐᓇᓂᒃ ᐃᓚᐅᑎᑦᑎᕙᒃᑐᑦ.
ᑐᔅᓯᕋᐅᑎᓕᐊᕆᔭᑦ ᐃᓚᖃᕆᐊᖃᖅᑐᖅ ᐃᓂᒋᔭᐅᔪᓐᓇᕋᔭᖅᑐᒥᒃ ᓇᓗᓇᐃᖅᓯᓯᒪᓗᓂ ᑖᓐᓇ ᓴᓇᐅᒐᓕᐊᖑᔪᑦ ᓴᖅᑭᔮᖅᑎᑕᐅᕕᒋᓇᔭᖅᑕᖓᓐᓂᑦ, ᐋᖅᑭᔅᓯᕕᒋᔪᒪᔭᕕᑦ ᐃᓂᖓ ᐅᕙᓗ ᑕᐅᑐᕋᓐᓈᖅᑎᑦᑎᕕᐅᓇᔭᖅᑐᒥᑦ.
ᑖᓐᓇ ᐊᐃᑦᑑᑏᐅᔪᖅ ᑭᓱᓄᑦ ᐊᑭᓕᐅᑕᐅᔪᓐᓇᕋᔭᖅᐸ?
- ᓴᓇᒍᐊᖅᑎᓄᑦ ᐊᑭᓕᖅᓱᕆᐊᓖᑦ ᐱᕙᓪᓕᐊᑎᑦᑎᓇᓱᑎᓪᓗᒋᑦ ᐋᖅᑭᔅᓱᐃᓂᕐᒥᑦ, ᓴᓇᒪᓂᖓᑕ ᑕᐅᑦᑐᒃᓴᖓᓐᓂᑦ, ᓴᓇᔭᐅᓂᐊᖅᑐᖅ ᖃᓄᐃᓕᖓᓂᐊᕐᒪᖔᖅ ᐊᒻᒪ ᓴᓇᔭᐅᓕᕐᓂᖓ; ᑕᒪᒃᑯᐊ ᐊᑭᓕᖅᓱᕆᐊᓖᑦ ᐊᑭᑐᓂᖅᓴᐅᔪᓐᓇᕐᒪᑕ ᖃᑦᑏᓐᓇᐅᓛᖑᔪᓐᓇᖅᑐᒥᑦ ᐃᓅᓇᓱᐊᕐᓂᕐᒧᑦ ᐊᑭᓕᖅᓱᕆᐊᓕᓐᓄᑦ ᐅᓪᓗᓄᑦ ᖃᑦᑎᓄᑦ ᐱᓕᕆᐊᖃᖅᑎᓪᓗᒋᑦ (ᓲᕐᓗ ᐃᓪᓗᒧᑦ ᐊᑭᓕᖅᓱᕆᐊᓖᑦ, ᓂᕿᑖᕈᑎᓄᑦ, ᑐᓴᐅᒪᖃᑦᑕᐅᑎᔾᔪᑎᓄᑦ, ᐱᖁᑎᑖᓄᑦ ᐊᒻᒪ ᐱᔨᑦᑎᕈᑎᓄᑦ ᑖᒃᓯᔭᕈᑏᑦ ᐊᒻᒪ ᐅᑎᖅᑐᔅᓴᓄᑦ ᑖᒃᓯᔭᕈᑏᑦ)
- ᐱᔭᕆᐅᖅᓴᖅᑎᑦᑎᓂᕐᒧᑦ ᐊᑭᓕᖅᓱᕆᐊᓖᑦ ᓴᓇᙳᐊᖅᑎᐅᓕᒪᔪᒥᑦ ᐃᓕᓐᓂᐊᖅᑎᑦᑎᔨᖃᕐᓗᑎᑦ ᓄᑲᖅᑎᐅᓂᖅᓴᓄᑦ ᓴᓇᙳᐊᖅᑎᓄᑦ
- ᓄᓇᓖᑦ ᐃᓚᐅᑎᑕᐅᓂᖏᑦ ᖃᓄᐃᓕᐅᖅᑎᑦᑎᒍᑕᐅᔪᓂᑦ ᒪᓕᓪᓗᒋᑦ ᑕᒪᒃᑯᐊ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂᑦ ᒪᓕᒋᐊᖃᖅᑎᑕᐅᔪᑦ ᓴᓇᒪᓂᖓᑕ ᑕᐅᑦᑐᒃᓴᖓ ᐊᒻᒪ ᓴᓇᐅᒐᔅᓴᓕᐅᖅᑎᓪᓗᒋᑦ, ᐃᓂᔅᓴᖓᑕ ᓂᕈᐊᖅᑕᐅᓂᖓᑕᓗ ᐊᒻᒪ ᐊᓯᖏᑦ ᐱᔭᕆᐊᓖᑦ ᐱᓕᕆᐊᔅᓴᒧᑦ ᐊᑐᖅᑕᐅᖃᑦᑕᖅᑐᑦ
- ᐱᓕᕆᐊᔅᓴᐅᓕᐅᕐᓂᕐᒧᑦ ᐸᕐᓇᓂᖅ ᐊᒻᒪ ᐊᐅᓚᑕᐅᓂᔅᓴᖓᑕ, ᒪᑯᐊᓗ ᖃᐅᔨᓇᓱᓐᓂᖅ ᓈᒻᒪᑦᑐᓂᑦ ᓴᓇᐅᒐᓕᐅᖅᑕᐅᓂᐊᖅᑐᓂᑦ ᐊᒻᒪ ᐋᖅᑭᒋᐊᕈᑎᒃᓴᓂᑦ ᓯᓚᒥ ᐱᖁᑎᓂᑦ ᐊᒻᒪ ᖃᕆᓴᐅᔭᒃᑯᑦ ᐋᖅᑭᔅᓱᕈᑎᔅᓴᖏᑦ, ᖃᓄᐃᓕᖓᓂᔅᓴᖏᑦ ᐋᖅᑭᓱᖅᑕᐅᓂᐊᖅᑎᓪᓗᒋᑦ, ᐋᖅᑭᐅᒪᑎᑕᐅᓂᔅᓴᖓᓐᓄᑦ ᓴᓇᙳᐊᖅᑕᐅᔫᑉ, ᐊᒻᒪ ᑭᒃᑯᑐᐃᓐᓇᕐᓂᑦ ᐊᑦᑕᕐᓇᖅᑕᐃᓕᒪᑎᑦᑎᓂᕐᒧᑦ
- ᐊᑭᖏᑦ ᑐᓴᐅᒪᖃᑦᑕᐅᑎᔾᔪᑎᓄᑦ ᐱᓕᕆᐊᔅᓴᐅᔪᑦ ᐃᓚᒋᔭᐅᖃᑕᐅᔪᓄᑦ (ᐅᖄᓚᐅᑎᓄᑦ, ᐃᑭᐊᖅᑭᕕᒃᑰᕈᑎᖏᓐᓄᓪᓗ ᐊᑭᓕᖅᓱᕆᐊᓖᑦ)
- ᐊᔾᔨᖃᙱᑦᑐᒥᑦ ᓴᓇᙳᐊᒐᓕᐅᕐᓂᕐᒥᑦ ᑭᒃᑯᑐᐃᓐᓇᕐᓄᑦ ᐅᐸᑦᑕᐅᖃᑦᑕᖅᑐᒥᑦ ᒪᑐᐃᖓᔪᓄᑦ ᐅᑯᐊᓗ ᐃᓚᒋᓗᒋᑦ
- ᐊᑐᖅᓯᒪᖏᑦᑐᓂᑦ ᓴᓇᙳᐊᒐᔅᓴᓂᑦ ᐊᑐᖅᓯᒪᙱᑦᑐᓂᑦ ᓂᐅᕕᕐᓂᖅ, ᓴᓇᓐᖑᐊᕈᑎᓂᑦ ᐱᖁᑎᓂᓪᓗ
- ᓴᓇᙳᐊᒐᖅ ᓴᓇᔭᐅᓕᖅᑎᓪᓗᒍ, ᐱᓕᕆᐊᖑᕙᓪᓕᐊᓕᕐᓂᖓ
- ᓂᐅᕕᕐᓂᖅ/ᐊᑐᖅᑐᐊᕐᓂᖅ/ᖃᕆᓴᐅᔭᒃᑯᑦ ᓴᖅᑭᑎᑦᑎᕙᓪᓕᐊᓂᕐᒧᑦ ᐱᖁᑏᑦ ᐊᒻᒪ ᐱᔨᑦᑎᕈᑎᓄᑦ (ᒪᑯᐊ ᓲᕐᓗ ᓂᐱᖃᐅᑎᓄᑦ ᓂᐱᓕᐅᕈᑏᑦ ᐊᒻᒪ ᑕᕐᕆᔮᒃᓴᓂᑦ ᓇᑲᑎᕆᓂᖅ)
- ᓴᓇᙳᐊᕐᕕᐅᓂᐊᖅᑐᖅ ᐊᑐᐃᓐᓇᕈᖅᓴᖅᑕᐅᓂᖓ ᐊᒻᒪ ᐋᖅᑭᔅᓯᕕᐅᓂᐊᖓᓄᑦ ᓴᓇᙳᐊᖅᑕᐅᔪᒥᓂᑦ ᐃᓄᐃᑦ ᑭᒃᑯᑐᐃᓐᓇᑦ ᐊᑦᑕᕐᓇᖅᑐᒦᑦᑕᐃᓕᑎᑕᐅᓗᑎᑦ ᐊᒻᒪ ᐅᓗᕆᐊᓇᙱᑦᑐᒥᑦ ᐃᓱᒪᒋᔭᐅᓗᑎᓪᓗ
- ᑎᑎᕋᖅᑕᐅᕙᓪᓕᐊᓗᓂ ᐱᓕᕆᐊᖑᕙᓪᓕᐊᓂᖓ ᑖᔅᓱᒪ ᓴᓇᙳᐊᖅᑕᐅᔫᑉ ᑭᒃᑯᑐᐃᓐᓇᕐᓄᑦ ᑕᑯᔭᐅᔪᓐᓇᖅᑐᖅ (ᐊᔾᔨᓕᐅᖅᑕᐅᓗᓂ ᐱᐅᔪᔅᓴᔭᓐᓄᑦ ᐊᔾᔨᓕᐅᕈᑎᓄᑦ ᐊᒻᒪ ᑎᑎᖅᑲᖃᕐᓗᓂ ᖃᓄᐃᓕᐅᖅᐸᓪᓕᐊᓂᐅᔪᒥᑦ ᓴᙳᐊᖅᑎᐅᓪᓗ ᖃᓄᐃᓕᖓᑎᓐᓂᐊᕐᒪᖔᒍ ᐱᔭᕇᖅᐸᒍ.)
ᐊᖏᑎᒋᔪᒥᒃ ᐃᑲᔫᑎᒥᒃ
• ᒥᑭᓐᓂᖅᐹᒥᑦ ᐊᐃᑦᑑᑕᐅᔪᑦ $5,000
• ᐊᖏᓂᖅᐹᒥᑦ ᐊᐃᑦᑑᑕᐅᔪᑦ $50,000
ᓴᓇᐅᒐᖅᑏᑦ ᐃᑲᔪᖅᓯᒋᐊᓖᑦ ᐊᑖᓂᐊᓐᖏᑦᑐᖅ 10% ᐊᐅᓚᓂᕐᒧᑦ ᐊᑭᓕᕆᐊᓕᓐᓄᑦ ᑮᓇᐅᔭᖃᖅᑎᑦᓯᒍᑕᐅᔪᓄᑦ. ᐊᓯᓕᒫᖏᑦ ᑐᑦᓯᕋᖅᑐᑦ ᐃᑲᔪᖅᓯᒋᐊᓖᑦ 20%−ᓂᒃ ᐊᑭᒋᔭᐅᔪᓄᑦ ᓇᐅᑐᐃᓐᓇᕐᒧᑦ ᐊᐅᓚᓂᕐᒧᑦ ᑮᓇᐅᔭᖃᖅᑎᑦᓯᒍᑕᐅᔪᒧᑦ. ᐱᖃᓯᐅᑎᒍᓐᓇᖅᑐᑦ ᑮᓇᐅᔭᑎᒎᓐᖏᑦᑐᑦ ᐃᑲᔫᑕᐅᔪᑦ ᐅᕝᕙᓗ ᑮᓇᐅᔭᑎᒍᑦ ᐃᑲᔫᑕᐅᔪᑦ.
ᑐᒃᓯᕋᐅᑎᓄᑦ ᐃᓱᓕᕝᕕᑦᓴᖓ
ᒪᑐᔭᐅᓴᕋᐃᓐᓂᖅᓴᐅᑉᐸᑦ ᑐᒃᓯᕋᐅᑎᓄᑦ ᐃᓱᓕᕝᕕᒃᓴᖓ: ᓇᒡᒐᔾᔭ, ᐋᒌᓯ 10 10ᒧᐊᖅᐸᑦ ᐅᓪᓛᒃᑯᑦ (ᑲᓇᖕᓇᒥ)
ᒪᑐᓴᓇᓵᕐᓂᖅᑕᐅᑉᐸᑦ ᑐᒃᓯᕋᐅᑎᓄᑦ ᐃᓱᓕᕝᕕᒃᓴᖓ: ᐊᐃᑉᐱᕐᒥᑦ, ᓰᑏᕝ 1 10ᒥᑦ ᐅᓪᓛᒃᑯᑦ (ᑲᓇᖕᓇᒥ)
ᓇᒦᒍᓐᓇᖅᑎᑕᐅᕙ ᐱᓕᕆᐊᔅᓴᕆᔪᒪᔭᐃᑦ ᑲᒪᒋᓗᒍ
ᓇᓪᓕᐊᑐᐃᓐᓇᖅ ᓄᓇᓕᖏᓐᓂᑦ ᓄᓇᕗᒻᒥ
ᖃᓄᖅ ᑐᔅᓯᕋᐅᑎᓕᐅᕈᓐᓇᕐᒪᖔᖅᐱᑦ
- ᐊᖅᑭᒃᓯᓗᑎᑦ ᖃᓄᐃᑦᑐᒥᒃ ᑭᒃᑯᑐᐃᓐᓇᑦ ᓴᓇᐅᒐᖏᓐᓂᒃ ᐱᓕᕆᑎᑦᑎᔪᒪᕐᒪᖔᖅᐱᑦ ᓄᓇᔅᓯᓐᓂ.
- ᐅᖃᖃᑎᖃᕐᓗᑎᑦ ᕼᐋᒪᓚᒃᑯᓐᓂ, ᐃᓕᖅᑯᓯᓕᕆᔨᒃᑯᓐᓂ ᐅᕝᕙᓘᓐᓃᑦ ᓄᓇᓕᖕᓂ ᓇᖕᒥᓂᓕᖕᓂᑦ, ᐅᖃᐅᓯᖃᕐᓗᓯ ᓇᓂ ᐃᓂᒃᓴᖃᕈᓐᓇᕋᔭᕐᒪᖔᑦ ᐃᓱᒪᒋᔭᔅᓯᓐᓄᑦ. ᐱᓕᕆᔪᒪᓂᕐᒧᑦ ᑎᑎᕋᖅᓯᒪᔪᒥᒃ ᐱᓗᑎᑦ ᐃᓂᒋᔭᖓᓂ ᓇᖕᒥᓂᓕᖕᒥᑦ.
- ᑭᓇᒥᒃᑭᐊᖅ ᐱᓕᕆᖃᑎᒋᓂᐊᖅᑕᕐᓂᒃ ᐃᓱᒪᓗᑎᑦ ᐱᓕᕆᐊᕆᔪᒪᔭᐃᑦ ᓴᖅᑭᑦᑐᓐᓇᕐᓂᐊᕐᒪᑦ.
- ᑐᒃᓯᕋᐅᑎ ᑎᑎᕋᕐᓗᒍ ᐱᓕᕆᐊᕆᔪᒪᔭᐃᑦ ᓇᓗᓇᐃᔭᕐᓗᒍ ᐊᒻᒪ ᐱᓕᕆᓕᕈᕕᑦ ᐱᓕᕆᖃᑎᒋᓂᐊᖅᑕᑎᑦ.
- ᐃᓱᒪᒋᓗᒍ ᐱᓕᕆᐊᕆᔪᒪᔭᐃᑦ ᖃᔅᓯᑐᕐᓂᐊᕐᒪᖔᑦ ᓴᖅᑭᑦᑎᓇᓱᒃᑎᓪᓗᑎᑦ ᐊᒻᒪ ᑭᓇᐅᔭᖅᑑᑎᒃᓴᓄᑦ ᑎᑎᕋᕆᐊᓕᒃ ᑎᑎᕋᕐᒥᓗᒍ.
- ᐃᑲᔪᖅᑕᐅᑎᓪᓗᑎᑦ ᐊᐱᖁᑎᔅᓴᖃᕈᕕᑦ.
ᖃᓄᖅ ᐱᓇᔪᒃᑐᖃᕈᓐᓇᖅᐸ
ᐱᔭᕆᐊᖃᓪᓚᕆᒃᑐᖅ ᑎᑎᕐᕕᒋᔭᕆᐊᓕᒃ
- ᑎᑎᕌᓂᒃᓯᒪᔪᒥᑦ ᑐᒃᓯᕋᐅᑎᒥᒃ
- ᐱᓕᕆᐊᒃᓴᒧᑦ ᑮᓇᐅᔭᖅᑑᑎᒃᓴᑦ ᑎᑎᕌᓂᒃᓯᒪᔪᖅ
- ᓴᓇᙳᐊᖅᑎᑦ, ᑲᔪᖏᖅᓴᐃᔨᑦ ᐊᒻᒪ ᐱᓕᕆᐊᒃᓴᑦ ᐊᐅᓚᑦᑎᔨᖏᑕ ᐃᖅᑲᓇᐃᔮᕆᓯᒪᔭᖏᑦ ᑎᑎᕋᖅᓯᒪᔪᑦ, ᐱᔭᕆᐊᖃᖅᐸᑦ ᑕᑯᑎᑦᑎᓗᑎᒃ ᐃᓕᓐᓂᐊᖅᓯᒪᔭᖏᓐᓂᒃ ᑭᓱᑐᐃᓐᓇᓂᒃ, ᓴᖅᑭᔮᖅᑎᖃᑦᑕᖅᓯᒪᔭᖏᓐᓂᒃ, ᐃᓕᓴᕆᔭᐅᔾᔪᓯᐊᖏᓐᓂᒃ ᐊᒃᑐᐊᓂᓕᖕᓂᓪᓗ ᐱᓕᕆᐊᕆᖃᑦᑕᖅᓯᒪᔭᖏᓐᓂᒃ (ᒪᒃᐱᖅᑐᒐᖅ ᒪᕐᕉᒃ ᑐᖔᓂᐅᙱᑦᑐᑦ ᐱᓕᕆᖃᑎᒌᖑᔪᓄᑦ ᐊᑐᓂ)
- ᐱᓕᕆᐊᒃᓴᖏᑦ: 5ᒥᑦ 8−ᒧᑦ ᑎᑭᓪᓗᒍ ᐊᔾᔨᙳᐊᑦᑎᐊᕙᖕᓂᑦ ᑎᑎᕋᐅᔭᖅᑕᐅᓯᒪᔪᓂᑦ ᓴᓇᙳᐊᖅᑎᒧᑦ ᐊᐅᓚᑕᐅᔪᒥᒃ ᐊᒻᒪ/ᐅᕝᕙᓘᓐᓃᑦ ᑲᔪᖏᖅᓴᐃᔨᒧᑦ − ᖃᕆᓴᐅᔭᒃᑰᖅᑕᐅᓯᒪᔪᒥᒃ ᐊᔾᔨᙳᐊᒥᒃ ᓇᒃᓯᐅᔾᔨᓗᑎᑦ ᐃᕐᙲᓐᓈᖅᑕᐅᒃᑯᑦ (ᐊᑐᓂ ᐊᔾᔨᙳᐊᑦ 2 mb ᑐᖔᓃᑦᑕᕆᐊᖃᖅᐳᑦ) ᐅᕝᕙᓘᓐᓃᑦ ᐊᑦᑕᑕᕐᕕᐅᔪᓐᓇᖅᑐᒥᒃ ᐊᖅᑭᒃᓯᓗᑎᑦ ᐃᑭᐊᖅᑭᕕᒃᑯᑦ ᐱᓕᕆᐊᒃᓴᕐᓂᑦ
- ᐱᓕᕆᔪᒪᓂᕐᒧᑦ ᑎᑎᖅᑲᒥᒃ ᐃᓂᒋᔭᐅᔪᒪᔫᑉ ᓇᖕᒥᓂᖃᖅᑎᑕᖓᓂ
- ᐃᑲᔪᖅᑐᐃᔪᒥᒃ ᑎᑎᕋᖅᓯᒪᔪᒥᒃ ᑕᑯᒃᓴᐅᑎᑦᑎᓗᓂ ᓄᓇᓕᖕᓂ ᐃᓚᐅᑎᑦᑎᓂᖏᓐᓂᒃ − ᐃᓚᐅᖃᑕᐅᔪᓂᑦ ᓴᓇᙳᐊᖅᑎᓂᙶᕈᓐᓇᖅᑐᑦ, ᑲᔪᖏᖅᓴᐃᔨᓂᑦ, ᑮᓇᐅᔭᓕᐅᕋᓱᒃᑎᐅᙱᑦᑐᓄᑦ ᑲᑐᔾᔨᖃᑎᒌᓂᑦ, ᓇᖕᒥᓂᓕᖕᓂᑦ, ᕼᐋᒪᓚᒃᑯᓐᓂ
ᖃᓄᐃᑦᑐᓂᑦ ᐃᓱᒪᒋᔭᖃᕆᐊᖃᕐᒪᖔᖅᐱᑦ ᑖᓐᓇ ᐃᓂᒋᔭᐅᖁᔭᐅᔪᖅ ᐱᓪᓗᒍ ᐊᒻᒪ ᐋᖅᑭᐅᒪᑎᖃᑦᑕᕆᐊᖃᕐᓂᖓᓄᑦ ᓴᓇᙳᐊᒐᓕᕐᕕᐅᓂᐊᖅᑐᖅ
- ᐃᓪᓘᑉ ᐃᓗᐊᓃᒃᑲᓗᐊᖅᐸᑦ ᓯᓚᒥᓘᓐᓃᑦ, ᑕᑯᔭᐅᖃᑦᑕᕐᓂᐊᕐᒪᑦ ᐃᓄᓐᓄᑦ ᑭᒃᑯᑐᐃᓇᕐᓄᑦ ᐊᒻᒪ ᐃᓱᒪᖅᓱᕐᓗᑎᓪᓗ ᐊᑦᑕᕐᓇᖏᑦᑐᒥᓪᓗ ᑲᒪᒋᔭᐅᔪᓐᓇᖃᑦᑕᕐᓂᐊᕐᒪᑕ.
- ᓄᓇᕗᑦ ᒐᕙᒪᒃᑯᖏᑦ ᐊᑭᓖᖃᑦᑕᕐᒪᑕ ᓴᖅᑭᑕᐅᔪᓂᑦ ᐊᒻᒪ ᐱᕙᓪᓕᐊᑎᑕᐅᔪᓂᑦ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᑕᑯᔭᔅᓴᐅᓂᐊᖅᑐᓂᑦ ᓴᓇᙳᐊᒐᕐᓂᑦ ᑭᓯᐊᓂ ᐱᖁᑎᑖᕆᖃᑦᑕᖏᑦᑕᖏᑦ ᑕᒪᒃᑯᐊ ᓴᓇᔭᐅᔪᑦ ᐅᕙᓗ ᑲᒪᔨᐅᙱᒻᒪᑕ ᐃᓂᒋᔭᐅᔪᒥᑦ ᓴᖅᑭᔮᖅᑎᑦᑎᕕᐅᔪᒥᑦ, ᑭᓯᐊᓂ ᓇᒻᒥᓂᖅᑖᕐᓂᕋᕐᓗᑎᑦ ᐊᖏᖃᑎᒌᒍᑕᐅᔪᒥᑦ ᓇᓗᓇᐃᖅᓯᑉᐸᑕ.
- ᓄᓇᕗᑦ ᒐᕙᒪᒃᑯᖏᑦ ᐊᑭᓖᔭᕆᐊᓖᑦ ᑭᓱᑐᐃᓐᓇᕐᒧᑦ ᓇᓪᓕᐅᒃᑯᒫᖏᓐᓂᑦ ᓵᑕᔅᓴᐅᔪᓐᓇᕐᓂᖏᓐᓄᑦ ᓴᓇᙳᐊᒐᕐᓄᑦ ᑕᒪᒃᑯᓇᙵᑦ ᓴᖅᑭᖅᑐᓂᑦ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᓴᓇᙳᐊᒐᕐᓂᑦ ᓴᖅᑭᑎᑕᐅᔪᓂᑦ ᐊᒻᒪ ᐊᑐᓂᑦ ᓴᓇᙳᐊᖅᑏᑦ ᐊᑦᑎᖅᑕᐅᓯᒪᓗᑎᑦ, ᑲᑐᔾᔨᖃᑎᒌᖑᔪᓪᓗ ᐊᒻᒪ ᐃᓂᖃᕐᕕᒋᔭᖓᓐᓂᑦ ᐱᖁᑎᖃᖅᑎᐅᔪᓂᑦ ᐃᓚᒋᔭᐅᔪᓂᑦ ᓇᓪᓕᐅᒃᑯᒫᓕᖅᑕᐅᓂᖏᓐᓄᑦ
- ᐱᔪᓐᓇᐅᑏᑦ ᐊᒻᒪ ᐱᔪᓐᓇᖅᑎᑕᐅᓂᖏᑦ ᐊᖏᖅᑕᐅᓂᕐᒧᑦ ᐱᔭᐅᔭᕆᐊᓖᑦ ᓇᑭᑐᐃᓐᓇᖅ ᐱᑎᑦᑎᔨᐅᔪᒥᑦ, ᐊᒻᒪᓗ ᕿᒥᕐᕈᔨᑖᕐᓂᕐᒥᑦ ᓴᓇᔨᒻᒪᕆᒻᒥᑦ ᐊᔪᙱᔾᔪᑎᖃᖅᑐᒥᑦ (ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᒧᑦ ᐱᔭᐅᔪᓐᓇᖅᑐᖅ) ᓇᓪᓕᐊᓐᓄᑐᐃᓐᓇᖅ ᑕᐃᔭᐅᔪᒧᑦ ᐃᓂᖃᕐᕕᐅᓂᐊᖅᑐᒧᑦ ᐅᕙᓗ ᐋᖅᑭᔅᓯᕕᐅᓂᐊᑐᒧᑦ ᑲᒪᒋᔭᐅᓂᐊᕐᓂᑕ ᐱᔭᕆᐊᓕᖏᓐᓂᑦ.
- ᓇᒻᒥᓂᖃᖅᑎᐅᔪᖅ ᐃᓂᒋᔭᐅᓂᐊᖅᑐᒥᑦ ᓇᓪᓕᐊᓐᓂᑐᐃᓐᓇᖅ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᑕᑯᔭᐅᔪᓐᓇᕐᕕᐅᔪᒥᑦ ᓴᓇᙳᐊᒐᕐᒥᑦ ᐋᖅᑭᔅᓯᕕᐅᔪᒥᑦ/ᑕᑯᔅᓴᐅᑎᑦᑎᕕᐅᔪᒥᑦ/ᑕᐅᑐᕌᓐᓇᖅᑎᑦᑎᕕᐅᔪᒥᑦ ᑲᒪᔨᒋᔭᐅᓂᐊᖅᑐᖅ ᑖᔅᓱᒥᖓ ᐃᓕᔭᐅᔪᒥᑦ ᓴᓇᙳᐊᒐᕐᒥᑦ, ᐋᖅᑭᐅᒪᑎᑕᐅᔭᕆᐊᖃᕐᓂᖓᓂᑦ ᐊᒻᒪ ᐊᐅᓚᑦᑎᓂᐅᔪᒥᑦ ᐃᓄᓐᓂᑦ ᑭᒃᑯᑐᐃᓐᓇᕐᓂᑦ ᐊᑦᑕᕐᓇᖏᑦᑐᒦᑎᑦᑎᔭᕆᐊᖃᓂᕐᒧᑦ ᐃᓱᒫᓘᑕᐅᔪᓂᑦ. ᑎᑎᖅᑲᕐᒥᑦ ᐱᖃᓯᐅᔾᔨᔭᕆᐊᖃᖅᑐᑎᑦ ᐱᔪᒪᓂᖃᕐᓂᕋᖅᑐᓂᑦ ᑖᔅᓱᒧᖓ ᑐᔅᓯᕋᐅᑎᒧᑦ. ᑮᓇᐅᔭᖅᑖᕈᓯᐊᓂᑦ ᐱᑎᑕᐅᒍᕕᑦ, ᑕᐃᓐᓇ ᐃᓂᒋᓂᐊᖅᑕᖓ ᐱᒻᒪᕆᐅᕗᖅ ᓯᕗᓪᓕᖅᐸᐅᑎᓗᒍ ᐱᓕᕆᐊᕆᓂᐊᖅᑕᓐᓂᑦ.
- ᓴᓇᙳᐊᖅᑏᑦ ᐱᓯᒪᐃᓐᓇᕐᓂᖅ ᐃᓱᒪᒃᓴᖅᓯᐅᕐᓂᕐᒥᑦ ᐱᓕᕆᐊᖏᓐᓄᑦ. ᓂᐅᕕᐊᒃᓴᖃᕈᓐᓇᖅᑐᑦ ᐊᔾᔨᙳᐊᓂᑦ ᐅᕝᕙᓘᓐᓃᑦ ᓴᓇᙳᐊᒐᕐᓂᑦ ᓈᒻᒪᒋᔭᒥᖕᓂᑦ.
ᖃᓄᖅ ᑮᓇᐅᔭᖅᑖᕈᓯᐊᑦ ᐃᓱᒪᓕᐅᕈᑎᒋᔭᐅᖃᑦᑕᖅᐸᑦ?
ᑖᓐᓇ ᓴᓚᒃᓴᕋᓱᒍᑕᐅᓂᐊᖅᑐᖅ. ᐱᔭᐅᔭᕆᐊᓕᒃ ᒪᓕᒋᐊᓕᓐᓂᑦ ᐱᓕᕆᐊᔅᓴᓕᕆᔨᐅᔪᓄᑦ ᑖᔅᓱᒥᖓ ᑲᒪᔪᒧᑦ ᓇᓗᓇᐃᖅᑕᐅᓂᐊᖅᑐᑦ. ᑐᔅᓯᕋᖅᑎᐅᔪᑦ ᓈᒻᒪᒋᔭᐅᔪᓂᑦ ᐊᑐᕆᐊᓕᓐᓂᑦ ᒪᓕᔅᓯᒪᓂᖃᑦᑎᐊᑐᐊᖅᐸᑦ ᕿᒥᕐᕈᔭᐅᓂᐊᖅᑐᑦ ᓈᓚᑦᑎᐅᔪᓄᑦ ᑖᒃᑯᓄᖓ ᓴᓇᙳᐊᖅᑎᓄᑦ ᖃᐅᔨᒪᔭᐅᓂᖃᑦᑎᐊᖅᑐᓄᑦ.
ᖃᓄᖅ ᐊᑯᓂᐅᑎᒋᔪᒥᑦ ᐋᖅᑭᒍᑎᖃᕐᓂᐊᖅᐸᑦ ᖃᓄᐃᓕᖓᖁᔭᒥᓂᒃ?
ᓂᕆᐅᑉᐳᒍᑦ ᑖᒃᑯᐊ ᕿᒥᕐᕈᓂᐅᔪᑦ ᐱᔭᕇᖅᓯᒪᓂᓛᕐᓂᖏᓐᓂᑦ ᐊᒻᒪ ᑐᓴᐅᒪᑎᑦᑎᓕᕐᓗᑕ ᐊᖏᖅᑕᐅᔪᓂᑦ ᐱᓕᕆᐊᔅᓴᓂᑦ ᐱᓇᓱᐊᕈᓰᑦ ᐱᖓᓱᑦ ᓈᓯᒪᓕᖅᑎᓪᓗᒋᑦ ᑐᔅᓯᕋᐅᑎᓕᐅᕐᓇᐅᑉ ᐅᓪᓗᖓᑕ ᒪᑐᕕᖓ ᐱᒋᐊᕐᕕᒋᓗᒍ.
ᑕᒫᓃᑉᐳᒍᑦ ᐃᑲᔪᕈᒪᓪᓗᑕ
ᑐᑭᓯᒋᐊᒃᑲᓐᓂᕈᒪᒍᕕᑦ ᐃᑲᔪᖅᑕᐅᔪᒪᒍᕕᓪᓘᓐᓃᑦ ᑐᒃᓯᕋᐅᑎᒥᒃ ᑎᑎᕋᖅᑎᓪᓗᑎᑦ, ᐅᕙᓗ ᑐᓂᔭᕆᐊᖃᓕᖅᑎᓪᓗᒍ ᐃᑲᔪᖅᑕᐅᔪᒪᒍᕕᓪᓘᓐᓃᑦ, ᐅᕗᖓ ᑯᕆᔅᑕᕗ ᒍᕐᓚᑦᒧᑦ, ᐅᖃᐅᔾᔪᐃᔨ, ᐳᓚᕋᖅᑐᓕᕆᓂᕐᒧᑦ ᖃᓄᐃᓕᐅᕈᑕᐅᔪᓪᓗ ᐊᐅᓚᑦᑎᔨᖓᓄᑦ ᐅᖄᓚᔪᓐᓇᖅᐳᑎᑦ (867) 975-7804-ᒧᑦ ᐃᕐᙲᓐᓈᖅᑕᐅᒃᑯᓪᓘᓐᓃᑦ @email-ᒧᑦ.
- ᐊᕕᒃᑐᖅᓯᒪᔪᓂ ᓴᓇᐅᒐᕐᓄᑦ ᐅᖃᐅᔾᔨᒋᐊᖅᑎ:
- ᑎᕇᓯ ᑐᖏᓕᒃ ᑭᕙᓪᓕᕐᒧᑦ: (867) 645-8454; [email protected]
- ᓇᑕᓪᔭ ᐅᐊᔅᑦᕗᑦ ᕿᑎᕐᒥᐅᓄᑦ: (867) 982-7456; @email
- ᔨᐅᕆᒥ ᐋᕆᐊᖅ ᕿᑭᖅᑖᓘᑉ ᐅᐊᖕᓇᖓᓄᑦ: (867) 899-7345; @email
- ᔩᓂ ᒥᑐᖅ ᕿᑭᖅᑖᓘᑉ ᓂᒋᐊᓄᑦ: (867) 473-2675; [email protected]
ᒥᓇᕐᓗᒍ ᐱᓇᔫᑎ ᐅᕙᙵᑦ.