ᐃᓱᒪᓕᕆᓂᖅ ᐅᐃᕆᓯᒪᔪᓕᕆᓂᕐᓗ ᑮᓇᐅᔭᕐᓂᑦ ᑐᑦᓯᕋᕐᓂᕐᒧᑦ
ᑭᒃᑯᓕᒫᓄᑦ ᑐᓴᒐᒃᓴᖅ
ᐃᓱᒪᓕᕆᓂᖅ ᐅᐃᕆᓯᒪᔪᓕᕆᓂᕐᓗ ᑮᓇᐅᔭᕐᓂᑦ ᑐᑦᓯᕋᕐᓂᕐᒧᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓱᓕᕆᓂᖅ ᐅᐃᕆᓯᒪᓂᓕᕆᓂᕐᓗ ᐱᓕᕆᕝᕕ ᑮᓇᐅᔭᖅᑖᕈᒪᔾᔪᑎᓂᒃ ᑐᑦᓯᕋᐅᑎᓂᒃ ᐱᔪᓐᓇᖅᓯᕗᑦ ᓱᕐᕋᓇᖅᑐᓂ ᐊᑐᖃᑦᑕᕐᓂᕐᒧᑦ ᐱᓕᕆᐊᖑᔪᒪᔪᓂᑦ 2020-2021−ᒧᑦ ᑮᓇᐅᔭᓕᕆᓂᕐᒧᑦ ᐊᕐᕌᒍ.
ᑮᓇᐅᔭᓕᐅᕋᓱᐊᖅᑎᐅᙱᑦᑐᑦ ᑲᑐᔾᔨᖃᑎᒌᑦ ᓄᓇᓕᖕᓂᒡᓗ ᒐᕙᒪᐃᑦ ᓄᓇᕗᒻᒥ ᑲᔪᖏᖅᓴᐃᕗᑦ ᑐᓂᓯᖁᔨᓪᓗᑎᒃ ᑮᓇᐅᔭᕐᓂᒃ ᑐᒃᓯᕋᐅᑎᓂᒃ ᓄᓇᓕᖕᓂᙶᖅᑐᓂᒃ ᐱᓕᕆᐊᑦᓴᓂ ᐊᑲᐅᖏᓪᓕᐅᕈᓴᐅᔪᓄᑦ ᓱᕐᕋᓇᖅᑐᓂ ᐊᑐᖃᑦᑕᕐᓂᕐᒧᑦ ᐅᐃᕆᓯᒪᓂᖃᕐᓂᕐᒧᓪᓗ ᓄᖅᑲᖓᑎᑦᓯᓂᕐᒥᑦ, ᐃᓅᓕᓴᖅᑕᐅᓂᕐᒧᑦ, ᐋᓐᓂᖅᑎᕆᖃᑦᑕᕐᓂᕐᒥᑦ ᒥᑭᓪᓕᕚᓪᓕᑎᑦᓯᓇᓱᐊᕐᓂᕐᒧᑦ ᑭᖑᓂᖓᒍᓪᓗ ᑲᒪᒋᔭᐅᓯᒪᓕᖅᑎᓪᓗᒋᑦ ᐱᓕᕆᐊᖑᔪᓄᑦ.
ᓱᓕᕆᓂᐅᔪᑦ ᐱᔪᓐᓇᖅᑐᑦ ᑮᓇᐅᔭᖃᖅᑎᑕᐅᓂᕐᒧᑦ, ᑭᓯᐊᓂ ᑭᓪᓕᖃᖏᑦᑐᑦ ᐅᑯᓄᖓ:
• ᒪᒃᑯᑦᑐᓄ ᓱᕐᕋᓇᖅᑐᓂ ᐊᑐᖃᑦᑕᓂᕐᒧᑦ ᓄᖅᑲᖓᑎᑦᓯᓂᕐᒥᑦ.
• ᓱᕐᕋᓇᖅᑐᓂ ᐊᑐᖃᑦᑕᕐᓂᕐᒧᑦ ᐃᓅᓯᓕᕆᔭᐅᓂᕐᒧᑦ ᑭᒃᑯᑐᐃᓐᓇᕐᓄᑦ ᐃᓚᒌᓄᓪᓗ.
• ᐃᓕᖅᑯᓯᑐᖃᖅᑎᒍᑦ ᐱᓕᕆᐊᖑᔪᑦ ᑐᕌᒐᖃᖅᑐᑦ ᐃᓄᓐᓄ ᐅᓗᕆᐊᓇᖅᑐᒦᑦᑐᓄᑦ ᐊᑐᖃᑦᑕᕐᓂᕐᒥᓄᑦ ᐊᑲᐅᙱᓕᐅᕈᑎᖑᖅᑐᓄᑦ.
• ᐋᖅᑭᒃᐸᓪᓕᐊᔪᓄᑦ ᑲᑎᙵᔪᓄᑦ.
• ᐋᓐᓂᑎᖅᕆᓂᕐᒥᑦ ᒥᑭᓪᓕᕚᓪᓕᑎᑦᓯᓇᓱᐊᕐᓂᕐᒧᑦ ᐱᓕᕆᐊᖑᔪᖅ.
• ᐊᑭᑐᔫᑎᓄᑦ ᐱᕙᒌᔭᕐᓂᖅ.
• ᐊᓯᖏᓐᓂᓪᓗ ᐃᓱᒪᑦᓴᖅᓯᐅᕈᓐᓇᑦᓯᐊᕐᓂᕐᒧᑦ ᐅᐃᕆᓯᒪᓂᕐᒧᑦ ᐃᓗᐊᖅᓴᐅᑎᓄᑦ ᐱᓕᕆᐊᖑᔪᑦ.
ᐊᑕᐅᓯᕐᒥᑦ ᑐ5ᓯᕋᕐᓂᖅ ᐅᓄᖅᑐᓄᑦ ᐱᔪᓐᓇᑐᐃᓐᓇᕆᐊᓕᓐᓂᑦ ᑲᔪᖏᖅᓴᐃᕗᑦ ᒪᓕᓪᓗᒋᑦ ᓄᓇᓕᓐᓂᑦ ᐱᔭᕆᐊᖃᖅᑐᑦ. ᑐᑦᓯᕋᐅᑎᑦ ᐃᓱᓕᕝᕕᖃᙱᑐᑦ ᑐᓂᓯᔪᓐᓇᕈᑎᓪᓗ ᐱᔭᐅᓇᔭᖅᑐᑦ ᐊᕐᕌᒍᓕᒫᖏᓐᓂ 2020−2021-ᒧᑦ ᑮᓇᔭᐅᓕᕆᓂᕐᒧᑦ ᐊᕐᕌᒍ, ᑮᓇᐅᔭᖅᑖᕆᔭᐅᒋᐊᖃᖅᑐᑦ ᓈᒻᒪᒃᓯᒃᐸᑕ ᑭᓯᐊᓂ. ᑐᓴᒃᑲᓐᓂᕈᒪᓐᓂᕈᕕᑦ ᖃᓄᖅ ᑐᒃᓯᕋᕈᓐᓇᕐᒪᖔᖅᐱᑦ ᖃᐅᔨᓇᓱᒍᓐᓇᖅᐳᑎᑦ @email
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
@email