Amigaigyuumiyut Gonorrhea aanniaqtut Nunavunmi

Kingulirmik nutaanguqtiqhimajuq Aippiut, Niqiliqivik 25, 2020

Public Health Advisory

Amigaigyuumiyut Gonorrhea aanniaqtut Nunavunmi

Nunavunmi nunallaani, tahapkualluat Qitirmiuni, takuvaktut amigaigyuumiyut aanniarutiniktut imaittumik Gonorrhea.

Gonorrhea inuliarnikkut hiamitiqtauvaktuq aanniarut (STI) aallamut inungmut hiamitpaktuq nuliarnikkut aktuqtauhimayunit. Ikayuqtaaqtut hiamittailitikhanik gonorrhea nunangni aturlugit qayangnaitqiyamik nutliqinirmik (aturlutit uhungmut puukhamik), ihivriuqtaulutillu, ihumagilugit nutliqinirkmk piqatigiyatit (amigaittunik piqatiqaruvit, qayangnatqiyauniaqtuq ilingnut), imaalu havautikhaqtaulutit aanniaruvit.

Gonorrhea nakuuhittaaqtuq havautinut (antibiotics). Kihimi, hvaktaungittumi ulurianaqhitiniaqtuq hilvianganut ukpataingnullu arnani imaalu nutaranilimairlutik tamarmik angutit arnallu. Inuit havautituqtitaungitkumik aanniaqtut taffuminga gonorrhea are angitqiyanik qayangnatqiyauniaqtut aanniaruhirlutik aallamik niluqinikkut hiamittiqtaaqtumik.

Anginiqaqtuq ihivriuqtauguvit ihumaguvit aannialirnahugilutit taffuminga gonorrhea imaaluuniit aallamik STI. Naunaitkutauvaktut mihingnarniit aanniarutim gonorrhea angutinut ilauyut makinirmik uhuanit. Arnani, mihingnautinut ilauyut uluriahungnirmik quilirangamik imaaluuniit maqiniq arnaup angmaninganit. Amigaittut inullaat mihingnautiqangittut aanniarunmit gonorrhea kihimi qayangnaqtut ayuqhautaulayunit.

Gonorrhea ayurnaittuq nakuuhipkautikhaqaqtuq. Hivajadjavatit munaqhinut havaktinut aannialirnahugiguvit gonorrhea imaaluuniit aallamik STI.

###

Tuhaqtipkainikkut Uqarvigijakhaq:

Danarae Sommerville
Tuhaqtidjutikhanut Tutqikhaiyi
Havagviat Aanniaqtailinikkut
867-975-5172
@email

Titiraq(t):

2020-08_pha_hea_gonorrhea_cases_increase_in_nunavut_-_ikw.pdf

Aallanun atqtillugu una makpivia

Email address

Uqarumajarnik titirarlugu?

Quana uqaqvigijatin Nunavut Kavamanga

Tujuqtailutin qajarnaktunik inmiluunniit naunaijautinik, taapkuningalu (kiqliqanggittut): social insurat nampainnik, anniviit, naunaijautaitlu aadla inuit, aanniaqtailirnirmunluunniit naunaijautinik. Tujuinnaklugu naittumik naunaijautimik ihumagijarniq ihumaaluutigijarniqluunniit qanuqlu uqaqvigittaaqtarniq. Naunaittiarniaqtaqqut ihuatqiaq inungmik uqaqvigijarnik naunaittiariami naunaijautinik kiuttaagumiklu apikkuutirnut ihumagijarnikluunniit.