ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓴᖅᑭᑕᐅᕙᓪᓕᐊᔪᑦ - ᐊᐅᒍᔅᑦ 31, 2020
ᐊᐅᒍᔅᑦ 31, 2020
ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᑕᐃᒪᐃᓐᓇᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ.
ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 2321-ᖑᓕᖅᐳᑦ. 346-ᖑᓪᓗᑎᒃ ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ.
ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᖕᓂᕆᔭᖓᓄᑦ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᖁᐊᖅᓵᕐᓇᖅᑐᒧᑦ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᕐᓂᕆᕙᒃᑕᖏᓐᓄᑦ
ᐋᑐᕚᒥ ᕆᓯᑕᓐᔅ ᐃᓐ:
ᓄᓇᕗᒧᙵᐅᓂᖅ ᐅᐸᒃᑕᐅᑦᑕᐃᓕᒪᕝᕕᖕᒥᑦ ᐃᓂᒥᑦ ᐅᕙᓂ ᑲᐋᑐᕚᒥ ᕆᓯᑕᓐᔅ ᐃᓐ−ᒥ, ᑕᒪᓐᓇ ᓄᖅᑲᖅᑎᑕᐅᓚᐅᕐᓂᖓᓂᒃ ᐅᓪᓗᑐᐃᓐᓇᒥ, ᐊᐅᒍᔅᑦ 28−ᒥ, ᐱᒋᐊᒃᑲᓐᓂᖅᓯᒪᓕᕆᕗᖅ. ᓄᒃᑕᖅᓂᖅ ᑭᖑᕙᕆᐊᖅᑎᑕᐅᓚᐅᖅᐳᖅ ᓈᑦᑏᙳᔭᒧᑦ ᐊᐅᒍᔅᑦ 30-ᒧᑦ, ᐋᑐᕚᒥ ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᐅᔨᓴᖅᓯᑎᓪᓗᒋᑦ ᐱᑕᖃᓪᓚᕆᒃᑐᒥᒃ ᓄᕙᒡᔪᐊᕐᓇᖅ-19−ᒥᒃ ᑕᐃᑲᓂ ᐃᓂᒥ, ᐃᓚᒋᔭᐅᔪᖅ ᓄᓇᕗᑦ ᒐᕙᒪᖓᑕ ᑳᓐᑐᓛᖃᖅᑎᐅᔪᑦ ᓇᐅᑦᑎᖅᓱᖅᓯᓂᕐᒧᑦ ᐱᓕᕆᖃᑎᒌᓂ ᐱᓕᕆᖃᑎᒌᓂ ᖃᐅᔨᓴᖅᑕᐅᒐᒥ ᖃᐅᔨᕝᕕᐅᓚᐅᖅᐳᖅ ᓄᕙᒡᔪᐊᕐᓇᖅ-19−ᖃᑉᓂᖓᓂᒃ, ᑕᒪᓐᓇᓗ ᖃᐅᔨᓴᖅᓯᑎᑦᑎᓯᑲᐅᑎᒋᔾᔪᑕᐅᓚᐅᖅᖢᓂ.
ᐅᖃᓗᒃᐸᒌᖕᓂᖅ ᐋᓐᓂᐊᕕᖕᓄᑦ
ᑭᓯᐊᓂ ᑐᐊᕕᕐᓇᖅᑐᒃᑯᑦ ᐋᓐᓂᐊᓕᕈᕕᑦ, ᐅᖃᓗᖅᑳᕆᑦ ᐋᓐᓂᐊᕕᖕᒧᑦ ᐅᐸᓚᐅᙱᓐᓂᕐᓂᑦ. ᐅᖃᐅᓯᕆᓗᒋᑦ ᖃᓄᐃᓐᓂᕆᔭᑎᑦ, ᐋᓐᓂᐊᓯᐅᑎᓪᓗ ᐅᖃᓘᑎᒃᑯᑦ ᖃᐅᔨᓴᕈᓐᓇᖅᑐᑦ ᐃᓂᒃᓴᓕᐅᕈᓐᓇᖅᖢᑎᒡᓗ ᐃᓅᓕᓴᐃᑦᑎᐊᕐᓂᐊᕐᓗᑎᒃ.
ᒪᑐᐊᖅᓯᒪᖃᑦᑕᕐᓂᖅ ᐋᓐᓂᐊᕕᖕᓂ
ᐋᓐᓂᐊᕕᓕᐊᕈᕕᑦ ᐊᓂᕐᓂᕐᓄᑦ ᐱᔾᔪᑎᖃᕐᓗᑎᑦ ᓲᕐᓗ ᖁᐃᖅᓱᑲᑕᒡᓗᑎᒃ, ᑕᒋᐅᒃᓴᑲᑕᒡᓗᑎᒃ, ᑲᒃᑭᓕᑲᑕᒡᓗᑎᓪᓘᓐᓃᑦ, ᒪᑐᐊᖅᓯᒪᔭᕆᐊᖃᖅᐳᑎᑦ. ᒪᑐᐊᒃᓴᖃᙱᒃᑯᕕᑦ, ᐅᖃᐅᑎᓂᐊᖅᐸᑦ ᑕᑯᔭᑦ ᐋᓐᓂᐊᕕᖕᒥ ᖃᓄᐃᓐᓂᕆᔭᕐᓂᒃ, ᑐᓂᔭᐅᔪᓐᓇᕐᓂᐊᖅᐳᑎᓪᓗ.
ᑎᓕᓯᔾᔪᑎ ᐃᓅᖃᑎᒌᑦ ᐅᖓᓯᒌᒃᑕᖁᔭᐅᓪᓗᑎᒃ ᑲᑎᖃᑦᑕᕐᓂᐅᔪᓄᓪᓗ ᓈᓴᐅᑖ 8
ᐊᓯᔾᔨᕆᐊᖅᑕᐅᔪᒥᒃ ᐃᓅᖃᑎᒥᒃ ᐅᖓᓯᒃᓴᕆᐊᖃᖅᐸᖕᓂᕐᒥᒃ ᑲᑎᓐᓂᕐᒧᓪᓗ ᑎᓕᓯᔾᔪᑕᐅᔪᖅ ᐅᓪᓗᒥ (ᐊᐅᒍᔅᑦ 31) ᐊᑐᓕᓚᐅᖅᐳᖅ ᑭᐅᓯᔾᔪᑕᐅᓂᐊᖅᖢᓂ ᐃᓱᒫᓘᑕᐅᔪᓄᑦ ᐃᓕᓐᓂᐊᕐᓂᓕᕆᔨᒃᑯᓐᓂᑦ ᐱᔾᔪᑎᖃᖅᖢᑎᒃ ᐱᓕᕆᐊᒃᓴᓂᒃ ᓲᕐᓗ ᐃᖃᙱᓐᓂᕐᒧᑦ ᐊᔪᕈᓐᓃᖅᓴᕐᓃᑦ ᑐᐊᕕᕐᓇᖅᑐᑎᒍᓪᓗ ᐊᓂᑲᐅᖅᑐᕋᔭᕐᓃᑦ ᐃᑭᑦᑐᖃᕋᔭᕐᓂᖓᓄᓪᓗ ᐊᔪᕈᓐᓃᖅᓴᕐᓃᑦ.
ᐊᓯᔾᔨᖅᑕᐅᔪᑦ ᑎᓯᔾᔪᑕᐅᔪᒧᑦ ᐅᑯᓂᖓ ᐃᓚᖃᖅᐳᑦ:
ᑎᑎᕋᖅᓯᒪᓂᖓᑕ 2e ᐊᑖᒍᑦ: ᐃᓅᖃᑎᒌᑦ ᐅᖓᓯᒌᒃᑕᕆᐊᖃᕐᓂᖏᑦ ᑎᑎᕋᖅᓯᒪᓂᖓ 2 (b)−ᒥ ᐅᖃᖅᓯᒪᖕᒪᑦ ᐊᒻᒪ ᑕᓪᓕᒪᓂᒃ ᐃᓱᖃᕐᓗᓂ ᐃᓄᖃᖅᑎᑦᑎᔭᕆᐊᓖᑦ ᑎᑎᕋᖅᓯᒪᓂᖓ 2 (c)−ᒥ ᐅᖃᖅᓯᒪᔪᑦ ᐅᑯᓄᖓ ᑎᒥᐅᔪᓄᑦ ᐊᑐᙱᑉᐳᑦ:
- ᓇᓕᐊᑐᐃᓐᓇᖅ ᐃᒡᓗᖅᔪᐊᕐᒥ ᐊᓂᑎᑕᐅᓚᐅᑲᒋᐊᖃᖅᑎᓪᓗᒋᑦ ᐅᕝᕙᓘᓐᓃᑦ ᖁᖁᐊᓕᖅᐸᑦ ᐊᓂᔭᕆᐊᖃᖅᑎᓪᓗᒋᑦ, ᒪᓕᒡᓗᒋᑦ ᒪᓕᒋᐊᓕᖏᑦ ᐱᓕᕆᐊᕆᖁᔭᐅᔪᓪᓗ ᖃᑦᑎᕆᔨᒃᑯᑦ ᐊᖏᔪᖅᑳᖓᑦᑕ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᓄᑦ.
ᐃᓚᓯᔪᒪᓂᕐᒧᑦ ᑐᑭᓯᓇᑦᑎᐊᖅᑐᒥᒃ ᒪᑯᓄᖓ, ᐱᓕᕆᖃᑎᒌᓂ ᐃᖃᙱᓐᓂᕐᒧᑦ ᐱᓕᕆᖃᑎᒡᒋᓂ ᐃᓕᓐᓂᐊᕐᕖᑦ ᐃᖃᐃᓕᓴᕐᕕᖏᓐᓂ ᓄᓇᓕᖕᓂᓗ ᐱᙳᐊᕐᕕᖕᓂ, ᑕᐃᓐᓇ ᐃᓚᔭᐅᓯᒪᔪᖅ ᐃᖃᐃᓕᓴᕐᕕᓕᕆᓂᖅ ᐊᓯᔾᔨᕆᐊᖅᑕᐅᓯᒪᓕᖅᐳᖅ. ᐃᒪᓐᓇ ᑖᓐᓇ ᐅᖃᖅᓯᒪᓕᖅᐳᖅ:
- ᐃᖃᐃᓕᓴᕐᕖᑦ, ᐱᙳᐊᕐᕖᑦ, ᐊᒻᒪ ᑕᓯᓴᕐᕖᑦ, ᓇᖕᒥᓂᕆᔭᐅᔪᑦ ᐅᕝᕙᓘᓐᓃᑦ ᐊᐅᓚᑕᐅᔪᑦ ᓄᓇᕗᑦ ᒐᕙᒪᒃᑯᓐᓄᑦ, ᓄᓇᓕᖕᓂ ᕼᐋᒻᒪᓚᒃᑯᓐᓄᑦ, ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᑲᑐᔾᔨᖃᑎᒌᓄᑦ, ᑮᓇᐅᔾᔭᒐᓱᐊᖅᑎᐅᙱᑦᑐᓄᑦ ᑲᑐᔾᔨᖃᑎᒌᓄᑦ, ᐅᕝᕙᓘᓐᓃᑦ ᓇᖕᒥᓂᖃᖅᑎᓄᑦ ᑲᑐᔾᔨᖃᑎᒌᓄᑦ ᒪᒃᐱᖅᓯᒪᑐᐃᓐᓇᕆᐊᖃᖅᑐᑦ ᐃᓄᑑᑦᑕᕐᓗᑎᒃ ᐃᖃᐃᓕᓴᕈᒪᓲᓄᑦ, ᑭᓯᐊᓂ ᐃᓄᒋᐊᒃᑐᓂᒃ ᐃᖃᐃᓕᓴᖅᑎᑦᑎᖃᑦᑕᕆᐊᖃᙱᑦᑐᑦ.
ᑖᒃᑯᐊ ᓄᑖᑦ ᐊᑐᖅᑕᐅᔭᕆᐊᓖᑦ ᐅᑯᑎᒎᓇᖅ ᑎᓕᔭᐅᓯᒪᔪᑎᒍᑦ ᐊᔪᖅᑎᑦᑎᔪᑦ ᐃᓅᖃᑎᒥᒥᓂᒃ ᐅᖓᓯᒃᓴᕆᐊᖃᖅᐸᖕᓂᖅ ᑲᑎᓐᓂᕆᔭᐅᔪᓄᓪᓗ ᐊᑐᓯᑲᐅᑎᒋᕗᑦ.
ᖃᔅᓯᐅᓂᖏᑦ ᐅᐸᒃᑕᐅᑦᑕᐃᓕᒪᔪᑦ
|
ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐊᓂᑦᑕᐃᓕᔭᕆᐊᖃᖅᑐᓄᑦ ᐃᓃᑦ) |
|
|
ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ |
ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᐊᐅᒍᔅᑦ 23-ᒥᑦ ᐱᒋᐊᖅᖢᓂ |
|
ᐋᓐᓂᐊᕐᕕᓕᐊᖅᑐᑦ |
409 |
|
ᑭᒃᑯᑐᐃᓐᓇᑦ |
334 |
|
ᑲᑎᓪᓗᒋᑦ |
743 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:
|
ᐊᐅᓪᓚᕐᕕᒃᓴᖓᑕ ᐅᓪᓗᐊ |
ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐅᐸᒃᑕᐅᑦᑕᐃᓕᒪᔪᓂᖔᖅᑐᑦ |
|
29-ᐊᐅᒡᒍᓯ |
1 |
|
30-ᐊᐅᒡᒍᓯ |
45 |
|
31-ᐊᐅᒡᒍᓯ |
108 |
|
01-ᓯᑎᐱᕆ |
45 |
|
02-ᓯᑎᐱᕆ |
54 |
ᐃᖅᑲᓇᐃᔭᕆᐊᖃᓪᓚᕆᒃᑐᑦ ᑐᒃᓯᕋᖅᑕᐅᔪᑦ
ᐊᐅᒍᔅᑦ 28−ᒥ ᐱᒋᐊᖅᖢᓂ, 4827−ᓂᒃ ᑐᒃᓯᕋᖅᓯᒪᔪᖃᖅᐳᖅ, 2462−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃᑐᒃᓯᕋᕈᑕᐅᔪᑦ.
|
ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ |
# |
% |
|
ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᒻᒪᕆᐊᓗᐃᑦ ᐱᒻᒪᕆᐅᓗᐊᙱᑦᑐᓪᓗ) |
3490 |
72.3% |
|
ᐊᖏᕐᑕᐅᙱᑦᑐᑦ |
245 |
5.1% |
|
ᐅᑕᖅᑭᔪᑦ |
127 |
2.6% |
|
ᐊᐅᓪᓚᕐᕕᐅᔪᓐᓇᕐᑐᑦ ᐊᑐᖅᑕᐅᒐᔪᒃᑐᓄᑦ ᐊᖏᖅᑕᑦ |
1014 |
20% |
|
ᑲᑎᓪᓗᒋᑦ |
4827 |
100% |
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
ᑐᒃᓯᕋᐅᑎᑦ ᐅᑭᐅᖅᑕᖅᑐᒧᐊᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ ᐅᕝᕙᓘᓐᓃᑦ ᓄᓇᕗᒻᒧᑦ ᐊᐅᓪᓚᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ, ᐃᕐᙲᓐᓈᖅᑕᐅᒃᑯᑦ ᓇᓂᔭᐅᔪᓐᓇᖅᐳᖅ ᐅᕙᓂ, @email
ᐃᒡᓗᓕᐅᖅᑏᑦ ᐱᔭᕇᖅᓯᔪᑦ ᐅᐸᒃᑕᐅᑦᑕᐃᓕᒪᕝᕕᖕᒥ ᒫᓐᓇᒧᑦ ᑎᑭᖦᖢᒍ: 1159
ᓄᓇᕗᒻᒥᐅᓂᑦ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ!
ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐊᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐅᓕᒪᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.