ᐃᖅᑲᐃᑎᑦᑎᔾᔪᑎ: ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ − ᐃᒡᓗᓕᖕᒥ ᒥᑦᑎᒪᑕᓕᖕᒥᓗ
ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ
ᐃᖅᑲᐃᑎᑦᑎᔾᔪᑎ: ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ − ᐃᒡᓗᓕᖕᒥ ᒥᑦᑎᒪᑕᓕᖕᒥᓗ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᐃᑎᑦᑎᕗᑦ ᐃᒡᓗᓕᖕᒥᐅᓕᒫᓂᒃ ᒥᑦᑎᒪᑕᓕᖕᒥᐅᓕᒡᒪᓂᒡᓗ ᖃᓛᖅᑎᑦᑎᖃᑦᑕᖁᓪᓗᒋᑦ ᐃᒪᕐᒥᒃ ᐊᑐᓚᐅᙱᓐᓂᕐᒥᓂᒃ ᑭᓯᐊᓂ ᑕᐃᒪᐃᓕᐅᖃᑦᑕᖁᔭᐅᔪᓐᓃᕈᑎᒃ.
ᑕᒪᓐᓇ ᐅᔾᔨᖅᓱᕈᑕᐅᕗᖅ ᐱᓪᓗᒍ ᖁᐱᕐᕈᐊᕐᔪᖃᕐᓂᖓᓄᑦ ᐃᒪᖃᐅᑎᖃᕐᕕᖓᓂ.
ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᑎᓪᓗᒋᑦ ᐃᒥᖅᑕᐅᓂᐊᖅᑐᓕᒫᑦ ᖃᓛᖅᑎᓯᒪᔭᕆᐊᖃᖅᐳᑦ 1-ᒥᓂᑦᒥᒃ ᑭᒡᓕᖃᖅᑐᒥᒃ.
ᐃᒥᓕᒫᑦᑎᐊᑦ ᖃᓛᖅᑎᑕᐅᔭᕆᐊᖃᓪᓚᕆᒃᐳᑦ ᐅᑯᓄᖓ ᐊᑐᖅᑕᐅᓂᐊᖅᑐᐊᕈᑎᒃ:
• ᐃᒥᕐᓂᐊᕐᓗᒍ;
• ᐊᒫᒪᒃᑕᐅᓂᐊᖅᑐᓄᑦ ᓄᑕᕋᓛᓄᑦ;
• ᐃᒥᒐᒃᓴᓕᐅᕐᓂᐊᕐᓗᓂ ᓂᓚᓕᐅᕐᓂᐊᕐᓗᓂᓗ;
• ᓰᕐᓇᖅᑐᓂᒃ ᓰᕐᓇᖏᑦᑐᓂᒡᓗ ᐱᕈᖅᑐᕕᓂᕐᓂᑦ ᐃᕐᕈᖅᑐᐃᓂᐊᕐᓗᓂ;
• ᓂᖅᖠᐅᕐᓂᐊᕐᓗᓂ; ᐅᕝᕙᓘᓐᓃᑦ
• ᑭᒍᑎᓯᐅᕐᓂᐊᕐᓗᓂ
ᐃᒥᕐᒥᑦ ᖃᓛᖅᑎᑦᑎᔪᓐᓇᖅᑐᑎᑦ ᐅᒃᑯᓯᖕᒧᑦ ᖃᑦᑕᕐᒧᓪᓘᓐᓃᑦ ᐃᒐᐅᑉ ᖄᖓᒍᑦ ᐅᕝᕙᓘᓐᓃᑦ ᑲᑉᐳᔾᔭᕆᐊᓕᖕᒧᑦ ᐆᓇᖅᓯᑦᑏᔾᔪᑎᒧᑦ ᐃᒻᒥᓂᒃ ᖃᒥᓲᖑᙱᑦᑐᒧᑦ. ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓂᖅ ᐅᑯᓂᖓᑐᐊᖅ ᐊᑐᕐᓗᓂ ᑎᑎᕋᖅᓯᒪᔪᓂᒃ ᖁᓛᓂ.
ᐃᓐᓇᐃᑦ, ᒪᒃᑯᒃᑐᑦ ᐊᒻᒪ ᐊᖏᓂᖅᓴᐃᑦ ᓄᑕᖅᑲᑦ ᐅᐊᓴᕈᓐᓇᖅᑐᑦ ᖁᓛᒍᑦ ᑯᕕᓲᒃᑯᑦ ᐊᑐᕐᓗᑎᒃ , ᐅᕕᓂᖕᓂᐊᕈᓐᓇᖅᑐᑦ ᐅᕝᕙᓘᓐᓃᑦ ᐅᐊᓴᕈᓐᓇᖅᑐᑦ ᐊᑐᕐᓗᑎᒃ ᑯᕕᔪᒥᑦ ᐃᒪᕐᒥᒃ, ᑭᓯᐊᓂ ᓂᐅᖅᑕᐃᓕᒪᓗᒍ. ᓄᑕᕋᓛᑦ, ᐱᓱᒋᐅᖅᑐᑦ ᐊᒻᒪ ᐃᓄᐃᑦ ᐋᓐᓂᐊᓖᑦ ᐊᓪᓚᕈᑎᓛᕐᒧᑦ ᐅᐊᓴᖅᑕᐅᓗᑎᒃ ᐄᓯᖁᓇᒋᑦ ᐃᒪᕐᒥᒃ.
ᐊᒡᒐᑎᑦ ᐅᐊᓴᐃᓐᓇᕈᓐᓇᖅᑕᑎᑦ ᑯᕕᔪᒧᑦ ᐃᒪᕐᒧᑦ. ᐊᒡᒐᑎᑦ ᐅᐊᓴᑦᑎᐊᕐᓗᒋᑦ ᐅᐊᓴᐅᑎᒧᑦ ᐃᒪᕐᒧᓪᓗ ᒥᑭᓐᓂᖅᐹᖃᕐᓗᒍ 20−ᓄᑦ ᑎᑦᑕᑯᓗᖕᓄᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email