COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 13, 2020
COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 13, 2020
Hivuliuqtimin nutaamik tuhaqtidjutaa
Ublaakkut. Qaujip[kaqtauhaaqtugut aallamik naunaiqtaujumik aannialiqtumik COVID-19 qalagjuarnirmik, Arviani. Tamatkikhugu Kivallirmi avikturnianni umiktaujut qajangnaitkutikhanut. Una kajumnikpiaktuq aullaninga, ikajuqtigut utaqqinguqtaulinahuarluhi.
Nunavunmi piqalirmiujut hitamanik naunaiqtauhimajunik aanniarutimik COVID-19 qalagjuarnirmik.
Uqaqtinniaqtara Dr. Patterson aalanik naunattiarutikhanginnik imaalu kiulugit apiqqutaujut, kihiaini, maliqattiarnahuarlugit hapkuat inungnut aanniaqtailinikkut maliqattiaqujauhimajut.
Unnagutijunaqhijarma ]uqautigijara, uqattarugit algakkit, maliqalugit inungnungauhimaittumik imaalu inungnin ungahiktilaaqarlutik, pulaaqtailuluhi katimaqatigiikkuffi ikittuuluhi. Kivallirmi, aihimavaglutit aannialiruvit.
Hivajarlugit COVID hivajautaanut 1-888-975-8601 qaniklihimanahugiguvit aanniaqtumut. Akunganirmi 10 mungaqqan 6 mi unukpan. EST.
Naamadjavuhi, Nunavummiut. Ihuaqtumik iohumavaglugit imaalu qajanginnaqhimaittumik aanniaqtailitikharnik aallanullu inungnut aanniaqtailitikhanik. Inungnut tamainnut Sanikiluarmi, Kangiqlinirmi hamanillu Arviani, tamainullu nunanginut Kivbllirmi Nunavunmillu, munarittiaqpakluhi.
Atanilluaq Nunallaani Aanniaqtailinikkut Havaktimin nutaanik-ilitturipkaidjuti
Ublaakkut. Ipakhaq unnuktumi naunaiqhijugut inungmik Arvianit ihivriuqhidjutait aanniaiqtuq Arvianit naunaiqtaujuq aannialiqtuq COVID-19 qalagjuanirmik. Una inuk utiqtuq Arvianutt iniqhilhaaqtitluni 2 havainiinik atauhirmi avalingarvikhami najagaani Winnipegmi. 7 ubluni utiqhimaluqhuni nunaminut, aannialiqtuq aallangajunik COVID-19 qalagjuanirmik, imaalu upautipuni munaqhitkunut. Qaniqtitlugit 2-3 ublut mihingnautingit ingattaqtut, ahiit aullaqtitauffaaqtuq Winnipeg-mut. Tamna inuk ihivriuqtaujuq COVID-19 qalagjuanirmikaannialiqtumik pidjutiqaqhuni utirami uvani Hilkutirvia 12. Tamna inuk ahianiittuq aanniarvingmit imaalu naamainaliqhuni. Qaniklihimayainnik aanniaqtumut naunaiqtauliqtut ukuallu jukhanik Amigaqhuutiqaqtumik Havaqatigiiktut Ikajuqtiujut utaqqiliqtut ihariagijaugumik.
Inuk ihivriuqtauhimajut aannialiqtumik COVID-19 qalagjuanirmik Kangiqlinirmi aadjikkutavjanik iidjuhiqaqhimajuq. Tamarmik talvaniihimajuk Winnipeg-mi, inikhihimajuk avalingarvikhamingnik nungudjuqiliqtitlugu Tattiarnaqhilirvia, imaalu mihingnautiqaliqhutik naatitlugu 1 havainirmi utiqhimaluqhutik Nunavuvunmut. Una inuk naamakhivalliajuq aihimajuq tadja. Qaniklihimajainnik aanniaqtumut naunaiqtaujut, ublumimut, aallanik inungnik Kangiqlinirmi naunaiqtaungittut aannialiqtumik COVID-19 qalagjuanirmik.
Aullarviuqattaqtut tingmitikkut ihumalungaqtugaluaktut,uqallalimaittugut itqumajakhanik humit hapkuat inuit aanniaqtumut qaniklihimajakhainnik COVID-19 qalagjuanirmik. Taimaittumik una pidjutigiplugu imaalu ihumagiplugit malruuliqtuuk aanniaqtuk avikturnianni, ihumaliuqtunga maliqattiaquplugit pittailijaujut imaalu amigaigjuumiplugit inungnut aanniaqtailinikkut maliqattiaqujauhimajut tamainni nunallaani Kivallirmi.
Atuliqtauharluni qilamik, tamaita maniliuqhimaaqtun maniliungituniklu nanminiqaqtunik Kivallirmi nunallaani umikhimajukhat, talvuunakiak Niqinik niuvaivingit; Uqhurjualiqijit, akhaluutiliqijutlu najugait; Kanadami Titiraqarvingit; Maniliqivirjuangitlu. Niriviiit aquiqtuqtauhimayunik niqinik angmaumaniaqtun talvuuna akhurnaqtumik atuqtakhagiyainik ilauyuq, tamaita niuvagiaqtun 2 miitaanik ungahiktilaaqaqtukhat taima avatqulimaitait 10nik inungnik utaqiuqtunik ikayuutikharnik talvuuna. Tamaita inungmut kivgaqtuidjutikhat tunihijut, taimaittunik nujaliqijikkut, iqaijainikkut, unikhimaniaqtut. Matukhat atuqqujaujut inungnut tamainnut anihimagumik ahianut aimavingmingnit.
Ilauyukharlu, tamaita iliharviit, ilauyurlu Nunavunmi Inirnirit Ilihaapaalirviit, kanatami, nunaptingnilu, nunalaanilu kavamangit havagviit umikhimayukhat tapkuat kihimi kivgaqtuluangit havaktun. Tamaita katimadjutikhangit atuqtauyukhaungiqtun tallimanik inungnik katimayukhaungitunlu aihimavingmini.
Atulirluni Unaguiqhirvik, tamaita tingmitikkut aullarniq iluanni talvangalu Kivallirmi avikturnianni nutaqtitauniaqtuq tahapkuanginnait amigaqhuutaujut aanniaqtut aullaqtukhat, ajuqhautiqaqtunut aanniaqtunut kiudjutikhat, tingmitikkut amigaqhuutaujunut, imaalu agjaqtaujukhat niqit hunavaluillu. Aullarnahuaqtut ahianit Kivallirmit nuuitauniaqtut talvuuna imaaluuniit avikturniagut pipkaktauniaqtut. Kinaliqaak tingmijukhaq Kivallirmut hivitutqijanik 24 ikaarniit, tuhaqtitauniaqtuq tingmitikkut aullarnirmnik pittailijauniaqtut. Anguniaqtiit qimagiaqaqtaat nunalaangit kihimi aulaaqtukhaungitun allanun nunalaanun inugiaqaqtunik nunagijaujuni.
Kinaliqaak amigaqhuutaujunut tingmijukhaugumik talvanga Kivallirmit kinguagut Unaguiqhirvik, uukturiaqaqtut talvunga @email tunijaulutiklu tingmijukhat angirunmik titiqqamik.
Uqaudjijunga inungnik tamainnik maliqatqupolugit inungnut aanniaqtailinikkut maliqattiaqujauhimajut piliuqtauhimajunik, aanniaqtailitikhatit nutqaqtidjutikhanut hiamitiqtailitikhanut aannialaqidjutit.
Quana
As part oIlaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:
Havagviat Aanniaqtailinikkut
Kihiani amigaqhuutiqaqqan, apirijaujut inungnun Kivallirmi avikturnianni uvanillu Sanikiluarmi hivjaqujaujut munaqhitkunut hivuagut uqaudjaulutik qanuriliurutikhamingnik. Inuk kituliqaak apiqutiqaqqan talvuuna COVID-19 qalagjuarnikkut apirijaujut hivajagraqaqtun hivajautaanun umunga 1-888-975-8601.
Naunaiqtauhimajut hitamnat aannialiqtut COVID-19 qalagjuanirmik Nunavunmi. Attautimun amigaitilangit inuit munarijaujut ublumimun4017. Tadja735 inuit tadja munarijaujun.
Umiktut/Taimaaqtut/Nutqaqtitaujut kivgaqtuidjutikhangit (Kivallirmi avikturnianni, Sanikiluarmi):
- Tamaita aallangajut ihivriuqhirvikhangit nutqaqtitaujut kihiani qakugu ilitturipkaqtaugumik.
- Kiguhiqivik kivgaqtuidjutikangit nutqaqtitaujut tahapkuanginnait amigaqhuutaujut.
- Telehealth takuujauvikhangit nutqaqtitaujut kihiani qakugu ilitturipkaqtaugumik.
- Amigaqhuutaungittut tingmijukhat aanniarviliaqtukhatIqalungnut kinguvaktitaujut. Ihivriuqhirvikhangit ihuaqhaqtauffaarniaqtut qakugu naunaiqtauniaqtut.
- Aimaviinnut munaqtiujunit ihivriuqtaujaqtuqpaktut pulaaqtaqhutik nutqaqtitaujut tadja.
Ihuaqhaqhimajut kivgaqtuutait (Kangiqlinirmi):
- Tamaita hinngaijaujut upautivikhangit takujauvikhanginnik naunaiqtauhimajuinnarnik ubluani ubluqhiutikkullu, talvuuna irniurvikgmi takujauniaqtut.
Atauttimun (Tamaita Avaliingaarnikkut Najurviit) | |
Aullaaqtuq Qanurittumik | Inuit Avaliinngaaqtitaujut talvannga Hilkutirvia 13 |
Aanniarnikkut | 520 |
Inuit Nunalaani | 283 |
Attautimun | 803 |
Aullaqhimajun utiqtun naunaijautaa:
Aullarvia Ublua | Amigaitilaangit Aullaaqtun Avaliingaarvingnin |
Hilkutirvia 13 | 44 |
Hilkutirvia 14 | 0 |
Hilkutirvia 15 | 20 |
Hilkutirvia 16 | 113 |
Attautimun | 177 |
Ihariagijauqpiaqtuni Havaktini Tukhirutin
Talvannga Hilkutirvia 13, pilik 8774 tukhirutinik, 4116ngujun ihariagijauqpiaqtuni havaktini tukhirutinik.
Tukhiutait Qanurinniit | # | % |
Angiqtaujut (ilaujun ihariagijauqpiaqtun ihariagijauqpiangittullu) | 5867 | 66,9 % |
Qin’ngijaujun | 280 | 3,2 % |
Ihumaliuqtaujun huli | 231 | 2,6 % |
Aullauvilluarvigijainni Nunat Aagiqtauhimayut | 2396 | 27,3% |
Attautimun | 8 774 | 100 % |
Havagviat Ilinniaqtuliqijikkut
Kivallirmi avikturnianni
K-12 Iliharviit
- Malikhugu Nunavunmi Atanilluaq Nunalaani Aanniaqtailinikkut Havaktimin, tamaita Kivallirmi avikturnianni ilharviit uvaniiliqtut Qaniurininga 4: Nanauqtauhimajut Aannialiqtut imaalu Nunangani Hiamitiqtuq aanniarut COVID-19 Qalagjuarniq hivunirmi ilituripkaktauffaarniaqtugut.
- Tamaita iliharviit Kivallirmi avikturnianni (Arviat, Qamaittuaq, Igluligaarjuk, Salliq, Naujaat, hamanillu Tikirarjuaq) atulirnialiqtun Qaniurininga 4 qanuriliurutikhamingnik upalungajautikhanik.
- Tamita iliharviit Kivallirmi avikturnianni umiktut ilihaqtunut, havaktinut, inungnullu kihiani qakugu ilitturipkaqtaugumik Atanilluaq Nunalaani Aanniaqtailinikkut Havaktimit.
- Tamaita ilihaidjutikhangit Kivallirmi avikturnianni havaktauniaqtut unngahiktukkut.
- Ungahiktukkut iliharnirmik havaktauniaqtut hivajautikkut imaalu ilihautikhat puuqhimajut atuqtauniaqtut.
- Ilihaijiit/iliharviit havaktingit hivajarniaqtait ilihaqtitatik ilagiillu qakugunnuaq.
- Nutaangurniit nunangani qaniriningit takupkaqtauvangniaqtut uvani Havagviat Ilinniaqtuliqijikkut qaritaujakkuurutaani: https://gov.nu.ca/education/information/2020-21-opening-plan-nunavut-sc…
- Iliharviit umiktaujut Kivallirmi avikturnianni ajuqharunaittut havaktit akiliuhiakhainnik.
- Ilinniaqtuliqijikkut pitqujait tamaita Kivallirmi avikturnianni Nunallaani Ilinniaqtulirijitkut Katimajiit (DEAs) havaktingit havagiaqtuqtukhaungittut, maliktukhat pitqujainik CPHO-mit.
- Maniliqtuutikhangit Kivallirmi DEA-kut ajurnautiqalimaittut, ukuallu Kivallirmi avikturnianni DEA-kut akhuuqhaqtaujut akiliqtuqhimmaarlugit havaktitik pidjuhimiktut.
Ilihalihaaqtut Nutaqqat Nutaqqaniklu Munaqhiviit
- Talvuuna naunaiqtaungmat aanniarutimik COVID-19 qalagjuanirmik Arviani hamanillu Kaniqlinirmi, tamaita Kivallirmi avikturnianni nutaqqiqiviiit igluqpait pitujaujut umiktaujukhat Atanilluaq Inungnun Aanniaqtailinikkut Havaktimin.
- Nunavut Kavamangit maniktaqvikhangit laisiqaqtunut nutaqqiqiviit igluqpangit Kivallirmi avikturnianni aulaniaqtun iidjuimikkut.
Sanikiluaq
K-12 Iliharviit
- Talvanga Nunavunmi Atanilluaq Nunalaani Aanniaqtailinikkut Havaktimin, Sanikiluarmi iliharviit aullajunaittut uvani Qaniurininga 4: Nanauqtauhimajut Aannialiqtut imaaluuniit Nunangani Hiamitiqtuq aanniarut COVID-19 Qalagjuarniq hivunirmi ilituripkaktauffaarniaqtugut.
- Tamaita iliharviit Sanikiluarmi umikhimaniaqtun ilihaqtunun, havaktiit, ingununlu hivutunikharnik ilitugipkaktautinanik talvanga Atanilluaq Nunalaani Aanniaqtailinikkut Havaktimin.
- Qaritaujakkut atuqtakhat ungahiktukkut iliharnirmik tikittut Sanikiluarmi Aippiunmi, Hikutirvia 10. Hapokuat tunijaujut Paatsaali Angajukhiit Iliharviannut ilihaqtunut.
Ilihalihaaqtut Nutaqqat Nutaqqaniklu Munaqhiviit
Talvuuna aulaniqalirman aanniarutmik COVID-19 Qalagjuarnirmik, nutaqqangit munagidjutikharnik igluqpainik Sanikiluarmi umikhimaniaqtun talvanga atuquyainik Atanilluaq Inungnun Aanniaqtailinikkut Havaktimin.
Iqaluit
K-12 Iliharviit
- Alikhugit Nunavutim Atanilluaq Nunalaani Aanniaqtailinikkut Havaktimit iliharviit Iqalungni (Iqaluit DEA-kut, Apex DEA-kut, unalu CSFN) aullajunaittut uvani Qaniurininga 2: Qajangnakhirjuaqtumik COVID-19 qalagjuarniq Hiamitirninga Avikturniinni, tuhaqtitaulraaqtinnatik.
- Nukaqhiit iliharviit Iqalungni (Iqaluit DEA-kut, Apex DEA-kut, unalu CSFN) angmaniaqtut ubluq tamaat, tallimani ubluni havainirmi.
- Akulliit angajukhiit iliharvianni Iqalungni ilihaudjidjuhikhait tamainut iliharlutik iliharvingmi unngahiktukkut iliharnirmik. Ilihaqtut iliharviinni 2-3 ubluni havainirmi. Naunaiyattiaqhimayut iliharvikhangit naunaiqtauniaqtut tamainni iliharviinni Qanurininga 2 qanuriliurutikhangit upalungaijautit.
Ilihalihaaqtut Nutaqqat Nutaqqaniklu Munaqhiviit
- Maliklugit Atanilluaq Nunalaani Aanniaqtailinikkut Havakti, tamaita nutaqqiqiviit igluqpait Iqalungni angmaniaqtut ataani tadja aanniaqtailinikkut qajangnaittumiklu maliktakhait maliqatqujaujullu.
Nunavunmi Inirnirit Iliharviat (NAC) Kivgaqtuutikhait
Kivallirmi Nunallaat & Iqaluit – Qaniurininga 4 - Aupajaaqtuq:
- Nunavunmi Inirnirit Ilihaapaalirviit igluqpait uniktut inungnut.
- Pijumanaqqan, iliharniaqtun ungahiktukkut.
- NAC-kuni ilihaqtut apirijaujut naunairlugit hivajautit qaritaujakkut titirarvikhait naunaitkutait (hivajautaa nampaa imaalu/imaaluuniit qaritaujakkut titirarvikhat) ilihaijinullu.
- NAC ilihaqtut, havaktiit, ilihaijillu akhuuqhaqtaujut uaqpaglugit algakkt, inungmit ungahiktilaangitaihimalutilu aanniangaguvit.
- Pulaarviit ilihaqtut iglugijainnut nutqaqtaujut inungnuc.
- Qaujihaidjutikhat pidjutiqaqtut hulipkaidjutikhat hapkunani nunallaani apirijaujut nutaqtitaulaktukhat tadjakaffuk ilaudjutikhanik nunallaani.
Iqaluit – Qaniurininga 2- Qurjiiqtaq:
- NAC-kut igluqpait umiktaujut inungnut ilaujut niriviit taigaurviit (nutannguqtaujuq hivullirmit NAC-kut Angmaffaarutikhanut Upalungaijautit).
- Iliharvikhait aullahimmarniaqtut huli ihuaqhariiqhimajut.
- NAC ilihaqtut, havaktiit, ilihaijillu akhuuqhaqtaujut uaqpaglugit algakkt, inungmit ungahiktilaangitaihimalutilu aanniangaguvit.
- Pulaaqtaililuhi ilihaqtut igluutainnut kihiani ilagiit qanitturiit tadja pulaaqtaaqtut (nutannguqtaujuq hivullirmit NAC-kut Angmaffaarutikhanut Upalungaijautit).
- Qaujihaidjutikhat pidjutiqaqtut hulipkaidjutikhat nunallaani akhuuqhaqtaujut ihuaqhaitquplugit ilaudjutikhanik nunallaani.
Havagviat Inulirijikkut
Nutararnik Munaqhijunun
Ihumaaluutiqaruvit qajangnaittumik inuuhiringnaqtumiklu nutaranik imaalu/imaaluuniit inulramiinik hivajarlugu Nunalaani Inulirijitkut Havaktinun.
Arviat:
- Ilagiinut Inuuhirittiarnirmun (CSSW): 867-857-3202 unaluuniit 867-857-6871
- Ilagiinut Inuuhirittiarnirmun Atan'ngujat 867-857 3102 867-857-6786
Qamanittuaq:
- Ilagiinut Inuuhirittiarnirmun (CSSW): 867-793-2839 unaluuniit 867-793 5126
- Ilagiinut Inuuhirittiarnirmun Atan'ngujat: 867-793 2839 unaluuniit 867-793 1348
Salliq:
- Ilagiinut Inuuhirittiarnirmun (CSSW): 867-645-7608 unaluuniit 867-645-6756
- Ilagiinut Inuuhirittiarnirmun Atan'ngujat: 867-645-5064 unaluuniit 867-645-6547
Igluligaarjuk:
- Ilagiinut Inuuhirittiarnirmun (CSSW): 867-793-5126
- Ilagiinut Inuuhirittiarnirmun Atan'ngujat 867-793 2839 867-793-1348
Naujaat:
- Ilagiinut Inuuhirittiarnirmun (CSSW): 867-462-4020 unaluuniit 867-222-1385
- Ilagiinut Inuuhirittiarnirmun Atan'ngujat: 867-793-2839 unaluuniit 867-793-1691
Tikirarjuaq:
- Ilagiinut Inuuhirittiarnirmun (CSSW): 867-896-9062 unaluuniit 867-222-2336
- Ilagiinut Inuuhirittiarnirmun Atan'ngujat 867-857 3201 867-857-6786
Nunavunmi-tamaini hivajautait nampangit: 1-844-FW-CHILD (1-844-392-4453)
Ihumaalutiqaguvit ikayuktiuyunik nutarangnik inulramiinikluuniit pihimaaqtun uqagiaqaruvitluuniit ihuaruhungitumikluuniit iliqatigiyaangat, hivayarluta uvani 1-855-522-5201 qaritauyakkutluuniit titirarluta uvani @email
Piliihimat (RCMP): 867-857-1111
Ikajuuhialiqijitkut Palihimatkutlu hivajautait naunairutit tamangni nunalaani nalvaaqtaugiaqaqtun talvani Inulirijitkut Inuuhiringnikkut havagviani talvani qaritauyaliqidjutainik uvani https://www.gov.nu.ca/family-services/information/child-protection.
Ikajuuhialiqiviit Avikturviani Hivajautait Naunairutikhangit
Arviat, Qamaittuaq, Igluligaarjuk, Salliq, Naujaat, hamanillu Tikirarjuaq:
- Kivalliq: Akiituq Hivayaut 1-800-953-8516 naqitlugit 1602
- Kivallirmi Avikturnianni Havagviat: 1-867-645-5040 ext 1602 unaluuniit ext 1600
Havaakhanun Pivallianirmun Naunairutit
Arviat, Qamaittuaq, Igluligaarjuk, Salliq, Naujaat, hamanillu Tikirarjuaq:
- Kivalliq: 1-800-953-8516 ext 1611
Inirniit Ilihaqtut unalu Ajuiqhautikhanut Ikajuutikhat (ALTS) ilihaqtut atiliuqhimajut ilihaqtakhani akiliuhiaqhimmaarniaqtut iliharnikkut ikajuhiakhamingnik nunguanut maniliurnirmut ukiungani.
Havagviat Pitquhiliqijikkut Kivgaqtuidjutikhait
Ihuaqhaqtauhimajut kivgaqtuutit
Pitquhiliqiyitkut tadja piliqtut aullahimmarniaqtut tuniukhailutik aallanik aittuuhiat ikajuutillu havaakhanun tapkua akhuuqhaijunun, munaridjutikhanun, tamaqtailinirmun uvalu utiqtinahuarnirmun pitquhiq, uqauhiq, hulilukaarniq ingilraanin Nunavunmi. Tamainni nunallaaniitut, maniliurahuangittut timiqutaujut, hamlatkut kuapuliisiikkut, imaaluuniit inullaat qiniqhiajut havaakhanun ikajuutikhanik uuktuinariaqaqtun qaritauakkut uvani https://www.gov.nu.ca/culture-and-heritage/information/grants-and-contr…
Umikhimajut kivgaqtuidjutikhat
Taiguarviat qamanittuami umikhimajuq tuhaqtitaulraaqtinnatik.
Havagvia Maligaliqijikkut
Ihuaqhaqtauhimajut kivgaqtuutit:
Nunamingni Maligaliqiyit
Inungmik katimaqatiqaqtukhat Nunalaani Maligaliqinikkut pittailijaujut amigaqhuutaujunut kihianik inuk hivajautaitpat imaalu qajangnaittumik najuganik hivajarvikhanik kivagaqtuijunut hivajautikkut. Inuit apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038. Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.
Nunallaami Itiqtauvingit
Kivallirmi Avikturnianni Nunallaani Itiqtauviit havagviit umiktaujut inungnut ilitturipkaktitaugumik kihimi. Tamainni Kivallirmi Nunanginni Itiqtauviinni inuit unniqtukhaujut hivajautikkut Avikturnianni Ata'nngnujaujunut Itiqtauviit Havaktiinut hapkununga hivajautanut: 1-888-770-7696.
Umikhimajut/Taimaaqtihimajut/Nutqaqtihimajut kivgaqtuutit:
Itiqtauviiit Igluqpait
Naunaittumik aanniaqtailinikkut qajangnaittumiklu tamaita havaktiit itiqtauhimajullu talvaniittut itiqtauvianni, tamaita inungnik pulaarvikhangit nutqaqtitaujutkihiani qakugu ilitturipkaqtaugumik.
Havagviat Pivalliayuliqiyitkut Ingilrayuliqiyitkullu kivgaqtuutikhait
Aulahimaaqtun kivgaqtuutit:
- Milviinni aulapkaidjutikhat imaalu munaqhijut ikajuutikhat aullahimmarniaqtut Nunavunmi Milviinni Havagviat Kangiqlinirmi.
- Pivikangit Kivallirmi Milvianni Igluqpaanuttahapkuanginnarnut havaktiinainnun, aullaqtukhanut, imaalu inungnut ikajuqtiujunut aullaqtukhanut.
- Matukhat atuqtaujariaqaqtut tamaat Nunavunmi Milvianni Igluqpangmi.
Ihuaqhaqtauhimajut kivgaqtuutit:
- Nunallaani Ujagakhiurviit Havagviit Arviani havangniaqtut aimavingmingnit.
- AHailijut akhaluutikkut Kivgaqtuidjutikhangit Kivallirmi Avikturniannipittaaqtut qaritaujakkut.
- Tamaita aallat havagviujut kivgaqtuutikhait Kivallirmi avikturnianni nuutirnialiqtut havaglutik aimaviinnit, Aulapkaijit aallallu havaktukhaujut havaktit havangniaqtut havgvingmingni.
- Akhaluutiliqinikkut Atiliurnikkut imaalu amihunut Laisikhanik nutannguqtirutikhat havaktauhimmaaktut huli.
- Inuup Naunaitkutait piksalik Kivallirmi tunijauttaaqtut qilamiurutaukpata.
- Nutaanik Akhaluutituutikhanik Aqudjutikhanik Laisikhanik havaktaujunaittut Kivallirmi kihiani qakugu ilitturipkaqtaugumik.
- Uuktuutikhat hapkuninga kivgaqtuidjutikhanik paqitaulajut uvani https://www.gov.nu.ca/motor_vehicleshapkuninga:
- Aqutiujup Laisit Nutannguqtiutikhat
- Nunavunmin Naunaitkutikhaq Ilitaridjutikharnik Piannannuat Nutannguqtiutikhat
- Akhaluutinut Atiliurutikhanik Nutannguqtiutikhat
- Tukhiutit Aqutip Aqudjutainnik Naunaitkutinik, Akhaluutinik Qiniqhiadjutit, imaalu Pijaqtuqhikapat Unniudjutit
Umikhimajut/Taimaaqtihimajut/Nutqaqtihimajut kivgaqtuutit:
AllTamita amigaqhuutaungittut Akhaluutikkut Kivgaqtuidjutikhangit Kivallirmi ilaujut Aqudjutikhanik Ajuittakhanik Naunaijautikhat, tamaita Pulaaqtinut Havagvinganut Pinahuarutikhat tamaita havagviujunut Kivallirmi katimaplaiviit imaalu inungnik ajuiqhaudjidjutit.
Havagviat Avatiliqiyitkut Kivgaqtuutikhait
Aulahimaaqtun kivgaqtuutit:
Havagviangit Avatiliqijitkut aulahimaaqtun tuniyangat ikayuutikharnik Nunavunmi tamainni aulayuitun, malikhautiplugit atuqtakharnik nunalaani inuuhirinikkut uuktuutikharnik.
Havagvik aulahimaarniaqtun kiudjutikharnik ayungnautiqaqtunik uumayunik kuvihimayuniklu. Tamaita kuvijuqaqqan unniqtaujukhat taffumunga Nunavunmi Kuvijuqaqqan Hivajautaanut uvani 867-920-8130, 24 ikarniinni ublumi: https://www.gov.nu.ca/environment/documents/spill-response
Nanunik munaqhidjutikhangit aullahimmarniaqtut munarilugit nunallaani tikitauqattaqtut nanunit amihuarjunit (ukuat. Arviat hamanillu Tikirarjuami), maliktakhainnik inungmut qaniklittaililutik inungullu maliklugillu maliqatqujauhimajut naunaiqtauhimajunik Atanilluaq Nunalaani Aanniaqtailinikkut Havaktimit.
Umikhimaniaqtun/Nutqaqtitauniaqtun/Taimaaqtitaujut ikajuutikhat
Tamaita uumajuliqijikkut havagviit Kivallirmi avikturnianni umiktaujut inungnut kihiani qakugu ilitturipkaqtaugumik. Uumaljuliqinikkut kiudjutikhat 24 ikaartniinni ublurmi, hivajarlutit:
- Arviat: 867-857-6944
- Qamanittuaq: 867-793-1692
- Igluligaarjuk: 867-222-0330
- Salliq: 867-222-0058
- Naujaat: 867-222-1437
- Kangiqlinirmi: 867-645-6447
- Tikirarjuaq: 867-341-0388
Havagviat Kavamaliqijikkut
Ihuaqhaqtauhimajut kivgaqtuutit:
Kavamatkut Kivgaqtuijiit Havagviit Kivallirmi avikturnianni umikhimajut inungnut. Kavamatkut Kivgaqtuijiit Havagviit havangniaqtut unahiktukkut imaalu uqarviginnariaqaqtut uvani:
- Kangiqlinirmi: Lydia Tatty, Avikturnianni Atan'ngujarjuangat, Kivalliq, @email
- Naujaat: Goretti Panika-Tinashlu, Kavamatkuni Kivgariyainut Havakti, @email
- Salliq: Elizabeth Ningeongan, Kavamatkuni Kivgariyainut Havakti,@email
- Igluligaarjuk: Maliki Kattegatsiak, Kavamatkuni Kivgariyainut Havakti, @email
- Tikirarjuaq: Sharon Okalik, Kavamatkuni Kivgariyainut Havakti, @email
- Arviat: Sharon Illnik, Kavamatkuni Kivgariyainut Havakti, @email
- Qamanittuaq: Gabrielle Kingilik, Kavamatkuni Kivgariyainut Havakti, @email
Havagviat Havaktuliqijitkut
GN-kut havagviit Sanikiluarmi hamanillu Kivallirmi avikturnianni umiktaujun inungnun.
Tamaita ihariagijaungittut Kavamatkuni Nunavunmi (GN) havaktiit Sanikiluarmi hamanillu Kivallirmi avikturnianni havangniaqtut aimavingmingni. Atan'ngujat havaqatiginiaqtatit tunilutit ingilrutinik atuqtakharniklu havagiangni aimavingnit. Ihumagijaujut ikajuutikhatit havagiangni aihimalutit paqitaullajut uvani GN Intranet qaritaujakkurutaani: http://intranet/covid19/ and will be sent via email.
Pijaqtatit havagvikpit qaritaujakkut titirarviit atiliurluti uvunga Microsoft Office 365 on your computer at https://www.office.com/ aadjiliurluguluuniit Microsoft Outlook app tigumiarnut hivajautingnut.
Tamaita ihariagijaujut GN-kuni havaktiit talvani Sanikiluarmi hamanillu Kivallirmi avikturnianni havaktaarumik aimavingmingni, havaktukhaujut aimavingmingni. Ahianut, havainariaqaqtut havagvingmingni imaalu maliklugit Aanniaqtailinirmun, Qajangnaittumiklu Inuuhiqattiarnikullu Naunaijaqhimajut hapkununga GN-kut Havagviini unalu Utirutighaanun Havagvingmun Naunaijautit hapkununga GN-kut havaktiinun, taiguarlugit ukuat COVID-19 qalagjuarnirmut Apiqhuutit Kiudjutillu tujuutauhimajut aanniaqtailinirmun qajangnaittumiklu naunaitkutit hiamitiqtailinirmun COVID-19 qalagjuarnirmik. Paqinaqtut naunaitkutikhat, apiqqutit kiudjutaillu nivingajullu uvani GN Intranet qaritaujakkurutaani: http://intranet/covid19/.
Qaritaujakkut titirarvigilugu @email pilimaitkungni GN Intranet qaritaujakkurutaani imaalu piumaguvit aadjiliuqhimajunik naunaitkutikhanik ilijauhimajunik uvani.
Tadja, GN-kut havaktiit tamaini nunallaani ukuangungittuq Sanikiluarmi hamanillu Kivallirmi avikturnianni havagiaqtuqtaaqtut iidjuhimiktut..
Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.