34 nutaat aannialiqtut COVID-19 qalagjuarnirmik Nunavunmi
Tuhaqtidjutikhaq
34 nutaat aannialiqtut COVID-19 qalagjuarnirmik Nunavunmi
Iqaluit, Nunavut (Hikutirvia 17, 2020) - Ublumimit, Nunavunmi attautimut 60-nguqtut naunaiqtaujut aannialiqtut COVID-19 qalagjuarnirmik. Itngujunik aannialiqtunik naunaiqhijut Tikirarjuami. Ilaujullu 26 nutaat aannialiqtut naunaiqtaungmijut Arviani, nunagani attautimut naunaiqtaujunik aannlialiqtut attautimut imaatut 46-nguqtut. Tamaita aannialiqtut avalingaqtitauliqtut imaalu naamainaliqhutiklu. Amigaqhuutiqaqtumik Havaqatigiiktut Ikajuqtiujut tadja ikajuqtut inungnut aanniaqtailinikkut havaktinginnik Tikirarjuami unngahiktukkut.
“Atauhiq aannialiqtuq Tikirarjuami turrangajuq Arviani aannialiqtunut, hiamitirutaujurlu aallanut saivanut inungnut. Qaniklihimajainnik aanniaqtumut naunaiqtaujukhat tamainni aktuqtauhimajunik nunallaani aullahimmaaqtut naunaijaihimmaaqtut,” uqaqtuq Dr. Michael Patterson, Nunavunmi Atanilluaq Nunalaani Aanniaqtailinikkut Havaktiat. “Umani kingulirmi havainirmi takupkaqtatigut qanuqtut kajumikpiaktumik COVID-19 qalagjuarniq hiamitiqtaaqtuq inungnut. Una kajumingninga tikiutiningalu hiamitirninganut amigaigjuumihimmaarniaqtut ikajurahungitkupta uvaptingnik maliqatingitkupta maliqatqujaujunik. Nunavummiut maliqajakhangit inungnut aanniaqtailitikhat maliqatqiujauhimajut ikajuutikhavut hiamitiqtailitikhanut aannialaqidjutit.”
Tadja naunaiqhimangittut nunangani hiamitiliriakhanik Tikirarjuami, tadja aannialiqtut aannialiqhimangmata turrangajut Arvianit. Kngiqlinirmi hitamaujut naunaiqtauhimajut aannialiqtut imaalu Sanikiluaqrmilu malruuk aanniaqtuuk.
Tlvanga Hikutirvia 16, 65 ihivriuqtaujut iniqtaujut Sanikiluarmi naunaiqtaujut aanniarutiqangittut. Kangiqlinirmi, 45 ihivriuqhidjutait naunaiqtaujut aanniarutiqangittut. Arviani ihivriuqhidjutait naunaiqhijut 63 aanniarutiqangittut. Ihivriuqhihimmaaqtut huli Tikirarjuami.
Nunavummiut ikajurahuaqtukhat hiamitiqtailitikhanik aannialaqidjutimik – pulaaqtaililutit katimaqatigihuirlugit inungnik, ativaglutit matukhamik anijaraiguvit iglungnit, pulaaqtailutit, uaqattarlugit algakkit, un'ngakhikhimalutit inungmit pijuminaqqan, algangnik tiguutitailutit, aihimalutit aanniangaliruvit. Kinaliqaak aullaqhimagumik talvanga talvuuna Arviat talvanga Hikutirvia 2 qilamik avalingaaqliqtukhaujutit 14 ubluni.
Qanuriliurutitit hulidjutitit aktuutauniaqtun tamainnun inungnut aanniaqtailidjutikhannun.
Kinaliqaak kitu ihumagumi aktuqhimanirmun COVID-19 qalagjuarnirmik hivajaqtukhat COVID hivajautaanut 1-888-975-8601 akkungani 10 ublaami. unalu 6 mun. EST-kut ubluqhiutagut, imaaluniit tuhaqtinniaqtait nunamingni munaqhitkut qilamik, ahiit qilamiurlutik avalingarvikhamingnik aimavingmingni imaatut 14-ni ubluni. Munaqhiliaqtailutin upautihuirlutillu.
Nutaanik naunaiqtakhanik atutakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/health/information/covid-19-novel-coronavirus
Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST, Pingattiut, Tarium Hikutirvia 18.
###
Tuhaqtipkainikkut Uqarvikhat
Cate Macleod
Tuhaqtakhanut Titiraqtiujuk uumunga
Hivuliqtimun Savikataaq
867-975-5059
@email
Chris Puglia
Atan'ngujaullaqtuq, Tuhaqtidjutinun
Havagviat AanniaqtailinirmutDepartment of
Health
867-975-5949
@email