ᑐᐊᕕᕐᓇᑐᒃᑯᑦ ᐊᐅᓪᓚᕈᔾᔭᐅᓂᖅ
ᑐᐊᕕᕐᓇᖅᑐᒃᑯᑦ ᐊᐅᓪᓚᕆᐊᖃᕐᓂᖅ ᖃᖓᑕᓲᒃᑯᑦ ᑐᐊᕕᕐᓇᖅᑑᕗᖅ ᖃᖓᑕᓲᒃᑰᕈᔾᔨᓲᖑᓪᓗᑎᒃ ᐱᔨᑦᑎᖅᑕᐅᔪᓂᒃᓄᓇᓕᖏᓐᓂᒃ ᖃᓂᓛᖑᔪᒧᑦ ᐋᓐᓂᐊᕕᖕᒧᑦ ᐃᑲᔪᖅᑕᐅᕕᒋᔪᓐᓇᖅᑕᖏᓐᓄᑦ.
ᑐᐊᕕᕐᓇᑐᒃᑯᑦ ᐊᐅᓪᓚᕈᔾᔭᐅᓂᖅ ᐋᖅᑭᑦᑕᐅᔪᕐᓇᖅᑐᑑᕗᑦ ᑕᕝᕙᑦᑕᐅᑎ ᐱᔪᖃᕆᐊᖃᖅᑎᓪᓗᒍ ᐋᓐᓂᐊᔪᒥᒃ ᖃᓂᓛᒧᑦ ᐋᓐᓂᐊᕕᒻᒧᑦ ᑲᒪᒋᔭᐅᕕᒋᔪᓐᓇᖅᑕᖏᓐᓂᑦ.
ᐋᓐᓂᐊᔪᖅ ᐊᒻᒪ ᐃᓚᒋᔭᖏᑦ ᐱᕕᖃᕐᓂᐊᖅᑐᑦ, ᐊᑕᐅᓯᕐᒥᒃ ᐅᕝᕙᓗ ᐅᖓᑖᓄᑦ, ᐸᕐᓇᕐᓂᐊᕐᓗᑎᒃ ᐱᔭᕆᐊᓕᖏᓐᓂᒃ ᑭᓱᓂᑦ ᓇᔅᓴᕆᐊᓕᓐᓂᒃ ᐊᐅᓪᓚᓕᖅᑲᑕ (ᐊᔾᔨᙳᐊᓖᑦ ᓇᓗᓇᐃᒃᑯᑕᑦ ᐊᐅᑦᑕᔫᕋᓛᑦ ᐱᔭᕆᐊᖃᓪᓚᕆᑉᐳᑦ).
ᐃᓛᓐᓂᒃᑯᑦ ᐊᔪᕐᓇᓲᖑᕗᖅ ᐊᖏᖅᑕᐅᓯᒪᔪᒧᑦ ᒪᓕᑦᑎᒧᑦ ᒪᓕᑦᑕᐅᔭᕆᐊᖓ ᐋᓐᓂᐊᔪᖅ ᑐᐊᕕᕐᓇᑐᒃᑯᑦ ᐊᐅᓪᓚᕈᔾᔭᐅᑎᓪᓗᒍ ᖃᖓᑕᓲᒃᑯᑦ ᐱᔾᔪᑎᖃᖅᑐᓂ ᖃᓄᐃᑦᑑᓂᖓᓄᑦ ᐋᓐᓂᕆᔭᖅ ᐅᕝᕙᓗ ᐋᖅᑭᔅᓯᒪᓂᖓᓄᑦ ᑐᐊᕕᕐᓇᑐᖅᓯᐅᑦ ᖃᖓᑕᓲᖅ.
ᑐᐊᕕᕐᓇᖅᑐᓕᕆᔩᑦ ᖃᐅᔨᓂᐊᖅᑐᑦ ᒪᓕᑦᑎᐅᔪᖅ ᐃᑭᔪᓐᓇᕐᒪᖔᖅ ᖃᖓᑕᓲᒧᑦ ᑐᐊᕕᕐᓇᑐᒃᑯᑦ ᒪᓕᓪᓗᓂ ᐋᓐᓂᐊᔪᒥᒃ. ᒪᓕᑦᑎᐅᔪᑦ ᐃᑭᔪᓐᓇᖅᑎᑕᐅᖏᑉᐸᑕ ᖃᖓᑕᓲᒧᑦ, ᖃᖓᑦᑕᖅᑎᑕᐅᒐᔭᖅᑐᑦ ᑭᖑᓪᓕᕐᒥ ᐃᓂᔅᓴᓕᐅᖅᓯᒪᔪᒃᑯᑦ ᖃᖓᑕᓲᖅᑕᖃᓕᕐᒥᑉᐸᑦ.
ᐊᑭᖓ ᑐᐊᕕᕐᓇᑐᒃᑰᕈᔾᔭᐅᓂᐅᑉ
ᖃᖓᑦᑕᐅᑏᑦ ᓄᓇᕘᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᖏᑦ ᐋᓐᓂᐊᕕᓕᐊᖅᑐᒃᑯᑦ
ᐱᔪᓐᓇᖅᑎᑕᐅᒍᕕᑦ, ᓄᓇᕘᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᖏᑦ ᐋᓐᓂᐊᕕᓕᐊᖅᑐᓄᑦ ᐊᑭᓖᓂᐊᖅᑐᑦ ᐊᑭᖓᓂᑦ ᑐᐊᕕᕐᓇᖅᑐᓕᕆᔨᒃᑯᓐᓄᑦ, $125 ᐊᑖᓂ ᐲᔭᐃᕕᐅᔪᓐᓇᖅᑐᓂᑦ, ᐅᖓᒻᒧᐃᓐᓇᖅ, ᓄᓇᕗᒻᒥᐅᑕᓄᑦ ᐊᑎᓕᐅᖅᓯᒪᔪᓄᑦ ᓄᓇᕘᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᖏᑦ ᐋᓐᓂᐊᕕᓕᐊᖅᑐᓄᑦ.
ᓇᔅᓯᐅᔾᔨᕕᐅᒐᔭᖅᑐᑎᑦ ᐊᑭᓕᕆᐊᓕᒻᒥᒃ ᐸᐃᑉᐹᒥᒃ ᑎᑎᖅᑲᓂᐊᕐᕕᒃᑯᑦ ᒪᓕᒋᐊᓕᒻᒥᒃ ᑎᑎᖅᑲᓕᒻᒥᒃ ᖃᓄᖅ ᐊᑭᓕᕈᓐᓇᕐᒪᖔᖅᐱᐅᒃ $125 ᖃᖓᑦᑕᐅᑎᒻᒧᑦ ᐊᑭᓕᕆᐊᖃᕐᓂᖓ. ᖄᖓᒍᒃᑲᓐᓂᖅ ᐊᑭᓕᔅᓴᓂᒃᑲᔭᖅᑐᑎᑦ $125 ᐅᑎᐅᑎᒌᓄᒃ ᖃᖓᑦᑕᐅᑎᒻᒧᑦ ᓄᓇᓕᓐᓄᑦ.
ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᑏᑦ ᐊᒻᒪ ᐊᓯᒃᑲᓐᓂᖏᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᑏᑦ ᐃᓕᓐᓂ ᐃᑲᔪᕈᓐᓇᖅᑐᑦ $125ᓂᒃ, ᐅᖓᒻᒧᑐᐊᖅ ᐲᖅᓯᕕᐅᔪᒥᑦ.
ᓇᕿᓪᓕ ᒪᐅᓇ ᑐᑭᓯᒋᐊᒃᑲᓐᓂᕈᒪᒍᕕᑦ ᒥᔅᓵᓄᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ.
ᒪᐅᓇ ᑐᑭᓯᒋᐊᒃᑲᓐᓂᕈᒪᒍᕕᑦ ᒥᔅᓵᓄᑦ ᓇᓪᓕᐅᒃᑯᒫᖃᙱᑦᑐᓄᑦ ᐃᓚᒋᐊᖅᑕᐅᓯᒪᔪᑦ ᐃᑲᔪᖅᑕᐅᔾᔪᑎᖏᑦ.
ᖃᖓᑦᑕᐅᑏᑦ ᓄᓇᕘᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᖏᑦ ᐋᓐᓂᐊᕕᓕᐊᖅᑐᓄᑦ ᐱᖃᙱᒃᑯᕕᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐋᖅᑭᔅᓱᐃᓂᐊᖅᑐᑦ ᑐᐊᕕᕐᓇᑐᒃᑯᑦ ᐊᐅᓪᓚᕈᔾᔭᐅᔾᔪᑎᐅᓂᐊᖅᑐᒥᒃ ᐃᓄᒻᒧᑦ ᑐᐊᕕᕐᓇᖅᑐᒦᑦᑐᒧᑦ ᓂᐊᕕᓕᐊᕆᐊᓕᒻᒧᑦ ᐅᕝᕙᓗ ᖃᓪᓗᓈᓃ ᐋᓐᓂᐊᕕᓕᐊᕈᔾᔭᐅᔭᕆᐊᖃᖅᑲᑦ.
ᑭᒃᑯᑐᐃᓐᓇᐃᑦ ᓄᓇᕗᒻᒥ ᐋᓐᓂᐊᕕᓕᐊᕈᓐᓇᐅᑎᒥᒃ ᐊᐅᒃᑕᔫᖃᙱᑦᑐᑦ ᓇᒻᒥᓂᖅ ᑲᒪᒋᔭᖃᕆᐊᓖᑦ ᐊᒻᒪ ᐊᑭᓖᔭᕆᐊᓖᑦ ᐅᑎᒧᑦ ᖃᖓᑦᑕᐅᑎᒧᑦ ᑲᒪᒋᔭᐅᕝᕕᒋᔭᖓᓂ ᐊᖏᕐᕋᕈᓐᓇᖅᓯᑎᑕᐅᓯᒪᓕᖅᐸᑕ.
ᐊᑎᓕᐅᖃᑕᐅᓯᒪᙱᒃᑯᕕᑦ ᓄᓇᕘᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᖏᑦ ᐋᓐᓂᐊᕕᓕᐊᖅᑐᓄᑦ ᐅᕝᕙᓗ ᓂᐅᕐᕈᓐᓂᕈᕕᑦ ᓄᓇᕘᒧᑦ, ᐊᑭᓕᕆᐊᓕᒻᒥᒃ ᑎᑭᕝᕕᐅᒐᔭᖅᑐᑎᑦ ᑕᐃᒪᐃᓐᓄᑦ ᐊᑭᖓᓄᑦ ᑐᐊᕕᕐᓇᑐᒃᑯᑦ ᐊᐅᓚᕈᔾᔭᐅᔾᔪᑎᑉᐱᑦ, ᑎᑭᐅᒪᒍᓐᓇᖅᑐᖅ ᐊᑭᖓ ᑎᑭᓪᓗᒍ $40,000 ᒪᓕᓪᓗᒍ ᓇᒦᕝᕖᑦ, ᓇᒦᕝᕕᖓᓄᑦ ᖃᓂᓛᖅ ᖃᖓᑕᓲᑉ ᑐᐊᕕᕐᓇᑐᖅᓴᐃᐅᑦ ᐊᒻᒪᓗ ᖃᓂᓛᒧᑦ ᐋᓐᓂᐊᕕᓕᐊᕐᕕᒋᔪᓐᓇᖅᑕᓐᓄᑦ ᐊᑐᐃᓐᓇᐅᔪᓕᒻᒧᑦ ᐃᕝᕕᑦ ᑲᒪᒋᔭᐅᔾᔪᑎᒋᓂᐊᖅᑕᖏᓐᓂᒃ.
ᐊᐅᓪᓚᖅᓯᒪᓂᖅ ᐊᓂᒍᖅᑲᑦ, ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᓇᔅᓯᐅᔾᔨᒐᔭᖅᑐᑦ ᐊᑭᓕᕆᐊᓕᒻᒥᒃ ᐸᐃᑉᐹᒥᒃ ᒪᓕᒋᐊᓖᑦ ᑎᑎᖅᑲᖏᓐᓂᒃ ᖃᓄᖅ ᐊᑭᓕᕈᓐᓇᕐᒪᖔᖅᐱᐅᒃ ᑐᐊᕕᕐᓇᑐᒃᑰᕈᔾᔭᐅᓃᑦ ᖃᖓᑕᓲᒃᑯᑦ.
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᑎᓕᐅᕆᕗᑦ ᐃᓕᓐᓂᒃ ᓂᐅᕕᖅᓯᒪᖁᔨᓪᓗᑎᒃ ᐊᐅᓪᓚᖅᓯᒪᔪᓄᑦ ᓇᓪᓕᐅᒃᑯᒫᒥᒃ ᓂᐅᕐᕈᓚᐅᙱᓂᓐᓂᒃ ᓄᓇᕘᒧᑦ. ᐋᓐᓂᐊᖃᕐᓇᖏᑦᑐᓕᕆᓂᖅ ᓄᓇᕘᒥ ᐊᑭᑐᔪᐊᓘᔪᓐᓇᕐᖓᑦ. ᐅᐸᓗᖓᐃᔭᖅᓯᒪᒋᑦ ᑐᐊᕕᕐᓇᖅᑐᓄᑦ.
ᑐᔪᕐᒥᔾᔪᑏᑦ ᓂᕆᔾᔪᑏᓪᓗ
ᑐᔪᕐᒥᔾᔪᑏᑦ ᓂᕆᔾᔪᑏᓪᓗ ᐃᓄᓐᓄᑦ ᑐᐊᕕᕐᓇᖅᑐᒃᑰᖅᓯᒪᔪᓄᑦ ᐊᑭᓕᖅᓱᖅᑕᐅᖏᑦᑐᑦ ᓄᓇᕘᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᖏᑦ ᐋᓐᓂᐊᕕᓕᐊᖅᓯᒪᔪᓄᑦ.
ᑐᔪᕐᒥᔾᔪᑏᑦ ᓂᕆᔾᔪᑏᓪᓗ ᐊᑭᓕᖅᓱᖅᑕᐅᔪᓐᓇᖅᑐᑦ ᓄᓇᕗᒻᒥᐅᑕᓄᑦ ᐊᑎᓕᐅᖅᓯᒪᔪᓄᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᒃᑯᑦ, ᓇᓪᓕᐅᒃᑯᒫᖃᙱᑦᑐᓄᑦ ᐃᓚᒋᐊᖅᑕᐅᓯᒪᔪᑦ ᐃᑲᔪᖅᑕᐅᔾᔪᑎᖏᑎᒍᑦ ᐅᕝᕙᓗ ᐃᖅᑲᓇᐃᔭᕐᕕᑎᒍᑦ ᓇᓪᓕᐅᒃᑯᒫᖃᕐᕕᓕᕆᔨᖏᑐᒍᑦ.
ᓇᕿᓪᓕ ᒪᐅᓇ ᑐᑭᓯᒋᐊᒃᑲᓐᓂᕈᒪᒍᕕᑦ ᒥᔅᓵᓄᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ.
ᓇᕿᓪᓕ ᒪᐅᓇ ᑐᑭᓯᒋᐊᒃᑲᓐᓂᕈᒪᒍᕕᑦ ᒥᔅᓵᓄᑦ ᓇᓪᓕᐅᒃᑯᒫᖃᙱᑦᑐᓄᑦ ᐃᓚᒋᐊᖅᑕᐅᓯᒪᔪᑦ ᐃᑲᔪᖅᑕᐅᔾᔪᑎᖏᑦ.
ᓇᕿᓪᓕ ᒪᐅᓇ ᑐᑭᓯᒋᐊᒃᑲᓐᓂᕈᒪᒍᕕᑦ ᒥᔅᓵᓄᑦ ᓄᓇᕘᒥ ᐋᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᖏᑦ ᐋᓐᓂᐊᕕᓕᐊᖅᑐᓄᑦ.
ᑐᐊᕕᕐᓇᑐᒃᑯᑦ ᒪᓕᑦᑎᐅᔪᓄᑦ
ᐃᓛᓐᓂᒃᑯᑦ ᐊᔪᕐᓇᓲᖑᕗᖅ ᐊᖏᖅᑕᐅᓯᒪᔪᒧᑦ ᒪᓕᑦᑎᒧᑦ ᒪᓕᑦᑕᐅᔭᕆᐊᖓ ᐋᓐᓂᐊᔪᖅ ᑐᐊᕕᕐᓇᑐᒃᑯᑦ ᐊᐅᓪᓚᕈᔾᔭᐅᑎᓪᓗᒍ ᖃᖓᑕᓲᒃᑯᑦ ᐱᔾᔪᑎᖃᖅᑐᓂ ᖃᓄᐃᑦᑑᓂᖓᓄᑦ ᐋᓐᓂᕆᔭᖅ ᐅᕝᕙᓗ ᐋᖅᑭᔅᓯᒪᓂᖓᓄᑦ ᑐᐊᕕᕐᓇᑐᖅᓯᐅᑦ ᖃᖓᑕᓲᖅ.
ᑐᐊᕕᕐᓇᖅᑐᓕᕆᔩᑦ ᖃᐅᔨᓂᐊᖅᑐᑦ ᒪᓕᑦᑎᐅᔪᖅ ᐃᑭᔪᓐᓇᕐᒪᖔᖅ ᖃᖓᑕᓲᒧᑦ ᑐᐊᕕᕐᓇᑐᒃᑯᑦ ᒪᓕᓪᓗᓂ ᐋᓐᓂᐊᔪᒥᒃ. ᒪᓕᑦᑎᐅᔪᑦ ᐃᑭᔪᓐᓇᖅᑎᑕᐅᖏᑉᐸᑕ ᖃᖓᑕᓲᒧᑦ, ᖃᖓᑦᑕᖅᑎᑕᐅᒐᔭᖅᑐᑦ ᑭᖑᓪᓕᕐᒥ ᐃᓂᔅᓴᓕᐅᖅᓯᒪᔪᒃᑯᑦ ᖃᖓᑕᓲᖅᑕᖃᓕᕐᒥᑉᐸᑦ.
ᒪᓕᑦᑏᑦ ᐴᖃᐃᔭᕆᐊᖃᖁᑦ ᐊᓐᓄᕌᓂᑦ, ᐄᔭᒐᕐᓂᑦ, ᐊᒻᒪᓗ ᐊᓯᒃᑲᓐᓂᖏᓐᓂᒃ ᑭᓱᓂᑦ ᐋᓐᓂᐊᕕᓕᐊᖅᓯᒪᔫᑉ ᐱᔭᕆᐊᓕᖏᓐᓂᒃ ᑐᐊᕕᕐᓇᑐᒃᑰᕈᔾᔭᐅᑎᓪᓗᒍ.
ᑐᑭᓯᒋᐊᒃᑲᓐᓂᕋᔅᓴᑦ
ᐋᓐᓂᐊᕕᓕᐊᖅᓯᒪᔪᓄᑦ ᑐᑭᓯᒋᐊᕈᑎᔅᓴᑲᓐᓂᕐᓄᑦ ᐋᓐᓂᐊᕕᔅᓯᓐᓄᑦ ᓄᓇᓕᔅᓯᓐᓄᑦ ᐅᖄᓚᔪᓐᓇᖅᑐᑎᑦ.
ᑕᒪᐃᓐᓄᑦ ᑐᑭᓯᒋᐊᕋᔅᓴᓄᑦ ᒥᔅᓵᓄᑦ ᑐᐊᕕᕐᓇᑐᒃᑯᑦ ᐊᐅᓪᓚᕈᔾᔭᐅᓂᐅᑉ, ᑐᑭᓯᒋᐊᕐᕕᒋᔪᓐᓇᖅᑕᑎᑦ ᓄᓇᕘᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᓕᕆᔩᑦ ᐊᓪᓚᕝᕕᖓᓄᑦ ᓇᓗᓇᐃᖅᓯᒪᔪᑦ ᑐᕌᕐᕕᔅᓴᖏᓐᓄᑦ:
Nunavut Health Insurance Programs Office
Department of Health
Box 889
Rankin Inlet, NU
X0C 0G0
ᐅᖄᓚᐅᑎᖓ: (867) 645-8001
ᓱᒃᑲᔪᒃᑯᓪᓘᓐᓃᑦ ᐅᕗᖓ: (867) 645-8092
ᐊᑭᖃᙱᑐᒃᑯᑦ ᐅᖄᓚᐅᑎᖓ: (800) 661-0833
ᐃᕐᖐᓈᖅᑕᐅᑎᒃᑯᑦ: @email