Hunauvaa ihuinaqtuq?

Pittiarahuarnirmut Havakti - Hunauvaa ihuinaqtuq?

Ihuinaqtuq naunaiqtauhimayuq maliruagakhani Kangiqhidjutiqaqtuq imatut hapkuat nallianik qanuriliurutiqarumi havakti imigut kavamatkuni havaktunut pidjutauyunut:

(a)  ihuirutigivlugit maligarmut Maligaliurviptingni, Kanataup Katimavikyuangani  uvaluunniit maligaliurviani aviktukhimanirmi avikturhimaniini, uvaluunniit  maliruagakhalliuktauhimayunik atani umani Maligarmi;

(b) maliqatingitkuvit maliktakhaliukhimayainik Ministap, tamna Minista  munaqhiyuq  Kiinauyaliqinirmut Munariniq Maligat, uvaluunniit   Kiinauyaliqinirmut Munaqhiyit Katimayiit pilluarutiqaqtunik mikhaagut kavamatkuni havaktunut  uvaluunniit  kavamatkut piqutainik havaktip munariyakhainik;

(c) ihuittumik atuqtauniit kavamatkut maniinik uvaluunniit  kavamatkut piutainik;

(d) akhut ihuittumik munaqhidjutainik kavamatkut piutainik uvaluunniit  tamayat havaktip munariyakhainik, ilauyut maligat uvaluunniit  ihuinaarutimingnunluuniit  quyannginautauhimayumik uvaluunniit piniaktaqhimayumik ihuaqtumik munaqhidjutikhainut kavamatkut piutainik uvaluunniit  atuqtakhainik;

(e) ikhihaaktauyut uvaluunniit  uqamilukviuhimayuq akkuktauhimayuqlu kinamit inungmit ahianit havagvigiyaminit uvaluunniit  ihuinaqniraqtauyunit inungnit uvaluunniit  kaatraqaqtunut piyunnautait kinaliqap inuup tunihidjutainik pivikhaqautikhainik uvaluunniit  tuniyauhimayunut  pivikhaqautikhainik uvaluunniit  tuhaktakhanik pivikhaqautikhanik qanurittunik havagviuyunit katimayiuyunitlu;

(f) maligaq uvaluunniit  ihuinaarutimingnunluuniit   ihuirutauvaktut qayangnaqtutlu inuuhirmut, inuuhirnirnaqtumut qayangnaittuniklu inungnut, inuitlu tamayainut, uvaluunniit  nunamutlu avatimut, allanik qayangnaqtunik pidjutauvaktunik havakhutik havariyakhamingnik havariyakhainiklu havaktip;

(g) akhut ihuinnarutiqaqqata hapkuninga  Ijjuhikhaq Pittiarahuarnirmut Ukpiriyamingnutlu;

(h) qanuriliurutainik akiniaqtaugumik  havaktip allaniklu inungnik;

(i) tukhiut, qanuriliurutikhanik uuktuquyaudjutainik atannguyamit angayukhingmut ataniq havaktimut havaktimitlu allanut inungnut ihuinnarutauhimyunik qulaanitunut.