Kuin Elizabeth II Maningnik
Kuin Elizabeth II maningnik ikayuutiqhainnik ilihaqtunut aittuutait tuniyauyut Nunavunmiunut ayuiniqhauyut ilihaqtiaqtut munaqhiliqinikkut.
Kuin Elizabeth II maningnik ilihaqtunut aittuutait tuniyauyut ukiuq tamaat ilihaqtunut ayuiniqhalluaqtunut talvani tugliani, pinggahuanilu hitamanilu ukiungginni munaqhiliqinikkut ilihautainni ilaliutiqaqhunilu $3,000 taalamik maningnik ikayuutiqhainnik ilihaqtillutik.
Kuin Elizabeth II maningnik ilihaqtunut aittuutait taamnauyuq amigaittuni Nunavut Kavamaita ikayuqpagait iliharnirmun qiniqhianirmunlu amigaingnahuaqhugit Nunavunmiut havagiami munaqhiliqinikkut tamaani nunaptingni. Ilihaqtitaugumik munaqhiuyaamingni nunaptingni, uvagut piviqhaqaqtittiniaqtuguq havaaqhaqariaqpiangniarnirmun Nunavunmiunut havagviqangniaqhutalu hakugingniqarnikkut, pitquhikkutlu atuqtaulluangniaqhuni. Quyagiyiumayatka tamaita tuniyauyut uvani ukiumi aittuutainnik aqhuuqpakkaffi iniktirinahuaqhugit ilihagutihi munaqhiliqinikkut. Munaqhiliqiiyitkut aliagiyaat ikayuqhimmaaqhutin ilihaqtillutin Nunavut Ilihaqpaalirvianni.
2022 maningnik ikayuutiqhait ilihaqtillutik taapkuat taqhiyut Ryan Buenaventura, Vayda Kaviok, Talia Grant, Angnaluaaq Friesen, taamnalu Bukola Dimeji. Aittuutait ilautigiyait Munaqhiliqiiyitkut maningnik ikayuutigiyauhimmaagutauyut ilihaqtunut munaqhiliqidjutikkut Nunavunmiutanut.